ယဉ်တိမ်းမှောက်ပြီး ဆေးရုံတက်ကုသနေရသူ၊ ဖမ်းဆီးချုပ်နှောင်ခံထားရသူနှင့် သေဆုံးသူများစာရင်း

ထိုင်းနိုင်ငံတွင် ၀င်ရောက်အလုပ်လုပ်ကိုင်ရန် အသစ်ဝင်ရောက် လာသော မြန်မာနိုင်ငံသားများ စီးနှင်း လာသည့်  ယဉ်တိမ်းမှောက်မှု ဖြစ်စဉ်တွင် အသက်သေဆုံး၊ ထိခိုက်ဒဏ်ရာရကြောင့် ဆေးရုံ တက်ကုသမှုခံယူနေရသူ နှင့် ဖမ်းဆီးခံနေရ သူများ စာရင်းကို ဖော်ပြလိုက်ပါသည်။





IDC,HP and Dead List

“ကားမတော်တဆ တိမ်းမှောက် မြန်မာ ၆ဦးနှင့် ကားမောင်းသူ သေဆုံး”

   မတ်လ ၂၈
ကိုတီး(ရခိုင့်တံခွန်)

ယနေ့ နံနက်ပိုင်းက မဲဆောက်မှ အယုဒ္ဓယ မြို့သို့  မြန်မာအလုပ်သမား ၂၀ ဦးတင်ဆောင်လာသည့် ကား တိမ်း
မှောက်သဖြင့် မြန်မာအလုပ်သမား ၆ဦးနှင့် ကားမောင်သူ ၁ ဦးသေဆုံးသွားခဲ့ကြောင်း ထိုင်းသတင်းများတွင် ဖေါ်ပြထားသည်။
ထိုင်းပုလိပ်ကား တစ်စီး လိုက်လာသဖြင့်  မြန်မာအလုပ်သမား ၂၀ ဦးတင်ဆောင်လာသည့် စူကိုထိုင်း လိုင်စင်၊ ဟိုင်းလတ်ကား အမှတ်  ကောခေါ-၇၃၅၀ မှာ အရှိန်ပြင်းစွာ မောင်းပြေးသဖြင့်  ဖနခိုစီအယုဒ္ဓယ အနီး ဘန့်ဖယ် ကျေးရွာစောင်ဟောင်း အမှတ်(၂)ရပ်ကွက် ဘန့်ဒွန်နောင် ရေးမြောင်း အကွေ့တွင် ရေမြောင်းထဲသို့ ထိုးကျ သွား ခဲ့သည်။
သေဆုံးသည့် မြန်မာအလုပ်သမား အသက်အရွယ်များမှာ အသက် ၁၃ နှစ်အရွယ်ကလေး(၁)ဦး၊ ၁၄နှစ်မှ ၁၈ နှစ်အတွင်းမိန်းကလေး(၅)ဦးနှင့် အသက် ၁၆ မှ ၁၈ အတွင်း ကျား(၁)  တို့ဖြစ်ကြသည်။
သေဆုံးသူ၆ဦး အလောင်းအား ပထုံဌာနီ စုန်ထာမစပ် လမ်းစစ် ဆေးရုံတွင်ထားရှိသည်။ ဘန်ဖယ်ကျေးရွာဆေးရုံ တွင် ၂ ယောက်  ဆေးဝါးကုသမှု ခံယူနေဆဲဖြစ်သည်။ ဒဏ်ရာ မရရှိသည့် ကျန် ၆ဦးမှာ ဘန့်ဖယ် ရဲစခန်းတွင် ချုပ်နှောင် ထားကြောင်း အယုဒ္ဓယ မြို့နယ် အလုပ်သမားအရာရှိ အမျိုးသမီးPgat Cha La Nan ကပြောသည်။

“ဒို့များ အိမ်ပြန်ကြတာ အကောင်းဆုံး”

 ယာယီပတ်စပို့နဲ့ ၀တ်ပါမစ် လုပ်ထားတယ်၊ လုပ်ငန်းရှင်မတူ ဘူးဆိုပြီး ထိုင်းပုလိပ် ဖမ်းတာပဲ။ MOU (နှစ်နိုင် ငံအစိုးရ သဘောတူ ညီချက်) အရ ထိုင်းနိုင်ငံတောင်ပိုင်း ဖူးခက်မြို့မှာ ပန်းရံအလုပ်လုပ်ဖို့ မြန်မာတွေ ၀င်လာကြတယ်၊ အလုပ်လုပ်ခွင့် ၀တ်ပါမစ် လျှောက်ထားတယ်။ အလုပ်မလုပ်သေးပဲ စောင့်နေကြတယ်။ ပုလိပ်တွေ ရောက်လာပြီး အလုပ်သမားတွေကို အလုပ်လုပ်တဲ့ ပစ္စည်း ကိုင်စေပြီး ဓါတ်ပုံ ရိုက်တယ်။ ၀တ် ပါမစ် မရှိပဲနဲ့ အလုပ်လုပ်လို့ ဆိုပြီးတော့ မြန်မာအလုပ်သမားတွေကို အချုပ်ခန်းထဲ ထည့်ထားလိုက် တယ်။ 
  MOU နဲ့ ရောက်လာတဲ့ နေရပ်ရင်းမှာ ကျပ်ငွေ ငါးသိန်းမှ ခုနစ်သိန်းအထိ အကုန်အကျခံပြီး ထိုင်းနိုင်ငံ အတွင်းကို ၀င်ရောက်လာခဲ့သူတွေ ဖြစ်ပါတယ်။ ထိုင်းဘက်ကို ရောက်တော့  အနည်းဆုံး တစ်နှစ်ကနေ ၂နှစ် အထိ လုပ်ကိုင်ပြီး တော့ ဘတ်ငွေ တစ်သောင်းကျော် ပေးဆပ်ပြီးမှ အခြားနေရာတွေကို ထွက်သွား ခွင့် ရရှိမှာ ဖြစ်ပါတယ်။
       MOU နဲ့ လာတဲ့အလုပ်သမားတွေအနက် ဆောက်လုပ်ရေးငြမ်းစင်က ပြုတ်ကျလို့ ခြေလက် ကျိုးတဲ့
သူ၊ သေဆုံးတဲ့သူနဲ့ ဒဏ်ရာရရှိသူတွေ ရှိကြပါတယ်။ နယ်စပ်မှာ ချုပ်ဆိုတဲ့ စာချုပ်နဲ့ ခိုင်စေတဲ့ အလုပ်အ
မျိုးအစား မတူညီခြင်းနဲ့ သတ်မှတ်ဈေးနုန်း မပေးခြင်းတို့ကြောင့် လွတ်ရာ ကျွတ်ရာကို ထွက်ပြေးသွားကြ
တဲ့ အလုပ်သမားတွေလည်း ဒုနဲ့ ဒေးပါ။
   MOU နဲ့  ထိုင်းနိုင်ကို ဘယ်လောက်အထိ ပို့လိုက်ပြီးလဲဆိုတာကို မြန်မာအစိုးရသာ သိမှာဖြစ်ပါတယ်။ ရွှေလုပ်သားဂျာနယ်က သိတာကတော့ MOU နဲ့ လာတဲ့ အလုပ်သမားတွေ အနက် အကြွေးကျေလို့ မိမိ  ပတ်စပို့ကို မိမိကိုင်ဆောင်ပြီးတော့ မိမိနေလိုတဲ့ အရပ်နဲ့ မိမိလုပ်လိုတဲ့ အလုပ်မှာ လုပ်နေရတဲ့ မြန်မာ အလုပ်သမားရယ်လို့ တစ်ယောက်မှ မတွေ့ဖူးသေးပါ။
  ထိုင်းမှာ ကျင့်သုံးနေတဲ့ အလုပ်သမားဥပဒေဆိုတာ ရွှေ့ပြောင်းအလုပ်သမားတွေကို နှိပ်ကွပ်၊ လုပ်ငန်း ရှင်တွေကို ကာကွယ်။ ထိုင်းပုလိပ်တွေ လုပ်ချင်သလိုလုပ်ခွင့် ပေးထားတဲ့ ဥပဒေပဲဖြစ်တယ်။ နိုင်ငံတကာ အဖွဲ့ အစည်းတွေဆိုတာလည်း အစီရင်ခံစာထုတ်တယ်။ ဘန်ကောက် အခြေစိုက် မြန်မာသံရုံးဆိုတာလည်း သိကြတဲ့အတိုင်းပဲ။များများစားစားမလုပ်နိုင်။  အင်ဂျီအိုဆိုတာလည်း ထိုင်းအလုပ်သမား ဥပဒေ ကို ဆံချည် တစ်မျှင်မျှ မကျော်နိုင်ပါ။
မြန်မာအလုပ်သမား ဆိုတာ ထိုင်းနိုင်ငံမှာ လုပ်ချင်တိုင်း လုပ်လို့ရတဲ့ လူတန်းစားတစ်ရပ်ဖြစ်နေတယ်။ ခိုင်းပြီးငွေမပေးလည်းရတယ်၊ အဓမ္မကျင့်လိုက်လဲ ဘာမှ ပြဿနာမတက်၊ သတ်ပစ်လို့လည်း ထောင်မကျ။ ထိုင်းမှာမြန်မာတွေ အရိုး တောင်လိုပုံခဲ့ပြီး။ မြန်မာသမီးပျိုတွေကျတဲ့မျက်ရည်က ကျောက်ဖရားမြစ် ထဲမှာ အပြည့်။
 မြန်မာအလုပ်သမားတွေကို ထိထိရောက်ရောက် ကူညီနိုင်တဲ့အဖွဲ့ ထိုင်းနိုင်ငံမှာ ယခင်လည်း မရှိသလို ယခုလည်း မရှိသကဲ့သို့ နောင်လည်းရှိလာမည်မဟုတ်ပါ။
  ရေနစ်မြုပ်လို့၊ အစုလိုက်အပြုံလိုက် လူကုန်ကူးခံရလို့၊ အရေအတွက်အများကြီး ကားတိုက်ခံရလို့ လူတွေ
အရမ်း စိတ်ဝင်စားတဲ့ အရေးပေါ်အခြေအနေတွေ ပေါ်ရင် ခဏလေးလာပြီးတော့ လောကွတ်လုပ်ကြမယ်၊
ဓါတ်ပုံရိုက်ကြမယ်။ ပြီးတော့ မေ့လေတော့သတည်းပဲ။ မြန်မာအလုပ်သမားတွေမှာ ခံပြီးရင်းခံရောပဲ။
   ထိုင်းနိုင်ငံမှာ ရေကြီးတုန်းက ကြည့်လေ… ၀တ်လိတ်ခင် ဘုန်းတော်ကြီးကျောင်း မှာဖွင့်လှစ်ထားတဲ့ ကယ်ဆယ်ရေး စခန်းမှာ ထိုင်းအလုပ်သမား ဒုဝန်ကြီးက မြန်မာသံမှူးကြီးကို ပြောတယ်။ အလုပ်သမားတွေ
ကို ယာယီပတ်စပို့ ထုတ်ပေးပါ။ ထိုင်းဘက်က ၀တ်ပါမစ်နဲ့ ပြည်ဝင်ခွင့်ချက်ချင်း လုပ်ပေးမယ်တဲ့။ မြန်မာ သံရုံးက ရာချီတဲ့ စာအုပ်တွေ၊ ရေဘေးသင့် မြန်မာအလုပ်သမားတွေကို အခမဲ့ထုတ်ပေးခဲ့ပေမယ့် ထိုင်းအစိုးရဘက်က ယနေ့ တိုင်ဘာမှလုပ်မပေးခဲ့ပါ။
နောက်ဆုံးစိတ်ပျက်စရာ အကောင်းဆုံး တစ်ခုကတော့ နှစ်နိုင်ငံအစိုးရတို့ က ၂၀၁၂ ခု ဇန်န၀ါရီလဆန်း က
တည်းက ထိုင်းနိုင်ငံအတွင်း ၅ နေရာမှာ ယာယီပတ်စပို့ ရုံးဖွင့်ပြီးတော့လုပ်မယ်။ အလုပ်ရုံတွေအထိ သွားပြီး တော့ လုပ်ပေးမယ်လို့ပြောခဲ့တယ်။ ခုထိ နိုင်ငံအတွင်းမှာ ပတ်စပို့ မထုတ်ပေးနိုင်သေးပါ။
      အစိုးရတွေလည်း ကတိမတည်ကြ၊ အင်ဂျီအိုလည်း မလုပ်နိုင်၊ ထိုင်းပုလိပ်နဲ့ ထိုင်းလုပ်ငန်းရှင်တွေ အနိုင် ကျင့်ချင်တိုင်းကျင့်နေတာကို တာရှည်မခံရအောင်….. ကျေးကျွန်းသဖွယ် ပင်ပင်ပန်းပန်း လုပ်ကိုင်ပြီး မှ ရရှိ လာတဲ့ ပိုက်ဆံတွေကို ကျစ်ကျစ်ပါအောင် စုဆောင်းပြီး နေရပ်ရင်းအမိ မြန်မာပြည်ကို ပြန်ခြင်းကသာ လျှင်လုံခြုံတဲ့ဘ၀ ဖြစ်မယ်လို့ ယုံကြည်ပါတယ်။
မြန်မာပြည်ဆိုတာ ယခုအခါ စစ်အာဏာရှင်စံနစ်ကလည်း တဖြည်းဖြည်း ရုတ်သိမ်းလာပြီ။ ပြည်ပ ရင်းနှီးမြုပ်နှံမှု တွေကလည်း အလုအယက် တိုးဝင်လာနေကြပြီမို့ အလုပ်အကိုင် အခွင့်အလမ်း ကောင်းတွေ ပွင်းလင်းခါစ ဖြစ်နေပြီမို့ပါခင်ဗျား။
                                                                                                          ကျော်သောင်း

”အလုပ် လုပ်ကိုင်ခွင့် Work Permit အတွက် အလုပ်ရုံမှာကျသင့်တဲ့ငွေပါ။ အပြင်မှာဘတ် ၇၀၀၀ ကုန်ပါတယ်“

“နေရပ်ပြန် မြန်မာအလုပ်သမားများထံက ဘတ်ငွေ ၂၀၀၀ ကျော်စီ မြ၀တီ နယ်ခြားစောင့် ဒီကေဘီအေဂိတ်မှာကောက်ခံနေ“

“ကိုယ့်နွားကိုယ်ရောင်းတာ သွင်းကုန်ထုတ်ကုန်ဥပဒေနဲ့ဖမ်းဆီးအရေးယူ”

              
မတ်လ ၂၇
ညီလေး (ပဲခူး)
    စိုက်ဘဏ် ကိုပေးဆပ်ရမည့် အကြွေးကြောင့် ကျွဲနွားရောင်းချသူ တောင်သူလယ်သမား၇ ဦးနှင့် နွား၃၁ ကောင် အား ပဲခူးတိုင်းဒေသကြီး  က၀မြို့နယ် ရဲမြို့နယ်မှူး နှင့် ကတတ်စိန်ရဲစခန်းမှ လာရောက်ဖမ်း ဆီးသွားခဲ့သည်။
၂၁၊ ၃၊ ၂၀၁၂ရက်နေ့  ပဲခူးတိုင်း က၀မြို့နယ် မှ အောင်မိတ်သာကျေးရွာ သပြေခံကျေးရွာ ဥာဏ်ဦးကျေးရွာ ၀ါတောကျေးရွာ တို့မှ လယ်သမား ၇ဦးတို့သည်မွန်ပြည်နယ်ကင်းရွာတွင်ဖွင့်လှစ်ထားသောကျွဲနွား မွေးမြူရေးနှင့် ရောင်းဝယ်ရေသို့ ရောင်းရန်
အသွား၊စစ်တောင်းမြစ် ကမ်းနားတွင်ဖမ်းဆီးခံခဲ့ရခြင်းဖြစ်သည်။
အောင်မိတ်သာကျေးရွာ မှ နွားပိုင်ရှင်လယ်သမား  ဦးခင်ဇော်က“ရေကြီးတာကြောင့်မိုးစပါးတွေအကြိမ်ကြိမ် ပျက်စီးတယ်၊ ရေကျတာလည်း နောက်ကျတဲ့အတွက် ဆောင်းသီးနှံလည်း စိုက်ချိန်မရဘူး။ စိုက်ဘဏ်ကို အကြွေးပေးဆပ်ရမယ့်အချိန်ကလည်းနီးလာပြီ၊ ကြံရာမရဖြစ်ပြီးတော့ ဘ၀တူတွေ နွားသွား ရောင်းကြ တာဖြစ်တယ်။ သူများနွားခိုးရောင်းတာလည်းမဟုတ်ဘူး၊ နိုင်ငံခြားကို ခိုးထုတ်တာလည်းမဟုတ်ဘူး”ဟု
ပြောသည်။
လယ်သမားများအား သွင်းကုန်ထုတ်ကုန် ဥပဒေ ပုဒ်မ ၈၁၊ ၈၃ ဖြင့် အမှုဖွင့် တရားစွဲဆိုထားကြောင်း
ပဲခူးမြို့က အလုပ်သမား လယ်သမားအရေး ဆောင်ရွက်သူ တစ်ဦးက ပြောသည်။
ဆောင်းသီးနှံရလိုရညား စိုက်မိသည့်လယ်သမားများမှာလည်း မြေကြပ်ပိုးကျပြီး အပျက်အစီး များခြင်း
ကြောင့် ယခုကဲ့သို့ ထိုင်းကျွဲနွားများအား မရောင်းချင်သော်လည်း ရောင်းချရခြင်းဖြစ်ကြောင်း၊ စိုက်ဘဏ်
အားအချိန်မီ မပေးဆပ်နိုင်ပါက ထောင်ချ ခံရမည်ကို စိုးရိမ်ကြသဖြင့် ယခုကဲ့သို့ ခိုင်းကျွဲနွားများအား
ရောင်းချရခြင်းဖြစ်ကြောင်း လယ်သမားများက ပြောသည်။

“ထိုင်းပြန်လုပ်သားတွေကို မြ၀တီ ကိုးသုံးလုံးဂိတ်မှာ ငွေကောက်နေပြီ“

               
မတ်လ ၂၆
မြတ်ညို (အလွတ်သတင်းထောက်)
           ထိုင်းနိုင်ငံအနှံ့အပြားမှဖမ်းဆီးခံရပြီးထိုင်း/မြန်မာ နယ်စပ်သို့ ပြန်လည်ပို့ဆောင်ခံရသည့် မြန်မာအလုပ်သမား များအား မြ၀တီမြို့အနီးရှိ နယ်ခြားစောင့် ကိုသုံးလုံးဂိတ်တွင် တစ်ဦးစီ ဘတ်ငွေ ၂၅၀၀ ပေးရသည့် အပြင် ကရင် သီချင်းခွေ တစ်ခွေအား ဘတ်ငွေ ၁၂၀ ပေးပြီး မ၀ယ်မနေရ ၀ယ်ယူနေ နကြရသဖြင့် မြန်မာအလုပ်သမား များ မကျေမနပ် ဖြစ်နေ ကြကြောင်း သိရှိရသည်။
        မြန်မာအလုပ်သမား ကိုသန်းလွင် က“ ဘန်ကောက်မှာ အဖမ်းခံရလို့ နယ်စပ်ကို ပြန်ပို့ခံရတယ်။ ကိုယ်တိုင်းပြည်ကို
ပြည်ကို  ပြန်တာဗျာ မြ၀တီ ဒီကေဘီအေ ဂိတ်ရောက်တော့ တစ်ယောက်ကို ဘတ်ငွေ ၂၅၀၀ ပေးရတယ်။
ဘတ် ၁၂၀ ပေးပြီး ကရင်နှစ်သစ်ကူးခွေ တစ်ခွေ ၀ယ်ရတယ်။ မ၀ယ်ရင် ခြံထဲက ထွက်လို့မရဘူး။ ခုကျနော်
ရိုက်ပို့ လိုက်တဲ့ပုံကိုကြည့်ပါ။ မြန်မာနိုင်ငံမှာ ဒီလို ဖြစ်နေတယ်၊ အစိုးရ ဒါကို မသိချင်ယောင် ဆောင်နေလို့ 
မရဘူး။ ထိုင်းထဲကို ပြန်သွားချင်သူတွေကို ပွဲစား တွေက ရွေးထုတ်တယ်” ဟုပြောသည်။
               မြန်မာအလုပ်သမား သုံးသန်းကျော်ခန့်  အလုပ်လုပ်နေကြသည့် ထိုင်းနိုင်ငံ နေရာအနှံ့ အပြားမှ   မြန်မာအလုပ်သမားများမှာ နည်းအမျိုးမျိုးဖြင့် ဖမ်းဆီးခံရပြီး နေ့စဉ် အလုပ်သမား ရာချီပြီး  မြ၀တီ နယ် စပ်သို့ ပြန်ပို့ခံနေရ သည်။
     မဲဆောက်အခြေစိုက် အလုပ်သမားအရေး ကူညီဆောင်ရွက်သူတစ်ဦးက “ ဖမ်းဆီးပြန်ပို့ ခံရတဲ့ မြန်မာ
အလုပ် သမားတွေကို မြ၀တီ ဘက်က ပွဲစားတွေက မဲဆောက် လ၀က  အချုပ်နဲ့ ဈေးညှိထားတယ်။ မဲဆောက်ဘက်မှာ ရွေးရင် ဘတ် ၁၅၀၀ ပေးရတယ်။ မြ၀တီ ဘက် ကိုးသုံးလုံးဂိတ်ကို ရောက်သွားရင် ဘတ်၂၀၀၀ ဒါမှမဟုတ် ၂၅၀၀ လောက်ကုန်တယ်။ ကရင်သီချင်း  စီဒီတစ်ချပ်ကို ကျပ်ငွေ ၃၀၀၀ ပေးပြီး ၀ယ်ရတယ်၊ဒီကေဘီအေက ကရင်တွေရောင်းတာ။ အပြင်ကိုထွက်ဖို့ အတွက် နယ်ခြားစောင့်တပ်ဂိတ် အထွက်မှာ ကျပ်ငွေ ၅၀၀ ကနေ၁၀၀၀ အထိပေးရတယ်” ဟုပြောသည်။
ပြီးခဲ့သည့် ၂၀၁၁ ခုနှစ် နိုဝင်ဘာလ က မြ၀တီဘက် တွင် ယခုကဲ့သို့ ငွေကြေးကောက်ခံနေမှုတို့  ယာယီ
ပပျောက်ခဲ့သော်လည်း ယခု ပြန်လည် ပေါ်ပေါက်လာခြင်းဖြစ်ကြေင်း မဲဆောက်မှ အလုပ်သမားများက ပြော
သည်။ ယခုကဲ့သို့ မတရား ငွေကြေးကောက်ခံနေသည်မှာ နှစ်ပေါင်း ၂၀ ၀န်းကျင်ခန့် ရှိပြီ ဖြစ်ကြောင်း မြ၀တီ
ဒေသခံတစ်ဦးကပြောသည်။

“ခြေထောက် နှစ်ဖက် ပြတ် ပုဇွန်ကန် အလုပ်သမား ကိုစံမောင် FED သို့ရောက်”

“ကားတိုက်ခံရသည့် ဆေးသုတ် အလုပ်သမား နစ်နာကြေး ဘတ်တစ်သိန်းရရှိ”

”မီးလင်းရင် ကျနော်တို့ အလုပ်သမားတွေ မြန်မာပြည်ကိုပြန်လို့ရပါပြီ"

ဘတ်နှင့်ပတ်စပို့ ကိုင်ဆောင်ထားသည့် အလုပ်သမား ၇၆ ဦး နယ်စပ်သို့ပြန်ပို့ ခံရနိုင်

မတ်လ ၂၁
ကိုတီး(ရခိုင့်တံခွန်)
နေထိုင်ခွင့်  စာရွက်စာတမ်းပါ လိပ်စာ မတူညီခြင်းနှင့် စာရွက်ပါ  လုပ်ငန်းအမျိုးအစား မတူညီခြင်း ဆိုသည့်အကြောင်းပြချက် များဖြင့် ဖမ်းဆီး ချုပ်နှောင်ခံထားရသည့်  ရေညှိမုန့် အလုပ်ရုံမှ မြန်မာအလုပ်သမား ၇၆ ယောက်မှာ နယ်စပ်သို့ ပြန်လည် ပို့ဆောင်ခံရမည်ဖြစ်ကြောင်း အလုပ်သမားအရေး ကူညီဆောင်ရွက် သူများ ပြောပြချက်အရသိရှိရသည်။
ထိုင်းနိုင်ငံ နွန်ထဘူရီခရိုင် ဘန်ဘူထောင်မြို့ ဘတ်လပ်ယိုင်ကျေးရွှာ  ဘန်ကွေစိုင်နွိုင် ခြံအမှတ် ၄၈/၁၂၄- ၁၃၁ တွင်ရှိသော ထောက်ကယ်နွိုင် Tao Kae Noi   ရေညှိမုန့် စက်ရုံတွင် အလုပ်လုပ်နေကြသော နေထိုင်  အလုပ်လုပ်ကိုင်ခွင့် စာရွက်စာတမ်း အပြည့်အစုံရှိသည့် မြန်မာအလုပ်သမား ၁၀၆ ဦး တို့အား ပြီးခဲ့သည့် မတ်လ ၉ ရက်နေ့က ဖမ်းဆီးခဲ့ခြင်းဖြစ်သည်။
 ထိုအထဲမှ အလုပ်သမားအချို့မှာ နည်အမျိုးမျိုးဖြင့် လွတ်မြောက်သွားခဲ့ကြပြီး ပတ်စပို့ ရှိသည့် အလုပ်သမား ၆ဦး အပါအ၀င် အမျိုးသမီးအလုပ်သမ ၂၈ဦး နှင့် အမျိုးသား ၄၈ ဦး တို့မှာ မလွတ်မြောက်နိုင်ပဲ နွန်ထဘူရီ အကျဉ်းထောင် တွင်အကျဉ်းကျခံနေရဆဲ ဖြစ်သည်။
အလုပ်သမား မိသားစု အချို့က ဘန်ကောက်အခြေစိုက် ထိုင်းနိုင်ငံရောက် မြန်မာနိုင်ငံသားများအဖွဲ့ BAT အဖွဲ့နှင့် ထိုင်းနိုင်ငံတောင်ပိုင်း ဖန်င အခြေစိုက်  ပညာရေးဖွံ့ဖြိုးရေး ဖေါင်ဒေးရှင်း FED အဖွဲ့သို့ အကူအညီတောင်းခံ ခဲ့သည်။
အလုပ်သမား ကိုဦးက“ အလုပ်ရုံကို အလုပ်သွင်းပေးတဲ့ ကိုမင်းလှိုင် ဆိုတဲ့ ဗမာပွဲစားနဲ့ အလုပ်ရုံက ထိုင်း
တစ်ယောက်နဲ့ ပေါင်းပြီးတော့ ကျနော်တို့ စာရွက်စာတမ်း ပြောင်းပေးဖို့ တစ်ယောက်စီ ဘတ်ငွေ ၄၀၀၀ စီ ယူထားတာ ၃လလောက်ရှိပြီ။ အလုပ်ရုံကို အဖွဲ့ပေါင်းစုံဝင်ဖမ်းတော့ ရဲစခန်းက သူတို့ ထုတ်ချင်တဲ့ လူတွေကို ထုတ်ပြီး ဒီလူ ခုရှောင်နေတယ်” ဟုပြောသည်။
FED ဒါရိုက်တာ ဦးထူးချစ်က “ ဒီလိုအဖြစ်မျိုးက ထိုင်းတစ်နိုင်ငံလုံးမှာ ဖြစ်နေတာ။ ထိုင်းနဲ့ မြန်မာအစိုးရတို့ ပူးပေါင်းဆောင်ရွက်မှု အားနည်းတယ်လို့မြင်တယ်၊ ထိုင်းအလုပ်သမားဥပဒေဟာ အလုပ်သမားကို အကာ
အကွယ်ပေးခြင်းထက် လုပ်ငန်းရှင်ကို အကာအကွယ် ပေးထားတာပဲဖြစ်တယ်။ ရွှေ့ပြောင်း အလုပ် သမားတွေအပေါ်မှာ ချမှတ်ထားတဲ့ ဥပဒေတွေနဲ့   ပေါ်လစီတွေ ကို  ပြောင်းလဲဖို့  လိုတယ်၊   ပြောင်းလဲသွားအောင် မြန်မာ အစိုးရအနေနဲ့ ဖိအား ပေးဖို့ လိုပါတယ်” ဟုပြောသည်။
မြန်မာအလုပ်သမားများ အနေဖြင့် အလုပ်သမားရေးရာ လုပ်ကိုင်နေကြသည့် နိုင်ငံတကာနှင့် မြန်မာအဖွဲ့ အစည်းများနှင့် နီးနီးစပ်စပ် နေထိုင်သင့်ကြောင်း၊ မိမိကိုင်ဆောင်ထားသည့် နေထိုင်ခွင့် စာရွက်စာတမ်း၏ အချက်အလက်များနှင့် ထိုင်းတွင် ပြဌာန်းထားသည့် ရွှေ့ပြောင်း အလုပ်သမားဆိုင်ရာ ဥပဒေများအား လေ့လာထားသင့်ကြောင်း အဖွဲ့အစည်းများမှ ထုတ်ဝေသည့် စာရွက်စာတမ်းများ အား လေ့လားသင့်ကြောင်း ဦးထူးချစ်က အကြံပြု ပြောဆိုသည်။
ကိုယ်တိုင်သွားရောက် ကူညီပေးသည့် BAT အဖွဲ့ တာဝန်ခံ ဦးကျော်သောင်းက“ အလုပ်သမားတွေကို
အလုပ်ခိုင်းတဲ့ လုပ်ငန်းရှင်က တော့ ဘာမှမဖြစ်ဘူး။ အလုပ်ရှင် ပြောင်းမထားဘူးဆိုတဲ့ အကြောင်းပြချက်
နဲ့ ကျနော်တို့ မြန်မာအလုပ်သမားတွေကို ထောင်ချတယ်။ ပြီးတော့ နယ်စပ်ကိုပြန်ပို့မယ်၊ အလုပ်သမားတွေမှာ အကုန်ုအကျခံပြီး    လုပ်ထားတဲ့ နေထိုင်ခွင့် စာရွက်စာတမ်းတွေ ကိုရုပ်သိမ်းခံရမယ်။ ဆိုတော့ ထိုင်းအလုပ်သမား ဥပဒေက ကျနော်တို့ မြန်မာအလုပ်သမားတွေကို နည်းလမ်းပေါင်းစုံနဲ့ ချုပ်ကိုင်ထားတာဖြစ်တယ်” ဟုပြောသည်။
 စာရွက်စာတမ်းများ တရားဝင် ပြောင်းရွှေ့ခြင်းမှာ အလုပ်သမားများ ကိုယ်တိုင်လုပ်၍ ရသည့် ကိစ္စ မဟုတ်ကြောင်း၊ တရားဝင်စာရွက်စာတမ်းများ ရုတ်သိမ်းခံပြီးနောက် အလုပ်သမားများမှာ လူပွဲစားများနှင့် နိုင်ငံအတွင်းသို့ ထပ်မံဝင်ရောက်လာမည်ဖြစ်သဖြင့် လူကုန်ကူးမှုကို အားပေးရာ ရောက်ကြောင်း၊ ဤအဖြစ်အပျက်များအာ မြန်မာသံရုံး အလုပ်သမား ကူညီစောင့်ရှောက်ရေးအဖွဲ့  သို့လည်း အကူအညီ တောင်းခံသွားမည် ဖြစ်ကြောင်း ဦးကျော်သောင်းက ဆက်လက်ပြောဆိုသည်။

“ကားတိုက်ခံရသည့် ဆေးသုတ် အလုပ်သမား နစ်နာကြေး ဘတ်တစ်သိန်းရရှိ”

မတ်လ ၂၀
ကိုတီး(ရခိုင့်တံခွန်)
အလုပ်သမားအရေး ကူညီဆောင်ရွက်သူများ၏ ပူးပေါင်း ကူညီမှုဖြင့် ကားတိုက်ခံခဲ့ရသည့်အိမ်    ဆေးသုတ် အလုပ် သမားတစ်ဦး ယမန်နေ့က ထိခိုက်နစ်နာကြေး ဘတ်ငွေတစ်သိန်း ရရှိပြီး   ဖြစ်ကြောင်း ကာယကံရှင် များ ပြောပြချက်အရ သိရှိရသည်။
ကရင်ပြည်နယ်၊ လှိုင်းဘွဲ့မြို့နယ်၊ ကော့နွဲ့ကျေးရွာ မှ အသက် ၃၆ နှစ်အရွယ်၊ ပအို့ဝ်အမျိုးသား ကိုအောင်တင်မိုးသည်၂၀၁၂ခုနှစ်သစ်ကူးည၁၀နာရီခန့်ကဘန်ကောက်မြို့၊ဘန်နာနယ်မြေ၌ညဘက်
အိမ် ဆေးသုတ်ရာမှ အပြန် တွင် ကား မတော်တဆ တိုက်မိသဖြင့် ဦးခေါင်း၊ မျက်နှာနှင့် ခန္ဓာကိုယ့်အနှံ့ ဒဏ်ရာ ပြင်းထန်စွာ ရရှိခဲ့သည်။ ဘန်နာ Piyamin  ဆေးရုံတွင် အတွင်းလူနာအဖြစ် ၁၆ ရက်တိုင်တိုင် ကုသမှုခံယူ နေခဲ့ရသည်။
ဆေးဝါးကုသမှုကုန်ကျစရိတ်တို့အား ကားအာမခံ ကုမ္ပဏီက ကုန်ကျခံခဲ့သည်။ ကိုအောင်တင်မိုး စိတ်မူမှန်
မရှိစဉ် ကာလက ဆေးရုံ အခန်းတွင်းရှိ ရေခဲသေတ္တာနှင့် အခြားပစ္စည်းအချို့တို့အား ဖျက်ဆီးမိသဖြင့် ဘတ်
ငွေ၅၀၀၀ ကိုမူ ကိုဇေါ်မင်း ကပေးချေခဲ့ရသည်။

ကိုအောင်တင်မိုး ၏ ညီဖြစ်သူ ကိုဇေါ်မင်းက “ ကျနော် ဇန်န၀ါရီလ ၅ ရက်နေ့ မှာ အကိုရဲ့မိတ်ဆွေ တစ်ယောက် က ဖုန်းဆက်လာလို့ သိရတာပါ။ သတင်းကြားကြားချင်း ကျနော်လည်း ဘန်ကောက်နဲ့  မဟာချိုင်က အင်ဂျီအိုအဖွဲ့ တွေကို အကူအညီ တောင်းကြည့်ပါတယ်။ ဘယ်အဖွဲ့ကမှ ကူညီပေးတာ မရှိခဲ့ဘူး။ ဇန်န၀ါရီလ ၈ ရက်နေ့မှာ BAT အဖွဲ့ ကို အဆက် အသွယ် ရခဲ့ပါတယ်။ ကျနော်တို့ကို ခက်ခက်ခဲခဲ အကူအညီပေးခဲ့ကြတဲ့ BAT နဲ့ ရှေ့နေတွေကို အလွန်ပဲ ကျေးဇူးတင်ပါတယ်” ဟုပြောသည်။

   ပိုင်ရှင်မဲ့ လူနာအဖြစ် သတ်မှတ် ခံထားရသူ ဖြစ်နေသဖြင့် လိုအပ်သည့် အထောက်အထားများအား
BAT နှင့် ကိုဇေါ်မင်းတို့ အချိန်ပေး၍ စုဆောင်းခဲ့ကြရသည်။ လိုအပ်သည့် စာရွက်စာတမ်း အထောက် အထားများအား မြန်မာပြည်နေရပ်ရင်းသို့ မိဘများထံသို့ ပြန်လည်ဆက်သွယ်ခြင်း၊ ဘန်ကောက်မြို့
 မြန်မာသံရုံသို့ အကူအညီတောင်းခံခြင်းများ ပြုလုပ်ခဲ့ကြရသည်။
ဘန်ကောက်မြို့ အခြေစိုက် ထိုင်းနိုင်ငံရောက် မြန်မာနိုင်ငံသားများအဖွဲ့ BAT တာဝန်ခံ ဦးကျော်သောင်း က
“၂၀၁၂ ခု နှစ်ဆန်းကတည်းက ထိုင်းနိုင်ငံတောင်ပိုင်း ဖန်ငအခြေစိုက် ပညာရေးဖွံ့ဖြိုးရေး ဖေါင်ဒေးရှင်း
FED အဖွဲ့က ကျနော်တို့ကို ရှေ့နေ အကူအညီ ပေးထားပါတယ်။ ဘန်ကောက် မြန်မာသံရုံးကလည်း လိုအပ် ချက်အချို့ကို ကူညီပေးပါတယ်။ အလုပ်သမားပြဿနာ တွေကို ဖြေရှင်းတဲ့အခါ ကျနော်တို့ အတွက်အလွန် ပဲ အားရှိပါတယ်။ တခြား ရင်ဆိုင်နေဆဲ အလုပ်သမား ကိစ္စတွေလည်း အများကြီး ရှိနေပါသေးတယ်။ ဥပဒေကြောင်းအရ လုပ်ရတာ ဖြစ်တာကြောင့် အချိန် နဲနဲ ပိုပေးရတာ က လွဲရင် အလုပ်သမားတွေအတွက် အကာအကွယ် နဲ့အကူအညီ တကယ် ဖြစ်စေပါတယ်။ အယင်ကာလတွေ တုန်းက  ရှေ့နေ မငှါးရမ်းနိုင်လို့ ဘာနစ်နာကြေးမှ မရပဲ၊ သေဆုံးမှုတွေ၊ ခန္ဓာကိုယ် ကျိုးပြတ်တာတွေ အများကြီး ရှိခဲ့ဖူးပါတယ်” ဟုပြော  သည်။
ထိုင်းနိုင်ငံအတွင်း ကျင့်သုံးနေသည့် အလုပ်သမားဆိုင်ရာ ဥပဒေအချို့မှာ လုပ်ငန်းရှင်များဘက်မှ အပြည့်
အ၀ အကာအကွယ် ယူထားသဖြင့် ဥပဒေကြောင်းအရ ရင်ဆိုင်နိုင်သည့် တိုင်အောင် ရွှေ့ပြောင်း မြန်မာအ လုပ်သမားများအနေဖြင့် ရသင့်ရထိုက်သည့် အခွင့်အရေးများမှာ ဆုံးရှုံးနစ်နာကြဆဲဖြစ်ကြောင်း၊ အချိန်ယူ၍ တဖြည်းဖြည်းခြင်း လုပ်ဆောင် သွားပါက   မကြာမီမှာ မြန်မာအလုပ်သမားများအနေဖြင့် အခွင့်အရေးများ ရရှိလာနိုင်မည် ဖြစ်ကြောင်းFED မှ ဒါရိုက်တာ ဦးထူးချစ်က ပြောသည်။

“မြန်မာအလုပ်သမားများအတွက် အင်တာနက်ပြတိုက်ဆိုင် မဟာချိုင်တွင်ဖွင့်”

မတ်လ၂၀
မြတ်ညို(အလွတ်သတင်းထောက်) မဟာချိုင်မြို့ထိုင်းယူနီယံအ၀င်လမ်း အမှတ်၂လမ်း
သွယ်တွင်  မြန်မာအလုပ်သမားများ  လေ့လာနိုင်ရန်

အတွက်အင်တာနက်ပြတိုက်InternetPyadalk ဆိုင် တစ်ဆိုင်အားဖွင့်လှစ်လိုက်ကြောင်း ဆိုင်ပိုင်ရှင် ဦးခိုင်ကြီးကပြောသည်။“မဟာချိုင်မှာ ဒီလို လုပ်ဖို့ အတွက်တကယ်မလွယ်ဘူးလေ။ ပုလိပ်ကြေးပေးပြီး ရင်တောင်မှလာပြီးစစ်ဆေးသေးတယ်။ အကျိုးစီးပွား အတွက်အဓိကထားပြီးလုပ်တာ မဟုတ်ဘူး။မြန်မာ
အလုပ်တွေ ခေတ်မီနည်းပညာတွေ လေ့လာ
ခွင့်ရအောင် လုပ်ပေးတဲ့သဘောပါ။ ကျနော်တို့လို ထိုင်းနိုင်ငံအနှံ့ပေါ်ပေါက်အောင် လုပ်ကြစေချင်ပါ တယ်”
ပြီးခဲ့သည့် မတ်လ ၁၈ ရက် တနင်္ဂနွေ နေ့က စတင်ဖွင့်လှစ်ခဲ့ရာ မဟာချိုင်မှအလုပ်သမားများ တစ်နေကုန် သုံးစွဲခဲ့ကြသည်။ ဆိုင်ထိုင်သည့် နည်းပညာကျွမ်းကျင်သူ   ကိုနန္ဒ က“ အင်တာနက် ဆိုင်ကိုလာတဲ့ မြန်မာအလုပ်သမားတွေအနေနဲ့ နံပါတ်တစ်၊ လောလောဆယ်ဆေးလိပ်နဲ့ အရက်ဆိုင်ထဲမှာ
 သောက်လို့မရတော့ဘူး။နံပါတ်နှစ်အင်တာနက်ထဲကရတဲ့နည်းပညာတွေအဆက်အသွယ်  တွေနဲ့ ထိတွေ့
လာတဲ့အဆင့်အတန်းတစ်ခုကို ရောက်ရှိသွားတယ်။ကိုယ့်တိုင်းပြည်ကိုပြန်ရင်လည်း ခေတ်မီနည်းပညာတွေကို
တတ်မြောက်သွားတဲ့အတွက် အလွယ်တကူ သုံးလိုက်ရုံပဲလေ” ဟုပြောသည်။
ဆိုင်းတွင်းရှိ ကွန်ပျူတာ ၁၀လုံးသာရှိသဖြင့်  ရောက်လာသည့်အလုပ်သမားများမှာ မလောက်င ဖြစ်ကာ တန်းစီပြီးစောင့်နေကြရသည်။
အင်တာနက် သုံးခဲ့သူ ကိုမောင်ဝင်း က“ ကျနော်တို့ ဒီဆိုင်ဖွင့်ပေးတာကို အလွန်ပဲ ၀မ်းသာပါတယ်။ ထိုင်း အင်တာနက် ဆိုင်မှာ မြန်မာဖေါင့်သွင်းပြီး သုံးလို့မရဘူး။ ကျနော်တို့ ကအလုပ်သမားပဲလေ။အင်္ဂလိပ်လို အကုန်လုံးမှမသိတာ။ ခုတော့ ဗမာလိုပြောပြီး ဗမာစာနဲ့ စိတ်ကြိုက်သုံးလို့ ရပြီ” ဟုပြောသည်။
ဦးခိုင်ကြီးတို့ ဖွင့်လှစ်ထားသည့် အင်တာနက်ပြတိုက် ဆိုင်တွင် မြန်မာအလုပ်သမားများအတွက် အခြေခံ ကွန်ပျူတာပညာ၊ ဗွီဒီယိုနှင့်ဓါတ်ပုံ တည်းဖြတ်သည့် နည်းပညာတို့ အား အခမဲ့ သင်ကြားပေးကြောင်း သိရှိရသည်။

“ဆောက်လုပ်ရေး အလုပ်သမား ၁၉ဦး လုပ်အားခ ဘတ်သုံးသိန်းကျော် ရရှိရန်အမှုဖွင့်”

မတ်လ ၁၇

မြတ်ညို(အလွတ်သတင်းထောက်)

       ထိုင်းနိုင်ငံ စမွန်စာခွန်ခရိုင် မဟာချိုင်မြို့နယ် ၀မ်ဖန်ထိုင်း (ဖလန်းဆောင်လမ်းမကြီး) ၀ပ်ဘန်းလှိုင်

ဘုန်းတော်ကြီးကျောင်း အနီးရှိ ပန်းရံဆိုဒ် မှ မြန်မာအလုပ်သမား ၁၉ဦးတို့ ထံမှ  ထိုင်းမန်နေဂျာ မှ အရပ်ရပ်   ဖြတ် တောက်ထား သည့် ဘတ်ငွေ သုံးသိန်းကျော် ရရှိစေရန်အတွက် အလုပ်သမား ကူညီရေးအဖွဲ့တို့က  ယမန် နေ့က စီစဉ်ခဲ့ကြကြောင်း သိရှိရသည်။

ယာယီပတ်စပို့ လုပ်ရန်အတွက် တစ်ဦးလျှင် ဘတ်ငွေ ၉၂၀၀ စီ ဖြတ်တောက်ထားခဲ့သည်။ ထို့အပြင်ထိုင်းအစိုးရ သတ်မှတ်ထားသည့် မဟာချိုင်နယ်မြေ တစ်နေ့လုပ်အားခ   ၂၁၅ ဘတ်နုန်း ရှင်းမပေးပဲ အမျိုးသားအလုပ် သမားများအား ၁၈၅ ဘတ်နှင့် အမျိုးသမီး ပန်းရံအလုပ်သမားတို့ကို တစ်နေ့ ၁၇၅ ဘတ်နုန်းသာ လုပ်အားခ ရှင်းပေးခဲ့သည်။ ထို့ကြောင့် အလုပ်သမား တို့ ရရှိရန် စုစုပေါင်း  ဘတ်ငွေ  သုံးသိန်းကျော် ဖြစ်သည်။

အလုပ်သမားအဖွဲ့ဦးဆောင်ဦးရွက်ပြုသူ ကိုမွန် က“ ယာယီပတ်စပို့ လုပ်ဖို့ အတွက် ဆိုပြီး အလုပ်ရှာဖွေရေး

လူကြီးက ၂၀၁၂ ခုနှစ်ဇူလိုင်လ ကတည်းက စတင်ပြီး အမျိုးသားတစ်ဦးစီ ၃၀၀၀ စီဖြတ်တယ်။ ၀င်ငွေ နဲတဲ့ အမျိုးသမီးတွေကို ဘတ်တစ်ထောင်စီ ဖြတ်ခဲ့ပါတယ်။ အလုပ်သမားထဲက ဦးမောင်မြင့်ကို ပုလိပ်ဖမ်းတော့ ပုလိပ်က ဘတ်အသစ်လုပ်ဖို့  အကြံဉာဏ်ပေးလိုက်တယ်။ ဒါကြောင့်ကျနော်တို့ ဘတ်ကို ဆက်ပေးဖို့ ပြောတဲ့အခါ မတ်လ ၈ ရက်နေ့ ပေးမယ် လို့ ပြောပါတယ်၊ သင်ပုန်းကြီးမှာ ဟိုဖြတ်ဒီဖြတ်၆၂၀၀ ရှင်းပေးမယ်လို့ ရေးထားတယ်။ ဒါပေမယ့် ၁၁ ရက်နေ့ အထိ ရှင်းမပေးတာကြောင့် ကျနော်တို့ BATကို အကူအညီတောင်းခံခဲ့ပါတယ်” ဟုပြောသည်။

အလုပ်သမားများသည် ၂၀၁၁ ခုနှစ် မေလ ကတည်းက ဤပန်းရံဆိုဒ်သို့ အလုပ်စတင် ၀င်ရောက်လုပ် ကိုင် ခဲ့သူများဖြစ်ကြောင်း အလုပ်သမားများကပြောသည်။ အလုပ်သမား ၃၇ ဦးဆီ မှ ငွေဖြတ်ထားခဲ့သော်လည်း အလုပ်သမား ၁၈ ဦးတို့ မှာ အဆိုပါ ပန်းရံဆိုဒ် တွင်လုပ်ကိုင်နေကြဆဲဖြစ်သည်။

ဘန်ကောက်မြို့ အခြေစိုက် ထိုင်းနိုင်ငံရောက် မြန်မာနိုင်ငံသားများအဖွဲ့ BAT တာဝန်ခံ ဦးကျော်သောင်း က“ ဒီအလုပ်သမားတွေအတော်ညီညွတ်ကြတဲ့ အလုပ်သမားတွေဖြစ်ကြတယ်။တစ်နေ့တည်း အလုပ်ဝင်ကြတဲ့ သူတွေဖြစ်တယ်။မကျေနပ်လို့ အလုပ်ထွက်ရင်လည်း တစ်နေ့ တည်းအလုပ်ထွက်ကြသူတွေဖြစ်နေတယ်။ ထူးခြားတာက သူတို့တွေဟာ မိမိနဲ့ သက်ဆိုင်တဲ့ စာရွက် စာတမ်းတွေအကုန်လုံးနဲ့ အလုပ်ကငွေရှင်းပေးတဲ့ စာရွက်ဟူသမျှကို စနစ်တကျသိမ်းထားကြတယ်။ FED က  ကူညီ ပေးထားတဲ့ ရှေ့နေ တွေနဲ့ တွေ့ ဆုံပြီး အလုပ်လုပ်တဲ့အခါ အချက်အလက်တွေ ပြည့်စုံတာကြောင့် ကျနော်တို့ အလုပ်သမားတွေဘက်က အားရှိတာပေါ့” ဟုပြောသည်။

အလုပ်သမားများ ရသင့်သည့် ဘတ်ငွေ သုံးသိန်းကျော် ကိစ္စနှင့် လာမည့်ဧပြီလဆန်း၃ ရက်နေ့ တွင် မဟာချိုင်တရားရုံးသို့ လာရောက်ခဲ့ကြရန် ရှေ့နေအဖွဲ့ က အလုပ်သမားများအား ချိန်းဆိုခဲ့သည်။

**ငိုရခက် ရယ်ရခက်**

နောက်ဖြစ်ရပ် တစ်ခုကတော့ ငိုရခက် ရယ်ရခက် ပဲပြောရမလား။ ဇေယျာလင်း ဆိုတဲ့ ရန်ကုန်က ကွမ်းယာ
သယ်ကလေး အသက်၂၂နှစ်ပဲ ရှိသေးတယ်။ မြ၀တီမှာ ကွမ်းယာရောင်းဖို့လာတာ၊ ခြုံဘူလီ အချောင် လှေဆိပ်ကို ရောင်းစားခံရတယ်။ ကျနော့်ဖုန်းကို လှေနံရံမှာ ရေးထားတာ ကိုတွေ့လို့ ဆက်တာပါလို့
သူက ပြောပါတယ်။ ၆လလောက် ရောင်းစားခံခဲ့ရပြီး ကိုစည်သူဆိုသူနဲ့ ရေကူးပြီး ထွက်ပြေးလာတယ်။ သူက ၂ရက်တိုင်တိုင် တောထဲက ကျနော့်ကို ဆက်သွယ်နေခဲ့တယ်။
ကျနော်တို့ လည်း ထိုင်းအစိုး လူကုန်ကူးမှု တိုက်ဖျက်ရေးက အရာရှိကို သွားပြီးတော့ တွေ့ဆုံတယ်။ ရဲအရာရှိက ထွက်ပြေးနေသူတွေ ဘယ်ရောက်နေလဲ မင်းတို့ သိလားတဲ့။ ဘယ်မှာသွားရှာမလဲ။ ရောက်ရှိ
နေတဲ့ နေရာကို သူတို့ လည်းမသိ သလို ကိုယ်ကလည်း မသိဘူးလေ။ ဒီလိုနဲ့ ဇေယျာလင်း တို့ကို ပုလိပ်
က ပြန်ဖမ်းမိလို့ လှေသူကြီး ကို ထပ်ရောင်းစားလိုက်တယ်။ ပုလိပ်အတွက် ၃လ လုပ်ဆပ်ရတယ်။ ထိုင်းကို
နေနစ်လာတော့ ၀တ်ခေါင်မေးဒေးယား ဘုန်းတော်ကြီး ကျောင်းမှာ လာရောက်ခိုလှုံကြတဲ့ မြန်မာအလုပ်
သမားတွေကို ဘန်ကောက် မြန်မာသံရုံးက အခမဲ့ မြန်မာနိုင်ငံကို ပြန်ပို့နေတာကို ကြားလို့ လာခဲ့တယ်။
အိမ်ပြန်ချင်လွန်းလို့ ဘုန်းကြီးကျောင်းက ကယ်ဆယ်ရေးစခန်းကိုလာခဲ့ကြတယ်။ လမ်းမှာ ပွဲစားတစ် ယောက်နဲ့ တွေ့ ပြီးတော့ ဘန်ကောက်မြို့ ဖလန်းဆောင်(လမ်----)မှာရှိတဲ့ ပလပ်စတစ် အလုပ်ရုံမှာတစ်ခါ ထပ်ပြီး ရောင်းစားခံ ရပြန်တယ်။ ၂လလောက် ရောင်းစားခံနေရာက နေပြီးတော့ ကျနော်တို့ ကိုဆက်သွယ်ပါတယ်။
သူတို့က အကူအညီတောင်းလို့ ဘန်ကောက် အခြေစိုက် ကုလသမဂ္ဂ လူကုန်ကူးမှုတိုက်ဖျက်ရေးအဖွဲ့ UNIAP က မြန်မာအရာရှိက သွားရောက်ခေါ်ယူပါတယ်။ ကျနော်က မဟာချိုင်ကို ကိစ္စတစ်ခုနဲ့ ရောက်နေ
တာမို့ အတူတူ မသွားနိုင်ခဲ့ပါဘူး။
အလုပ်သမား ၂ ယောက်နဲ့ အတူလာတဲ့ UNIAP က မြန်မာ အရာရှိကို လူကုန်ကူးမှု(ပွဲစားမှု)နဲ့ မီပွိုင့်မှာ ပုလိပ်က လက်ထိပ်ခတ်ပြီး ဖမ်းလိုက်သေးတယ်။ လုပ်ဖေါ်ကိုင်ဘက် ထိုင်းတွေ ညတွင်းချင်းဖြေ ရှင်းလို့  မနက် ၂နာရီခွဲလောက်မှာမှ လွတ်လာတာလို့ ကျနော့်ကို ဖုန်းဆက်ပြောလို့ ရည်ကြရသေးတယ်။
ကျနော်ပါသွားရင် ဘယ်သူရှင်းမလဲ။ အခက်အခဲ ကြုံရမှာတော့ အသေအချာပါပဲ။
ကိုဇေယျာလင်း က အချုပ်ခန်းထဲကနေ ကျနော့်ကို ဖုန်းဆက်လာခဲ့တယ်။ ထိုင်းပုလိပ် ထပ်ပြီး ရောင်းစား ခံရမှာကို စိုးရိမ်လို့ ပါတဲ့။ ဘာသာပြန်က တစ်ဆင့် ပုလိပ်ကို နယ်စပ်ကို ပို့ ပေးဖို့ ပြောခဲ့ရ သေးတယ်။
ဒီလိုအရာရှိကြီးတောင် လက်ထိပ်ခပ် ခံရတော့ ကျနော်တို့လို အကာအကွယ်မဲ့တဲ့သူ။ တရားဝင် အဖွဲ့ အစည်း မဟုတ်တဲ့ သူတွေကို ဘယ်နေ့ လက်ထိပ်ခပ် ခံရမလဲ။ ဖမ်းချုပ်ခံရမလဲ။ ဘယ်နေ့ သေနတ်နဲ့ 
ပစ်သတ်ခံရမလဲ မဆိုနိုင်ပါ။
ကိုမင်းခန့်ကို လှေပေါ်သို့ ရောင်းစားခဲ့တဲ့ မဲခေါင်တံတားအနီးက မခိုင် ဆိုတဲ့ပွဲစားမ ပြောတဲ့စကား တစ်ခွန်း ကတော့ ကြိုက်တဲ့အဖွဲ့နဲ့ တိုင်ပါ။ အဖွဲ့အစည်းတွေ လောက်ကို မပြောနဲ့ ထိုင်းအစိုးရ တောင် တစ်သက်လုံး ဖမ်းလို့ မရဘူး……ဆိုတဲ့ စိန်ခေါ်ချက်ကတော့ ကျနော့်နားထဲမှာ ပဲ့တင် ထပ်နေပါတော့တယ်ဗျာ။

**ကျောက်ခဲကို ကျနော် ဆီကြိတ်ခြင်း**

ကျနော့်တို့ BAT ရုံးခန်းမှာ မဟာချိုင်အနီးက မဲခေါင် တံတားအောက် လှေဆိပ် မှာ ရောင်းစားခံခဲ့ရာက
ထွက်ပြေးလွတ်မြောက်လာတဲ့ လှေသမား ကိုမင်းခန့် ဆိုတာ ရှိနေပါတယ်။ သူဟာ နကပထုန် မှာရှိတဲ့ လျှပ် စစ်မီးမောင်းတွေ၊ မီးစက်တွေ တပ်ဆင်တဲ့ ကုမ္ပဏီမှာ အလုပ်လုပ်ကိုင်နေခဲ့သူဖြစ်ပါတယ်။ အောက်
တိုဘာလ မှာ ထိုင်းကို ရေနစ်လာတော့ သူတို့ အလုပ်ရုံလည်း ပိတ်လိုက်ရပါတယ်။
စက်ရုံက ရှိရှိသမျှ  မြန်မာအလုပ်သမားတွေ က   ရွှေတွံတေးဆရာတော် နဲ့ ဘန်ကောက်က ထိုင်းနိုင်ငံ ရောက်မြန်မာနိုင်ငံသားများအဖွဲ့ BAT တို့ ပူးပေါင်း ဖွင့်လှစ် ခဲ့တဲ့ မဟာချိုင်မြို့အနီး ကထုန်ဘန် က ၀တ်ခေါင် မေးဒေးယား ဘုန်းတော်ကြီးကျောင်း ယာယီ ရေဘေး ကယ်ဆယ်ရေးစခန်း ကိုလာရောက် ခိုလှုံခဲ့ကြပေ မယ့် ကိုမင်းခန့် ကတော့ အလုပ်ဆက်လက် ရှာဖွေနေခဲ့ပါတယ်။
မိတ်ဆွေ တစ်ယောက်က မဲခေါင်တံတားအောက် ငါးဖမ်းလှေသို့ ရောင်းစားလိုက်တာကို လှေတစ် ပတ် ၁၄ ရက် ထွက်ရာက ပြန်လာပြီး လှေသူကြီးက အခန်းပိတ်လှောင်ထားမှ ရောင်းစား ခံရမှန်း သိတယ် လို့  ကိုမင်းခန့် က ပြောပါတယ်။
ကိုမင်းခန့် ကလည်း စောင့်နေတဲ့ လှေသူကြီး ပန်းကန် ဆေးနေတုန်း အလစ်မှာ ၆ပေလောက် မြင့်တဲ့
သံပန်းနံရံကို ကျော်တက်ချိန်မှာ ဘောင်းဘီက သံချွန်မှာငြိနေပါတယ်။ အဲဒီအချိန်မှာ နောက်က သစ်သား တုတ်နဲ့ အရိုက်ခံရတာကြောင့် ဘယ်ဘက် ခြေဖမိုး အရိုးကျိုးသွားခဲ့ရပါတယ်။
အဲဒီကနေ သူဟာ ခက်ခက်ခဲခဲ ချောင်းကိုဖြတ်ကူး၊ ဓနိတောကိုဖေါက် ပြီး ပြေးလာခဲ့တယ်။ ကံကောင်း ထောက်မစွာနဲ့ မွန်အလုပ်သမ တွေလုပ်နေတဲ့ ငါးခြောက် အလုပ်ရုံက ထိုင်းလုပ်ငန်းရှင်တစ်ဦး က BAT ကတာဝန်ရှိသူတစ်ဦးကို ဆက်သွယ်ပြီးတော့ လာပို့ခဲ့ပါတယ်။
BAT ကလည်း ထွက်ပြေး လွတ်မြောက်လာသူကို ဆေးရုံကိုအကြိမ်ကြိမ် ပို့ဆောင်ပြီးတော့ ဆေးဝါးကုသ ပေးပါတယ်။ ကိုမင်းခန့် မှာ ယခင်က လုပ်ခဲ့တဲ့ နေထိုင်ခွင့် စာရွက်စာတမ်းတွေကို ရရှိအောင် ကူညီဆောင်ရွက်ပေးတယ်။ ရောဂါကုသနေရင်း နဲ့ ကယ်ဆယ်ရေး စခန်း ပိတ်လိုက်တာကြောင့် ဘန်ကောက်မှာရှိတဲ့ BAT ရုံးကိုခေါ်လာခဲ့ရပါတယ်။
ထိုင်းအစိုးရ လူကုန်ကူးမှု တိုက်ဖျက်ရေးအဖွဲ့ ကိုသွားရောက်ပြီးတော့ အမှုဖွင့်ထားခဲ့တယ်။

ကျနော်တို့ ဟာ ထိုင်းလူကုန်ကူးမှု ဥပဒေ လိုအပ်ချက်အတိုင်း၊ လူကုန်ကူးခံရသူမှာ တရားဝင် နေထိုင်ခွင့်ရအောင် ဆောင်ရွက်ပေးထားပြီးဖြစ်တယ်။ ကိုမင်းခန့် ထွက်ပြေးလာတဲ့ မဲခေါင် လှေဆိပ်က အိမ်ကိုရှေ့ နောက်ဓါတ်ပုံနဲ့ ဗွီဒီယို ရိုက်ကူးပြီးဖြစ်တယ်။ ကိုမင်းခန့် ကို ရောင်းစားလိုက်တဲ့ ပွဲစား တို့ နေထိုင်တဲ့ နေအိမ်ခန်းကိုလည်း မှတ်တမ်း ရိုက်ကူးပြီးဖြစ်တယ်။ လိုအပ်တဲ့ အချက်အလက် တွှေကို အချိန်ယူပြီး ၃ကြိမ်တိုင်တိုင် လူကုန်ကူးမှု တိုက်ဖျက်ရေးအဖွဲ့ က ရဲအရာရှိတွေကို တင်ပြခဲ့ပါတယ်။
ပြီးခဲ့တဲ့ ရက်ပိုင်းက မဲခေါင်လူကုန်ကူးမှု တိုက်ဖျက်ရေး တာဝန်ရှိ ရဲအရာရှိက ကျနော်တို့ ဆီကိုရောက်
လာပါတယ်။ အခန်းပိတ်လှောင်ထားခဲ့တဲ့ လှေသူကြီး ထွက်ပြေးသွားတယ်လို့ ကျနော်တို့ ကို လာရောက် သတင်းပို့ ပါတယ်။
ကျနော်တို့ က ကိုမင်းခန့် ကို လှေပေါ်သို့ ရောင်းစားလိုက်တဲ့ ပွဲစား လင်မယားနေတဲ့ နေရာကို ကျနော် တို့ လိုက်ပြမယ်။ ဆိုတော့လည်း မဖြစ်သေးဘူးတဲ့။ ပွဲစားဓါတ်ပုံ လိုပါသေးတယ်တဲ့။

“လူကုန်ကူးသူများ မဖတ်ရ”

မဲဆောက်က လာတဲ့အလုပ်သမား ၁၃ ယောက် ဘန်ကောက်နဲ့ မဟာချိုင်ကို လာကြတယ်။ လမ်းစရိတ် ကို တစ်ချို့က အကျေပေး/ တစ်ချို့က တ၀က်စီ ပေးချေထားပြီးဖြစ်တယ်လို့ မိသားစုတွေက ပြောကြတယ်။
ပင်လယ်ငါးဖမ်းလုပ်ငန်း တည်ရှိရာ နေရာတစ်ခု ဖြစ်တဲ့ ထိုင်းနိုင်ငံ ခြုံဘူရီ ခရိုင် အချောင်လှေဆိပ်မှာပါတဲ့။ ထိုင်းလူကုန်ကူးမှု တိုက်ဖျက်ရေး တပ်ဖွဲ့ က၊ ငါးဖမ်းလှေမှာ ရောင်းစားခံရရင်လည်း အဲဒီငါးဖမ်းလှေရဲ့နံပါတ် လှေနာမည် ထိုင်းလိုရေးထားတာ ကို အတိအကျပြနိုင်ရမယ်။ ပွဲစားဓါတ်ပုံကို ပြနိုင်ရမယ်။ နေရာကိုတိတိကျကျ မြေပုံ ရေးဆွဲပြနိုင်ရမယ် လို့ဆိုပါတယ်။
သူတို့ကလည်း သူတို့ ဥပဒေပါ အတိုင်း လိုအပ်ချက် တွေကိုပြောတာ ဖြစ်နိုင်ပါတယ်။ ဒါပေမယ့်
ထိုင်း မြန်မာ နယ်စပ် မဲဆောက်က ဘန်ကောက် နဲ့ မဟာချိုင်ကို လာတဲ့ အလုပ်သမားတွေ ခြုံဘူလီ လှေဆိပ်ကို ရောင်းစားခံရတယ်။ သူတို့မှာဘယ်ပိုက်ဆံနဲ့ ဖုန်းဝယ်မလဲ။ ဖုန်းကိုင်ခွင့်လည်းမရဘူး၊ လှေနာမည်ကို ဘယ်ကယ်မရာနဲ့ ရိုက်မလဲ။ ဖတ်ပြရအောင်ကလည်း ထိုင်းစာ နဲ့ ရေးထားတာ။ ရောင်းစားခံရသူ ဆိုတာ ထိုင်းကို မရောက်ဖူးတဲ့ လူတွေပါ။ သူတို့ကို ခေါ်ယူလာတဲ့ ပွဲစား ဓါတ်ပုံကို ဘယ်လို ရနိုင်မလဲ။ ဖုန်းကိုင်ခွင့်ရတဲ့အလုပ်သမားတွေဆိုတာ ဒီလှေဆိပ်
မှာ အနည်းဆုံး ၈လလောက် လုပ်ပြီးမှ ပွဲစားစရိုက်ကျေတဲ့ သူတွေဖြစ်ကြပါတယ်။
ပြီးခဲ့တဲ့နှစ်က ခြုံဘူရီ လှေဆိပ်မှာ ရောင်းစားခံထားရတဲ့ အလုပ်သမား တစ်ယောက် သူတို့ကို အုပ်ချုပ်နေတဲ့ ဘ၀တူ လုပ်သက်ရင့် လှေသမားဖုန်းနဲ့  ဖုန်းဆက်ပြီး ကျနော့်ကို အကူအညီတောင်း လာပါတယ်။
အဲဒီလှေသမားခေါင်းဆောင်က ကျနော်က လှေနာမည်ကို သူ့ရဲ့ဖုန်းနဲ့ ဓါတ်ပုံရိုက်ပြီး ပို့ ပေးဖို့ အကူအညီ တောင်းပါတယ်။
သူက ဘာပြောလဲဆိုတော့၊ ဒီလှေဆိပ်မှာ မြန်မာ အလုပ်သမားတွေ သောင်းချီပြီးရှိတယ်။ လှေလုပ်သား ဟူသမျှ ကိုယ့် သဘောနဲ့ ကိုယ် လာလုပ်သူ တစ်ယောက်မှ မရှိဘူး။
ကျနော်က ကူညီပြီး လှေနာမည်ကို ဖုန်းကယ်မရာနဲ့ ဓါတ်ပုံရိုက်ပြီး ပို့လိုက်လို့  အကိုတို့ က ထိုင်းပုလိပ်
တွေနဲ့ လာဖမ်းရင် အကုန်လုံး နယ်စပ်ကို အပို့ ခံရမယ်။ ဘာကြောင့်လဲဆိုတော့ ဒီမှာ လုပ်နေသမျှ လှေ
လုပ်သားတွေ တစ်ယောက်မှ နေထိုင်ခွင့် လုပ်ထားတာ မရှိဘူး။
ကျနော်က ရောင်းစားခံခဲ့ရတဲ့ စရိတ်ကျေသွားပြီ။ ခု ဒုက္ခ မရောက်တော့ဘူး။ တစ်လကို ဘတ် ၇၀၀၀ .. ၈၀၀၀ ရနေပြီ။ စရိတ်ငြိမ်း ဗမာငွေ ၂သိန်းလောက် မိသားစုဆီပို့ နိုင်ပြီ။ ကျနော်က ရောင်းစားခံထားရသူကို သနားလို့ လှေနံမည်ကို ဓါတ်ပုံရိုက်ပို့ လိုက်ရင် အကိုတို့ ကျနော်ကို ချန်ထားခဲ့မှာမဟုတ်ဘူး။ အကုန်ဖမ်းမှာပဲ။ ဒါကြောင့် အကိုတို့ ကူညီတယ်ဆိုတာ ဒုက္ခရောက်သူကို ကူညီတာပဲဖြစ်သင့်တယ်။ ဒီလိုမှမဟုတ်ရင်
တော့ အချောင်မှာ ရောင်းစားခံနေရတဲ့ လှေလုပ်သားတွေကို ကယ်တင်ဖို့ မစဉ်းစားပါနဲ့တဲ့။
လှေဆိပ်တစ်ခုလုံး မွန်ပွဲစားတွေနဲ့ ထိုင်းပုလိပ်တွေ က ထိုင်းလုပ်ငန်းရှင်တွေအတွက် မြန်မာအလုပ်သမား
တွေကို လူအရောင်းအ၀ယ် ကျွန်အရောင်းအ၀ယ် လုပ်နေတဲ့နေရာပါတဲ့။ အကျိုးစီးပွားဖြစ်ထွန်းနေတာက
ထိုင်းလုပ်ငန်းရှင်နဲ့ ထိုင်းပုလိပ်တွေပါ။ ရောင်းစားခံရပြီး ကျေးကျွန်ဖြစ်နေတာက မြန်မာ အလုပ်သမားတွေ
ပါ။ အဲဒါကို မြန်မာအစိုးရကို ပြောပေးပါတဲ့။ 

သဗ္ဗေ သတ္တာ ကမ္မသကာ
** ကျော်သောင်း**

ရွှေလုပ်သား ဂျာနယ် အမှတ်စဉ် ၆

 ရွှေလုပ်သား ဂျာနယ် အမှတ်စဉ် ၆ အား ကာလာစုံဖြင့် ဖတ်ရှုနိုင်ပါပြီခင်ဗျာ။  Shweloathar for March

လယ်မြေသိမ်းခံရသည့် လယ်သမားများရင်ဖွင့်သံ

ကျမ္မာရေး အာမခံအတွက် သွေးစစ်ဆေးကြစဉ်

“လျှော့နိုင်တာလေးတွေကို လျှော့ပေးပါ”

ထိုင်းနိုင်ငံမှာ ယာယီပတ်စပို့ လုပ်ပေးတဲ့ ၂နှစ်ကျော် ၃နှစ်အတွင်း မှာ မြန်မာအလုပ်သမားပေါင်း တစ်သန်းထက် မနည်း လုပ်ပြီးဖြစ် တာကြောင့် ထိုင်းအစိုးရ၊ မြန်မာအစိုးရ နဲ့ထိုင်းပွဲစား ကုမ္ပဏီတို့  အတိုင်းအတာတစ်ခုအထိ အကျိုးအမြတ်ရရှိ လိုက်ကြပြီး ဖြစ်ပါတယ်။ ဆက်လက်ပြီးတော့ လုပ်နေဆဲ မို့လို့မြိုးမြိုးမြက်မြက် ရကြရအုံး မှာ  မြေကြီးလက်ခတ်မလွဲပါဘူး။ ဒါကြောင့်လည်း ထိုင်းနိုင်ငံ အတွင်း ယာယီပတ်စပို့ လုပ်ငန်းနဲ့ ပါတ်သက်ပြီးတော့ ကုမ္ပဏီပေါင်း ခြောက်ဆယ်ကျော်ရှိ်နေတာပါ။

ယာယီပတ်စပို့ ကုန်ကျငွေ ၂နိုင်ငံအစိုးရ သတ်မှတ်ထား တဲ့ ဈေးနုန်းက မြန်မာဘက်အခြမ်းကို ပတ်စပို့ စာအုပ်ခ ဘတ်ငွေ၁၀၀နဲ့ ထိုင်းနိုင်ငံအတွင်းသို့   ပြည်ဝင်ခွင့် ဗီဇာခ ဘတ်၅၀၀ ပဲဖြစ်ပါတယ်။ ဒါပေမယ့် အမှန်တကယ် လုပ်နေကြရတဲ့ ဈေးနုန်းက အနည်းဆုံး ဘတ် ၆၀၀၀ ကနေဘတ် ၉၀၀၀ လောက်ကုန်ကျနေပါတယ်။ ယာယီပတ်စပို့လုပ်ပြီးတော့
အလုပ်လုပ်ခွင့် လက်မှတ်Work Permit အတွက်က လုပ်ငန်းရှင်ကိုယ်တိုင် လုပ်ပေးရင်တောင်မှ အရပ်ရပ် ကုန်ကျ ငွေဘတ်၇၀၀၀ ကျော်ပါတယ်။ ပတ်စပို့ရောWPပါဆိုရင် ဘတ်ငွေတစ်သောင်းခွဲနဲ့ နှစ်သောင်း ၀န်းကျင် ကုန်ကျပါတယ်။ မြန်မာနိုင်ငံအတွင်းမှာ အလုပ်အကိုင်အခွင့်အလမ်းတွေ နည်းပါးသေးတာကြောင့် မြန်မာ အလုပ်သမားတွေ ထိုင်းမှာ တရားဝင် လုပ်ခွင့်ရချင်လွန်းလို့  အကုန်အကျခံနေကြရတာ ဖြစ်ပါတယ်။
လုပ်ငန်းလည်ပတ်ပုံ
စီးပွားရေးကုမ္ပဏီ ခြောက်ဆယ်ကျော်တို့  တရားဝင်မှတ်ပုံတင်ပြီးတော့ သူတို့ အောက်က သောင်းသိန်းချီတဲ့
ပွဲစား တွေနဲ့   ရပ်ကွက်တိုင်း အလုပ်ရုံတိုင်းမှာ ရုံးခန်းငယ်လေးတွေ ဖွင့်လှစ်ပြီးတော့ လုပ်ကြပါတယ်။ထိုင်း
စကားနဲ့ ထိုင်းစာကို ပေါက်ပေါက် ရောက်ရောက် ပြောနိုင်ကြတဲ့ မြန်မာနိုင်ငံသား အတော်များများတို့ ယာယီ ပတ်စပို့ ပွဲစား အလုပ် လုပ်ကြတယ်။ လုပ်ကိုင်ခွင့် (မော့အာမနမ်း) စာရွက်ကလေးယူ လိပ်စာကဒ်ကလေး လုပ်ပြီး အလုပ်သမားတွေကြားထဲကို ယာယီပတ်စပို့ လုပ်ဖို့ တိုက်တွန်းကြတယ်။ လူတွေစုဆောင်း ပြီးတော့
ကုမ္ပဏီကြီးတွေကို သွင်းကြတယ်။
လူလိမ်ပွဲစားများ
ပြီးခဲ့တဲ့ မတ်လ၂ ရက်နေ့က ဘန်ကောက်မြို့ရဘူရနနယ်မြေ၊ထိုင်းအစိုးရ အလုပ်သမားရုံးအနီး စူစ၀ါ ၄၉/၅၁ လမ်းမှာရှိတဲ့ ( JWS ) JOBS WORKER SERVICE CO,LTD  ကုမ္ပဏီက ကိုမျိုး (Myo Than Oo) ဆိုတဲ့ မြန်မာပွဲစား က ယာယီပတ်စပို့ လူသစ်တွေ လုပ်ရတော့မယ်ဆိုပြီး  မြန်မာအလုပ်သမား တစ်ရာကျော်ဆီကနေ   တစ်ယောက်ကို ဘတ်ငွေ ၆၅၀၀ စီလိမ်ပြီးတော့ ထွက်ပြေးသွားတယ်။ ဒီအလုပ်သမားတွေ အတွက် အယင် စရံငွေ ပေးထားတာက သပ်သပ်ဖြစ်တယ်။ ဘတ်ငွေ ရှစ်သိန်းထက်မနည်း လိမ်ပြီး ထွက်ပြေးသွားတယ်။
အလုပ်သမားအဖွဲ့ ခေါင်းဆောင်အမျိုးသမီး မနုက ဘတ်ခြောက်သိန်းခွဲထက်မနည်း ရသွားတယ်လို့ ပြောတယ်။
လွန်ခဲ့တဲ့ ၂၀၁၀ နှစ်ကုန်ပိုင်းက ဘန်ကောက်မြို့က မြန်မာပွဲစား တစ်ယောက် ထိုင်းနိုင်ငံတောင်ပိုင်း ဖူးခက်မြို့ မှာ ယာယီပတ်စပို့ ကုမ္ပဏီ ရုံးဖွင့်ပြီးတော့ ရခိုင်နဲ့ဗမာ အလုပ်သမား တစ်ထောင်ကျော် တို့ ဆီင်္က ဘတ်ငွေ သန်းချီ ပြီး လိမ်လည် ထွက်ပြေးသွားခဲ့တယ်။ ရခိုင်အလုပ်သမားတွေက အဆိုပါ လူလိမ်-----နဲ့ အပြန်အလှန် ပြောဆိုကြတဲ့ အသံဖိုင်၊ ဓါတ်ပုံ၊ စီးနေတဲ့ ကားနံပါတ်ဓါတ်ပုံနဲ့  လူလိမ်ရဲ့လိပ်စာကဒ်တွေ ကျွန်ုပ်ထံသို့ပေးပို့  ခဲ့ကြပါတယ်။ လူလိမ်တွေ အဆင်ပြေပြေနဲ့ သွားလာလှုပ်ရှား နေတာကို ဒီအတိုင်းကြည့်နေကြရတယ်။ ဘယ်အစိုးရက မှ ဒီလူလိမ်ပွဲစားတွေကို အရေးမယူကြဘူး။
ယာယီပတ်စပို့ လုပ်ပြီးတဲ့နောက်ပိုင်း
 ပတ်စပို့ လုပ်ပြီးတော့ ၁လအတွင်း အလုပ်လုပ်ခွင့် work permit လျှောက်ရပါတယ်။ မိမိလုပ်ငန်းရှင်နဲ့ လုပ်ရင်
 (သွေးစစ်ခ ၁၉၀၀ ဘတ်၊ နေထိုင် ခွင့်အတွက် ၁၉၀၀ ဘတ်၊ ၂ နှစ်စာ ၀ပ်ပါမစ် အတွက် ဘတ်ငွေ ၃၆၀၀ ၊ လျှောက်လွှာခ ၁၀၀ ဆိုတော့ စုစုပေါင်း ဘတ်ငွေ ၇၅၀၀ ကုန်ကျပါမယ်။ အပြင်ပွဲစားနဲ့ ဆိုရင်ပိုကုန်ပါတယ်။
အစကတည်းက  လုပ်ခဲ့ကြတဲ့ ယာယီပတ်စပို့ တွေ သက်တမ်းကုန်ကြပြီ။ မြန်မာသံရုံးမှာ သက်တမ်းတိုး တာက
တော့ ပွဲစားလက်ထဲကိုစာအုပ်နဲ့ ဘတ်ငွေ ၅၀၀ ပေးလိုက်ရင်ရပြီ။ဘာမှအခက်အခဲမရှိဘူး။ဒါပေမယ့်ထိုင်းနိုင်ငံ
မှာ နေထိုင်ခွင် ၂နှစ်စာ လုပ်ဖို့အတွက် ပွဲစားကို ဓါတ်ပုံ ၂ပုံနဲ့ ဘတ်၅၀၀၀ ပေးလိုက်မှ ရတယ်။ တရားဝင် လုပ်
ချင်ရင်တော့ သွေးစစ်ဆေးပြီးကြောင်း စာရွက်၊နဲ့ လုပ်ငန်းရှင်ရဲ့  စာရွက်စာတမ်းတွေ နဲ့ ဘတ်ငွေ ၁၉၀၀ ပေးရပါတယ်။
ယာယီပတ်စပို့ ကိုင်ဆောင်ထားသူတိုင်း ရက်ပေါင်း ၉၀ ပြည့်တိုင်းပြည့်တိုင်း နီးစပ်ရာ လူဝင်မှုကြီးကြပ်ရေး ရုံးမှာ ဧည့်စါရင်း တုံးထုရပါတယ်။ အလုပ်သမားတိုင်း မသွားနိုင်တာကြောင့်ပွဲစားလက်ကို ဘတ်၃၀၀  ပေးပြီး
ထုခိုင်းကြရပါတယ်။
မိမိလုပ်အားခ ဘတ်ငွေ တစ်သောင်းကျော်လောက် အကုန်ကျခံလုပ်ထားတဲ့ ယာယီပတ်စပို့ နဲ့ WP  တို့ကို လုပ်ငန်းရှင်သိမ်းထားလို့ ထိုင်းနိုင်ငံအတွင်း နေထိုင်ခွင့် သက်တမ်း လပေါင်းများစွာ လွန်သွားတဲ့ အလုပ်သမား
တွေ အတွက် အလွန်ပဲ အကုန်အကျများပါတယ်။အကုန်အကျမခံနိုင်ရင် တရားမ၀င်အလုပ်သမားဖြစ်သွားရ
ပြန်တယ်။နစ်နာတာ မြန်မာအလုပ်သမားပါပဲ။ တစ်နေ့ ကို ဘတ်၂၀၀ ၀န်းကျင်သာ လုပ်အားခ ရရှိကြတဲ့ မြန်မာအလုပ်သမားတွေကို  နိုင်ငံတကာ ဒေါ်လာစားတွေ ကိုသတ်မှတ်ထားတဲ့ အတိုင်း ထိုင်းနိုင်ငံအတွင်း တစ်နေ့ ရက်လွန်ကြေး ဘတ်ငွေ ၅၀၀ ပေးလျှော် ရတာ အလွန်နစ်နာပါတယ်။ ဘတ်တွေသက်တမ်း သေတော့မယ်၊
ဘတ်အသစ်တွေ လုပ်ပြီး ဆိုသလို အများ တပြိုင်းတည်း သိရမယ့် အခြေအနေကမဟုတ်။ တစ်ယောက်နဲ့ 
တစ်ယောက် စာအုပ်သက်တမ်းကုန်တာ မတူညီတော့ မိမိကိုယ်ကိုယ် နမော်နမဲ့နိုင်လို့ မသိတာရှိသလို
လုပ်ငန်းရှင်တွေ သိမ်းထားလို့ နေထိုင်ခွင့်ရက်တွေ လွန်သွားတာလည်းရှိတယ်။
အားလုံးကိုခြုံပြောရရင်၊ ထိုင်းနိုင်ငံအတွင်းမှာ လက်ရှိလုပ်ကိုင်နေတဲ့ ယာယီပတ်စပို့ လုပ်ငန်ကြောင့် ထိုင်းနဲ့မြန်မာအစိုးရနဲ့ကုမ္ပဏီတွေ၊ပွဲစားတွေ အကျိုးအမြတ်လွန်စွာများပါတယ်။ အလုပ်သမား ကြောမွဲ မြန်မာ
အလုပ်သမားတွေအတွက်ကတော့ ကုန်းခံ ရုန်ကန်ရင်း တရားဝင်နေထိုင် အလုပ်လုပ်ကိုင်ခွင့် အတွက် လုပ်
သမျှ ကုန်နေကြရတယ်။ အလုပ်တွေလည်းရှုပ်လိုက်ကြတာ။ လုပ်သမျှ ပွဲစားလက်ကို ထိုးထည့်နေကြရတယ်။
ထိုင်းနဲ့ မြန်မာအစိုးရတို့ လျှော့ပေးပါ

နှစ်နိုင်ငံအစိုးရအနေနဲ့  အလုပ်သမားတွေကို သနားလို့ရှိရင် လျှော့ပေးနိုင်တာရှိပါတယ်။(၁) ထိုင်းနိုင်ငံအတွင်

နေထိုင်ခွင့်ကို ပတ်စပို့စာအုပ်သက်တမ်းနဲ့ အတူတူ ၆နှစ် သတ်မှတ်ပေးပါ။(၂) အလုပ်လုပ်ခွင့်WP ကိုလည်း စာအလုပ်သက်တမ်းနည်းတူထားပေးပါ။(၃) ရက်ပေါင်း ၉၀ သတင်းပို့ တုံးထုရခြင်းကို လုံးဝ ရပ်ပစ်ပါ။

 ဒီ အချက် ၃ချက်ကို မြန်မာအစိုးရက ထိုင်းအစိုးနဲ့ ညှိလိုက်ရင် မြန်မာအလုပ်သမားတွေအတွက် အလုပ်လည်း မပျက်၊ အလုပ်လည်းမရှုပ်တော့သလို အကုန်အကျလည်း အထူးသက်သာသွားပါမယ်။ ကြားပွဲစားတွေဆီမှာ လည်း  ခေါင်းပုံဖြတ်ခံနေရတာတွေ လျှော့နည်းသက်သာသွားစေနိုင်မှာ ဖြစ်ပါတယ်။တရားဝင် အလုပ်သမား ဖြစ်ခြင်းကိုလည်း အားပေးရာရောက်စေပါတယ်။

 ပညာတွေအများကြီးတတ်ပြီး မြန်မာသံအရာရှိလူကြီးမင်းတို့လည်း တိုင်းပြည်နဲ့လူမျိုးအကျိုး၊ လူသား တွေရဲ့ အကျိုးတွေအတွက် အလုပ်လုပ်ခွင့်မရပဲ နေ့စဉ်အုပ်ရေ လေးထောင် ထက်မနည်းတဲ့ ပတ်စပို့  စာအုပ်ပုံကြီးကို တံဆိပ်တုံးထုလိုက်၊ လက်မှတ်ထိုးလိုက် အလုပ်ကနေသက်သာသွားမယ်လို့ မြင်ပါတယ်။

ထိုင်းနိုင်ငံအတွင်းသန်းချီရှိတဲ့ မြန်မာ အလုပ်သမားတွေရဲ့ ဘ၀တွေ၊ အသက်တွေ၊ ကိုယ်လက်အင်္ဂါတွေ၊ ချွေးတွေ နဲ့ ရင်းနှီးပေးဆပ်ပြီးမှ ရတဲ့လုပ်အားခတွေ အကုန်လုံးနီးပါး ထိုင်းနိုင်ငံအတွင်းမှာပဲ ကုန်ကျနေ တာကို

လျှော့နိုင်သမျှ လျှော့နိုင်အောင် မြန်မာအစိုးရသစ်အနေနဲ့ အမြန်ဆုံး ထည့်သွင်းစဉ်းစားပေးပါလို့  အလုပ်သမား တွေကိုယ်စား အကြံပြု တင်ပြလိုက်ပါတယ်။

                                                                                            ကျော်သောင်း

ကုမ္ပဏီ ပန်းရံအလုပ်သမားကဒ် ထုတ်ပြသော်လည်း ပုလိပ်ဖမ်းဆီငွေညှစ်

မတ်လ ၈ ရက်
ထိုင်းနိုင်ငံတောင်ပိုင်း စူရတ်ဌာနီခရိုင် စူရတ်ဌာနီမြို့ တွင်ရှိသော အီတာလျှံ ထိုင်းဖွံ့ ဖြိုးရေး  ဆောက်လုပ်ရေး
ကုမ္ပဏီမှ  ပန်းရံအလုပ်သမား ၆ဦးတို့  TESCO   Lotus  မှ ဈေဝယ်ပြီး အထွက်တွင် ထိုင်းပုလိပ် က ဖမ်းဆီးပြီး ပါလာသည့် ဘတ်ငွေ ၃၁၀၀ အားယူဆောင်သွားကြောင်း အလုပ်သမားများကပြောသည်။
ပန်းရံအလုပ်သမား ကိုဝင်းသန့် က “ကျနော်တို့  ကုန်တိုက်ထဲက ဈေးဝယ်ပြီးအလုပ်ကိုပြန်ဖို့ ကားငှါးနေကြတုန်း
ပုလိပ်ရောက်လာပြီး  ဘတ် ပါလားလို့ မေးတယ်။ ကျနော်တို့က ကုမ္ပဏီ ကဒ်ပြားကို ထုတ်ပြတယ်။မရဘူး။ ကျနော်တို့ က အလုပ်ကို ဖုန်းဆက်မရဲစခန်းကို ခေါ်သွားတယ်။ ကျနော်တို့ က ကုမ္ပဏီ ကိုဖုန်းဆက်ပါရစေ ဆို
တော့ သားရေတုတ် နဲ့ ရိုက်မယ်လို့ ခြိမ်းခြောက်တဲ့အတွက် ဖုန်းမဆက်ခဲ့ရဘူး။ ကျနော်တို့ ဘောင်းဘီ အိပ်တွေထဲ နှိပ်ပြီးတော့ ပါလာတဲ့ ဘတ်ငွေ ၃၁၀၀ လုံးကိုယူလိုက်တာပဲ” ဟုပြောသည်။
ယမန်နေ့ နံနက်ပိုင်းက ရဲစခန်းသို့ ဖမ်းဆီးခေါ်ဆောင်သွားပြီး စားပွဲပေါ်တွင် ၃၀၀၀ ဘတ်ဟုရေးပြ  ပြီး အလုပ်သမားများက ကုမ္ပဏီ ကဒ်ကို ထုတ်ပြသဖြင့် ၆ ဦးလုံးဘောင်းဘီအိပ်များကို နှိပ်ပြီး တွေ့သမျှ ပိုက်ဆံများကိုသိမ်းယူထားလိုက်ကြောင်း အလုပ်သမား ကျော်ကိုလင်း ကပြောသည်။ အီတာလျှံ ထိုင်း ဖွံ့ဖြိုးရေး   ဆောက်လုပ်ရေးကုမ္ပဏီ တွင် ထိုင်းမြန်မာနယ်စပ်မှ MOU ဖြင့် လာရောက်ပြီး အလုပ်လုပ် နေကြသော မြန်မာအလုပ်သမား ၃၀၀ ကျော်ခန့် ရှိကြောင်း သိရှိရသည်။
အဆိုပါ အလုပ်သမားများသည် ထိုင်းမြန်မာနယ်စပ် ကော့သောင်းမြို့ မှ MOU ပတ်စပို့ နှင့်လာခဲ့ကြသူများဖြစ်ပြီး ၂နှစ် အလုပ်လုပ်ရန် စာချုပ်ချုပ်ဆိုထားရသူများ ဖြစ်ကြောင်း အလုပ် သမားများကပြောသည်။

ယာယီပတ်စပို့ပွဲစားတစ်ဦး ဘတ်၆သိန်းကျော်လိမ်လည်တိမ်းရှောင်

မတ်လ ၆
မြတ်ညို(အလွတ်သတင်းထောက်)
ဘန်ကောက်မြို့မှ ယာယီပတ်စပို့ ကုမ္ပဏီ ပွဲစားတစ်ဦး မြန်မာအလုပ်သမား တစ်ရာကျော်တို့ထံမှ ဘတ်ငွေ ၆သိန်းထက် မနည်း လိမ်လည်ထွက်ပြေး သွားကြောင်း အလုပ်သမားများ ပြောပြချက်အရ သိရှိရသည်။
လိမ်လည်သွားသည့် ပွဲစား ကိုသန်းဦး(ခ) ကိုမျိုး ဆိုသူသည် ဘန်ကောက်မြို့ စူစ၀ါ၄၉, ၅၁ တွင်ရှိသော ( JWS ) JOBS WORKER SERVICE CO,LTD  ကုမ္ပဏီ လိပ်စာကဒ် ကိုင်ဆောင်ထားသူဖြစ်ကြောင်း အလိမ်ခံရသည့် အလုပ်များက ပြောသည်။ သေချာမှုရှိစေရန် လိပ်စာကဒ်ပါ ဖုန်းနံပါတ်အားဆက်သွယ်မရရှိတော့ပါ။
ပြီးခဲ့သည့် ဖေဖေါ်ဝါရီလ ၂၆ ရက်နေ့က ကိုမျိုး က ယာယီပတ်စပို့ လုပ်ရန် နယ်စပ်သို့ ဆင်းရတော့ မည်ဖြစ် ကြောင်း ပြောဆိုပြီး မြန်မာအလုပ်သမား တစ်ရာကျော် ထံမှ  တစ်ဦးစီ ဘတ်ငွေ ခြောက်ထောင် ငါးရာ/ ခုနှစ်ထောင် အထိ ကောက်ယူ သွားခြင်းဖြစ်သည်။
အလိမ်ခံခဲ့ရသည့် ဘန်ကောက်မြို့လဖလောက် ပန်းရံဆိုဒ်မှ အဖွဲ့ခေါင်းဆောင် အမျိုးသမီး မနုက “ ကျမတို့ ပန်းရံဆိုဒ်က ၁၁  ယောက် အလိမ်ခံလိုက်ရတယ်။ ကျမတို့ က လိပ်စာကဒ် အတိုင်း ကုမ္ပဏီရုံးကို လိုက်သွားတော့ ကုမ္ပဏီ ပိုင်ရှင် ထိုင်းလူကြီးက  ကိုမျိုး သွင်းထားတာ လူတစ်ရာကျော်ရှိတယ်၊ တစ်ယောက်အတွက် ဘတ်ငွေ တစ်ထောင်စီပဲသွင်းထားတယ်၊လူသစ်တွေ မဆင်းရသေးပါဘူး လို့ပြော တယ်။အလုပ်သမားတွေ ဘာမှ မတတ်နိုင်ဘူး။အလိမ်ခံလိုက်ရတာပဲ” ဟုပြောသည်။
လွန်ခဲ့သော ၂၀၁၀ နှစ်ကုန်ပိုင်းက ထိုင်းနိုင်ငံတောင်ပိုင်း ဖူးခက်မြို့တွင် ဘန်ကောက်မြို့မှ ------ဆိုသူ လည်း
ယာယီပတ်စပို့ ရုံးခန်းဖွင့်လှစ်လျှက်   အလုပ်သမား တစ်ထောင်ကျော် တို့ ထံမှ ဘတ်ငွေသန်းချီ ပြီး လိမ်လည် ထွက် ပြေး သွားကြောင်း  အလိမ်ခံလိုက်ရသည့် ရခိုင်အလုပ်သမားများက အဆိုပါ လူလိမ်-----နှင့် အသပြန်အလှန်ပြောဆိုကြသည့် အသံဖိုင်၊ လူလိမ်ဓါတ်ပုံနှင့် မန်နေဂျာ လိပ်စာကဒ်တို့အား ကျွန်ုပ်ထံသို့ပေးပို့ ခဲ့ဖူးသည်။
ထိုင်းအစိုးရနှင့် မြန်မာအစိုးရတို့ အကောင်အထည် ဖေါ်နေသော ယာယီပတ်စပို့ လုပ်ငန်းစဉ်အတွင်း ကုမ္ပဏီ
အချို့နှင့် ပွဲစားအချို့တို့ လိမ်လည်မှုများ မကြာခဏ ပေါ်ပေါက်လေ့ရှိပြီး မြန်မာအလုပ်သမားများ နစ်နာမှုများ
စွာ ရှိနေသော်လည်း ထိုင်းနှင့် မြန်မာအစိုးရတို့ က အဆိုပါ လိမ်လည်မှုများအား တစ်စုံတစ်ခု ဖြေရှင်းပေးခြင်း
ကူညီပေးခြင်း၊ပြန်လျှော်ပေးခြင်းမျိုးမရှိဖူးသေးကြောင်း အလိမ်ခံရသည့် မြန်မာအလုပ်သမားများက ပြောသည်။

BC ကုန်တိုက် သန့် ရှင်းရေးအလုပ်သမား၆ဦး လုပ်အားခ ဘတ်ငွေ လေးသောင်းကျော်ရပြီ

ဖေဖေါ်ဝါရီ လ ၂၉ ရက်
မြတ်ညို (အလွတ်သတင်းထောက်)
ဘန်ကောက်မြို့ ဖလန်းဆောင် နယ်မြေ BC ကုန်တိုက် သန့်ရှင်းရေး  မြန်မာအလုပ်သမား ၆ဦင်္းတို့၏လုပ်အားခဘတ်ငွေ လေးသောင်းကျော်အား FED နှင့် BAT အဖွဲ့တို့ ပူးပေါင်း ဆောင်ရွက်မှုဖြင့် ယနေ့ ရရှိပြီးဖြစ်ကြောင်း အလုပ်သမား များ ပြောပြချက်အရ သိရသည်။
မစိုးစိုး၊ မနု၊ မမြင့်ခင်၊ မခင်မျိုးသက်၊ ကိုဝင်းနိုင်နှင့် ကိုကျော်စွာ တို့ ၆ဦး တို့ သည် ဘန်ကောက်မြို့ဖတနာကန် ၃၂ လမ်းတွင်ရှိသော BC ကုန်တိုက် အလုပ်သမားခန့် ထားရေးရုံးတွင် ၂၀၁၁ ခုနှစ် အလုပ် စက်တင်လာလ က အလုပ်စတင် ၀င်ရောက်ခဲ့ကြသည်။  တာဝန်အရ ဖလန်ဆောင်နယ်မြေBC ကုန်တိုက်တွင် သန့်ရှင်းရေးအလုပ် လုပ်နေကြစဉ် ယာယီပတ်စပို့ လုပ်ရန်အတွက် ဟုဆိုကာ လုပ်အားခငွေမှ တစ်ဦးလျှင် ဘတ်ငွေ ၂၃၃၄ စီ ဖြတ်ထောက်လိုက်သည်။ ယာယီပတ်စပို့ လုပ်ခ ဘတ်ငွေ ၈၀၀၀ ဖြတ်တောက်မည်ဖြစ်ကြောင်း BC ကုန်တိုက် တာဝန်ရှိသူကပြောဆိုလာရာ အလုပ်သမားများက ပတ်စပို့ ကိုအပြင်တွင်ဈေးသက်သာစွာဖြင့် လုပ်၍ရကြောင်း ပြန်ပြော ခဲ့ကြသည်။
 အပြင်တွင်လုပ်သည့် ပတ်စပို့ ကိုလက်မခံကြောင်း အလုပ်ထွက်လိုက ထွက်နိုင်ကြောင်း ကုန်တိုက် တာဝန်ရှိ သူက ပြောသဖြင့် အလုပ်သမားများက အလုပ်ထွက်လာခဲ့ကြခြင်းဖြစ်သည်။
        ကူညီဆောင်ရွက်ခဲ့သည့် ထိုင်းနိုင်ငံတောင်ပိုင်း ဖန်ငအခြေစိုက် ပညာရေးဖွံ့ဖြိုးရေး ဖေါင်ဒေးရှင်း  FED
ဒါရိုက်တာ ဦးထူးချစ် က “ ကျနော်တို့  ၂၀၁၂ ခုနှစ်ဆန်းက စပြီးတော့ ဘန်ကောက် အခြေစိုက် ထိုင်းနိုင်ငံ ရောက်မြန်မာနိုင်ငံသားများအဖွဲ့BAT နဲ့ပူးပေါင်းပြီးတော့ ဘန်ကောက်နဲ့ အနီးပတ်ဝန်းကျင်နယ်မြေ အချို့တွေ မှာ အလုပ်သမားတွေ အခွင့်အရေး ချိုးဖေါက်ခံရမှုတွေကို လုပ်နေတာတွေထဲက အောင်မြင်မှုတစ်ခုဖြစ်ပါတယ်။
အလုပ်သမားတွေ ရသင့် ရထိုက်တာတွေကို  ဖြေရှင်းကြတဲ့နေရာမှာ  အလုပ်လုပ်တဲ့ အလုပ်ရုံမှာ မှတ်ပုံတင်
ထားတာမျိုးဖြစ်ရင် လုပ်ရကိုင်ရတာ ပိုအဆင်ပြေပါတယ်။ အလုပ်ရုံက လုပ်အားခရှင်းပေးတဲ့ စာရွက်စာတမ်း
တွေနဲ့ အလုပ်ရုံနဲ့ ပတ်သက်သမျှ ၀တ်စုံက အစ အားလုံးကို သိမ်းဆည်းထားဖို့ လိုပါတယ်” ဟုပြောသည်။
  အလုပ်သမ မစိုးစိုးက“ကျမတို့ ကို သူတို့ဆီမှာ ပတ်စပို့ လုပ်ရမယ်ဆိုပြီး ပိုက်ဆံဖြတ်တာ အပြင်မှာသက်
သာတဲ့နေရာမှာ လုပ်တာကို သူတို့ လက်မခံဘူး။ အလုပ်ထွက်လာတော့ ဖြတ်ထားတာရော လုပ်အားခ ပိုက်ဆံတွေပါ မပေးတော့ဘူး။ ကျမတို့သန့်ရှင်းရေးအလုပ်ကို လုပ်ကြရတာ။ ကျမတို့ ညဥ့်နက်မှ အလုပ်က ပြန်ရတာ၊  ကျမ တို့ စာရွက် စာတမ်းတွေ အလုပ်ခွင်ချိတ်ကဒ် တွေ နဲ့ BAT ရုံးမှာအကူအညီတောင်းခဲ့တယ်၊ ကူညီကြသူ တွေကို ကျေးဇူးတင်ပါတယ်ရှင်” ဟုပြောသည်။
ထိုင်နိုင်ငံတောင်ပိုင်း ဖန်ငအခြေစိုက် ပညာရေးဖွံ့ဖြိုးရေး ဖေါင်ဒေးရှင်း  FED  နှင့်ဘန်ကောက်မြို့ အခြေစိုက်
ထိုင်းနိုင်ငံရောက် မြန်မာနိုင်ငံသားများအဖွဲ့BAT တို့ ပူးပေါင်းလျှက် ဘန်ကောက် မဟာချိုင်နှင့် အနီးပတ်ဝန်း ကျင် နယ်မြေများမှ အခွင့်အရေး ချိုးဖေါက်ခံနေရသည့် မြန်မာအလုပ်သမား ပြဿနာအချို့တို့အား ကိုင်တွယ် ဖြေရှင်းနေဆဲ ဖြစ်ကြောင်း သိရှိရသည်။