အမေစု ထိုင်းနိုင်ငံ မဟာချိုင်မှာ ၂ကြိမ်တိုင် တိုင် ရွှေ့ပြောင်း အလုပ်သမား တွေကိုစကားပြော ခဲ့ပါတယ်။ မြန်မာ အလုပ်သမားတွေ ဂုဏ်သိက္ခာ ရှိရှိနေထိုင်လုပ် ကိုင်နိုင်ရေး အတွက် ထိုင်းအစိုးရ ကို ပြောခဲ့တယ် ဆိုတာကြောင့် သန်းချီရှိတဲ့ အလုပ် သမားတွေ ၀မ်းသာ ကြတယ်။ အမေပြောသွားတဲ့စကားတွေထဲမှာ အလုပ်သမား တွေသိအောင်သတင်းအချက်အလက်တွေ ဖြန့်ဝေ ဖို့ ကိစ္စနဲ့ အစုအဖွဲ့တွေ ဖွဲ့စည်းဖို့၊ ဥပေဒေကြောင်း အရ အကာ အကွယ် ရရှိအောင်နဲ့ ထိုင်းကျောင်းတွေမှာ ပညာသင်ခွင့်ပြုဖို့ထိုင်းအာဏာပိုင်တွေကိုတင်ပြ တောင်း ဆိုခဲ့တယ် လို့ ပြောပါတယ်။
ထိုင်းမှာရှိနေတဲ့ အလုပ်သမားအများစုဟာ ရေဒီယိုလည်းနားမထောင်ကြဘူး။ သတင်းစာနဲ့  စာစောင် တို့ကိုလည်း၁၀ဘတ် လောက်ပေးဝယ်ပြီးမဖတ်ချင်သလိုအလကားရရင်တောင်မဖတ်ချင်ကြဘူး။ ပြည်တွင်က လာတဲ့ အားကစားဂျာနယ်တွေကိုတော့ ဘောလုံးပွဲကစားဖို့အတွက် တစ်စောင်ကို ဘတ်၄၀ပေးပြီးဝယ် ဖတ် ကြတယ်။မြန်မာအဖွဲ့အစည်းတွေကို တရားဝင်ဖွဲ့စည်းမှတ်ပုံတင်ခွင့်မပြုဘူး။ အလုပ်သမားတွေရှိတဲ့ အလုပ်ရုံ တို့နဲ့ အလုပ် သမားတွေနေတဲ့နေရာတွေကို ဟောဖို့ပြောဖို့ လူစုလို့ရှိရင်လည်း လုပ်ငန်းရှင်နဲ့ ထိုင်းပုလိပ်တို့ က ဖမ်းဆီး နှောက် ယှက်ပြန်တယ်။ ပညာသင်ကြားဖို့ ဆိုတဲ့နေရာမှာ နယ်စပ် တွေမှာ မြန်မာ့အရေး လှုပ်ရှား သူတွေက ကိုယ်ထူ ကိုယ်ထနဲ့ နိုင်ငံတကာအင်ဂျီအိုတွေ အထောက်အပံ့နဲ့ ကျောင်းတွေဖွင့် ထား ကြလို့  အနည်းငယ်ပညာ သင်ကြား ခွင့် ရကြပါတယ်။
ဥပဒေကြောင်းအရ အလုပ်သမား တွေအကာအကွယ်ရရှိရေးဆိုတာကတော့ ထိုင်းမှာ မြန်မာအလုပ် သမားတွေ တစ်ယောက်မှ မကျန်သည့်အချိန်တိုင်အောင် ဥပဒေအကာအကွယ် ရနိုင်မယ်မထင်ပါ။ ဘာဖြစ်လို့လဲဆိုတော့တော့ ထိုင်းအာဏာပိုင်တွေက ထိုင်းလုပ်ငန်းရှင်တွေဘက်က အကာအကွယ် အပြည့်အ၀ပေးနေလို့ ပဲဖြစ်ပါ တယ်။ ထိုင်းဥပဒေကြောင်းအရ တရားမ၀င်အလုပ်သမားကို ဖမ်းမိရင် ၁၅ ရက်ထောင်ချပြီးနယ်စပ်ပြန်ပို့တယ်။တရားမ၀င်အလုပ်သမားကိုခိုင်းစေတဲ့လုပ်ငန်းရှင်ကိုဒဏ်ငွေနဲ့ ငွေဒဏ်
သတ်မှတ်ထားပေမယ့် နှစ်၂၀ကျော် ကာလအတွင်း ဘယ်သူဌေးကိုမှ ထောင်ချတာ ဒဏ်ငွေရိုက်တာ မကြားဖူးပါ။
အန်တီစု နဲ့ UNIAP (ကုလသမဂ္ဂလူကုန် ကူးမှု တိုက်ဖျက်ရေးအဖွဲ့) နဲ့တွေ့ဆုံတယ်လို့လည်း သိရပါ တယ်။
ထိုင်းနိုင်ငံမှာရှိသမျှ ငါးဖမ်းလှေတွေပေါ်က ၉၅ ရာခိုင်နုန်းလောက် အလုပ်သမားတွေဟာ လူကုန်ကူး ခံထားရတဲ့မြန်မာတွေချည်းပါပဲ။ လူကုန်ကူးခပိုက်ဆံ မကျေသေးတဲ့လူနဲ့ ကျေပြီးသား လူသာကွာပါမယ်။ ဒီလှေတွေထက် ဆိုးတဲ့ အင်ဒိုလှေဆိုတာ ရှိပါသေး တယ်။ မသေမချင်းကမ်းကိုဆိုက်ကပ်ခွင့်မပြုတော့ပဲပင်လယ်ထဲမှာမြန်မာတွေ ထောင်သောင်းချီရှိပါတယ်။
မဟာချိုင်လို ခြုံဖေါ်လို လရောင် လိုနေရာတွေမှာရှိတဲ့ ပင်လယ်အစားအစာ ကုန်ချောထုတ်လုပ်တဲ့ အလုပ်ရုံ တွေ ထဲမှာမနက် ၃နာရီကနေ ညဥ့်၁၂နာရီလောက်အထိ မ၀ရေစာစားပြီး အလုပ်လုပ်နေရတဲ့ လူတွေ ထောင် သောင်းချီပြီး ရှိနေပါတယ်။
ကျနော်တို့ ကိုယ့်စရိတ်နဲ့ကိုယ် အသက်စွန့်ပြီး ရယူထားတဲ့အချက်အလက်တွေကို UNIAP နဲ့အစိုးရနဲ့ ပူးပေါင်းပြီး ရာချီတဲ့ လူကုန်ကူးခံရသူတွေကို ကျနော်တို့ ကယ်ထုတ်ဖူးပါတယ်။ ထိုင်းနိုင်ငံမှာ ၂၀၁၁ ခုနှစ် ဧပြီလ ၁၀ ရက်နေ့ ထုတ်ပြန်ထားတဲ့လူကုန်ကူးမှုဥပဒေမှာ(တရားမ၀င်လူကုန်ကူးမှုခံရသူတွေကို တစ်နှစ်တာ တရားဝင် နေထိုင်အလုပ်လုပ်ကိုင်ခွင့်ပြုသည်) လို့ပြဌာန်းထားပေမယ့်ဘယ်သူ့ကို မှ နေထိုင် ခွင့် မပြုဖူးပါ။
အစိုးရသက်သေအဖြစ် မထွက်ဆိုတဲ့လူတွေ က ရက်ပိုင်းအတွင်း မြန်မာပြည်ကိုပြန်ရပေမယ့် အစိုးရသက်သေအဖြစ် ပြောတဲ့လူတွေကတော့ အနည်းဆုံး ငါးလလောက် ကယ်ဆယ်ရေးစခန်းထဲမှာနေပြီး တပြားမှမရပဲနယ်စပ်ကို ပြန်ပို့ခံရပါတယ်။ မြ၀တီဘက်အခြမ်းဒီကေဘီအေနယ်ခြားစောင့်စခန်းမှာ ငွေပေးပြီးရွေး ထုတ်ရပါ တယ်။ ယူအင်နဲ့ မြန်မာအစိုးရ လူကုန်ကူးမှုတိုက်ဖျက်ရေး အဖွဲ့တို့ ကြောတခင်းစာ နေရာနဲ့ ထမင်း တစ်ထုတ် တောင် မကျွေးမွေးပါ။ ဆိုလိုတာက ယခုတိုင် အဆင်သင့်မရှိပါ။ ထိုင်းလူကုန်ကူးခံရသူများကိုထားတဲ့ကယ်ဆယ် ရေးစခန်းတွင်းကဆိုးဝါးတဲ့အခြေအနေအသေးစိတ် တွေကို
တော့ မပြောလိုတော့ပါ။
အနီးဆုံးဥပမာ တစ်ခုကိုပြောရရင် မေလ ၁၅ ရက်နေ့က မဟာချိုင် ပုဇွန်ရုံက ကျနော်တို့ ကယ် ထုတ် လာခဲ့တဲ့ ရောင်းစားခံအလုပ်သမား ၈၄ဦး အနက်က ၁၁ ဦးဟာ နေထိုင်ခွင့်ဘတ်ရှိပါတယ်။ အဲဒီအလုပ်သမားတွေ ကို ကျနော်တို့နဲ့ ထိုင်းအစိုးရ လူကုန်ကူးမှုတိုက်ဖျက်ရေးအဖွဲ့မှ လူကြီးတွေက အခြား လွတ်လပ်တဲ့နေရာမှာ ဆက် လက်လုပ် ကိုင်ခွင့်ရမယ်လို့ ပြောခဲ့ပါတယ်။
ဒါပေမယ့် ထိုင်းအာဏာပိုင်တွေက IDC ကို ပို့လိုက်ကြောင်း သတင်းရရခြင်း ထိုင်းဥပဒေကြောင်း အရ လုပ်ငန်း ရှင် အသစ်ပါရှာပြီးတော့ ကျနော် တို့ သွားရောက် ခေါ်ထုတ်ပါတယ်။ မရတဲ့အတွက် မြန်မာ သံရုံးကို အကူ အညီ တောင်းခဲ့ပါတယ်။ သံမှူး ဦးနိုင်ထွန်း ကိုယ်တိုင်လာရောက် ပြောဆိုခဲ့ပေမယ့် ဒီအလုပ် သမားတွေကိုနယ်စပ်ကို ပဲ ပြန်ပို့ခဲ့ပါတယ်။ သက်သေအဖြစ် လူကုန်ကူးခံရတဲ့မြန်မာအလုပ်သမား ၁၀ဦးက အကျဉ်းထောင်လို ကယ် ဆယ်ရေးစခန်းတွင်းမှာ ၀င်ငွေတစ်ပြားတစ်ချပ်မှ မရပဲ ၅လထက်မနဲ နေထိုင်နေ ရမှာဖြစ်ပေမယ့် လူကုန်ကူးမှုကို ကျူးလွန်တဲ့သူဖြစ်တဲ့သူဌေးနဲ့ ပွဲစားကတော့ ရဲစခန်းမှာ တစ်ညတောင် မအိပ်ရပဲ အာမခံနဲ့ အယင်အတိုင်းအပြုံးမပျက် အလုပ်လုပ်နေကြရပါတယ်။ ကျနော်တို့ကို သုတ်သင်ဖို့ စုံစမ်းနေမှာတော့မုချပါ။
အမေစု… မြန်မာတွေကြောင့် အကျိုးရှိနေတာက ထိုင်း။ ကျွန်ဖြစ်နေတာက မြန်မာတွေပါ။ အမေစု ကျနော်တို့ အလုပ်သမား အတွက် တကယ်ထိရောက်တဲ့ ကူညီမှုမျိုးပေးနိုင်ပါစေလို့ အထူးမျှော်လင့်ပါ တယ် ဗျာ။