၂၀၁၅ နိုဝင်ဘာ
၁၁
မြတ်ညို
(အလွတ်သတင်းထောက်)
ရခိုင်ပြည်နယ် မြောက်ဦးမြို့မှ ရှေ့ဟောင်းဘုရား
မှောင်ခိုဂိုဏ်းတစ်ခုအား ဆင်းတုတော် ၅၇ဆူအား အရောင်းအ၀ယ်ပြုလုပ်ရန်ပြင်ဆင်စဉ် မြန်မာနိုင်ငံရဲတပ်ဖွဲ့နှင့် ရန်ကုန်အခြေစိုက် ရခိုင်လူမှုအသင်းအဖွဲ့များ
က ပူးပေါင်းဖေါ်ထုတ် ဖမ်းဆီးလိုက်ကြောင်းသိရသည်။
နိုဝင်ဘာလ ၁၈ ရက်နေ့က ရခိုင်ရှေ့ဟောင်းဘုရားများအရောင်းအ၀ယ်ပြုလုပ်မည့်
ဘုရားမှောင်ခိုဂိုဏ်း အခြေစိုက်လှုပ်ရှားရာ ရန်ကုန်မြို့ စမ်းချောင်းမြို့နယ်၊ မုန့်လက်ဆောင်းကုန်း
(တောင်) ရပ်ကွက်၊ ပြည်သူ့ ကွက် သစ် (၁) လမ်းတွင်ရှိသော မအူပင်ကျောင်းတိုက်အတွင်း သီတင်းသုံးသည့်
အသက်၄၀ ကျော်အရွယ် သံဃာ တော် တစ်ပါးအား ၎င်း၏ လက်ဆွဲအိပ်ထဲတွင်ထည့်ထားသည့် ဘုရားဆင်းတုတော်
(၁၈) ဆူနှင့်အတူ လက်ပူးလက်ကြပ်ဖမ်းဆီးနိုင်ခဲ့သည်။
စမ်းချောင်းမြို့မရဲစခန်းမှူး၏ ဆက်လက်ဖေါ်ထုတ်စစ်ဆေးချက်အရ
ရန်ကုန်တိုင်း၊ တောင်ဒဂုံမြို့နယ်၊ (၅၄)ရပ်ကွက်၊ ဇေယျာမြိုင်လမ်းတွင် နေထိုင်သည့် အသက်
၄၆ နှစ်အရွယ်အမျိုးသမီးတစ်ဦး နေအိမ်မှာ ရခိုင် ရှေ့ဟောင်း ဆင်းထုတော် ၃၉ဆူ တို့အား ထပ်မံတွေ့ရှိခဲ့ခြင်းဖြစ်သည်။
ဘုရားဆင်းတုတော်များ ပျောက်ဆုံးနေမှုနှင့်
ပတ်သက်၍ မြောက်ဦးမြို့မှ ရခိုင်ရဟန်းတော်တစ်ပါးနှင့် မင်းပြားမြို့မှ ဆရာတော်ကြီးတစ်ပါးတို့က
ရဲစခန်းတွင်ဘုရားပျောက်ဆုံးမှုအမှုဖွင့်ထားခဲ့သည်။ မြောက်ဦးမြို့မှ ရှေ့ဟောင်း ဘုရားဆင်းတုတော်အမြောက်အမြားတို့အား
ရန်ကုန်မြို့မှ တစ်ဆင့် နိုင်ငံခြားသို့ ခိုးထုတ်ရ ကြံစည် နေသော ဘုရားမှောင်ခိုဂိုဏ်းအား
ဘန်ကောက်အခြေစိုက် ထိုင်းနိုင်ငံရောက် မြန်မာနိုင်ငံသားများအဖွဲ့ MAT အဖွဲ့က သတင်းအချက်အလက်အခိုင်အမာရရှိခဲ့သည်။
MAT အဖွဲ့ဒါရိုက်တာ ဦးကျော်သောင်း က ရခိုင်သားကြီးစာပေမှ
ဦးလှမြင့်၊ ရခိုင်တိုင်းရင်းသားရေးရာဝန်ကြီးဦးဇော်အေးမောင်၊ ရခိုင်စာပေနှင့်ယဉ်ကျေးမှုအသင်း၊
ရခိုင်သဟာယအသင်းနှင့်ရခိုင်မောင်မယ်တံမျက်စည်းလှဲအသင်းတို့အား မြောက်ဦးရှေ့ဟောင်းဘုရားဆင်းတုတော်များ၏အခြေအနေများကို
တင်ပြခဲ့သည်။
ဘုရားမှောင်ခိုဂိုဏ်းအား ဖမ်းဆီးရာတွင်ပါဝင်ခဲ့သော
ရခိုင်မောင်မယ် တံမျက်စည်းလှဲ အသင်း ဥက္ကဌ ဦးခင်မောင်သန်း က “သူတို့က ဆင်းတုတော်၁၂ဆူကိုကျပ်ငွေသိန်း
၇၅၀ နဲ့ ရောင်းမယ်လို့ဈေးခေါ်တယ်။ အယင်နေ့က ကြားပွဲစားနဲ့ ကျနော်တွေ့ပြီး ကျပ်ငွေသိန်း
၃၂၀ နဲ့ ဈေးဖြတ်ကြတယ်။ ပွဲစားက ဟိုရွှေ့လိုက်ဒီရွှေ့လိုက်ဖြစ်နေတယ်။ ပွဲစားကိုရဲတွေနဲ့အယင်ဖမ်းလိုက်တယ်။
ပြီးတော့ ဂိုဏ်းခေါင်းဆောင်ဘုန်းကြီးကိုဖမ်းတယ်။ ပြီးမှ အမျိုးသမီးကို ဖမ်းလိုက်တယ်။
ရှေ့ဟောင်းဘုရားဆင်းတုတော်တွေ ဘယ်လောက် အထိယူလာသလဲတော့မသိဘူး။ ဟိုလူ့ တစ်ဆူ ဒီလူ့တစ်ဆူပေးထားတယ်ဆိုတာလည်းသိရ
ာတယ်။ တာဝန်ရှိသူတွေ ဆက်လက်ဖေါ်ထုတ်ပါ လိမ့်မယ်” ဟုပြောသည်။
ဘုရားမှောင်ခိုဂိုဏ်းအား
စမ်းချောင်းမြို့မရဲစခန်မှာ (ပ)၃၆၉/၂၀၁၅ ပြစ်မှုပုဒ်မ-၃၈၀/၅၄/၂၉၅ တို့ဖြင့် စစ်ဆေး လျှက်ရှိကြောင်းသိရသည်။
ဖမ်းဆီးမိသေဘုရား ဆင်းတုတော်များတွင် အေဒီ၆၂၉ခန့်ကသွန်းလုပ်သည့်ဘုရား
ဆင်းတုတော် အမြောက်အမြားပါဝင်ပါသည်။ သိမ်းဆည်းရမိသည့် ဘုရားများတွင် ဥာဏ်တော် ၁၁လက္မခွဲအရွယ်
ဝေသာ လီခေတ်ဘုရားဆင်းတုတော်များနှင့် ၈လက်မ၊ ၆လက္မများအပြင် အသေးဆုံးမှာ ၂လက္မခွဲအရွယ် အထိပါဝင်ပါသည်။
မြောက်ဦးမြို့မှ ရှေ့ဟောင်းဘုရားများအား
ရှစ်သောင်းဘုရားအနီးတွင်နိဗာန်ဈေးရောင်းသူတစ်ဦးက ဒိုင်ခံစုဆောင်းပေးကြောင်း၊ ကာလအတန်ကြာကပင်
ယခုဂိုဏ်းမှာတည်ရှိနေခဲ့ကြောင်း၊ ထိုင်းနိုင်ငံနှင့် ဟောင်ကောင်နိုင်ငံများသို့ရောင်းချခဲ့ပြီဖြစ်ကြောင်း
ဖမ်းဆီးခံရသည့်ပွဲစား၏ပြောပြချက်အရသိရသည်။
၂၀၁၅ ခု ဇူလိုင်လ ၉ ရက်နေ့က စစ်တွေမြို့တွင်ရှိသော
ရခိုင်ပြည်နယ်ယဉ်ကျေးမှု ပြတိုက်မှု ဒေါ်သူဇာဇံ မှ ဝေသာလီခေတ်လက်ရာ ကျောက်စာနှင့် ရှေဟောင်းကျောက်ရုပ်ထုတို့အား နေပြည်တော်သို့
ပို့ဆောင်ရန် ပြင်ဆင်စဉ် စစ်တွေကားဂိတ်တွင် ဒေသခံများက အချိန်မီတားမြစ်နိုင်ခဲ့သဖြင့်
မပို့ဆောင်နိုင်ခဲ့ပေ။
ကမ္ဘာပေါ်တွင် ဆဲရဲမွဲတေမှုအနိမ့်ကျဆုံးစါရင်းဝင်ဖြစ်သော
မြန်မာနိုင်ငံတွင် ရခိုင်ပြည်နယ်သည် အဆင်းရဲဆုံးပြည်နယ်အဖြစ်သတ်မှတ်ခံထားရသည်။ ထိုအခြေအနေများကြောင့်
ရခိုင်ပြည်နယ်မှ အဖိုးမဖြတ်နိုင်သော ရှေ့ဟောင်းအမွေအနှစ်တို့၏ လုံခြုံရေးမှာ အထူးစိုးရိမ်စရာဖြစ်နေမှာသေချာပါသည်။
နိုင်ငံခြားအကြမ်းဖက်အုပ်စုများဝင်ရောက်နိုင်သည့်သတင်းကြောင့်
မြန်မာအာဏာပိုင်တို့သည် ရခိုင်ပြည်နယ်မှ ပြည်မဘက်သို့လာကြသည့် ခရီးသည်တင် မော်တော်ကားများအား
မိုင်းရှာကိရိယာများ၊ အနံ့ခံခွေး များဖြင့်စစ်ဆေးနေကြောင်းသိရှိရသည်။