ဒီနေ့ထုတ် မက်ဆင်ဂျာနေ့စဉ်ထုတ်သတင်းစာမှာ ပထမဆုံးအကြိမ်စစ်တမ်း
ကောက်ယူရေး
အဖွဲ့ ထိုင်းနိုင်ငံသို့ရောက်ရှိ ဆိုတဲ့သတင်းတစ်ပုဒ်ဖတ်ရတယ်။ မနေ့က ထိုင်းနိုင်ငံဘန်ကောက်မြို့အစွန် အုန်းယိုင် Big C အနီး မှာ ဆိုင်ဘုတ်ကပ်ပြီး မြန်မာသံရုံးခွင့်ပြုချက်ဖြင့် မြန်မာနိုင်ငံသားများစိစစ်ရန်အတွက်
စါရင်းကောက်သည့် ဌာနဟုဆိုကာ ပွဲစားတွေကလုပ်နေတာကို ကျနော်တို့ အဆက်အသွယ်တွေက ပေးပို့လာတဲ့
ဓါတ်ပုံတွေအရ သိရပါတယ်။
မက်ဆင်ဂျာသတင်းမှာ အဖွင့်အပိုဒ်မှာ
ရေးထားတာက (ထိုင်းနိုင်ငံကိုရောက်ရှိနေသည့် တရား မ၀င် အလုပ်သမားများအား
နိုင်ငံသားအဖြစ်သတ်မှတ်နိုင်ရေးအတွက် ပထမဆုံးအကြိမ်အဖြစ် ၄၁ ဦးပါဝင်သည့် စစ်တမ်းကောက်ယူသည့်အဖွဲ့သည် ထိုင်းနိုင်ငံသို့ ဇူလိုင်လ ၁၅ရက်နေ့က စတင်သွားရောက်ပြီဖြစ်ကြောင်း သိရသည်) လို့ရေးထားပါတယ်။
တရားမ၀င် ၀င်ရောက်လာတဲ့ တရားမ၀င်အလုပ်သမားတွေကို
စစ်တမ်းကောက်ဖို့ဆိုတာ အတော် ကြီးကျယ်တဲ့လုပ်ငန်းဖြစ်ပါတယ်။ တစ်ခုမရှင်းတာက အေဂျင်စီလို့ခေါ်တဲ့ ပွဲစားတွေက နိုင်ငံသားဖြစ်ကြောင်း
စိစစ်ခွင့်မြန်မာအစိုးရကခွင့်ပြုလိုက်တာလား။ ပွဲစားတွေကို နိုင်ငံသားစိစစ်ခွင့်
မြန်မာနိုင်ငံမှာ ဥပဒေပြဌာန်းပြီးပြီ လား ဆိုတာ ကျနော်တို့စုံစမ်းကြရပါမယ်။ ဒီပွဲစားအုပ်စုတွေပို့လို့
ထိုင်းမှာ အလုပ်မရှိ အကိုင်မရှိ ဒုက္ခရောက်နေကြတဲ့ MOU အလုပ်သမားတွေနဲ့များ တွေ့ချင်သလား
ကျနော်လိုက်ပြချင်ပါတယ်။
မိမိတို့ အကျိုးအမြတ်အများကြီးယူပြီး ထိုင်းကိုလွှတ်ထားတဲ့
အလုပ်သမားတွေ အခက်အခဲရှိနေတာတွေ၊ အခွင့်အရေးချိုးဖေါက်ခံနေရတာတွေနဲ့ ၃လကျော်ကြာ အလုပ်မလုပ်ရသေးပဲ
ထိုင်စောင့်နေရတဲ့အလုပ်သမားတွေ အခြေနေတွေကို မသိချင်ယောင်ဆောင်နေတဲ့ အလုပ်သမားဝန်ကြီးဌာနက
ပွဲစားအဖွဲ့ချုပ်ကို နောက်ထပ် စားကွက်တစ်ကွက်ထွင်ပေးလိုက်တာကိုတော့ အလွန်အံ့သြရပါတယ်။
ပွဲစားအဖွဲ့ချုပ် MOEAF ဘယ်လောက်အထိ နိုင်ငံတော်အစိုးရ (ပြည်ထဲရေး+လူကုန်တား+
စစစ နဲ့ အလုပ်သမားဝန်ကြီးဌာန) တို့ကို ပိုင်သလဲဆိုရင် ထိုင်းကပြန်သွားတဲ့အလုပ်သမားတွေ
အမှုဖွင့်တိုင်ကြားတာကို အရေးမယူကြဘူး။ အဘတွေနဲ့အေးဆေးပဲ။
အုန်းယိုင် Big C နားမှာ မြန်မာသံရုံးခွင့်ပြုချက်ဖြင့် မြန်မာနိုင်ငံသားများစိစစ်ရန်အတွက်
စါရင်းကောက်သည့် ဌာနဟုဆိုကာ ပွဲစားတွေကလုပ်နေတာကို MAT က မြန်မာသံရုံးကို မေးကြည့်တဲ့အခါ အရာရှိတစ်ဦးက သူတို့ မကောက်ခိုင်းပါဘူးလို့ အကြောက်အကန်ငြင်းဆန်ပြန်တယ်။ ပွဲစားတွေရောက်နေတာကိုသိတယ်လို့တော့ပြောပါတယ်။
ပန်းရောင်ဘတ်ကဒ် လုပ်ထားကြတဲ့အလုပ်သမားတွေဟာ
သံရုံးက ကြေညာချက်ထုတ်ထားသလို (ထိုင်းအလုပ်သမားဝန်ကြီးဌာနထောက်ခံချက်+ လုပ်ငန်းရှင်ထောက်ခံချက်+
သံရုံးထောက်ခံချက်) ပါပေမယ့် မြန်မာပြည်ပြန်တဲ့
အလုပ်သမားတွေ မဲဆောက်အချုပ်ထဲကို နေ့တိုင်းရောက်သွားတယ်။ တာဝန်ခံမယ့်သူ ကူညီမယ့်သူမရှိကြဘူး။
ပန်းရောင်ဘတ်ကနေ ပတ်စပို့ပြောင်းတဲ့ မူဝါဒအလွဲကြောင့် အလုပ်သမားတွေ အချုပ်ခန်းထဲကိုရောက်ရတယ်ဆိုတာ နစ်နာလှပါတယ်။ အချုပ်ခန်းဆိုတာ
လူကြီးမင်းတို့ ၀င်ချင်သလား ကိုယ်ချင်းစာကြည့်ကြစေချင်ပါတယ်။ မြန်မာအာဏာပိုင်တွေဟာ
ထိုင်းကိုရောက်နေတဲ့ သုံးလေးသန်းရှိ တဲ့အလုပ်သမားတွေကို ဘာကူညီပေးမလဲဆိုတာ ခုထိမစဉ်းစားကြဘူး။
ဘယ်လိုအမြတ်ထုတ်ကြမလဲဆိုတာကိုသာ စဉ်းစားကြတယ်ဆိုတာ လက်ရှိ ဖြစ်ပေါ်နေတဲ့အခင်အကျင်းကို
ကြည့်ရင်သိနိုင်ပါတယ်။
ပတ်စပို့စာအုပ်ထုတ်ပေးဖို့အစီအစဉ်အတွက်
အလုပ်သမားတွေဟာ ငွေလည်းအများကြီးကုန်ပါတယ်။ ပုလိပ်လည်း အဖမ်းခံရပါတယ်။ ပွဲစားတွေနဲ့ သက်တမ်းဆက်ရပါတယ်။
လုံခြုံရေးအတွက် အာမခံချက်မရှိ ပေမယ့် အလုပ်သမားတွေ ပတ်စပို့လုပ်ကြရပါတယ်။ ထိုင်းကအလုပ်သမားတွေအခြေအနေကို စဉ်းစားလို့သာကြည့်ကြပါတော့။
ပန်းရောင်ဘတ်ဆက်ထားတာ ၁လပဲရှိသေးတယ်။ ခုပွဲစားတွေက စာရင်းကောက်ပြန်ပြီ။ အကြောင်းတစ်စုံတစ်ရာကြောင့် မထူးခြားရင် အလုပ်သမားတွေဆီက ယူသွားတဲ့ငွေတွေကို ဘယ်သူတာဝန်ယူ
ကြမှာလဲ။ ဘာသူတာဝန်ခံမှာလဲ။ သံရုံးက အခု စါရင်းကောက်နေတဲ့ အစီအစဉ်ကိုမသိဘူးဆိုရင် သမ္မတကြီးဦးသိန်းစိန် ကိုယ်စားနိုင်ငံတော် အချုပ်အခြာကိုယ်စားလို့ သတ်မှတ်တဲ့ ထိုင်းသံရုံးထက် ပွဲစားအဖွဲ့ချုပ် MOEAF က ပိုပြီး အာဏာပိုရှိသွားပြီလား။ ထိုင်းတွေမေးလာလိမ့်မယ်။
ကျနော်တို့
ထိုင်းနိုင်ငံရောက် မြန်မာနိုင်ငံသားများအဖွဲ့ MAT ကတော့ ငွေလည်းမရှိ၊ အာဏာလည်းမရှိကြ
တာကြောင့် ပွဲစားဂိုဏ်းချုပ်တို့လုပ်နေတာကို ဘာမှမတားဆီးနိုင်ပါဘူး။ ဘယ်သူ့ကိုမှ အားကိုးမရတဲ့ ကျွန်လာခံနေကြရတဲ့ မြန်မာရွှေ့ပြောင်းအလုပ်သမားတွေကိုတော့ သနားတယ်ဗျာ။
အဲ့….အလုပ်သမားကိုသနားသလို ကိုယ့်ကိုကိုယ်လည်းသနားရသေးတယ်။
MOEAF တရားဝင်လူထုတ် ကုန်လိုင်စင်မရခင်ကတည်းက ကျုပ်ကို ရန်ကုန်လေယာဉ်ကွင်းမှာ အမည်ပျက်စါရင်းသွင်းခဲ့တာ။
ကျုပ်လည်း အသက်ကလည်းကြီးလာ ငွေကလည်းမရှိ နေထိုင်ခွင့်ကလည်းကုန်၊ တိုင်းပြည်ကိုပြန်ချင်ပေမယ့်
မပြန်နိုင်သေးတဲ့ မိမိရဲ့ဘ၀ပေးအခြေအနေက ပိုတောင်ဆိုးပါသေးလား။ ဒီအတိုင်းဆိုရင် ပွဲစားဂိုဏ်းစတားတွေ လုပ်သမျှ
ပြောနေ ဆိုနေရအုံးမယ်ထင်တယ်။ အမှန်က မပြောချင်တော့ဘူးဗျာ။ စိတ်ကုန်တယ်။
ကျော်သောင်း
MOU
နဲ့ ပို့ထားတဲ့ အလုပ်သမား အလုပ်မရှိ အကိုင်မရှိ ရာချီတဲ့အလုပ်သမားတွေ ထိုင်းမှာရှိနေပါတယ်။ လိုက်ကြည့်မယ်ဆိုရင်
မနက် ၉နာရီက ည ၄နာရီအတွင်း 084 670 5727 ကို ဆက်ပါ။ လိုက်ပြပေးပါမယ်။
