သင်္ခါရမသိသေးတဲ့ငယ်ဘ၀………………
မိုးရေထဲမှာအေးမှန်းမသိ၊
အမေအော်ခေါ်မှ ခိုက်ခိုက်တုန် နုတ်ခမ်းတွေပြာနှမ်းပြီး အိမ်ထဲကို ၀င်ခဲ့တယ်။ ဘောလုံးဆို
တစ်နေကုန်ကန်လည်းမောရမှန်းမသိခဲ့။ လူပျိုပေါက်အရွယ် ကိုယ့်ခံပညာသင်တန်း တိုင်းမှာ ဗိုလ်
မထားအောင် တိုက်ခိုက်နိုင်ခဲ့တဲ့ခွန်းအား။ ယင်လောက်မြန်တာကို ကျားလိုဖမ်းခဲ့တာကလား။
ရွာလမ်းတစ် လျှောက် ၇ ပေအမြင့်လောက်မှာသီးနေတဲ့ သရက်သီးကို ကြောင်ကလေးခုန်သလိုသုတ်ကနဲ့
ခုန်ပေါက် ဆွတ် ခူးနိုင်အောင် ပေါ့ပါးဖျပ်လတ်ခဲ့တယ်။ ကျောင်းပေါင်စုံပြိုင်ပွဲ တန်းမြင့်ခုံမှာ
ပြိုင်ဘက်ကင်း အောင် ခုံပျံနိုင်ခဲ့တယ်။ လူလတ်အရွယ်မှာ ဘန်ကောက်ကိုရောက်ပြီးနောက် အသက်၄၀
ပြည့်အောင် ဘောလုံးချိန်းပွဲတွေကန်ခဲ့သေးတယ်။
ရေဆန်တဲ့ ချောင်းရေအလျှဉ်ဆိုတာ
ကျုပ်ကိုအံ့တုနိုင်ရိုးမရှိဘူး။ တစ်မိုင်လောက်ကျယ် တဲ့မြစ်ေ လာက်က လက်ပစ်ကူးနေကျ။ သုံးထွာပတ်လည်
ထင်းခြောက်ပင်ကို အကိုင်းဖျားနားကိုပဲပစ်၊ တစ်ပင်လုံး ထမ်းပြီး အိမ် ကို သယ်ခဲ့တယ်။
လေးထောင့်စည်၂လုံးနဲ့ ရေတစ်ထမ်းဆိုတာ အသက်ရှုမပျက်တဲ့ ပေါ့ပါးတဲ့ သာမန်အလုပ်ပဲ။ စပါး၂တင်း
တစ်နေကုန်ခေါက်တုန့်ခေါက်ပြန်သယ်နိုင်တယ်။ လုပ်ငန်းခွင်မှာသုံးတဲ့ တရုတ်နီ ဂျင်မာ၁၃
ကောင် အင်ဂျင်ဟာ သူများအတွက် အလေးအပင်ဖြစ်ပေမယ့် ကျုပ် အတွက်တော့ ထမင်းစားရေသောက်ပဲ။ သူများမ,မ နိုင်တာကို ကိုယ်မ,နိုင်တာကို ဂုဏ်ယူစရာ အဖြစ်သတ်မှတ်ထားတာ။ သူများထက်များများသယ်ပိုးနိုင်လေ ဇနီးနဲ့
ယောက္ခက ပိုသဘောကျလေပဲ။
ခွန်အားရှိဆို အစားလည်းဘယ်နည်းမတုန်း။
လယ်ထွန်တဲ့ကာလတွေမှာ ဆန်နို့စည်လေးလုံး ထမင်းနဲ့ အသားငါ ၂၅ကျပ်သားချက်တာနဲ့ အသီးအရွက် တစ်အိုးချက်ကတော့ ပြောင်းသလင်းခါသွားတာ ပဲ။ အရက်ဆို လည်း ၁ပုလင်းလောက်က
စားကောင်းသောက်ကောင်းပဲရှိတာ။၂ပုလင်းလောက်မှ မူးတဲ့ အဆင့်ကိုရောက်တာ။ ဆာတာလည်းခံနိုင်၊
အ၀အပြဲလည်းစားနိုင်၊ အလုပ်ဆိုလည်းမမောနိုင် မပန်းနိုင် လုပ်နိုင်တယ်။ ဘာဝတ်ဝတ် တောင့်တင်း၊ ချပ်ယပ်နဲ့ကြည့်ကောင်းတယ်။ ငယ်မူငယ်သွေးတွေနဲ့ ပျော်ရွှင်မှု အပြည့်အ၀နဲ့လူငယ်လူရွယ်။
သင်္ခါရ
ကသတိပေးပြီ….
ရွှေရတု အသက်ငါးဆယ်ကိုကျော်လိုက်တဲ့အခါ
၈၀ရာခိုင်နုန်းသော ဆံပင်တွေကဖြူလာပြီ။ မျက်ခုံး မျက်ရစ်နဲ့ ပါးပြင်တွေမှာ အမည်းရောင်အဖတ်သေးသေးလေးတွေ
ဘယ်ကဘယ်လို ကပ်လာ မှန်းလဲမသိ ဘူး။ အလင်းရောင် စူးစူးရှရှနဲ့ အရာရာကို ထိုးဖေါက်မြင်နိုင်လောက်အောင်
တောက်ပြောင်ခဲ့တဲ့ မျက်လုံး အရောင်တွေက မှေးမိန်လို့ အင်အားနဲလာပါလား။ ပါဝါ၁၅၀မျက်မှန်
မချွတ်တမ်းတပ်လို့။ မှန်မှာ အသေချာ ကြည့်တော့ နှတ်ခမ်းတစ်ဘက်ကနဲနဲစောင်းနေသလို နှာခေါင်းကလည်း
နဲနဲ စောင်းနေသလို ဖြစ်နေပါပေါ့ လား။ အသားအရေဆိုတာလည်း တင်းနေရာက လျှော့စပြုလာပြီ၊ လက်ခုံပေါ်က
အရေပြားတွေဟာ မိုးရေခံ လို့ တွန့်နေသလိုတွန့်နေခဲ့ပြီ ဆိုတာကိုတော့သတိပြုမိတယ်။အသိသာဆုံးကတော့ခါးတွေကနာလာတယ်။
ရုတ်တရက်ထလို့မရတော့ဘူး။ လှေကားကိုအတက်အဆင်း မြန်မြန်မလုပ်နိုင်တော့ဘူး။ သတိထားရတယ်။
အလေးအပင်ဆိုလည်း
ရေတစ်ပုံသယ်ချင်ဖို့နေနေသာသာ၊ ကိုင်ချင်လွန်းလို့ နှစ်နဲ့ချီစုဆောင်းပြီး မှ အမြတ်တနိုးဝယ်သုံးခဲ့တဲ့
ဓါတ်ပုံနဲ့ ဗွီဒီယိုရိုက်လို့ရတဲ့ Nikon
အကောင်းစား ကယ်မရာကိုတောင်
မသယ် ချင်တော့ဘူး။ လူတွေနဲ့ များများပြောရမယ့်အလုပ်၊ လူအများနဲ့တွေ့မယ်နေရာတို့ကို
မသွားချင်တော့ဘူး။ သတိပေးပြီး၊ သင်္ခါရခေါင်းလောင်းထိုးပြီ။
သတ္တုချခြင်း………….
နိုင်ငံခြားမှာ ဆယ်စုနှစ်ကျော်ကြာ၊
ဘ၀စုံကျင်လည်ရပ်တည်ခဲ့ရတယ်။ ဘ၀တက္ကသိုလ်ကြီးတစ်ခု ခုမှာ ဘာသာပေါင်းစုံသိမြင်သင်ကြားခွင့်တွေကြုံခဲ့ရတယ်လို့ဆိုနိုင်ပါတယ်။
အလွှာပေါင်းစုံလူတွေနဲ့ ထိတွေ့ ဆက်ဆံခဲ့ရတယ်။ မြန်မာ နိုင်ငံရဲ့အဖြစ်အပျက်တွေကို စင်ပေါ်မှာတင်ကြည့်သလိုမြင်သိခွင့်ရရှိခဲ့တယ်။
မိမိဒေသ မှာ ၈၈ တုန်းက အမာခံ သပိတ်ခေါင်းဆောင်လုပ်ခဲ့တယ်။ ၁၉၉၀ ပြည့်ရွေးကောက်ပွဲမှာ NLD ပါတီအနိုင်ရအောင်အထူးကြိုးပမ်းခဲ့တယ်။ ရေဒီယိုတွေနားထောင်ပြီး
ပြည်ပကိုထွက်ခွာသွားတဲ့ ကျောင်းသားေ
တွဘယ်နေ့လာတိုက်ပေးမလဲလို့ မျှော်ခဲ့ရင်း ညောင်နှစ်ပင်ကို
အမြင်ကပ်ကပ်နဲ့ ၁၃နှစ်ကျော်စောင့်ခဲ့ရတယ်။
နာဂစ်မုန်းတိုင်းတိုက်လို့
ဧရာဝတီတိုင်းမှာ လူပေါင်းတစ်သိန်းခွဲကျော် သေကြေခဲ့တယ်။ (ငါးသေး သေးလေးတွေ အကောင်တစ်သိန်း ခွဲကျော်ကို တန်းစီထားရင်တောင်ဘယ်နည်းမလဲ) ဒီအချိန်မှာ ၂၀၀၈ဖွဲ့စည်းပုံကအတည်ပြုလိုက်တယ်။ ဒေါ်အောင်ဆန်းစုကြည်နဲ့ ကျောင်းသားခေါင်းဆောင်မင်းကိုယ်နိုင်နဲ့
နိုင်ငံ ရေးအကျဉ်းသားများလွတ်မြောက်ရေးအတွက် ဘန်ကောက်လှုပ်ရှားမှုကော်မတီမှာ ဥက္ကဌကြီးအဖြစ်
၃နှစ်လောက်လုပ်ပြီးဘန်ကောက်အခမ်းအနားတွေမှာထွန်းလိုက်ကြတဲ့ဖယောင်းတိုင်တွေ၊ဘန်ကောက်မြန်မာ သံရုံး
ရှေ့မှာ အော်ခဲ့တဲ့အကြိမ်ပေါင်းဘယ်နည်းမလဲ။
ဘာတဲ့…ရခိုင်ပြည်နယ်က မြန်မာနိုင်ငံမှာအဆင်းရဲဆုံး။ စစ်တပ်ကသိမ်းထားတဲ့ လယ်တွေပြန်
မပေး ဘူး။ မြန်မာနိုင်ငံမှာ အကြီးဆုံး ရေနံတင်ဆိပ်ကမ်း တရုတ်အလိုကျဖွင့်လိုက်ပြီ။ တရုတ်ပြည်ရဲ့လိုအပ် သမျှ စွမ်းအင်တွေကို မြန်မာနိုင်ငံကို ကန့်လန့်ဖြတ်သွယ်တန်းပြီး ကိုယ်ကျိုးရှာခဲ့ကြပြီ။ ဘင်္ဂါလီက လှိမ့်ဝင်၊ စစ်တပ်ကလယ်သိမ်း၊ မြစ်တွေချောင်းတွေကိုရောင်း၊လုပ်စရာမရှိတော့ရခိုင်တပြည်လုံးလည်းထိုင်းကိုရောက် လာခဲ့ကြပြီ။
မန္တလေးနဲ့ရှမ်းပြည်နယ်က
တရုတ်နိုင်ငံအစိတ်အပိုင်းဖြစ်သွား၊လက်ပန်တောင်းတောင်၊ဧရာဝတီမြစ် ဆုံနဲ့ သံလွင်၊ ကချင်ပြည်နယ်ထဲက
သစ်တောတွေကို ကားအစီးပေါင်း ၃၀၀ လောက်နဲ့ ၀င်ခုတ်။ တရုတ်မှာ သစ်ပင် ခုတ်တော့သေဒဏ်၊ မြန်မာစစ်တပ်ကဖမ်းတော့
ဥပဒေအတိုင်းညှာညှာ တာတာ ဆွေးမျိုးပါ။ တရုတ်တွေဟာမှတ်ပုံတင်မရှိပဲ ရွှေကျင်ကျောက်တူး။ဘာလုပ်လုပ်ဥပဒေမရှိ။ မြန်မာပြည်သားအဖို့မှာတော့..
ရွာတွေမှာ နို့သောက်နဲ့
ဒုတ်ထောက်အရွယ်အိုတွေသာ ကျန်ပြီးတနိုင်ငံ လုံးထိုင်းကိုလာပြီးကျွန်ခံနေကြရပြီ။
အာဆီယံစီးပွားရေးဇုန်အတွက်
ထိုင်းက လမ်းဖေါက်လို့ပြီးပြီ၊ မကြာမီနိုင်ငံခြားသားတွေကို အထူးအခွင့်အရေးပေးပြီး
မဲဆောက်မှာ အာရှစီးပွားရေးဇုန်စီမံကိန်းစနေပြီ။ ဗမာပြည်မှာက အာဏာ ယစ်မူးကောင်း တုန်း။
တိုင်းပြည်ပိုင်သမျှ မောင်ပိုင်စီးကောင်းကြတုန်း။ အမေရိကန်လို နိုင်ငံမှာတောင် မကျင့်သုံးတဲ့
နိုင်ငံသား မဟုတ်သေးတဲ့ ၀ှိုက်ကဒ် ကိုင်ဆောင်ထားကြဆဲဖြစ်တဲ့ ကုလားနဲ့တရုတ်တွေကို မဲထဲခွင့်ပြုမလို့တဲ့……..
အာဏာရှင်တွေ ခေါင်းမီးတောက်စရာတစ်ခုက
မြန်မာကျောင်းသားတွေဟာ သာလိကာ အလွတ် ကျက်ဖြေ ကျွန်ပညာရေးကို ပြင်ချင်ပါတယ်။ လူစဉ်မမီတဲ့
လူတောတိုးမရတဲ့ ပညာရေးကိုပြင်ချင်နေကြ တယ်။ ကျနော်တို့ ခေတ်မီပညာရေးကိုသင်ကြားပါရစေ။
ကျနော်တို့ တိုင်းပြည်ကို တိုးတက်ခွင့်ပြုပါ။ ပညာရေးနဲ့ ခေတ်မီဖွံ့ဖြိုးတိုးတက်တဲ့နိုင်ငံကိုတည်ဆောက်ပါရစေလို့
အနာဂတ်မျိုးဆက်သစ်တွေ တိုးတက် မှုကို ဆာဆောင်မွတ်သိပ်နေကြတယ်။ ကျောင်းသားလေးတွေပင်ပန်းဆင်းရဲစွာနဲ့
လမ်းလျှောက်နေကြ တယ်။ အာဏာရှင်တွေဟာ ဘယ်နေ့ ဘာလုပ်ပစ်မလဲလို့ တကမ္ဘာလုံး ကစောင့်ကြည့်နေကြတယ်။
အသက် မသေခင် လက်ကျန်အရွယ်မှာ ခါးသီးငံစပ်တဲ့ စစ်အာဏာသိမ်းတာ မဆုံချင်တော့ဘူး။ စစ်အာဏာ ထပ်သိမ်းမှာစိုးလို့ ကျုပ်
စားမ၀င် အိပ်မပျော်ဖြစ်မိတယ်။
အာ!!!!!….ဒါတွေ….ဒါတွေကို…တွေးမနေ့တော့လေ။ ဘာဖြစ်ဖြစ်… သင်္ခါရက နှိုးစက်ပေးနေပြီမဟုတ်
လား။ သတ္တ၀ါတစ်ခုကံတစ်ခုပဲမဟုတ်လား။ ပျက်ချိန်တန်ပျက်၊ ဖြစ်ချိန်တန်ဖြစ်လာလိမ့်မယ်လေ၊
ဘယ်အရာ မှမမြဲဘူး။ ကိုယ်တောင် ဘယ်နေ့ ဘယ်မှာသေမယ်မှန်းမသိပဲ တိုင်းပြည်နဲ့ လူမျိုးအတွက်
ရတတ်မအေးဖြစ် နေလို့ကော ဘာထူးမှာတဲ့လဲ၊ သေသွားရင်ကော ဒါတွေကို သိနိုင်အုံးမလား။ ။
ကျော်သောင်း
