ရွှေလုပ်သား: "အကူညီမပေးသည့် ဘန်ကောက်အလုပ်သမားသံအရာရှိကို အစိုးရနှင့်လွှတ်တော်သို့တိုင်ကြား"

19 July 2016

"အကူညီမပေးသည့် ဘန်ကောက်အလုပ်သမားသံအရာရှိကို အစိုးရနှင့်လွှတ်တော်သို့တိုင်ကြား"

ထိုင်းနိုင်ငံ မဟာချိုင်ရှိ လုံးချင်းအသားလုံး အလုပ်ရုံမှ အလုပ်သမား အခွင့်အရေး ချိုးဖောက်ခံရမှုများ အတွက် မြန်မာအလုပ်သမားသံအရာရှိထံ သွားရောက် အကူ အညီတောင်းခံရာ အကူအညီမပေးသဖြင့် အစိုးရနှင့် လွှတ်တော်သို့ တိုင်ကြား

http://news-eleven.com/local/22461

        ထိုင်းနိုင်ငံ မဟာချိုင်ရှိ လုံးချင်းအသားလုံး အလုပ်ရုံမှ အလုပ်သမားအခွင့်အရေး ချိုးဖောက်ခံရမှုများအတွက် မြန်မာအလုပ်သမား သံအရာရှိထံ သွားရောက် အကူ အညီ တောင်းခံခဲ့ရာတွင် အကူအညီ မပေးသဖြင့် ထိုင်းနိုင်ငံရောက် မြန်မာနိုင်ငံသား များအဖွဲ့က နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအ၀င် အစိုးရနှင့် လွှတ်တော်တို့ထံသို့ စာရေးသားပေးပို့၍ တိုင်ကြားခဲ့ကြောင်း သိရသည်။

    ထိုင်းနိုင်ငံရောက် မြန်မာနိုင်ငံသားများ အဖွဲ့ Myanmar Association in Thailand (MAT) သည် ထိုင်းနိုင်ငံရောက် ရွှေ့ပြောင်း အလုပ်သမားအရေးကို ကိုယ့်ထမင်း ကိုယ်စားပြီး စားဝတ်နေရေး အတွက် အလုပ်လုပ်ရင်း ကူညီဆောင်ရွက်ပေးခဲ့သည် မှာ ဆယ်စုနှစ်နှင့် ရှည်ကြာခဲ့ပြီ ဖြစ်ပါကြောင်း၊ အကာအကွယ်မဲ့နေသော အလုပ် သမားများ၏ ဘ၀များကို အသွင်ပြောင်း အစိုးရလက်ထက်က အလုပ်သမားသံအရာ ရှိများနှင့်လည်း ပူးပေါင်းဆောင်ရွက်ခဲ့ကြောင်း မြန်မာသံရုံး အလုပ်သမား ကူညီေ စာင့်ရှောက်ရေး ကော်မတီဖွဲ့စည်းပြီး ဆောင်ရွက်ခဲ့မှုများကြောင့် အတော်အသင့် အဆင်ပြေချောမွေ့ လာခဲ့ကြောင်း အဆိုပါ တိုင်စာတွင် ရေးသားထားသည်။

    ဇွန် ၂၃ ရက်တွင် ထိုင်းနိုင်ငံသို့ ဒေါ်အောင်ဆန်းစုကြည် ရောက်လာပြီး ဇွန်လ ၂၅ ရက်တွင် သံရုံးအတွင်း၌ အလုပ်သမားရေး အဖွဲ့အစည်း ၁၃ ဖွဲ့နှင့် တွေ့ဆုံခဲ့ကြောင်း၊ အလုပ်သမားပြဿနာများကို ဖြေရှင်းရာ၌ မြန်မာသံရုံးသို့ အချိန်ပြည့် ဆက်သွယ် အကူအညီ တောင်းခံပြီး ပူးပေါင်းဆောင်ရွက်ဖို့ မှာကြားခဲ့ကြောင်း၊ ထို့ကြောင့် အလုပ် သမားသံအရာရှိများဖြစ်သည့် ဦးမိုးအောင်ခိုင်နှင့် ဦးအောင်ကိုသန်း တို့ထံ အလုပ် သမားများသည်ရုံးသို့သွားရောက်ပြီးအကူအညီ တောင်းခံခဲ့ကြောင်း ရေးသားထားသည်။

         မဟာချိုင်ရှိ လုံးချင်း (အသားလုံး) အလုပ်ရုံမှ အလုပ်သမားများ အခွင့်အရေး ချိုးေ ဖာက်ခံနေရမှုများ အတွက် အလုပ်သမတစ်ဦးနှင့် MAT မှ ဦးအောင်မြတ်သူ တို့သည် သွားရောက် အကူအညီ တောင်းခံခဲ့ရာ အလုပ်သမား သံအရာရှိတို့သည် သံတမန်အရ မလုပ်နိုင်ကြောင်း၊ နှစ်နိုင်ငံဆက်ဆံရေး ပျက်သွားမည် ဖြစ်ကြောင်း အကြောင်းပြကာ အကူအညီမပေးကြောင်း တိုင်ကြားခဲ့ခြင်းဖြစ်သည်။

      အဆိုပါတိုင်စာကို အီးမေးလ်ဖြင့် အလုပ်သမား၊ လူဝင်မှုကြီးကြပ်ရေးနှင့် ပြည်သူ့ အင်အား ၀န်ကြီးဌာနနှင့် အမျိုးသားလွှတ်တော် ပြည်တွင်းပြည်ပ အလုပ်သမားရေး ရာ ကော်မတီတို့ထံသို့ စာပေးပို့ တိုင်ကြားခဲ့ခြင်း ဖြစ်သည်ဟု ဦးအောင်မြတ်သူ က The Daily Eleven သို့ ပြောကြားသည်။

         “လုံးချင်းပင်လယ်စာ အလုပ်ရုံမှာ မြန်မာအလုပ်သမား ၂၃ ဦးလောက် အလုပ် လုပ်နေတယ်။ မနက် ၅ နာရီကနေ မွန်းလွဲ ၂ နာရီ အထိ အလုပ်လုပ်ရတယ်။ နားချိန် လည်း သီးသန့်မပေးဘူး။ ထမင်းလည်း အလှည့်ကျ စားရတယ်။ တစ်နေ့ကို ဘတ်ငွေ ၂၀၀ ပဲပေးတယ်။ ရိုက်နှက်တာတွေ၊ ဆဲဆိုတာတွေလည်း လုပ်တယ်။ ဒီလို အလုပ် သမား အခွင့်အရေး ချိုးဖောက်မှုတွေကို ပပျောက်ဖို့ အလုပ်သမား သံအရာရှိတွေကို ဇူလိုင် ၄ ရက်က တိုင်ထားတာ။ ဒါပေမဲ့ အခုထက်ထိ ဖြေရှင်းပေးမှု မရှိသေးဘူး။ ဆ၀ါဒီကန်ရုံးကို (ထိုင်းနိုင်ငံရှိ အလုပ်ရှင်နှင့် အလုပ်သမား အငြင်းပွားမှု ဖြေရှင်းရေး ရုံး) ကို သွားလိုက်ပါပဲ အလုပ်သမားတွေကို ပြောပါတယ်။ အလုပ်သမားတွေက မသွား တတ် မလာတတ်ပါဘူး။ အခုဟာက အမေစု ခရီးစဉ်မှာ အလုပ်သမား သံအရာရှိတွေနဲ့ အလုပ်သမားအရေး ဆောင်ရွက်နေသူတွေနဲ့ ပေါင်းစပ်ဆောင်ရွက်ပါဆိုလို့ မှာခဲ့လို့ ပူးပေါင်းတာပါ။ ဒါပေမဲ့ အခုထိဘာမှ အကောင်အထည် ဖော်မပေးသေးပါဘူး” ဟု MAT မှ ဦးအောင်မြတ်သူ က ပြောကြားသည်။

               အဆိုပါတိုင်စာတွင် အလုပ်သမား သံအရာရှိများသည် MoU ပွဲစားများဖြင့် အလုပ်သမား ခေါ်စာစစ်ရန်အသွား ကားပေါ်၌ အပေးအယူလုပ်ခြင်း၊ အလုပ်သမား သံအရာရှိ ရုံးခန်းအောက်တွင် ပွဲစားကိုယ်စားလှယ်တို့က အလုပ်သမား တစ်ဦးစီ အတွက် ဘတ်ငွေ ၁၀၀ မှ ၃၀၀ အထိ ယူခြင်းတို့ကိုသာ စိတ်ဝင်စားကြောင်း၊ MoU Demend Letter ကိုသာ အထူးအလေးပေး ဆောင်ရွက်နေသဖြင့် အလုပ်သမား ပြဿနာများကို ဂရုမစိုက်နိုင်ကြောင်း၊ အလုပ်သမားများက အလုပ်သမားအရေး ဆောင်ရွက်သူများကို ဆက်သွယ်ပါကလည်း ၎င်းတို့ကို မဆက်သွယ်သဖြင့် အပြစ် တင်ကြောင်း၊ အမှုသွားအပ်ပါကလည်း အရေးယူ ဆောင်ရွက်ပေးခြင်း မရှိကြောင်း၊ အလုပ်သမားတို့၏ ဘ၀များမှာ ပိုမို၍ အကာအကွယ် မဲ့နေကြရကြောင်း၊ ဒေါ်အောင် ဆန်းစုကြည် ဖော်ဆောင်နေသော လမ်းကြောင်းများကို အာဏာရှင်လက်ကျန် ၀န်ထမ်းဟောင်းများက ဖျက်လို ဖျက်ဆီး လုပ်နေသဖြင့် သံသယဖြစ်မိပါကြောင်း၊ လက်ရှိအလုပ်သမား သံအရာရှိတို့မှာ ထိုင်းရောက် အလုပ်သမားများအပေါ် စေတနာ မထားဘဲ အလုပ်သမားအရေး ကူညီဆောင်ရွက် နေသူများကို ရိုင်းပြမောက်မာစွာ ဆက်ဆံပြီး ငွေနောက်ကိုသာ လိုက်နေပါသဖြင့် နေပြည်တော် အလုပ်သမား ၀န်ကြီး ဌာနမှ အမြန်ဆုံး ပြန်ခေါ်ဆောင်ပေးပါရန် အလုပ်သမားများကိုယ်စား မေတ္တာရပ်ခံ အပ်ပါကြောင်းနှင့် သို့မဟုတ်ပါက ထောင်ချီသော အလုပ်သမားများနှင့် အလုပ်သမား ကူညီစောင့်ရှောက်ရေး အဖွဲ့များ စုပေါင်းပြီး ဆန္ဒထုတ်ဖော်သွားမည် ဖြစ် ပါကြောင်း ရေးသားထားသည် ကိုလည်း တွေ့ရသည်။

Writer:

သက်မင်း