“ငါးဖမ်းလှေပေါ်တွင် ၁၅ နှစ်ကြာရောင်းစားခံခဲ့ရသူတစ်ဦးအား MAT အဖွဲ့ကယ်တင်”

၂၀၁၅ အောက်တိုဘာ ၁၀

ကိုတီး

            ထိုင်းမလေးရှားနယ်စပ် ကတန်မြို့ ငါးဖမ်းလှေဆိပ်တွင် ၁၅ နှစ်ကြာလူကုန်ကူးခံခဲ့ရသည့် မြန်မာအလုပ်သမားတစ်ဦးအား ထိုင်းအစိုးရလူကုန်ကူးမှုအထူးစုံစမ်းထောက်လှမ်းရေး DSI နှင့် မြန်မာသံရုံး အလုပ်သမားကူညီ စောင့်ရှောက်ရေးကော်မတီဝင် MAT က ယနေ့ ကယ်တင်နိုင်ကြောင်းသိရှိရသည်။

           လွတ်မြောက်လာသူမှာ ပဲခူးတိုင်း သက္ကလပ်မြို့နယ်၊ …………မှ ဦးမြတ်လွင်+ဒေါ်စမ်းမြင့် တို့၏ သား ဖြစ်ပါသည်။ သူက “ကျနော့်ကို ပွဲစား …… က ဓါးနဲ့ ရှစ်ပေါက်ထိုးတာ၊ သေပြီဆိုပြီးထားခဲ့တာ။  ကျနော်ကို ကော့သောင်း ကပွဲစားမ တစ်ယောက ကတန်က ထိုင်းပွဲစားမကြီး တစ်ယောက်ကိုရောင်းစားခဲ့တယ်။ ကျနော် တို့ ၆လ တစ်နှစ် ပင်လယ်ထဲမှာ ငါးဖမ်းနေရာက ကမ်းကိုကပ်ရင် ပြည့်တန်ဆာရုံတွေမှာ ပျော်ပါးခွင့်ပြုတယ်။ အရက်နဲ့ဘီယာသောက်ခွင့်ပြုတယ်။ ကုန်ကျတာကို သူတို့ရှင်းပေးတယ်။ အခြားအသုံးပြုဖို့အတွက်တော့ တစ်နေ့ကို ဘတ်ငွေ ၂၀၀ မျိုး ၃၀၀ ပဲပေးတယ်။ ခုMAT အဖွဲ့ နဲ့ အဆက်သွယ်ရလို့ လွတ်မြောက်လာခဲ့ပါပြီ” ဟုပြောသည်။

          လူကုန်ကူးဂိုဏ်းသားများ၏  မြန်မာအလုပ်သမားများအား ပင်လယ်ထဲတွင်သတ်ဖြတ်ခြင်း၊ ထွက်ပြေး သူများအား သတ်ဖြတ်ခြင်းနှင့်နှိပ်စက်ခြင်းအမျိုးမျိုးတို့ကို ကိုယ်တိုင်လည်းကြုံခဲ့ရသလို အမြောက်အမြားမြင် တွေ့ခဲ့ရကြောင်း ကိုကျော်သူ ကပြောသည်။

ဘန်ကောက်အခြေစိုက် ထိုင်းနိုင်ငံရောက် မြန်မာနိုင်ငံသားများအဖွဲ့MAT ဒါရိုက်တာ ဦးကျော်သောင်း က“ ထိုင်း ငါးဖမ်းလှေတိုင်းမှာ မြန်မာအလုပ်သမားတွေ လူကုန်ကူးခံနေရတာပါ။ ထိုင်းသတင်းတွေမှာ လှေလုပ်သားတွေ ကို ပန်းရောင်ဘတ်ကဒ် လုပ်ပေးတယ်လို့ ထုတ်လွှင့်ပြသနေပေမယ့် လူကုန်ကူးမှုလျှော့မသွားပါဘူး။ အဲဒါ အမေရိကန်နဲ့ အီးယူတို့က ထိုင်းနိုင်ငံထုတ် ပင်လယ်အစားအစာတွေကို ပိတ်ပင်တာတွေရှိနေလို လူကုန်ကူးမှု အဆိုးဆုံးအဆင့်က ပယ်ဖျက်ခံရအောင် လုပ်ပြနေတာပဲဖြစ်တယ်။ လူကုန်ကူးမှုပပျောက်အောင် တကယ်လုပ် မယ်ဆိုရင် နောက်ထပ်နည်းလမ်းရှိပါတယ်” ဟု ပြောသည်။

            ယနေ့ကယ်ထုတ်မှုအတွက် ကားခကုန်ကျငွေအား မြန်မာစီးပွားရေးလုပ်ငန်းရှင် ဦးစိုးဝင်း(စိုးဝင်းကုမ္ပဏီ)က ကူညီပေးခဲ့သည့်အပြင် ၎င်း၏ကိုယ်ပိုင်ကားကိုလည်း အသုံးပြုပေးခဲ့ပါသည်။ MAT အဖွဲ့သည် ထိုင်းနိုင်ငံအနှံ့ အလုပ်သမားအရေးကိစ္စနှုင့် လူကုန်ကူးမှုတိုက်ဖျက်ရေး လုပ်ငန်းစဉ်များကို ၀န်ထမ်းလစာ တစ်စုံတစ်ရာမရှိပဲ မိမိတို့ လုပ်အား ခငွေများကို အသုံးပြု၍ ကူညီသူများသာဖြစ်ကြပါသည်။ တစ်ခါတစ်ရံ  အနှောင်အဖွဲ့ကင်းလွတ်သည့် အကူညီပေးကြသူများ၏ အကူညီများဖြင့်လည်း ဆောင်ရွက်ရကြောင်းသိရှိရပါသည်။