မောင်ခင်မင်(ဓနုဖြူ)
''သမ္ဗန္ဓမှာလည်း ဝိဘတ်လိုပဲ အပြောစကားမှာ တွင်တွင်ကျယ်ကျယ် သုံးနေတဲ့ သမ္ဗန္ဓတွေကို ပြည့်ပြည့်စုံစုံပြသင့်တယ်လို့ ထင်တယ်၊ နမူနာပြောကြရအောင်၊ စာသုံး စကားမှာ 'သော်လည်း' ဆိုတဲ့ သမ္ဗန္ဓပါတယ်၊ အဲဒါနဲ့တူတဲ့ အပြောသုံးသမ္ဗန္ဓက ဘာပါလိမ့်''
'' 'ပေမယ့်' ပါဆရာ''
''ဟုတ်တယ်၊ 'သူက ဆင်းရဲပေမယ့် စိတ်ကောင်းရှိတယ်' ဆိုတဲ့ ဝါကျမျိုးမှာ 'ပေမယ့်'ဟာ အပြောသုံးသမ္ဗန္ဓပေါ့၊ အဲဒီလိုပဲ ပေါင်းစည်းပြသမ္ဗန္ဓမှာ 'နှင့်' ကို ပြထားတယ်၊ အပြောစကားမှာ 'နှင့်' လို့ပဲ သုံးသလား''
'' 'နဲ့' လို့ သုံးပါတယ်ဆရာ''
''ဟုတ်တယ်၊ 'သူနဲ့ငါ'၊ 'စစ်နဲ့ငြိမ်းချမ်းရေး၊ ဆရာနဲ့တပည့်' ဆိုတဲ့ အသုံးတွေ တွင်တွင်ကျယ်ကျယ် သုံးနေတာပဲဟာ၊ 'နဲ့' ကို လည်း ထည့်ပြသင့်တာပေါ့''
''ဟုတ်ကဲ့ပါ''
''ဒီတော့ စာသုံးသမ္ဗန္ဓတွေနဲ့ အသုံးတူတဲ့ အပြောသုံးသမ္ဗန္ဓတွေကို ဖြည့်စွက်ပြီး သင်ပေးကြပေါ့၊ ခက်တာက သဒ္ဒါစာအုပ်ထဲမှာ အပြောသုံးသမ္ဗန္ဓတွေ လုံးဝမပါတာ တော့ မဟုတ်ဘူး၊ ပါတဲ့ဟာပါ၊ မပါတဲ့ဟာ မပါ ဖြစ်နေတယ်လေ၊ သတိထားမိကြရဲ့လား''
''သတိမထားမိပါဘူး ဆရာ''
''လိုရင်းပဲ ပြောပါ့မယ်၊ 'စာသင်နေစဉ်' နဲ့ 'လသာတုန်း' မှာ 'စဉ်' နဲ့ 'တုန်း' ဟာ စာသုံးနဲ့ အပြောသုံးပဲကွာတာမဟုတ်လား၊ သဘောက အတူတူပဲလေ၊ အဲဒီလိုပဲ 'မကြာမီ' နဲ့ 'မကြာခင်'၊ 'ဖြစ်ရန်' နဲ့ 'ဖြစ်အောင်'၊ 'သကဲ့သို့' နဲ့ 'သလို' ဆိုတဲ့ သမ္ဗန္ဓ အသုံးတွေဟာလည်း စာသုံးနဲ့ အပြောသုံးပဲ ကွာတာ၊ အဲဒါတွေ စာအုပ်ထဲမှာ ပါပါ တယ်၊ 'ဖြစ်စေ... ဖြစ်စေ' နဲ့ အသုံးတူတဲ့ 'ဖြစ်ဖြစ်...ဖြစ်ဖြစ်' အသုံးတို့၊ 'သူရော ငါရော' ဆိုတဲ့ 'ရော... ရော' အသုံးတို့ 'အမေရယ် အဖေရယ်' ဆိုတဲ့ 'ရယ်... ရယ်' အသုံးတို့ အဲဒီလိုအပြောမှာ တွင်တွင်ကျယ်ကျယ် သုံးတဲ့ သမ္ဗန္ဓတွေလည်း ပြည့်ပြည့် စုံစုံပါရင် ကောင်းတာပေါ့ကွယ်''
''ဟုတ်ကဲ့ပါ''
''ကဲ... နောက်ဝါစင်္ဂတစ်ခုအကြောင်း ပြောရအောင်''
''နောက်ဝါစင်္ဂက ပစ္စည်းပါ ဆရာ''
''ဟုတ်ပါပြီ၊ ဝါစင်္ဂ ရှစ်ပါးခွဲတဲ့ စနစ်မှာတော့ ပစ္စည်းကို ဝါစင်္ဂထဲ မထည့်ဘူး၊ ဝါစင်္ဂကိုးပါးခွဲတဲ့ စနစ်မှာတော့ ပစ္စည်းကို ဝါစင်္ဂတစ်ခုအဖြစ် ထည့်တယ်၊ ပစ္စည်းဖွင့် ဆိုပုံကို ပြောပါဦး''
''ဟုတ်ကဲ့၊ 'နာမ်၊ နာမ်စား၊ နာမဝိသေသန၊ ကြိယာ၊ ကြိယာဝိသေသနတို့ အဓိပ္ပာယ်ကို ထူးခြားလေးနက်အောင် ကူညီထောက်ပံ့သော စကားလုံးကို ပစ္စည်းဟု ခေါ်သည်' တဲ့ ဆရာ''
''ပစ္စည်းအမျိုးအစားရော ဘယ်လိုခွဲသလဲ''
''နာမ်ပစ္စည်း၊ ကြိယာပစ္စည်း၊ ပုဒ်ပြောင်းပစ္စည်းဆိုပြီး သုံးမျိုးခွဲပါတယ် ဆရာ''
''အဲဒီတော့ အရင်ဆုံးနာမ်ပစ္စည်းတွေကို ကြည့်တာပေါ့၊ နာမ်ပစ္စည်းတွေမှာ 'မျိုးပြပစ္စည်း' ကို အရင်ဆုံးပြတယ်မဟုတ်လား၊ မျိုးပြပစ္စည်းက မြန်မာစကားမှာ အင်မတန်အသုံးတွင်ကျယ်တဲ့ ပစ္စည်းတွေပဲ၊ မျိုးပြပစ္စည်းတွေကို မှန်မှန်ကန်ကန် သုံးတတ်ဖို့လိုတယ်လေ''
''ရှင်းပြပါဦး ဆရာ''
''မြန်မာစကားမှာ မျိုးပြပစ္စည်းသုံးရင် အရေအတွက်ပြတဲ့ ကိန်းဂဏန်းနဲ့ တွဲသုံး ရတယ်မဟုတ်လား၊ မြန်မာစကားမှာ နာမ်တွေရဲ့ အရေအတွက်ကို မျိုးပြပစ္စည်းမပါဘဲ သုံးလို့မရဘူးလေ၊ အဲဒါသတိထားမိတယ်မဟုတ်လား''
''ဘာကိုဆိုလိုတာပါလဲ ဆရာ''
''အနီးစပ်ဆုံး အင်္ဂလိပ်စကားနဲ့ ယှဉ်ကြည့်လေ၊ အင်္ဂလိပ်စကားမှာ အရေ အတွက်နဲ့၊ နာမ်နဲ့ တိုက်ရိုက်တွဲသုံးတယ်၊ ဆိုပါတော့ 'two dogs ' ၊ 'three flowers' လို့ သုံးတာမျိုးပေါ့၊ မြန်မာစကားမှာ အဲဒီပုံစံအတိုင်း 'နှစ်ခွေး'၊ 'သုံးပန်း' လို့မှ သုံးလို့မရတာ၊ ကဲ ဘယ်လိုသုံးသလဲ''
''ခွေးနှစ်ကောင်၊ ပန်းသုံးပွင့်လို့ သုံးပါတယ် ဆရာ''
''အေး အဲဒီ 'ကောင်' တို့ ၊ 'ပွင့်' တို့ကို မျိုးပြပစ္စည်းလို့ ခေါ်တာပေါ့၊ မျိုးပြပစ္စည်း တွေက အမျိုးအစားတို့ ပုံသ္ဌာန်တို့ကို ဖော်ပြတယ်လေ၊ ဆိုပါတော့ ဘုရားဆိုရင် 'တစ်ဆူ၊ နှစ်ဆူ' သုံးရတယ်မဟုတ်လား၊
အဲဒီလိုပဲ၊ 'ရဟန်းတစ်ပါး ၊ လူတစ်ယောက် ၊ ဆင်တစ်ကောင်' စသည်ဖြင့်ပေါ့၊ အမျိုးအစားအလိုက် သုံးရတဲ့မျိုးပြပစ္စည်းတွေ ရှိတာပေါ့''
''ဟုတ်ကဲ့ပါ''
'' 'ဘဲဥတစ်လုံး၊ ဖျာတစ်ချပ်၊ ကြိုးတစ်ချောင်း၊ သေနတ်တစ်လက်၊ ကားတစ်စီး၊ လှေတစ်စင်း' စသည်ဖြင့် ပုံသ္ဌာန်အလိုက်သုံးတဲ့ မျိုးပြပစ္စည်းတွေလည်းရှိတယ်၊ 'ဖိနစ်တစ်ရန်၊ နွားတစ်ရှဉ်း' ဆိုပြီး နှစ်ခုတွဲအလိုက် သုံးတဲ့မျိုးပြတွေလည်း ရှိတယ် လေ''
''ဟုတ်ကဲ့ပါ''
''အဲဒီလိုပဲ၊ 'ဆီတစ်ပိဿာ၊ ဓာတ်ဆီဆယ်ဂါလန်၊ ဆန်တစ်တင်း' စသည်ဖြင့် အတိုင်းအတာပမာဏအလိုက်သုံးတဲ့ မျိုးပြပစ္စည်းတွေလည်း ရှိတယ်''
''မျိုးပြသက်သက်မဟုတ်ဘဲ နာမ်တွေကို မျိုးပြလိုထပ်ဆင့်သုံးတဲ့ အသုံးတွေ လည်း ရှိတယ်လေ''
''ဘယ်လိုအသုံးမျိုးပါလဲ ဆရာ''
'' 'အိမ်တစ်အိမ်'၊ 'ရေတွင်းတစ်တွင်း' ဆိုတာမျိုးပေါ့၊ 'အိမ်တစ်အိမ်' မှာ နာမ်ကိုပဲ မျိုးပြပစ္စည်းအဖြစ် ထပ်သုံးတာလေ၊ ရှေ့က 'အိမ်' က နာမ်နောက်က 'အိမ်' က မျိုးပြပစ္စည်းပေါ့၊ 'ဘောလုံးတစ်လုံး' ကျတော့ ရှေ့က နာမ်ရဲ့အစိတ်အပိုင်း တစ်ခုကို မျိုးပြပစ္စည်းအဖြစ် ထပ်သုံးတာပေါ့''
''သြော်... နားလည်ပါပြီ ဆရာ''
''နောက်တစ်ခုက နာမ်တစ်ခုကို မျိုးပြတစ်ခုမက သုံးနိုင်တာမျိုးလည်း ရှိတယ်၊ သုံးတဲ့ရည်ရွယ်ချက်ကို လိုက်လို့ပေါ့''
''ဘယ်လိုအသုံးပါလဲ ဆရာ''
'' 'ဓား' ဆိုပါတော့၊ 'ဓားတစ်လက်၊ ဓားတစ်ချောင်း၊ ဓားတစ်စင်း' ဆိုပြီး မျိုးပြတစ်ခုမက သုံးနိုင်တယ်လေ၊ 'ဓားတစ်လက်' လို့သုံးရင် လက်နက်ဆိုတဲ့ အဓိပ္ပာယ်ပေါ့၊ သေနတ်တစ်လက်၊ အမြောက်တစ်လက်ဆိုတာမျိုးပေါ့၊ 'ဓား တစ်ချောင်း' လို့ သုံးရင်တော့ အချောင်းအတံဆိုတဲ့ အဓိပ္ပာယ်ပေါ့၊ 'ဓားတစ်စင်း' ဆိုရင်တော့ ဖြောင့်စင်းတဲ့ အရာဝတ္ထုဆိုတဲ့ အဓိပ္ပာယ်ပေါ့ကွယ်''
''ဟုတ်ကဲ့ပါ''
''ယေဘုယျသုံးနိုင်တဲ့ မျိုးပြပစ္စည်းကတော့ 'ခု' ဆိုတဲ့ မျိုးပြပဲ၊ မုန့်တစ်ခု၊ အလုပ်တစ်ခု၊ ကိစ္စတစ်ခု ဆိုတာမျိုး အကောင်အထည်ရှိတာနဲ့ရော၊ မရှိတာနဲ့ရော တွဲသုံးနိုင်တယ်လေ''
''ဘာသာတရားတို့၊ ယုံကြည်ကိုးကွယ်မှုတို့နဲ့ ဆက်စပ်ရင် 'ပါး' ကို သုံးလေ့ရှိ တယ်၊ ရတနာသုံးပါး၊ အန္တငါးပါး၊ အပြစ်ခြောက်ပါး၊ အပါယ်လေးပါး စသည်ဖြင့်ပေါ့၊ ကောင်းတာရော၊ ဆိုးတာရော ပါနိုင်တာပေါ့၊ အသေးစိတ်လေ့လာကြည့်ပေါ့ကွယ်''
''ဟုတ်ကဲ့ပါ''
''မျိုးပြသုံးတဲ့နေရာမှာ တွဲသုံးတဲ့ ကိန်းဂဏန်းကိုလိုက်ပြီး သုံးပုံကွာတာလည်း ကလေးတွေကို သင်ဖို့လိုတယ်နော်''
''ဟုတ်ကဲ့ပါ''
'' ၁ ကနေ ၉ အထိ ဆုံးတဲ့ ကိန်းတွေနဲ့ သုံးရင် မျိုးပြကို နောက်ကကပ်ပြီး သုံးတယ်၊ 'လူ ၁၅ ယောက်၊ သံဃာ ၁၄၉ ပါး၊ စာအုပ် ၃၄၂၆ အုပ်' ဆိုတာမျိုးပေါ့''
''ဟုတ်ကဲ့ပါ''
''သုညနဲ့ ဆုံးတဲ့ ကိန်းတွေဆိုရင်တော့ မျိုးပြကို အဲဒီလို တိုက်ရိုက်သုံးလို့မရဘူး၊ 'သံဃာတော် ၂ဝ ပါးလို့ သုံးလို့မရဘူး၊ သံဃာတော်အပါး ၂ဝ လို့ သုံးရတယ်၊ အဲဒီလိုပဲ လူအယောက် ၅ဝ၊ ဘဲဥအလုံး ၆ဝဝ၊ ဓားအစင်း ၃ဝဝ' ဆိုတာမျိုးသုံးရတယ်၊ မျိုးပြကို ရှေ့က အ-တွဲပြီး ကိန်းဂဏန်းရဲ့ရှေ့မှာ သုံးရတယ်''
''ဆရာ၊ သံဃာတော် ၂ဝ၊ ဘဲဥ ၆ဝဝ၊ ဓား ၃ဝဝ လို့ သုံးလို့လည်း ရမယ်ထင်ပါ တယ်''
''ဟုတ်တယ်၊ မျိုးပြလုံးဝမထည့်ဘဲ နာမ်နဲ့ သုညဆုံးတဲ့ ကိန်းဂဏန်းတွေနဲ့ ကပ်သုံးလို့ ရပါတယ်၊ မျိုးပြသုံးရင်တော့ ရှေ့က အ-ရှေ့ဆက်တွဲပြီး သုံးတာ များပါတယ်၊ အနှစ် ၁ဝဝ ၊ အရက် ၂ဝ ဆိုတာမျိုးပေါ့၊ အဲ... လ ကျတော့ အလ ၃၁ ဆိုတာမျိုး သုံးတာမရှိဘူး၊ လ ၃၁ လို့ပဲ သုံးတယ်လေ၊ သတိထားစရာ ကလေးတွေပေါ့''
''ဟုတ်ကဲ့ပါ''
''ရန်ကုန်မြို့လယ်က လမ်းတွေခေါ်ပုံကြည့်ရင်လည်း သိနိုင်ပါတယ် '၁ လမ်း၊ ၁၂ လမ်း၊ ၄၉ လမ်း' ဆိုတာမျိုးသုံးပေမယ့် 'လမ်း ၂ဝ၊ လမ်း ၃ဝ၊ လမ်း ၄ဝ' ဆိုပြီး သုညဆုံးတဲ့ လမ်းတွေကျတော့ နာမ်ကို ကိန်းဂဏန်းရှေ့က ထားသုံးရတယ် မဟုတ်လား''
''ဟုတ်ကဲ့ပါ''
''အဲဒီမှာ တစ်ခုမှတ်ဖို့က ၁ဝ ကို အတိုကောက်ခေါ်တဲ့ 'ဆယ်'ဆိုတဲ့ ကိန်းကို ကျတော့ ၁ ကနေ ၉ အထိသုံးတဲ့ ပုံစံမျိုးပဲ သုံးရတယ်၊ သုညဆုံးတဲ့ ကိန်းတွေလို သုံးလေ့မရှိဘူး၊ ဆိုလိုတာက 'လူအယောက် ၁ဝ' လို့ သုံးလေ့မရှိဘူး၊ လူဆယ် ယောက်လို့ပဲ သုံးတယ်။ ခွေးဆယ်ကောင်၊ ဘဲဥဆယ်လုံးဆိုတာမျိုးပေါ့၊ သုညမဆုံးတဲ့ ကိန်းတွေနဲ့ အသုံးတူတယ်လို့ နားလည်နိုင်ပါတယ်''
''ဟုတ်ကဲ့ပါ ဆရာ''
''သတင်းစာတွေ၊ ဂျာနယ်တွေထဲမှာ '၂ဝကြိမ်မြောက် ကထိန်သင်္ကန်းကပ်လှူပွဲ' ဆိုတာမျိုးတွေ့ရတတ်တယ်၊ 'အကြိမ် ၂ဝမြောက်' လို့ သုံးမှ မှန်မှာပေါ့၊ မျိုးပြ ပစ္စည်းအကြောင်း ဒီလောက်ဆိုရင် လုံလောက်ပါပြီ''
''ကျေးဇူးတင်ပါတယ်ဆရာ''