THE VOICE JOURNAL DEC 7, 2017
“ချမ်းသာအောင် ဘာလုပ်ရမလဲဆိုတာပဲ ခပ်တိုတိုပြောစမ်းပါ ဆရာမရဲ့” ဟူသော မေးခွန်းကို ရန်ကုန်မြို့စွန် ရပ်ကွက်တစ်ခုတွင် ကြားခဲ့ရခြင်းဖြစ်သည်။ သူငယ်ချင်း၏ လုပ်ငန်းခွင်ထဲ မကြာခဏလိုက်ကာ ငွေကြေးပညာ ဆွေးနွေးပေးလေ့ရှိသဖြင့် ငွေခင်နှင့် ဒီမေးခွန်းကို မေးလိုက်သူ အသေးစားငွေရေးကြေးရေးအဖွဲ့ဝင်များ ခင်မင်နေကြပြီ။ ဆွေးနွေးမှုများတွင် ယခုလိုအတွေးနှင့် အမေးမျိုးက တဲ့တိုးဆန်သလောက် တန်ဖိုးလည်းရှိသည်။ အမေးရှိတော့ အဖြေလည်းရှိရသည်။
လိုရာမရလျှင် ဆင်းရဲခြင်းဖြစ်သည်။ လိုတရသူဌေးကြီးများ လူတိုင်းမဖြစ်နိုင်သော်လည်း လိုရာရ၍ ဆင်းရဲခြင်းကင်းသော ငွေကြေးပြည့်စုံသည့် အခြေအနေတစ်ရပ်ကတော့ လူတိုင်းအတွက်ဟု ငွေခင် ယုံကြည်ပါသည်။ ထို့အတွက် ကောင်းမွန်စနစ်ကျသော ငွေကြေးစီမံခန့်ခွဲမှု (အကျင့်) သည် လုပ်ရမည့်အရာဖြစ်သည်။ အကျင့်ဟုဆိုရခြင်းမှာ အကြောင်းအရာနှင့် နည်းနာများ သိရုံမဟုတ်၊ လက်တွေ့လုပ်ဆောင်ပြီး အကျင့်အဖြစ် စွဲမြဲသွားရန် မဖြစ်မနေလိုအပ်ခြင်းကြောင့်။
ထိုနေ့က ခပ်တိုတိုရှင်းခဲ့ရသော ရိုးရှင်းလွယ်ကူသော ငွေကြေးစီမံခန့်ခွဲမှုအခြေခံကို စာဖတ်သူတို့ လိုသလိုချဲ့ထွင်ကာ လက်တွေ့အသုံးချနိုင်စေရန် ဤဆောင်းပါးအဖြစ် ခပ်ရှည်ရှည် ပြန်လည်ဝေမျှလိုက်ပါသည်။
ငွေကြေးစီမံခန့်ခွဲရန် လက်တွေ့အလုပ်ငါးချက်
(၁) ပမာဏနှင့် ကာလညှိပါ။
ငွေကြေးစီမံခန့်ခွဲမှုကို ဝင်ငွေက စရပါမည်။ မိမိလက်ထဲရှိနေသော ဝင်ငွေပမာဏနှင့် ထိုငွေကိုလုံလောက်အောင် စီမံရမည့် အချိန်ကာလ သတ်မှတ်ပါ။ ဥပမာ – လစဉ်ဝင်ငွေဆိုလျှင် တစ်လစာအတွက် စီမံရမည်။ နေ့စဉ်ဈေးရောင်းခြင်းမှ ဝင်ငွေဆိုလျှင် တစ်ရက်စာ သို့မဟုတ် တစ်ပတ်စာ စဉ်းစားရမည်။ စိုက်ပျိုးရေးသမားဆို တစ်ရာသီစာ သို့မဟုတ် တစ်နှစ်မှတစ်ခါ သီးနှံထွက်သည်ဆိုလျှင် တစ်နှစ်လုံးစာ စဉ်းစားနိုင်သည်။
(၂) မသုံးမဖြစ် (၅၀ ရာခိုင်နှုန်း) အတွက် တစ်ကန့်ခွဲပါ။
စီမံခန့်ခွဲမည့်ငွေပမာဏမှ တစ်ဝက်ကို စီမံခန့်ခွဲသည့်အချိန်ကာလအတွင်း မသုံးမဖြစ်သုံးစွဲရန်ကိစ္စများအတွက် ရည်ရွယ်ကာ သီးသန့်ဖယ်ထားပါ။ နေ့စဉ် စားစရိတ်ဖြစ်သည့် ဈေးဖိုးနှင့် မုန့်ဖိုး၊ အိမ်လခ – ရေ – မီး – စည်ပင်ခွန်အစရှိသည့် နေစရိတ်၊ ကျောင်းသွားခြင်း အလုပ်သွားခြင်း တို့အတွက် ခရီးစရိတ်၊ ရာသီအလိုက်လိုအပ်မည့် အခြေခံအဝတ်အစား၊ ကျန်းမာရေးနှင့် ပညာရေးတို့အတွက် ပျမ်းမျှကုန်ကျငွေ၊ ပြန်ဆပ်ရန် အချိန်ကျနေသော ကြွေးဆပ်ငွေ အစရှိသည်တို့ ပါဝင်ရပါလိမ့်မည်။ ရည်ရွယ်ထားသော မသုံးမဖြစ်စရိတ်များမှ တခြားကိစ္စများအတွက် ယူမသုံးရစေရန် ကြိုးစားရပါမည်။
(၃) အနာဂတ်တွက် (၂၅ ရာခိုင်နှုန်း) စုပါ။
မသုံးမဖြစ်ငွေများဖယ်အပြီး ကျန်ငွေ၏ တစ်ဝက် (ဝင်ငွေစုစုပေါင်း၏ ၂၅ ရာခိုင်နှုန်း) ကို အနာဂတ်စုဘူးထဲသို့ ထည့်ပါ။ မိမိဘ၀ နောက်တစ်ဆင့် တိုးတက်ရေးအတွက် ရင်းနှီးမြှုပ်နှံမှုများပြုလုပ်ရန်၊ မမျှော်လင့်ဘဲ ဝင်ငွေမဲ့သွားခြင်းနှင့် သေရေးရှင်ရေးအကြောင်းကိစ္စကြီးငယ်များအတွက် အဆင်သင့်ရှိရန် ရည်ရွယ်ထားရမည့် သီးသန့် တစ်ကန့်ဖြစ်သည်။ ထိုအရေးကိစ္စများမှအပ အခြားမည်သည့်အကြောင်းကိစ္စနှင့်မျှ ထုတ်မသုံးမိပါနှင့်။
(၄) ကျန် (၂၅ ရာခိုင်နှုန်း) လိုရာသုံးနိုင်ပါသည်။
အလှူပြုခြင်း၊ သာရေးနာရေး၊ မိသားစု မိတ်ဆွေနှင့် သူငယ်ချင်းများကို ငွေကြေးကူညီခြင်းများကို ဤအကန့်မှသုံးပါ။ မရှိမဖြစ်မဟုတ်သော်လည်း မိမိစိတ်ကို ကျေနပ်ပျော်ရွှင်စေမည့် အသုံးအဆောင်ပစ္စည်းများ ဝယ်ယူခြင်းနှင့် စိတ်အပန်းပြေစေမည့် ဖျော်ဖြေရေးကိစ္စများအတွက်လည်း သုံးနိုင်သည်။ အသေးစား ဖျားနာခြင်းလိုမျိုးကိစ္စများအတွက် ခြေစောင့်လက်စောင့်ချန်ကာ သုံးပါ။ ပိုလျှင် ကိုင်ထားပါ။ မသုံးဖြစ်ဘဲ များလာလျှင် မိမိအလိုရှိရာ ဝယ်ယူသုံးစွဲနိုင်ဖို့အတွက် ရည်ရွယ်ကာ ငွေပြည့်သည်အထိ စုထားလိုက်ပါ။ အရေးအကြီးဆုံးမှာ မိမိသုံးလိုသော အရာများကို ဦးစားပေးအလိုက် စဉ်ထားပြီး လိုရာငွေသုံးရန် ငွေသားရှိ သလောက်သာသုံးပါ။ ပိုမသုံးပါနှင့်။ ကြိုမသုံးပါနှင့်။ အခြားအကန့်တွေထဲမှာ နှိုက်မသုံးပါနှင့်။
(၅) ငွေကြေး ဒိုင်ယာရီရေးပါ။
နေ့စဉ် ဝင်လာသမျှနှင့် ထွက်သွားသမျှငွေများ၊ အဖတ်တင်ထား သော စုငွေများ၊ လက်ဝယ်ကျန်ငွေများကို အကျိုးအကြောင်းနှင့်တကွ မလွတ်တမ်းမှတ်တမ်းတင်ပါ။ တစ်နေ့လျှင် (၅) မိနစ်ခန့်အချိန်ပေးလျှင် လုံလောက်သော်လည်း ဝါသနာမပါသူတို့အဖို့ အလွန်ခက်ခဲသော အလုပ်ဖြစ်ကြောင်း ငွေခင် သိပါသည်။ သို့သော် ငွေကြေးပြည့်စုံသူတို့၏ နိစ္စဓူဝ အလုပ်တစ်ခုအဖြစ် အကျင့်တစ်ခုဖြစ်သည့်အထိ လုပ်ရပါလိမ့်မည်။
အကန့်ခွဲ၍ သုံးခြင်းအကျိုးကျေးဇူး
မိမိဝင်ငွေကို အကန့်များ၊ အပုံများခွဲခြားခြင်းသည် အကျိုးရှိစွာသုံးစွဲနိုင်ရန် ကြိုတင်စီစဉ်ခြင်းဖြစ်သည်။ ကြိုတင်အစီအစဉ်မရှိလျှင် လက်သင့်သလို သုံးမိသွားနိုင်သည်။ စိတ်အလိုလိုက်မိရန်လွယ်သည်။ အကန့်ခွဲထားခြင်းဖြင့် မရည်ရွယ်ဘဲ အကုန်သုံးမိခြင်း၊ အပိုသုံးမိခြင်းတို့ကြောင့် အရေးပေါ်ကိစ္စများ၊ မသုံးမဖြစ်ကိစ္စများအတွက် ငွေမရှိခြင်း၊ အကြွေးတင်ခြင်းတို့မှ ရှောင်ရှားနိုင်သည်။ ဘ၀တိုးတက်ရေးအတွက် အဖိုးတန်သည့် ‘စုငွေ’ အဖတ်တင်စေသည်။
အချိုးများကို ကစားကြည့်ပါ
ဝင်ငွေကို အပုံများ အကန့်များခွဲရန် ငွေခင်အကြံပြုထားသော မသုံးမဖြစ် (၅၀ ရာခိုင်နှုန်း)၊ အနာဂတ်အတွက် (၂၅ ရာခိုင်နှုန်း) နှင့် လိုရာသုံး (၂၅ ရာခိုင်နှုန်း) သည် အလွယ်အချိုးတစ်ခုသာ။ လက်တွေ့တွင် ၅၀ ရာခိုင်နှုန်းမကသော မသုံးမဖြစ်များ ရှိနိုင်သလို လိုရာများများသုံးမှ စိတ်ချမ်းသာသူများလည်း ရှိနိုင်သည်။ အနာဂတ်ကို အလေးပေးသော စုစုဆောင်းဆောင်းသူဌေးလောင်းများလည်း ရှိနိုင်သည်။ ထို့ကြောင့် မိမိဝင်ငွေ၊ အသုံးစရိတ်လိုအပ်ချက်၊ မိမိအယူအဆနှင့် အနာဂတ်မျှော်မှန်းချက်တို့နှင့်အညီ အလုပ်ဖြစ်စေမည့် အချိုးပုံစံများကို ကစားကြည့်နိုင်ပါသည်။ အပုံသုံးပုံ၊ အကန့်သုံးမျိုးအနည်းဆုံးထားဖို့တော့ မမေ့ပါနှင့်။
မသုံးမဖြစ်တွေ များနေသော်
မသုံးမဖြစ်ငွေများသည် ဝင်ငွေ၏ တစ်ဝက်မျှရှိလျှင် မဆိုးဟု ငွေခင်ယူဆထားသည်။ ဝင်ငွေကောင်းလာလေ ထိုအချိုးသေးလာလေ ဖြစ်မည်။ လက်တွေ့စာရင်းပြုစုသောအခါ မသုံးမဖြစ်သုံးငွေများက ဝင်ငွေထက် များနေခြင်းများ တွေ့ရနိုင်ပါလိမ့်မည်။ ငွေခင်တို့နိုင်ငံလူဦးရေ၏ တစ်ဝက်နီးပါးသည် အခြေခံအသုံးစရိတ်များ အတွက် ဝင်ငွေ၏ ၉၀ ရာခိုင်နှုန်းနှင့် ၁၀၀ ရာခိုင်နှုန်းအထိ သုံးစွဲနေရကြောင်း သုတေသန စစ်တမ်းတစ်စောင်ကလည်း မကြာသေးမီကပင် ဆိုထားသည်။ ထို့ကြောင့် မသုံးမဖြစ်ငွေများက ဝင်ငွေနှင့်မမျှဖြစ်နေသည်ဆိုလျှင် ‘ဖြစ်တတ်သော်လည်း ပြုပြင်ရမည့်သဘော’ ဖြစ်သည်။ ပုံမှန်သုံးသမျှတွင် မသုံးမဖြစ်မဟုတ်များ ပါဝင်နေသလား၊ လိုသည်ထက် ပိုသုံးမိနေသလား၊ လေလွင့် မှုများ ရှိနေသလား အစရှိသဖြင့် အသုံးစရိတ်ပြန် စိစစ်ခြင်းနှင့် ပြုန်းတီးငွေလျော့ချခြင်းက တစ်နည်း၊ ဝင်ငွေတိုးအောင်ကြံဆခြင်းက တစ်နည်းဟူ၍ နည်းလမ်းနှစ်မျိုးဖြင့် ဖြေရှင်းနိုင်သည်။ မြန်မာမိသားစုတစ်စုအတွက် မသုံးမဖြစ်စရိတ်များ ဝင်ငွေ၏ ၅၀ ရာခိုင်နှုန်းလောက်သာ ရှိစေရေးကို ပန်းတိုင်တစ်ခုအဖြစ် စဉ်းစားနိုင်သည်။
အနာဂတ်စုဘူး ဘယ်လောက်ကြီးသင့်သလဲ
အနာဂတ်စုဘူးသည် လူတိုင်းအတွက် မရှိမဖြစ်ဖြစ်သည်။ လက်ရှိဝင်ငွေ ရုတ်တရက်ရပ်သွားသော် အလုပ်သစ်ရှာ၊ ဝင်ငွေသစ်ရှာနေစဉ် အနည်းဆုံးတစ်လမှသည် တစ်နှစ်တန်သည်အထိ မသုံးမဖြစ်များအတွက် တောင့်ခံထားနိုင်သော ပမာဏဖြစ်သင့်ပါသည်။ လုံခြုံစိတ်ချစွာ စုဆောင်းထားနိုင်ရန်လည်းလိုသည်။ အလွယ်တကူ ထုတ်ယူသုံးစွဲမိခြင်းမျိုးမှ ရှောင်နိုင်ရန် စုငွေအပေါ် အချိန်ကာလအလိုက် အတိုးငွေထည့်ပေးသည့်ဘဏ်နှင့် အသေးစားငွေကြေးဝန်ဆောင်မှု အဖွဲ့အစည်းများတွင် စုဆောင်းထားနိုင်လျှင် ပိုကောင်းသည်။ ခိုင်မာသော၊ ယုံကြည်ရသော ငွေကြေးအဖွဲ့အစည်းများကို ရွေးချယ်တတ်ရန်တော့ လိုအပ်ပါသည်။
ယနေ့၊ ယခု စတင်ပါ
စည်းကမ်းလိုပါသည်။ စိတ်ဓာတ်ခွန်အား၊ စိတ်ရှည်မှု၊ ဇွဲရှိမှုတို့ လိုပါသည်။ ယနေ့၊ ယခုအချိန်က စတင်ရန်လိုပါသည်။
ငွေကြေးပြည့်စုံလျှင် မိမိကိုယ်ကိုယ်ကို တာဝန်ယူနိုင်မည်။ မိသားစုကို ထောက်ပံ့နိုင်မည်။ မိတ်ဆွေ၊ သူငယ်ချင်းများနှင့် လိုအပ်သူများကို လိုအပ်ရာရာ ကူညီနိုင်လိမ့်မည်။ ထိုအတွေးသည်ပင်လျှင် ငွေကြေးပြည့်စုံရန် ကြိုးစားမည့်သူတို့အတွက် လုံလောက်သော စိတ်ဓာတ်ခွန်အားကို ပေးပါလိမ့်မည်။
ဆင်းရဲခြင်းမှ လွတ်ကင်းကြစေလိုသည်။
ငွေခင်