ရွှေလုပ်သား: “အလုပ်သမားလူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနပြည်ထောင်စုဝန်ကြီး ဦးသိန်းဆွေ သို့ အိပ်ဖွင့်ပေးစာ”

15 October 2017

“အလုပ်သမားလူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနပြည်ထောင်စုဝန်ကြီး ဦးသိန်းဆွေ သို့ အိပ်ဖွင့်ပေးစာ”

သို့

ရက်စွဲ။ ။ ၁၆.၁၀.၂၀၁၇

“အလုပ်သမားလူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနပြည်ထောင်စုဝန်ကြီး
ဦးသိန်းဆွေသို့ အိပ်ဖွင့်ပေးစာ”

“MOU ပြဿနာများနှင့် မြန်မာအေဂျင်စီတို့၏လွဲမှားသည့်လုပ်ရပ်များကိုတင်ပြခြင်း”

ထိုင်းနိုင်ငံဘန်ကောက်မြို့အခြေစိုက်ကျွန်ုပ်တို့ MATအဖွဲ့သည်ဆယ်စုနှစ်နှင့် ချီ၍ မြန်မာရွှေ့ပြောင်း အလုပ်သမားရေးရာကိစ္စရပ်များကိုကူညီနေသူများဖြစ်ပါသည်။

ထိုင်းနိုင်ငံအတွင်း ငါးဖမ်းလှေ၊ အလုပ်ရုံ စိုက်ပျိုးရေး၊မွေးမြူရေး၊နေအိမ် အချို့နှင့်၊ြ ပည့်တန်ဆာရုံတို့တွင် လူကုန်ကူးခံရသူအမြောက်အမြားတို့ကို ထိုင်းအစိုးရနှင့် အတူ တကွပူးပေါင်းဆောင်ရွက်ခဲ့သဖြင့် ထိုင်းအစိုးရ အထူးစုံစမ်းထောက်လှမ်းရေးအဖွဲ့DSI နှင့်ရာဇ၀တ်မှုခင်းအထူး နှိမ်နင်းရေးတပ်ဖွဲ့ AHTD တို့အပြင် မြန်မာနိုင်ငံရဲချုပ်တို့က အသိအမှတ်ပြုခံထားရသည့်အဖွဲ့ဖြစ်ပါသည်။

ကျွန်ုပ်တို့အနေဖြင့် မြန်မာအလုပ်သမားဝန်ကြီးအဆက်ဆက်တို့အား မြန်မာ - ထိုင်းနှစ်နိုင်ငံပွဲစားများ ၏မတရားမှုများ၊ အလုပ်သမားများအပေါ်ခေါင်းပုံဖြတ်မှုများ၊ အ.လ.ည ၀န်ထမ်းများ၏ အဂတိမှုများအား အ မုန်းခံ၍ တင်ပြတိုင်ကြားခဲ့သည့် မှတ် တမ်းများစွာ လူကြီးမင်းတို့ထံတွင်ရှိမည်ဖြစ်ပါသည်။ MAT အဖွဲ့သည် အလုပ်သမား များဘက်မှ အစဉ်သဖြင့်ရပ်တည်၍ လုပ်ကိုင်နေခြင်းမှာ ထိုင်းသို့ရောက်ရှိလာကြသည့် မြန်မာ လူမျိုးတို့၏ ရင်နစ်ဖွယ်ရာ ဒုက္ခအဖုံဖုံတို့ကို မြင်တွေ့နေရခြင်းကြောင့် သာဖြစ် ပါသည်။ မိမိတို့ ဂုဏ်သတင်း ကြော်ကြားရေး၊ လဒ်လာဘကိုမျှော်ကိုး၍ လုပ်ဆောင် ခဲ့ခြင်းမရှိကြောင်း အာမခံနိုင်သော အဖွဲ့အစည်းဖြစ် ပါသည်။ အေဂျင်စီများငွေပေး၍ အမှုဖျောက်ဖျက်ခဲ့သည့်အထဲ MAT အဖွဲ့လုံးဝ (လုံးဝ) မပါပါ။

ယခုလတ်တလောကြုံတွေ့နေရသော ရွှေစင်ကိုးပွင့်ကုမ္ပဏီမှ တင်သွင်းထား ခဲ့သည့် မြန်မာအလုပ် သမားများ လူကုန်ကူးခံရမှုဖြစ်ပေါ်နေပါသည်။ မည်သို့ပင်တ ရားဝင်လိုင်စင်ရအေဂျင်စီဖြစ်နေပါစေ၊ တရားဝင်စာချုပ်ချုပ်ဆိုခေါ်ဆောင်ပါစေထိုင်းနိုင် ငံအတွင်း အလုပ်နေရာလွဲမှားမှု လုပ်အားခခေါင်းပုံဖြတ်ခံနေရ မှုများ၊ လူရောင်းစား ခံရမှုများဖြစ်ပေါ်လာပါက တရားဝင်လိုင်စင်ရအေဂျင်စီပင်ဖြစ်လင့်ကစား မြန်မာနိုင်ငံ လူ ကုန်ကူးမှုတိုက်ဖျက်ရေးဥပဒေအရ တရားစွဲဆိုသင့်ကြောင်းဦးစွာတင်ပြလိုပါသည်။

ရွှေစင်ကိုးပွင့်ကုမ္ပဏီနှင့်ပတ်သက်သည့်အမှုကိစ္စတစ်ခုအား အထောက်အထား များဖြင့်တင်ပြပါမည်။ ပွဲစားဦးသိန်းထွန်းနှင့်ကိုသက်ထွေးဆိုသူတို့ အောင်မင်္ဂလာ အဝေးပြေးကားဂိတ်မှ ရွှေရတနာကားဖြင့် မြ၀တီ သို့ ပွဲစားမပါပဲပို့ဆောင်ခဲ့ပါသည်။

အလုပ်သမားများကို ဦးလှကြည် နှင့် ကိုမောင်စိုး ဆိုသည့် မြ၀တီပွဲစား၂ဦး တို့က Perfect ကုမ္ပဏီအမည်ပါ အင်းကျီတစ်ထည်အား ကျပ်ငွေ၂၅၀၀စီပေး၍ အလုပ်သမား ကိုဝယ် ၀တ်ခိုင်းပါသည်။ ထိုင်းနိုင်ငံအတွင်းသို့ ပို့ဆောင်ခဲ့သည့် အဆိုပါအလုပ်သမား ၂၃ဦး တို့သည် ရန်ကုန်၊ မြ၀တီတို့တွင် စာချုပ်တစ်စုံ တစ်ရာချုပ်ဆိုခြင်း၊ စမတ်ကဒ် ထုတ်ယူခြင်းမရှိပဲ ထိုင်းနိုင်ငံ တာ့ခ်ခရိုင်၊ နောင်ပိကျေးရွာရှိ OS INTER FOOD နာနတ်သီးစက်ရုံသို့ ၁၇.၆.၂၀၁၆ နေ့က ပို့ဆောင်ခဲ့ပါသည်။

မန္တလေးတိုင်းနှင့်မကွေးတိုင်းတို့မှ အဆိုပါ အလုပ်သမား(ကျား၁၂ဦး+မ၁၁ဦး) အလုပ်သမားအခွင့် အရေးချိုးဖေါက်ခံရမှုများကြောင့် MAT အဖွဲ့သို့ အကူညီတောင်း ခံလာခဲ့သဖြင့် ကူညီဆောင်ရွက်ပေးခဲ့သည်။ ၎င်းအလုပ်သမားများ မြန်မာနိုင်ငံသို့ ပြန် လည်ရောက်ရှိသွားသောအခါ ရန်ကုန်အခြေစိုက် အလုပ်သမားအခွင့်အရေးလှုပ်ရှား သူများအကူအညီဖြင့် ရန်ကုန်တိုင်းလူကုန်တားရဲတပ်ဖွဲ့မှူးတို့ပူးပေါင်၍ အဆိုပါ အလုပ်သ မား ၂၃ဦးတို့ ဆုံးရှုံးနစ်နာမှုများကိုပြန်လည်ရရှိအောင် အကူညီပေးခဲ့ဖူးပါသည်။

၎င်းဖြစ်စဉ်တွင် ပါဝင်ပတ်သက်သူ Perfet ကုမ္ပဏီ၏ မန်နေဂျာ ဦးသိန်းထွန်း ဆို သူအား ရမည်းသင်းမြို့မှ လူကုန်တားတပ်ဖွဲ့၏ ကူညီမှုဖြင့် နစ်နာကြေးကို ၁၆.၁. ၂၀၁၇ နေ့က ရမည်းသင်းခရိုင် အလုပ်သမားဦးစီးမှူး ရှေ့တွင် ပေးအပ်ခဲ့သော မှတ်တမ်းဓါတ်ပုံများရှိပါသည်။ ဦးသိန်းထွန်း သည် Perfet ကုမ္ပဏီ၏ မန်နေဂျာဟု သုံးနှုန်းခဲ့ကြောင်း၊ ၎င်းသည် လိုင်စင်ရအေဂျင်စီတစ်ခု၏ မန်နေဂျာဟုတ်မဟုတ် သိရှိနိုင်ပါသည်။

ထိုဖြစ်စဉ်တွင်ပါသောအလုပ်သမားများတိုင်ကြားချက်အရ ထိုင်းနိုင်ငံသို့ သွားရောက် ရန် ငွေပေးသွင်း စာချုပ်လက်မှတ်ထိုးခိုင်းစဉ်က ၎င်း ဦးသိန်းထွန်း ဆိုသူ၏ လှိုင်သာ ယာနေအိမ်တွင် Libra Life ပြည်ပ အ လုပ်အကိုင်ဆိုသည့် ဆိုင်းဘုတ်ကိုချိပ်ဆွဲထား ကြောင်း အလုပ်သမားများက ဓါတ်ပုံမှတ်တမ်းတင်ထားကြသည်။

အမှန်တကယ်ပြဿနာဖြစ်ပေါ်လာသောအခါ ဦးသိန်းထွန်း သည် Perfet ကုမ္ပဏီ၏ မန်နေဂျာအဖြစ် တရားဝင်ဖြစ်တည်နေပါတော့သည်။ ဆိုင်းဘုတ်တခြား ရာထူးတခြား ဖြစ်နေပါသည်။

ယခုလူကုန်ကူးမှုသဖွယ်ဖြစ်ပေါ်နေသော ရွှေစင်ကိုးပွင့်ကုမ္ပဏီတွင်လည်း ဦးသိန်းထွန်း ဆိုသူသည် ဒါရိုက်တာအဖြစ်ပါဝင်နေကြောင်း ကျွန်ုပ်တို့ကြားသိရသော အခါ မြန်မာအေဂျင်စီလောကသားများနှင့် ပွဲစား များ၏ မျက်လှည့်ပြမှုအပေါ်တွင် အတော်အံ့သြသင့်မိပါသည်။ ဦးသိန်းထွန်း၏ ရုံးခန်း၊ အလုပ်ခန်းတွင်လည်း ရွှေစင်ကိုး ပွင့်ကုမ္ပဏီဆိုင်းဘုတ်ချိတ်ဆွဲ၍ ထိုင်းလုပ်ငန်းရှင်များနှင့်တွေ့ဆုံမှု၊ လုပ်သားများအား ထိုင်းသို့ပို့ ဆောင်ရန်ဆောင်ရွက်နေမှုတို့ကို ဓါတ်ပုံမှတ်တမ်းများကသက်သေခံနေပါ သည်။

လိုင်စင်ရအေဂျင်စီတစ်ခုအနေဖြင့် အ.လ.ည သို့တင်ပြထားသောလိပ်စာတစ်ခု တည်းတွင်သာ လုပ်ငန်းဆောင်ရွက်ရန် ရုံးခန်းဖွင့်ခွင့်ရှိကြောင်း၊ရုံးခွဲဖွင့်ခွင့်မရှိကြောင်း နှင့် အကယ်၍၀န်ကြီးဌာနသို့တင်ပြထားသည့် လိပ်စာနှင့်လွှဲမှား၍ ရုံးခန်းဖွင့်လှစ်ပါ က(သို့မဟုတ်) ရုံးခန်းတစ်ခန်းထက်ပို၍ဖွင့်လှစ်ပါက လိုင်စင်အပြီးအပိုင် ရုတ်သိမ်း သည် အထိ အရေးယူဆောင်ရွက်မည်ဖြစ်ကြောင်းပါရှိ သည်ကိုအလုပ်သမားဝန်ကြီး ဌာန၏ အင်တာ နက်စာမျက်နှာပေါ်တွင်တွေ့ရှိရပါသည်။

ယခုဖြစ်စဉ်တွင် ရွှေစင်ကိုးပွင့်ကုမ္ပဏီသည် ၀န်ကြီးဌာန၏ ဥပဒေကို အထီမြဲ့ မင်ပြုမူနေကြောင်းမှတ်တမ်းများကထင်ရှားနေပါသည်။

အလုပ်သမားများ၏ထွက်ဆိုချက်များအရလည်း လူကုန်ကူးမှုကျူးလွန်နေကြောင်း ပေါ်လွင်နေပြန်သဖြင့် ထိရောက်စွာအရေးယူသင့်ပါသည်။

ပွဲစားတဖြစ်လဲ ဒါရိုက်တာဦးသိန်းထွန်း သည် Libra Life ကုမ္ပဏီ Perfect ကုမ္ပဏီ၊ ယခု ရွှေစင်ကိုး ပွင့်ကုမ္ပဏီများတွင်ပါ ပါဝင်ပတ်သက်နေမှုတို့မှာ လိုင်စင် ရအေ ဂျင်စီများကိုအကာအကွယ်ယူ၍အလုပ်သမား ၀န်ကြီးဌာနကိုမထီမဲ့မြင်ပြုရာ ကျနေသည်။ သူ၏ လုပ်ရပ်များမှာ လိုင်စင်ရအေဂျင်စီများကို အကာအကွယ် ယူ၍ လူကုန်ကူးမှုလုပ်နေသူတစ်ဦးဖြစ်နေပါသည်။

ရွှေစင်ကိုးပွင့်ကုမ္ပဏီ၏ MD ဦးမင်းစိုးဝင်းသည်လည်း MOEAF၏ အလုပ်အမှုေ ဆာင်တစ်ဦးဖြစ်သည်။ ဦးသိန်းထွန်း ဆိုသူမှာလည်း MOEAF တွင်ဝင်ဆံ့သော လူ တစ်ဦးဖြစ်ပြီး လူကြီးမင်းတို့ ၀န်ကြီးဌာန၏ အရာရှိများ နှင့်ပုလဲနံပသင့်သူဖြစ်ကြောင်း ဓါတ်ပုံများကပြသည်။ ထိုကဲ့သို့ ကုမ္ပဏီတစ်ခုမှ တစ်ခုသို့ ခုန်ကူး လုပ်စားနေသောပွဲ စားများကို အ.လ.ည အနေဖြင့်စီစစ်မှုမရှိဘဲ ခင်ရာမင်ရာလွှတ်ပေးထားပါလျှင် MOU မြန်မာ အလုပ်သမားများဒုက္ခရောက်ရှိမှုဘယ်သောအခါမှ ပပျောက်မည်မဟုတ်ပါ။ MOEAF အနေဖြင့်လည်း မမှန်ကန်သည့်ပွဲစားများကိုသိပါလျှက် လူစုဆောင်ရရှိနိုင်မှု တစ်ခု တည်းကိုကြည့်၍ လက်ခံနေခြင်းမှာ ကိုယ်ကျိုး တစ်ခုတည်းကိုကြည့်ခြင်းပေါ် လွင်ပါသည်။

၎င်းကဲ့သို့ Demand ပွဲစားများ မြန်မာအေဂျင်စီများသို့အ၀င်အထွက်လုပ် အရှုတ် ဇာတ်ခင်းနေကြမှုများစွာရှိနိုင်ပါသေးသည်။ အခြားသာဓကတစ်ခုအနေဖြင့် ပွဲစား ဇော်ကြီး (ခ) ဇော်မင်းထွန်း နှင့်ဇနီးမမိုးမိုးတို့ သည်(လူထိပ်မိုး၊ နန်းထိုက်နန်း၊ငွေပြည် ကြီးMyanmar Express Link ) တို့တွင် ၀င်ထွက်ကျော်ခွ၍ လူကုန် ကူးမှုကျူးလွန်နေ ကြောင်း ကျွန်ုပ်တို့ကလူကြီးမင်းတို့ထံတိုင်ကြားခဲ့ပြီးဖြစ်ပါသည်။

ထို့ကြောင့် ၁၃.၁၀.၂၀၁၇ နေ့တွင် ငွေပြည်ကြီးကုမ္ပဏီနှင့် စာချုပ်ချုပ်ဆိုရာသို့ ဇော်ကြီး နှင့် ဇနီးမမိုးမိုးတို့ လင်မယားဝင်ခွင့်မရပဲ လဘက်ရည်ဆိုင်တွင်ထိုင်နေရ ကြောင်း MAT အဖွဲ့၏အထောက်တော်က မှတ်တမ်းတင်ထားနိုင်ခဲ့သည်။

ထိုင်းနိုင်ငံသို့ လစဉ် MOU အလုပ်သမားပေါင်း ၁၅၀၀၀ စီတင်ပို့နေပါသည်။ အလုပ်သမားသံ အရာရှိအဆက်ဆက်တို့သည် Demand ထောက်ခံစာအတွက် အလုပ်သမားတစ်ဦးစီ ဘတ်ငွေ ၁၀၀ စီ ကောက်ခံနေကြောင်းခိုင်လုံသည့်အထောက် အထားအပြည့်အစုံတို့ဖြင့် တင်ပြခဲ့သော်လည်း အလုပ်သမားဝန်ကြီးအနေဖြင့် တစ်စုံ တစ်ရာအရေးယူဆောင်ရွက်ခဲ့ခြင်းမရှိသည်ကိုလည်း ကျွန်ုပ်တို့သတိပြုမိပါသည်။

အချုပ်အားဖြင့်တင်ပြရလျှင် ထိုင်းနှင့်မြန်မာပွဲစားများ၊လူကုန်ကူးသူများက လိုင် စင်ရအေဂျင်စီများကို ၎င်း၊ အေဂျင်စီများက MOEAF ကို၎င်း၊ MOEAF က အ.လ.ည အကျင့်ပျက်ဝန်ထမ်းများကို၎င်း ဆင့်ကဲ ဆင့်ကဲ အကာအကွယ်ရယူ၍ MOU အလုပ် သမားတင်ပို့ခြင်းကို အကောင်အထည်ဖေါ်ဆောင်ရွက်နေကြသဖြင့်၂၀၀၉ ခုနှစ်က တည်းက စတင်ခဲ့သော MOU လုပ်ငန်းစဉ်မှာ ယခုထိတိုင် အမြဲတမ်းပြဿနာပေါ်နေ ရခြင်းဖြစ်ကြောင်း MAT အဖွဲ့ကလေးစားစွာသုံးသပ်တင်ပြအပ်ပါသည်။

ထိုင်းနိုင်ငံရောက်မြန်မာနိုင်ငံသားများအဖွဲ့ MAT

ဘန်ကောက်မြို့