ကားဝင်တိုက်သဖြင့် စက်ဖုံးပေါ်ခုန်တက်ကာ ပါသွားသောယာဉ်ထိန်းရဲကို တွေ့ရစဉ် (ဓာတ်ပုံ − Bhone Maw Ko)
မော်လမြိုင်မြို့ အမှတ် (၁) အထကကျောင်းရှေ့တွင် လမ်းရှင်းပေးနေသည့် ယာဉ်ထိန်းရဲအား ကားဖြင့်တိုက်ခဲ့သူကို ဖမ်းဆီးအရေးယူထားကြောင်း မော်လမြိုင်မြို့မရဲစခန်းမှ ရဲအရာရှိတစ် ဦးက ပြောသည်။
ဒီဇင်ဘာ ၁၂ ရက် နေ့လယ် ကျောင်းဆင်းချိန်တွင် ကျောင်းသားများ လမ်းကူးရန် ယာဉ်လမ်းကြောင်းရှင်းပေးနေသော ယာဉ်ထိန်းရဲကို ဝင်တိုက်ကာ ကားမောင်းထွက်ပြေးသွားကြောင်း အဆိုပါရဲအရာရှိက ပြောသည်။
‘‘ကားသမားကိုတော့ ယာဉ် ထိန်းရဲနဲ့ ဘေးကသူတွေ ဝိုင်းပြီး ဖမ်းပေးတာပါ။ ကားနဲ့တိုက်ပြီး ထွက်ပြေးပေမယ့် ယာဉ်ထိန်းရဲက ကားဘောနက်ပေါ်ခုန်တက်ပြီး ပါသွားတယ်။ ထိခိုက်ဒဏ်ရာရ တာတော့ မရှိပါဘူး’’ဟု မော်လ မြိုင်မြို့မရဲစခန်းမှ ရဲအရာရှိတစ် ဦးက ပြောသည်။
ယာဉ်ထိန်းရဲသည် ကား စက်ဖုံးပေါ်တွင် ပါသွားပြီးနောက် ကျိုက်သုတ်ဘုရားအနီးရောက်မှ သာ ကားရပ်ခဲ့ကြောင်း မျက်မြင် တွေ့ရှိသူ အမျိုးသားတစ်ဦးက ပြောသည်။
‘‘ကျောင်းနဲ့ ဘုရားအထိဆို ရင် တစ်မိုင်ကျော်လောက်ရှိမယ်။ ယာဉ်ထိန်းရဲကလည်း ကားမရပ် လို့ ကားမှန်ကို ခြေထောက်နဲ့ ကန်တယ်။ ဘုရားနားရောက်မှကားရပ်သွားလို့ ဝိုင်းပြီးဖမ်းလိုက်တာပါ’’ ဟု ၎င်းကပြောသည်။
ကျူးလွန်သူ အမျိုးသားကို မော်လမြိုင်မြို့မ ရဲစခန်းက ရာဇသတ်ကြီးပုဒ်မ ၃၃၃၊ တာဝန်ထမ်းဆောင်နေသော ပြည်သူ့ဝန်ထမ်း ကို နာကျင်စေမှုဖြင့် အမှုဖွင့်စစ် ဆေးနေပြီး ဒဏ်ငွေ (သို့မဟုတ်) အမြင့် ဆုံးထောင်ဒဏ် ၁၀ နှစ် အထိ ချမှတ်နိုင်သည်။