မတရား ဖမ်းဆီးခံရသော အလုပ်သမား (၁၆)ဦးအား ကယ်တင်

 ကြက်သားထုတ်လုပ်သည့် အလုပ်သမား ၁၆ဥင်္ီးအား ဖမ်းဆီးချုပ်နှောင်ထားရာမှ ကယ်တင်
ဇန်န၀ါရီ ၂၆
ကိုတီး

တရားဝင် နေထိုင်အလုပ်လုပ်ကိုင်ခွင့် စာရွက် စာတမ်း များ အပြည့်အစုံရှိပြီး ယာယီ ပတ် စပို့  လျှောက်ထားပြီးသည့် အလုပ်သမား ၁၅ဦးနှင့် စုရွက်စာတမ်း မပြည့်စုံသည့် အလုပ်သမား၁ဦး တို့ အား လုပ်ငန်းရှင် က ထိုင်းရဲအား ဖမ်းခိုင်းပြီး သဖြင့် ချုပ်နှောင်ထားသည့် အလုပ်သမားများအား အလုပ်သမားအရေး ကူညီသူများကပူးပေါင်း ကယ်တင်နိုင်လိုက်သည်။
ဘန်ကောက်မြို့အရှေ့ မြောက်ဘက် ကီလိုမီတာ ၂၅၅ ကီလိုခန့် အကွာတွင်ရှိသော ခခေါ်လတ်ကျစီမတ် (ခိုလပ်မြို့) တွင်ရှိသော ကြက်သား အကင် ထုတ် လုပ်သည့် T.D MEAT Co,LTD   , 333  M.8 NAKLANG  SONGNEURN  NARCARACHASIMA  ,THAILAND    30380  မှ အလုပ်သမား  မ၁၁ ဦး နှင့် ကျား၅ဦး တို့အား လုပ်ငန်းရှင် က ပုလိပ်ကိုဖမ်းခိုင်းသဖြင့် ခိုလပ် အချုပ်ခန်းတွင်ရောက်ရှိနေကြကြောင်း ဘန်ကောက်မြို့ အခြေစိုက် ထိုင်းနိုင်ငံရောက် မြန်မာနိုင်ငံသားများအဖွဲ့ BAT အား အကြောင်းကြားလာ သဖြင့်ထိုင်းနိုင်ငံတောင်ပိုင်း အခြေစိုက်ပညာရေးဖွံ့ဖြိုးရေးဖါင်ဒေးရှင်း FED နှင့် အတူရှေ့နေအဖွဲ့ တစ်ခုနှင့် ပူးပေါင်းကာ ကူညီလိုက်ခြင်းဖြစ်သည်။

မဟာချိုင် ပုဇွန်အလုပ်ရုံမှ အလုပ်သမား တစ်ရာကျော် အလုပ်ထုတ်ခံရ

ထိုင်းနိုင်ငံ၊ ဘန်ကောက်မြို့အနီး မဟာချိုင်တွင်ရှိသော TYC ပုဇွန် အလုပ်ရုံမှ အလုပ်သမား တစ်ရာကျော်ကို ခိုင်လုံသည့် အကြောင်းပြချက် မပေးဘဲ အလုပ်မှ ထုတ်ပယ်လိုက်ကြောင်း သိရသည်။

ဇန်န၀ါရီလ (၁၉)ရက်နေ့က အလုပ်ငန်းခွင် ၀င်ရန်သွားကြသည့် အလုပ်သမားများအား အလုပ်သမားလက်မှတ် (ဘတ်)နှင့် ယာယီပတ်စ်ပို့ လုပ်ရန် ပေးသွင်းထားသည့် ငွေများနှင့်အတူ အလုပ်ထုတ်ပယ်သဖြင့် နစ်နာကြေး တစ်ဦးလျင် ဘတ်ငွေ တစ်ထောင်စီ ပေးကာ အလုပ်မှ ထုတ်ပယ်လိုက်ခြင်း ဖြစ်သည်။

အလုပ်သမား ကိုတာက “အလုပ်သမား (၁၂၀)လောက်ရှိတယ်၊ ကျနော်တို့က ဘတ် (အလုပ်သမား လက်မှတ်) မရှိဘူးလေ၊ ဘတ်လုပ်ဖို့ ပေးထားတဲ့ ပိုက်ဆံကို ပြန်ပေးတော့ ကျနော်တို့ ဘာတတ်နိုင်မလဲ။ ဘတ်လုပ်တဲ့ အချိန်မှာ လုပ်ခွင့် မရလိုက်တော့ တရားမ၀င် အလုပ်သမား ဖြစ်နေရတော့တာပဲလေ”ဟု ပြောပြသည်။