၂၀၁၇ ခု ဇူလိုင်လ ၇ ရက်
ရွှေလုပ်သား
စာချုပ်ပါအလုပ်ရုံမဟုတ်သဖြင့် MOU ဖြင့်လာသည့်မြန်မာအလုပ်သမားငါးဆယ်ကျော်
အလုပ်မဆင်းရဲ ပဲရှောင်ပုန်းနေရသဖြင့် နေပြည်တော်အလုပ်သမားဝန်ကြီးဌာသို့ MAT အဖွဲ့ထံကတစ်ဆင့်
တိုင်ကြားထားသည်။
အလုပ်သမား ၈၇ ဦးတို့သည် Tain Bahi
Co,Ltd ကုမ္ပဏီဖြင့် ထိုင်းနိုင်ငံတွင် ပလပ်စတစ်စက်ရုံတွင်လုပ်ရမည်ဟုဆိုကာ စာချုပ်ချုပ်ဆိုပြီး
၁၀-၅.၂၀၁၇ နေ့ကလာခဲ့ကြပါသည်။ အလုပ်သမား တစ်သီးလျှင် ကျပ်ငွေ ခြောက်သိန်းကျော်အထိ ကုမ္ပဏီနှင့်ပွဲစားများကိုပေးခဲ့ကြရသည်ဟုဆိုသည်။
ထိုင်းနိုင်ငံသို့ရောက်ရှိလာပြီးနောက်
မိန်းကလေး ၃၀ ဦးက စာချုပ်ပါသည့် ပလပ်စတစ် အလုပ်ရုံသို့ပို့ ဆောင်ပါသည်။ အလှကုန်ပစ္စည်းထုတ်လုပ်ရာသို့
၁၀ဦးပို့ဆောင်ပြီး ကျန်သူများကိုဘန်းယိုင်တွင်ရှိသော AKE
RICE MILL CO,LTD ဆန်စက်သို့ပို့ဆောင်ခဲ့ပါသည်။ ၅-၇-၂၀၁၇ နေ့တွင်
အလှကုန်ပစ္စည်းထုတ်လုပ်သည့်စက်ရုံမှ ၁၀ဦး ဆန်စက်ရုံသို့ပြန်လည်ရောက် ရှိလာခဲ့သဖြင့်ယခုအခါ
ဆန်စက်တွင် ၅၀ ဦးခန့်ရှိနေပြီဖြစ်ပါသည်။
အလုပ်သမားများထံမှ ဆေးဝါးကုသခဟုဆိုကာ
ဝင်ငွေ၏ ငါးရာခိုင်နုန်းကိုဖြတ်တောက်ထားပါသည်။ အင်းကျီပြာသုံးထည် အတွက်ဘတ်ငွေ၃၀၀စီပေးရပါသည်။
လက်အိပ်၊ ဖိနပ်၊ ခေါင်းစွတ်တို့အတွက် ဘတ်ငွေ ၁၅၀ ဖြတ်တောက်ပါသည်။ အခန်းခ၊ ရေခနှင့်မီးခဟုဆိုကာ
လစဉ် အလုပ်သမားတစ်ဦးစီထံမှ ဘတ်ငွေ ၆၀၀ စီဖြတ် တောက်ပါသည်။ ထိုင်းတွင်ဝတ်ပါမစ်ခ ၁၅၀၀ဘတ်
ပေးထားရပြီးဖြစ်ပါသည်။
၅-၇-၂၀၁၇ နေ့တွင် ဆန်စက်တာဝန်ရှိသူများကပုန်းရှောင်နေကြရန် နေ့လည်(၁)နာရီကတစ်ကြိမ်၊ မွန်းလွဲ၂နာရီကျော် တွင်တစ်ကြိမ်ပြောဆိုသဖြင့် တောထဲတွင်ပုန်းခိုနေထိုင်ခဲ့ကြရပါသည်။
ယခုအခါ အလုပ်သမားများမှာကျီးလန့်စာစားဖြစ်နေပါသဖြင့် MAT အဖွဲ့သို့ အကူညီတောင်းခံလာခဲ့ပါသည်။
အလုပ်သမားတစ်ဦးက “တစ်နေ့က
ကျနော်တို့ကို ဆန်စက်က ပုန်းခိုင်းလို့ ၂ကြိမ်တိုင်တိုင် တောထဲနဲ့ စက်ရုံ ထပ်ခိုးမှာ
ပုန်းနေခဲ့ကြရပါတယ်။ ကျနော်တို့ရောက်တာမကြာသေးဘူး။ အတိုးတွေတောင်မဆပ်နိုင်သေးဘူး။ အစိုးရပို့တဲ့MOU
နဲ့လာပြီးမှ ပုလိပ်ဖမ်းမှာကြောက်လို့ အလုပ်လည်းမလုပ်ရ၊ ပုန်းနေရတယ်ဆိုတာ မဖြစ်သင့်ပါ
ဘူး။ ကျနော်တို့ကိုကူညီပါ” ဟု ဆိုသည်။
MOU လုပ်ထုံးလုပ်နည်းအရ အလုပ်သမားအမှန်တကယ်လိုအပ်သည့်နေရာ
မှန်ကန်မှ ဘန်ကောက် အလုပ်သမားသံအရာရှိက အလုပ်သမားခေါ်စာကို ထောက်ခံလက်မှတ်ထိုးပေးရပါသည်။
MOU အလုပ် သမားများထံမှ ၀တ်စုံ၊ ရေ၊မီးအခန်းခ စသည်တို့မှာလည်း ဖြတ်တောက်ခွင့်မပြုရ၊
အရေးပေါ် အခြေအနေများတွင် မိဘအိမ်သို့ပြန်လည် ပို့ဆောင်ပေးရမည်ဟု စည်းကမ်းသတ်မှတ်ထားပါသည်။
ဘန်ကောက်အခြေစိုက် ထိုင်းနိုင်ငံရောက်မြန်မာနိုင်ငံသားများအဖွဲ့ ဒါရိုက်တာ ဦးကျော်သောင်း
က “ဒီအဖြစ်အပျက် မှာ (၁) အေဂျင်စီနဲ့ပွဲစားတို့ကနိုင်ငံတော်အစိုးရသတ်မှတ်ထားတဲ့ ကျပ်ငွေ တစ်သိန်းခွဲထက် ပိုမိုကောက်ခံထားခြင်း။ (၂) ပလပ်စတစ်စက်ရုံဖြစ်ကြောင်း ဘန်ကောက်အလုပ်သမားသံအရာရှိက
ထောက်ခံခဲ့ခြင်း။
(၃) ပလပ်စတစ်စက်ရုံမှန်ကန်ကြောင်း ပင်လုံခန်းမမှာ အ.လ.ည တာဝန်ရှိသူများက စာချုပ်ချုပ်ဆိုပေးခဲ့ခြင်း။
(၄) ပလပ်စတစ်အလုပ်ရုံသို့ ၃၀ဦး၊ အလှကုန်ပစ္စည်းစက်ရုံသို့ ၁၀ဦးနှင့် ကျန် ကျန်သူများကိုဆန်စက်ရုံသို့ပို့ဆောင်ခြင်း။
(၅) ဘတ်ငွေ ၅၀လောက်ပဲတန်တဲ့ ဓါတ်ပုံပါအင်းဂျီတစ်ထည်ကိုဘတ်ငွေ ၁၀၀ ပေးရရုံသာမက
အခြားဝတ်စုံများအတွက်ပါပေးရခြင်း၊ အခန်းခ၊ ရေခ၊မီးခများဖြတ်တောက်ခံရခြင်း။ အခန်းတစ်ခန်းတွင်
လေးငါးယောက်စုနေရခြင်း။
(၆) တရားဝင် MOU စနစ်ဖြင့်လာရောက်ခဲ့ကြရသည့်အလုပ်သမားများပုန်းခိုနေခဲ့ကြရခြင်းတို့မှာ
ပေါ်လွင်နေပါတယ်။ ဘာတစ်ခုမှ အလုပ်သမားတွေ သက်သာတာမရှိပါဘူး” ဟုထောက်ပြပြောဆိုသည်။
ယခုဖြစ်စဉ်ကဲ့သို့ အဖြစ်အပျက်များကြောင့်
MOUမြန်မာအလုပ်သမားပေါင်းများစွာ ထိုင်းနိုင်ငံတွင် တရားမ၀င်အလုပ်သမားဘ၀ ကိုရောက်ရှိလျှက်ရှိကြပါသည်။
စာချုပ်ချုပ်ရန်လာသမျှသောထိုင်းကို သူဌေးဟု ထင်မှတ်နေကြရသောအဖြစ်များ၊ ထိုင်းကိုရောက်သည့်အခါ
စာချုပ်ပါနေရာသို့မရောက်ရှိသည်များ မြောက်မြား စွာဖြစ်ပေါ်ခဲ့ပြီးဖြစ်ပါသည်။
ထိုင်းနိုင်ငံမှ လတ်တလောပြန်လာကြသည့်အလုပ်သမားများအား
မြန်မာတာဝန်ရှိ လူကြီးများက တရားဝင် MOU ဖြင့် ပြန်သွားကြရန် မီဒီယာများတွင် ပြောဆိုသည်ကို
တွေ့ကြရမည်ဖြစ်ပါသည်။
သို့ရာတွင် ၂၀၀၉ ခုနှစ်ကတည်းက အကောင်အထည်ဖေါ်ခဲ့ကြည့် MOU စနစ်၏အားနည်းချက်များကို ပြန်လည်သုံးသပ်ခြင်း။တစ်စုံတစ်ရာလုပ်ရန်အတွက် အလုပ်သမားဝန်ကြီးဌာကယခုတိုင်ပျက်ကွက်ဆဲဖြစ်ပါသည်။
၂၅-၆-၂၀၁၆ ခုနှစ် မြန်မာသံရုံးတွင်းအစည်းဝေးတွင် နိုင်ငံတော်အတိုင်ပင်ခံပုဂ္ဂိုလ်၊
နိုင်ငံခြားရေးဝန်ကြီး ဒေါ်အောင်ဆန်းစုကြည် နှင့်တွေဆုံပွဲတွင် လက်ရှိအကောင်အထည်ဖေါ်ဆောင်နေကြသည့် ထိုင်းမြန်မာ MOU စနစ်
မှန်ကန်ကောင်းမွန်ကြောင်း စိတ်ချယုံကြည်ပါက မီဒီယာအစုံရှေ့မှာ ကြိုက်သည့်အလုပ်သမားခေါ်စာတစ်
စောင်ကို စစ်ဆေးသင့်ကြောင်း၊ တိုင်းပြည်အတွက်လည်းအကျိုးရှိ၊ အလုပ်သမားများအတွက်လည်း
အကုန်အကျ သက်သာပြီး လုံခြုံစေမည့် ရပ်ကျေး+အ.လ.ည+ဘဏ်= MOU စနစ်ကို
ကျင့်သုံးသင့်ကြောင်း အလေးနက်ထားတင်ပြခဲ့ကြောင်း ဦးကျော်သောင်း ကပြောဆိုခဲ့ကြောင်းသိရှိရပါသည်။