ဧပြီလ ၂၁ ဆန်းဦး
ဘန်ကောက်မြို့တောင်ဘက် ၈၁ကီလိုမီတာ အကွာတွင်ရှိသောခြုံဘူရီခရိုင် ချောင်းစမေးစံ လှေ ဆိပ်တွင်ရောင်းစားခံနေရသော မြန်မာအလုပ် သမား ၂၀ဦးအားကယ်ထုတ်နိုင်ခဲ့ပြီး လှေဆိပ်မှပွဲစားနှင့် လှေပိုင်ရှင်တို့အပြင် ဘန်ကောက်မှဂိုဏ်းခေါင် ဆောင်များကိုပါ ယမန်နေ့က ဖမ်းဆီးနိုင်ခဲ့သည်။
ငါးဖမ်းလှေအမှတ် ၈ နှင့် အမှတ် ၁၆ လှေတို့ မှ အသက် ၁၆ နှစ်အရွယ် ကလေးအလုပ်သမား ၃ဦးအပါအ၀င် မြန်မာ အလုပ်သမား၂၀ဦးတို့နှင့်အတူ ထိုင်းလှေပိုင်ရှင် ၂ဦးနှင့် လှေပေါ်သို့ ရောင်းစားထားသည့် မြန်မာပွဲစားအမျိုးသမီး ၂ဦးတို့ကို တပြိုင်တည်း ဖမ်းဆီးနိုင်ခဲ့သည်။ အလုပ်သမားများသည် အနည်းဆုံး ၆လမှ ၁၉ လအထိ လုပ်အားခ မရပဲ အလုပ်လုပ်ပေး ပးခဲ့ရသူများဖြစ်ကြောင်း ၎င်းတို့ပြောပြချက်အရ သိရှိရသည်။
မောင်ဇင်ကိုနိုင်က“ကျနော့်မိဘတွေနဲ့ ပြန်တွေ့ရတော့မယ်၊၀မ်းသာလိုက်တာ။ကူညီကြသူအားလုံးကို
ကျေးဇူး တင်တယ်။ ကျနော်တို့ ဖုန်းတွေနဲ့ အ၀တ်အစားထုတ်တွေ ပွဲစားမ အခန်းမှာသိမ်းထားတယ်။ ခုပြန်တောင်း တော့ ဘာမှမရှိတော့ဘူး။ ကျနော်တို့ကို မပြန်လမ်းကို ပို့ထားသလို သဘောထားတာ။ ကျနော့် ခြေထောက်မှာ အနာတွေပေါက်တာကို လှေပိုင်ရှင်က ဆေးဝယ်ပေးတယ်။ လကုန်ရင်လုပ်အားခကို ထုတ်ယူတဲ့ မွန်အမျိုးသမီး ပွဲစားမ က ဂရုမစိုက်ဘူး”ဟုပြောသည်။
ပြီးခဲ့သည့် ဖေဖေါ်ဝါရီလဆန်းက ဘန်ကောက်မြို့ ပန်းရံဆိုဒ် တစ်ခုတွင် အလုပ်လုပ်နေသည့် အလုပ် သမား ကိုနေမင်းထွန်း ဆိုသူက သူ၏ ယောက္ခမ ဦးမောင်ကျော် ဘန်ကောက်သို့လာရန် ဘန်ကောက်မှ ပွဲစား အာမင် ဆိုသူအား လမ်းစရိတ် ဘတ်ငွေ ၁၂၅၀၀ ပေးချေပြီးဖြစ်သော်လည်း ခြုံဘူရီ မြို့နယ်၊အချောင်(ခေါ်) ချောင်းစမေးစံ လှေဆိပ်သို့ ရောင်းစားလိုက်သဖြင့် ဘန်ကောက်မြို့ အခြေစိုက် ထိုင်းနိုင်ငံရောက် မြန်မာနိုင်ငံ သားများအဖွဲ့ BAT သို့ လာရောက် အကူအညီတောင်းခံခဲ့သည်။ ရက်ပိုင်းအတွင်း ကံအားလျှော်စွာဖြင့် ဦးမောင်ကျော် မှာထွက်ပြေး လွတ်မြောက်လာခဲ့သည်။ ထို့နောက် တရွာတည်းသား အသက်၁၆ နှစ်အရွယ်၊ အလုပ်သမား၃ဦး၏ ဓါတ်ပုံနှင့် အခြားလူတို့၏ အချက်အလက်နှင့်ဓါတ်ပုံတို့အား BAT ထပ်မံစုဆောင်းခဲ့ပြီး ကုလသမဂ္ဂ လူကုန်ကူးမှုအဖွဲ့ UNIAP သို့ ဆက်လက်သတင်းပေးပို့ အကူအညီတောင်းခံခဲ့ခြင်းဖြစ်သည်။
ထိုင်းအစိုးရ လူကုန်ကူးမှုတိုက်ဖျက်ရေး အထူးတပ်ဖွဲ့ AHTD နှင့် BAT အဖွဲ့တို့ သည် ဧပြီလ ၁၈ ရက်နေ့ က
ပတ္တရာ မြို့သို့ ကြိုတင်သွားရောက်ခဲ့ကြသည်။ ၁၉ ရက်နေ့တွင် လှေဆိပ်သို့ လျှို့ဝှက်သွားရောက်ကာ လိုအပ် သည်များအား ကြိုတင်ပြင်ဆင်ထားခဲ့ကြသည်။
ဧပြီလ ၂၀ ရက်နေ့နံနက် ၃နာရီကျော်ခန့်တွင် ရောင်းစားခံထားရသူများ စီနင်းနေသည့် လှေအမှတ် ၈ နှင့် ၁၆ တို့ ဆိုက်ရောက်လာပြီဖြစ်ကြောင်း လှေပေါ်မှ ရောင်းစားခံထားရသူ မှ ဖုန်းဆက်လာခဲ့သဖြင့် နံနက် ၆နာရီ ကျော်ခန့်တွင် အလုပ်သမားများအား ကယ်တင်နိုင်ခဲ့ကြသည်။
အလုပ်သမားများအား ပိတ်လှောင်ထားသည့် အခန်းများအား ၀င်ရောက်စီးနင်းစဉ် ထိုင်းအမျိုးသမီး နှင့် ပူးပေါင်းလုပ်ဆောင်နေသည့် မချို ဆိုသည့် ပွဲစားအမျိုးသမီးမှာ ရေထဲသို့ထွက်ပြေးရာ AHTD တပ်ဖွဲ့ဝင် များလိုက်လံဖမ်းဆီးစဉ် ၅မိနစ်ခန့် သတိလစ်သွားခဲ့သည်။
အလုပ်သမားများ ထွက်ဆိုချက်အရ နေလည် ၂နာရီခန့် တွင် ဘန်ကောက်မြို့ဖလန်ဆောင်လမ်းမကြီး ၄၂ လမ်း တွင် နေထိုင်သော လူကုန်ကူးသည့်ပွဲစား အာမက် အား ဖမ်းဆီးပြီးနောက် လူကုန်ကူး ဂိုဏ်းခေါင်းေ ဆာင် အာမင် မှာ အပြင်မှ ၀င်လာစဉ် ထွက်ပြေးသဖြင့် AHTD အဖွဲ့ဝင်များ လိုက်လံဖမ်းဆီးခဲ့ရသည်။
BAT အဖွဲ့တာဝန်ခံ ဦးကျော်သောင်း က “အဲဒီလှေဆိပ်မှာ အလုပ်သမား ထောင်,သောင်း ချီပြီး ရှိတယ်၊ ကျနော်တို့ အဖွဲ့သေးသေးလေးက ဘယ်လောက် ကယ်တင်နိုင်မလဲ။ လှေပေါ်ကို ရောင်းစားလို့ အကျိုးစီးပွား ဖြစ်နေတာက ထိုင်းလူမျိုး၊ ရောင်းစားခံရပြီး ကျွန်ပြုခံနေရတာက မြန်မာလူမျိုးတွေလေ။ ကျနော်တို့ကို အချက်အလက်အပြည့် အစုံနဲ့ တိုင်ကြားနိုင်တဲ့လူတွေကို တေ့တေ့ဆိုင်ဆိုင်တွေ့မှ ကယ်တင်ပေးနိုင် တာဖြစ် ပါတယ်။ အတော် ခက်ခဲပင်ပန်းပြီး အန္တရာယ်အလွန်များတဲ့ ကိစ္စဖြစ်တယ်။ လှေပေါ်မှာရောင်းစား ခံနေရသူတွေ အကုန်လုံးကို ကယ်တင် ဖို့ နဲ့ လူကုန်ကူးမှုတွေကို အပြီးသတ် လုပ်နိုင်ဖို့က မြန်မာအစိုးရ အနေနဲ့ ပဲလုပ်နိုင် မှာဖြစ်ပါတယ်” ဟုပြောသည်။
ထိုင်းတွင် ကျင့်သုံးနေ သည့် လူကုန်ကူးမှု တိုက် ဖျက်ရေး ဥပဒေအရ လူကုန်ကူးခံရသူများမှာ တိရိစ္ဆာန်သဖွယ် နှိပ်စက်ခိုင်းစေခံနေရာက လွတ်မြောက်နိုင်ခဲ့သော်လည်း ၎င်းတို့မှာ နွန်ထဘူရီ ရှိ ကယ်ဆယ်ရေး စခန်းတွင် အကြိမ်ပေါင်း များစွာ စစ်ဆေးမေးမြန်းခြင်း ခံရပြီးနောက် ဆုံးရှုံးခဲ့သော လုပ်အားခများမရရှိခြင်း၊ အချိန် ကုန်ခြင်း၊ စိတ်ဓါတ်ကျခြင်းများဖြင့် ၃လမှ ၆လထက်မနည်း အချိန်ကြာမြင့်ပြီးလုပ်အားခ၀င်ငွေမရှိပဲ နေရပ်ရင်းသို့ ပြန်လည်ပို့ဆောင် ခံရလေ့ရှိသည်။