၂၀၁၅ ခု ဇူလိုင်လ
၂၃ ရက် ကိုခွန်
ဘန်ကောက်မြို့ဖက်ကဆင်လမ်း အုန်းယိုင် Big C အနီးတွင် မြန်မာနိုင်ငံသားစီစစ်ရေးအတွက် ဖွင့်လှစ်ထားသော စာရင်းကောက်ဌာနတွင်
အလုပ်သမားတစ်ဦးလျှင် ဘတ်ငွေ ၄,၆၀၀ နုန်းသတ်မှတ်ပြီး စရံ
ငွေ ၉၀၀ နုန်းဖြင့် လက်ခံနေပြီဖြစ်ကြောင်း
အဆိုပါရုံးမှ တာဝန်ရှိသူအမျိုးသမီးတစ်ဦးကပြောသည်။
ဆိုင်းဘုတ်ကပ်ထားသည့် ရုံးတာဝန်ခံ မမိုးစန္ဒာ(ခ)
မမိုးမိုး က“ ကျမတို့က ခေါက်မုံ (အချက်အလက်) ယူတာနဲ့ ဘတ်ငွေ ၉၀၀ ယူတယ်၊ ကားခမပါဘူး။ အားလုံး ၄,၆၀၀ ကျမယ်”
ဟုပြောသည်။
MAT အဖွဲ့သတင်းထောက်သွားရောက်စုံစမ်းပြီးနောက်၊
အုန်းယိုင်အနီးဝန်းကျင်တွင် ပတ်စပို့ဝန်
ဆောင်မှုပေးနေသည့် အကျိုးဆောင်၁ဦးလည်း အဆိုပါရုံးသို့
ယနေ့ သွားရောက်စုံစမ်းခဲ့သည်။
“သူတို့ပြောတာကတော့
သံရုံးကအသိအမှတ်ပြုထားတဲ့ကုမ္ပဏီဖြစ်တယ်တဲ့။ ကျနော်တို့နားလည်တာက မှတ်ပုံတင်နဲ့ သန်းခေါင်စါရင်းရှိလို့
အနီရောင်ပတ်စပို့လုပ်ပေးမလားပေါ့။ သူက အစိမ်းရောင် CI စာအုပ်ထုတ်ပေးဖို့အတွက် အချက်လက်၂၇ ချက်လာကောက်တာ။ စရံ ၉၀၀ ပေးရမယ်ပြောတယ်။
ဗမာအစိုးရ ဗမာသံရုံးကို ခုတုံးလုပ်ပြီးလုပ်တာလား၊ ကိုယ့်ဗမာပြည်သားတွေ ၂ခါ ၃ခါ နစ်နာမယ့်ပုံစံမျိုး၊
အလိမ်ခံရတဲ့ ပုံစံမျိုး မဖြစ်စေချင်ဘူး။ မှန်မှန်ကန်ကန်လည်းရှိမယ်၊ အကျိုးအမြတ်ကျန်ရင်
ကျနော်တို့လည်းလုပ်မှာပဲ၊ ကျနော်တို့ လည်း ပတ်စပို့ဝန် ဆောင်မှု ပေးတဲ့ပွဲစား ကုမ္ပဏီပါပဲ။
ဒါပေမယ့် ခုဟာက ဘာမှန်းလည်းမသိဘူး လူလည်လာ လုပ်တာက အသဲယားစရာပဲဗျ” ဟုပြောသည်။
ဘန်ကောက်အခြေစိုက် ထိုင်းနိုင်ငံရောက် မြန်မာနိုင်ငံသားများအဖွဲ့
ဒါရိုက်တာ ဦးကျော်သောင်း က “အစိုးရပဲလုပ်လုပ် ပွဲစားပဲလုပ်လုပ် အလုပ်သမားတွေအတွက်
အကာအကွယ်ဖြစ်ဖို့ တာဝန်ခံဖို့လိုပါတယ်။ ငွေကုန်ခံပြီး ပတ်စပို့လည်းလုပ်ရ၊ ၀တ်ပါမစ်လည်းလုပ်ရ၊
ပုလိပ်ဖမ်းတာလည်းခံရဆိုတာ မဖြစ်သင့်တဲ့ကိစ္စပါ။ အချက်၂၇ ချက်ကောက်ပြီးကိုယ်ကျိုးရှာကြ၊
ပတ်စပို့လုပ်ပြီးကိုယ်ကျိုးရှာကြသလို ငါတို့ လုပ်ပေးထားတဲ့ ပတ်စပို့စာအုပ်အတွက် ငါတို့မှာတာဝန်ရှိတယ်ဆိုတဲ့
တာဝန်ခံလိုတဲ့စိတ်ရှိဖို့လိုပါတယ်။
အဲဒီလိုမဟုတ်ပဲ ထိုင်းမှာကျွန်းခံနေတဲ့ လူတန်းစားကို
လုပ်ပိုင်ခွင့်နဲ့ အနိုင်ကျင့်ပြီး ငါရရင်ပြီးရော့ပုံစံမျိုးတော့မဖြစ်စေချင်ဘူး။ တရားဝင်
အလုပ်သမားတစ်ယောက်ကို ရာဇ၀တ်မှုတစ်ခုခု မကျူးလွန်သရွေ့ကာ လပတ်လုံး ဘယ်အကြောင်းနဲ့မှ
ထိုင်းရဲ မဖမ်းဆီးအောင်ကာကွယ်ပေးရမယ့်တာဝန်က မြန်မာအစိုးရဲ့ တာဝန်ပဲဖြစ်တယ်။ ဒီလိုဖြစ်ဖို့အတွက်
လုပ်ပုံလုပ်နည်းလိုတယ်” ဟု ပြောသည်။
မြန်မာအလုပ်သမားများအား အချက်၂၇ ချက်ကောက်ခံရေးအတွက်
ပွဲစားများအဖွဲ့ချုပ် MOEAF က
ပွဲစားထိပ်သီး
၄၁ဦးတို့ ထိုင်းနိုင်ငံအတွင်းသို့ရောက်ရှိလာပြီး မြန်မာသံရုံးသို့ ချဉ်းကပ်နေကြသော်လည်း
မြန်မာသံရုံးမှ အဆိုပါအစီအစဉ်ကို လက်မခံကြောင်း သံရုံးနှင့် နီးစပ်သူတစ်ဦးကပြောသည်။
ထိုင်းနိုင်ငံတွင် မြန်မာအလုပ်သမားတရားဝင်ရော
တရားမ၀င်ပါ အလုပ်သမား လေးသန်းဝန်းကျင်ခန့် ရှိသည်။ ထိုအထဲ သုံးသန်းကျော်မှာ ပတ်စပို့လုပ်ကိုင်ထားကြသည်။
ထိုအလုပ်သမားများသည်အနည်းဆုံးဘတ်၁၀၀မှ ဘတ်၃၀၀အထိပွဲစားများကိုပေး၍ ၃လတစ်ကြိမ် နေထိုင်ခွင့် တံဆိပ်တုံးထပ်မံထုရသည်။ ထိုင်းနိုင်ငံတွင် အလုပ်လုပ်နေကြသည့်
မြန်မာနိုင်ငံသားများမှာ တရားဝင်နေထိုင်အလုပ်လုပ်ကိုင်ခွင့် ပတ်စပို့နှင့် အလုပ်လုပ်ကိုင်ခွင့်
ဝတ်ပါမစ်များ လုပ်ကိုင်ထားကြသော်လည်း ထိုင်းရဲဖမ်းဆီးငွေတောင်းခြင်း ကိုခံကြရသည်။ ထို့ကြောင့်
ပတ်စပို့ရှိသော်လည်း ပုလိပ်မြင်လျှင် ကြောက်နေကြရကြောင်း မြန်မာအလုပ်သမားများကပြောကြပါသည်။
၂၀၀၃ မှ ၂၀၀၉ ကာလအတွင်း ထိုင်းနိုင်ငံတွင်
ဝန်ကြီးချုပ်ထက်ဆင်လက်ထက်က ရွှေ့ပြောင်းအလုပ် သမားများအား ပန်းရောင်ဘတ်ကဒ်ထုတ်ပေးခဲ့သည်။
နယ်မြေဖြတ်ကျော်လျှင်လုပ်ငန်းရှင် ထောက်ခံစာ လို အပ်သည်။ အကယ်၍ မပါရှိပါက ဒဏ်ငွေ ၅၀၀
ဘတ် ပေးလျှော်စေသည်။ ထိုပန်းရောင်ကဒ်သည် တစ်နှစ်စာ အလုပ်လုပ်ခနှင့် တစ်နှစ်အတွင်း ကျမ္မာရေးစောင့်ရှောက်ခ
ဘတ်ငွေ ၃,၈၀၀ သာကုန်ကျခဲ့သည်။
၂၀၀၂ ကာလခန့်အထိ ထိုင်းနိုင်ငံတွင် မြန်မာအလုပ်သမားများအား
ဆိုးဆိုးဝါးဝါး ဖမ်းဆီးခြင်း၊ အလုပ်ရုံများမှ မန်နေဂျာနှင့် လုပ်ငန်းရှင်များသည် အလုပ်သမားများထံမှ
နေထိုင်ခွင့်လုပ်ငန်းစဉ်မှ အမြတ်ထုတ်ရမှန်း မသိခဲ့ကြချေ။ ၂၀၀၉ ခုနှစ်သို့ရောက်သည့်အခါ
မြန်မာနှင့်ထိုင်းအစိုးရတို့သည် ယာယီပတ်စပို့လုပ်ငန်းစဉ်တို့အား ထိုင်းနှင့် မြန်မာပွဲစားများကြားခံ၍ လုပ်ကိုင်ခဲ့သည့်နောက်ပိုင်းမှ
စတင်၍ မြန်မာအလုပ်သမားများထံမှ အကျိုးအမြတ်ကြီးမားမှုအခြေအနေများကို ထိုင်းတို့သိရှိသွားခဲ့ကြခြင်းဖြစ်သည်။
ပတ်စပိုလုပ်ငန်းစဉ်၏ အားနည်းချက်များကို
အခွင့်ကောင်းယူ၍ မြန်မာအလုပ်သမားများမှာ ငွေကြေး အမြောက်အများကုန်ကျခဲ့ကြရသည်။ သို့သော်
ထိုပတ်စပို့ကိုင်ထားသည်ကို ထိုင်းလူမျိုးနှင့်ထိုင်းရဲများက
စက္ကူ စုတ်ကဲ့သို့ တန်ဖိုးမဲ့စွာ
ပြုမူနေသည်မှာ ခြင်္သေ့ကနုတ်ပန်းရုံထားသော ကျက်သရေရှိသည့် မြန်မာနိုင်ငံတော် တံဆိပ်အနေဖြင့် လွန်စွာမျက်နှာငယ်ရသလိုခံစားရသည်ဟု
ဦးကျော်သောင်း ကဆိုသည်။
မည်သည့်အစီအမံမျိုးမဟူ ယခင်ထက်ယခုသည် ပိုမိုးဆိုးဝါးရန်မသင့်ပဲ
ပိုမိုကောင်းမွန်သင့်သည်။ အကယ်၍ ယခင်ကောင်းမွန်နေရာမှ ယခုအခြေအနေဆိုးဝါးသွားပါက ၎င်းအစီအစဉ်အား
စီမံခန့် ခွဲသူများ၏ အရည်အချင်းညံ့ဖျင်းမှုကြောင့်ဖြစ်ကြောင်း MAT အဖွဲ့က စိတ်မကောင်းစွာထောက်ပြသည်။