အလဲဗင်းသတင်းစာ၊ ဇော်မင်းနိုင်
လက်ပူတိုက် ဖြေရှင်းလို့မရတဲ့ ရွှေ့ပြောင်းအလုပ်သမားပြဿနာ
အလဲဗင်းသတင်းစာ၊ ဇော်မင်းနိုင်
ထိုင်းနိုင်ငံတွင် ရောက်ရှိနေသည့်
မြန်မာရွှေ့ပြောင်းလုပ်သားများ အပါအ၀င် အခြားသောနိုင်ငံများမှ ပြည်ပလုပ်သားများ
အကျပ်အတည်း ဖြစ်စေမည့် ဥပဒေတစ်ရပ်ကို ဇွန် ၂၀ ရက်က ထုတ်ပြန်လိုက်သည်။
အဆိုပါ ဥပဒေမှာ အလုပ်ရှင် အလုပ်သမား ဥပဒေသစ်ဖြစ်ပြီး
အထောက်အထားမဲ့ အလုပ်သမားများကို ခိုင်းစေသည့် အလုပ်ရှင်အပါအ၀င် အလုပ်သမားများကို
ဖမ်းဆီးရမိပါက ဒဏ်ငွေအဖြစ် ထိုင်းဘတ်ငွေလေးသိန်းမှ ရှစ်သိန်းအထိ ချမှတ်နိုင်ခြင်း၊
အလုပ်လုပ်ခွင့်မရှိဘဲ အလုပ်လုပ်ခြင်း (သို့မဟုတ်) နိုင်ငံခြားသားအလုပ်သမားများကို
တားမြစ်ထားသည့် အလုပ်များကိုလုပ်သည့် အလုပ်သမားများအား ထောင်ဒဏ်ငါးနှစ်ထက်မပိုသည့်
ပြစ်ဒဏ် သို့မဟုတ် ဘတ်ငွေနှစ်ထောင်မှ တစ်သိန်းအထိရှိသည့် ဒဏ်ကြေးငွေကို
ချမှတ်ခွင့်ရှိပြီး ပြစ်ဒဏ်နှစ်မျိုးစလုံးကို ချမှတ်နိုင်ကြောင်း ဖော်ပြထားသည်။
ထိုင်းနိုင်ငံအနေဖြင့် လူကုန်ကူးမှုနှင့် အလုပ်သမားအခွင့်အရေး
ချိုးဖောက်မှုများရှိနေသည်ဟု စွပ်စွဲချက်များကြောင့် အမေရိ ကန်နှင့်
ဥရောပနိုင်ငံအချို့က စောင့်ကြည့်မှုများရှိနေပြီး အထူးသဖြင့် ပင်လယ်ငါးဖမ်းလုပ်ငန်းတွင်
လူကုန်ကူးမှုများရှိခြင်း ကြောင့်ဟုဆိုကာ အခြားနိုင်ငံများမှ ၎င်းတို့၏
ရေထွက်ကုန်ပစ္စည်းများကိုဝယ်ယူခြင်း ပြုမည်ကို စိုးရိမ်ခြင်းများဖြစ်ပေါ်လျက် ရှိသည်။
ထိုသို့ နိုင်ငံတကာမှ ၀ယ်လိုအားများ
ကျဆင်းနိုင်ခြင်းကြောင့် ထိုင်းအစိုးရအနေဖြင့် ယခုကဲ့သို့ ဥပဒေ
ထုတ်ပြန်ခြင်းဖြစ်နိုင် ကြောင်း ထိုင်းနိုင်ငံရှိ မြန်မာလုပ်သားများအရေး
ဆောင်ရွက်နေသည့် ဦးထူးချစ်က ၎င်း၏ လူမှုကွန်ရက် စာမျက်နှာတွင် ဖော်ပြထားသည်။
ထို့ပြင် ထိုင်းနိုင်ငံတွင် ကျင်းပမည့်
ရွေးကောက်ပွဲနှင့် MoU စနစ်ကြောင့် မြန်မာလုပ်သားများကို လျှော့ချရန် စသည့်အခြေအ နေများလည်း
ပါဝင်နိုင်ကြောင်း ထိုင်းနိုင်ငံရောက် မြန်မာနိုင်ငံသားများအဖွဲ့မှ ဒါရိုက်တာ
ဦးကျော်သောင်းက ပြောကြားသည်။
“ထိုင်းနိုင်ငံထဲမှာက အလုပ်သမား
ပေါ်လစီတွေမှားထားတာတွေ ရှိတယ်။ ဥပမာ MoU စနစ်ကို ၂၀၀၉ ခုနှစ်မှာ စလုပ်တယ်။
သူ့ရည်ရွယ်ချက်က လူကုန်ကူးမှုပပျောက်အောင်နဲ့ အလုပ်သမားတွေကို ထိန်းသိမ်းနိုင်ဖို့
လုပ်ခဲ့တာ။ ဒါပေမဲ့ MoU စနစ်က အကျင့်ပျက်ဝန်ထမ်းတွေနဲ့ပေါင်းပြီး လုပ်ခဲ့တဲ့အခါမှာ
အာဏာနဲ့ရတဲ့ ငွေက တော်တော်ကြီးကို အရသာရှိတာကိုး။ အဲဒီတော့ ထိုင်းနိုင်ငံက
လုပ်သားလိုအပ်ချက်နဲ့ ခုနက MoU နဲ့ဆိုတော့ အလုပ်သမားတွေက ဖောင်းပွနေတယ်။ အဲဒီမှာ
ဘာဖြစ်သလဲ ဆိုတော့ သူဌေးနဲ့ အလုပ်သမားတွေက မတူတာတွေ ဖြစ်လာတာပေါ့။ မတူညီတော့
မြန်မာလုပ်သားအပါအ၀င် ပြည်ပ လုပ် သားတွေကိုဖမ်းပြီး ရှင်းရတော့မယ်ဆိုပြီး
ဖြစ်လာတာပေါ့။ ဒုတိယတစ်ချက်က သူတို့ တိုင်းပြည်မှာ မကြာခင်လပိုင်းမှာ ရွေး ကောက်ပွဲ
လုပ်တော့မယ်ကြားတယ်။ အဲဒီအတွက် လုံခြုံရေးအရရော၊ MoU စနစ်ကြောင့် ဖောင်းပွနေတဲ့
အလုပ်သမားတွေ ကိုလည်း ရှင်းချင်တာတွေပါတာပေါ့” ဟု ဦးကျော်သောင်းက ဆိုသည်။
ထိုသို့ထုတ်ပြန်ပြီး ရက်ပိုင်းအတွင်းမှာပင်
ထိုင်းနိုင်ငံအစိုးရက မြန်မာရွှေ့ပြောင်းလုပ်သားများ အပါအ၀င် ပြည်ပလုပ်သားများ ကို
ပိုက်စိပ်တိုက် ရှာဖွေဖမ်းဆီးခဲ့သည်။
“ဒီတစ်ခါအဖမ်းကတော့တော်တော်ကြမ်းတယ်ဗျ” ဟု ထိုင်းနိုင်ငံရောက်
မြန်မာနိုင်ငံသားများအဖွဲ့မှ ဒါရိုက်တာ ဦးကျော်သောင်း က ပြောကြားသည်။
ဦးကျော်သောင်းမှာ ထိုင်းနိုင်ငံတွင်
လာရောက်လုပ်ကိုင်နေသည့် မြန်မာလုပ်သားများ၏ အခက်အခဲများကို ကူညီမှုများပေးနေ သည်မှာ
ဆယ်စုနှစ်တစ်ခုကျော်ကြာမြင့်လာပြီဖြစ်ပြီး လတ်တလောတွင် နာမည်ကြီးနေသည့်
ဝင်းနှင့်ဇော်အမှုအတွက် မြန်မာ သံရုံးမှ ဖွဲ့စည်းပေးထားသည့် မြန်မာသံရုံး
အထူးအဖွဲ့ဝင်တစ်ဦး ဖြစ်သည်။
ထိုင်းနိုင်ငံအတွင်း ၎င်းဖြတ်သန်းခဲ့သည့် အတွေ့အကြုံအရ
ယခင်အစိုးရများဖြစ်သည့် သက်ဆင်ရှင်နာဝပ်နှင့် ယင်လတ်ရှင်နာဝပ် လက်ထက်များတွင်
ပြည်ပလုပ်သားများနှင့်ပတ်သက်သည့် ဥပဒေတစ်ခုခုထုတ်ပြန်မည်ဆိုပါက ထိုင်းအ လုပ်သမားအဖွဲ့အစည်းများအပြင်
ပြည်ပလုပ်သားများနှင့် သက်ဆိုင်သည့် အဖွဲ့အစည်းများကို ထုတ်ပြန်မည့် ဥပဒေအ ကြောင်း
ရှင်းလင်းပြောကြားသည်။
သို့သော် ထိုင်းစစ်အာဏာသိမ်း ခေါင်းဆောင်
ပရာယွတ်ချန်အိုချာ လက်ထက်တွင်မူ ဥပဒေတစ်ရပ် ထုတ်ပြန်မည်ဆိုပါက မည်သည့်အသံမျှ
နားထောင်ခြင်းမပြုဘဲ လျင်လျင်မြန်မြန်ပင် ထုတ်ပြန်ခဲ့ကြောင်း ဦးကျော်သောင်းက
ပြောကြားသည်။
“အခုသူထုတ်လိုက်တဲ့ ဥပဒေက အလုပ်သမားတွေလည်း
အခက်တွေ့သလို သူ့နိုင်ငံသားအလုပ်ရှင်တွေလည်း အခက်တွေ့ တယ်လေ။ အဲဒါ စစ်အာဏာရှင်ကနေလာတာဆိုတော့
ကွာတာပေါ့။ အရင်ကထုတ်ခဲ့ပေမယ့် ဗရုတ်ဗရက်မဖြစ်ဘူး” ဟု ဦးကျော်သောင်းက ဆိုသည်။
ယင်းကဲ့သို့ အလုပ်သမား ဥပဒေအား အတည်ပြုခဲ့ပြီး
ပိုက်စိပ်တိုက် ရှာဖွေဖမ်းဆီးမှုများကြောင့် မြန်မာလုပ်သားအများစုမှာ လုပ်ငန်းခွင်စွန့်ခွာပြီး
နေရပ်သို့ ပြန်လာခဲ့ရာ ဇွန် ၂၉ ရက်နှင့် ဇွန် ၃၀ ရက် နှစ်ရက်တည်းမှာပင် မြန်မာလုပ်သား
၅၀၀၀ ကျော် ပြန်လည်ဝင်ရောက်လာခဲ့သည်။
“ကျွန်မတို့က မနေရဲဘူး။ ဟိုမှာ တော်တော်ကိုဖမ်းတယ်။
အခု အလုပ်ရုံထဲအထိ လိုက်စစ်ပြီး ဖမ်းတာလေ”ဟု မြန်မာနိုင်ငံသို့ ပြန်လာသည့်
ကရင်တိုင်းရင်းသူ နော်စေးဖောက ပြောကြားသည်။
သူမအနေဖြင့် ပတ်စ်ပို့စ်နှင့် အလုပ်လုပ်ကိုင်ခွင့်
Work Permit ရှိသော်လည်း ပန်းရောင်အလုပ်သမားကတ် မရှိခြင်းကြောင့် ပြန်လာခြင်းဖြစ်သည်။
ဥပဒေသစ်အား ပြဋ္ဌာန်းပြီး နောက်ဖမ်းဆီးခံရသူ
မြန်မာလုပ်သား အရေအတွက်မှာ နှစ်ထောင်ကျော်နီးပါးခန့်ရှိပြီး ပြည်တွင်း သို့
ပြန်လည်ဝင်ရောက်လာသည့် အရေအတွက်မှာ ရနောင်းဂိတ်နှင့် မြ၀တီဂိတ်များမှ ဇူလိုင် ၁
ရက်အထိ တစ်သောင်းကျော် ၀င်ရောက်လာကြောင်း ထိုင်းနိုင်ငံအခြေစိုက် လူမှုကူညီရေးအသင်းများ၏
ထုတ်ပြန်ချက်များအရသိရသည်။
ထိုင်းနိုင်ငံဆိုင်ရာ မြန်မာသံရုံးကလည်း
ထိုင်းနိုင်ငံအတွင်းရှိ မြန်မာရွှေ့ပြောင်းလုပ်သားများ သိစေရန်အတွက်ဟုဆိုကာ
တံဆိပ်တုံးနှင့်လက်မှတ်များ ရေးထိုးထားခြင်းမရှိဘဲ အလုပ်သမား သံအရာရှိဟုသာ
ရေးသားထားသည့် ထုတ်ပြန်ချက် ဟုဆိုသည့် အသိပေးစာ တစ်စောင်ကို ထုတ်ပြန်ခဲ့သည်။
ယင်းအသိပေးချက်တွင် အထောက်အထား ကိုင်ဆောင်ထားသည့်
မြန်မာနိုင်ငံသားအားလုံးသည် မိမိလက်ရှိလုပ်ကိုင် နေ သော လုပ်ငန်းရှင်နှင့် အလုပ်လုပ်ခွင့်
ပါမစ်ပြုလုပ်ထားရန်၊ အလုပ်ရှင်နှင့် မိမိကိုင်ဆောင်ထားသည့် အလုပ်လုပ်ခွင့်ပါမစ်ရှိ
အလုပ်ရှင်မတူညီပါက သက်ဆိုင်ရာ အလုပ်သမားရုံးတွင် သွားရောက်ပြောင်းလဲထားရန်နှင့်
အထောက်အထား လုံးဝမရှိ သည့် မြန်မာနိုင်ငံသားများအနေဖြင့် မြန်မာနိုင်ငံသို့ပြန်ရန်
တိုက်တွန်းထားသည်။
“အခုဆို ဥပဒေသစ်က ၂၀ မှာ ထုတ်တယ်။ ၂၆ ရက်နေ့ဆိုရင်
ပိုက်စိပ်တိုက် ဖမ်းဆီးတာ တော်တော်များလာပြီ။ အဲဒီအချိန် မှာ သံရုံးက စာထုတ်တယ်။
ထုတ်တဲ့စာက ရက်စွဲမပါဘူး။ နိုင်ငံတော်တံဆိပ်၊ သံရုံးတံဆိပ်လည်း မပါဘူး။
အလုပ်သမားသံ အရာရှိရဲ့ လက်မှတ်လည်း မပါဘူး။ အခုဝန်ထမ်းတွေက
ခေါက်ရိုးကျိုးဝန်ထမ်းတွေ၊ ဗျူရိုကရက်တွေပဲဆိုတာကို ပြောချင် တယ်” ဟု
ဦးကျော်သောင်းက ပြောကြားသည်။
ထို့ပြင် ယခုကဲ့သို့ ထုတ်ပြန်လိုက်သည့် ဥပဒေကိုလည်း
မြန်မာလုပ်သားများအကြား သိရှိစေရန် သံရုံးအနေဖြင့် လုပ်ကိုင်ဆောင်ရွက်ခြင်း
မရှိကြောင်း ထိုင်းနိုင်ငံရောက် မြန်မာနိုင်ငံသားများနှင့် လုပ်သားများကို
ကူညီမှုများပေးနေသည့် အဖွဲ့အစည်းများက ဝေဖန်သည်။ ထို့ပြင် မြန်မာနိုင်ငံအမျိုးသား
လူ့အခွင့်အရေးကော်မရှင်က ထိုင်းနိုင်ငံရှိ မြန်မာရွှေ့ပြောင်းအလုပ်သမားများ
ကိစ္စနှင့်ပတ်သက်ပြီး ထိုင်းနိုင်ငံ အမျိုးသားလူ့အခွင့်အရေး ကော်မရှင်
ထံမေတ္တာရပ်ခံစာ ပေးပို့ခဲ့သည်။
ထိုင်းနိုင်ငံရှိ အချို့သောစက်ရုံ၊ အလုပ်ရုံများမှာ
နံနက် ၇ နာရီမှ ညနေ ၅ နာရီအထိ လုပ်ကိုင်ရပြီး ညနေ ၅ နာရီနောက်ပိုင်းတွင်လည်း
အချိန်ပို လုပ်ကိုင်ရခြင်းများရှိကြောင်း၊ ထို့ကြောင့် လုပ်သားများအနေဖြင့်
ထိုင်းနိုင်ငံက ထုတ်ပြန်သည့် အလုပ်သမားများနှင့် ပတ်သက်သည့် သတင်းအချက်အလက်များကို
သိရှိနိုင်ခြင်းမရှိကြောင်း ဘန်ကောက်မြို့ရှိ အလုပ်ရုံတစ်ခုတွင်
လုပ်ကိုင်လျက်ရှိသည့် မြန်မာနိုင်ငံသားကို အောင်ခန့်က ပြောကြားသည်။
“ဘယ်ဥပဒေပဲပြောင်းပြောင်း ကျွန်တော်တို့မသိခဲ့ရဘူး။
အလုပ်ထဲမှာပဲ အချိန်ကုန်ခဲ့ရတာ။ ကျွန်တော် ဒီကိုရောက်တာ ငါးနှစ်ကျော်ပြီ။ တစ်ခါမှ
မြန်မာအာဏာပိုင်တွေက လာရှင်းပြတယ်ဆိုတာ မရှိဘူး” ဟု ကိုအောင်ခန့်က ပြောကြားသည်။
ထိုင်းနိုင်ငံတွင် လာရောက်လုပ်ကိုင်လျက်ရှိသူများမှာ
အများအားဖြင့် သူဌေးနာမည် တူညီမှုမရှိသည့် အလုပ်သမားများစွာရှိကြောင်း၊ ယခုထုတ်ပြန်သည့်
ဥပဒေကြောင့် မြန်မာလုပ်သားများ၏ ရာခိုင်နှုန်း ၈၀ ခန့်
ဖမ်းဆီးခံရနိုင်ခြေရှိကြောင်း ထိုင်းနိုင်ငံရောက် မြန်မာနိုင်ငံသားများအဖွဲ့မှ
ဒါရိုက်တာ ဦးကျော်သောင်းက ပြောကြားသည်။
“ထိုင်းမှာရှိတဲ့ ရွှေ့ပြောင်းမြန်မာလုပ်သားတွေရဲ့ ၁၀၀
ရာခိုင်နှုန်းမှာ ၈၀ ရာခိုင်နှုန်းလောက်က အလုပ်ရှင်နာမည်က စာအုပ်ထဲမှာ ရေးထားတာနဲ့
တကယ်လုပ်နေတဲ့ အလုပ်ရှင် မတူကြဘူး။ ထိုင်းနိုင်ငံမှာ ယာဉ်မောင်း၊
ကွေ့တီယိုရောင်းတဲ့ သူတွေက သူတို့ကို သူဌေးဆိုပြီး နာမည်ခံပေးလိုက်တယ်။ အဲဒီအတွက်
ဘတ်နှစ်ထောင်ရတယ်။ ဘာလဲဆိုတော့ အငှားသူဌေးပေါ့။ အဲဒီမှာ အလုပ်သမားက
သူဌေးကထုတ်ပေးတဲ့ လက်မှတ်ဆိုပြီး လုပ်ချင်တဲ့ နေရာသွားလုပ်တယ်။ အသစ်ပြဋ္ဌာန်းတဲ့
ဥပဒေအရ နေထိုင်ခွင့်ရှိတယ်။ သူဌေးနာမည်မတူဘူး။ နေထိုင်ခွင့်တော့ရတယ်။
အလုပ်လုပ်ခွင့် မရဘူး။ အဲဒါမျိုးတွေကိုဖမ်းမှာ။ အဲဒါကြောင့်
မြန်မာလုပ်သားအကုန်နီးပါး ဒုက္ခရောက်ကြရမှာ” ဟု ဦးကျော်သောင်းက ပြောကြားသည်။
သို့သော် ယင်းကဲ့သို့ ထိုင်းနိုင်ငံတွင်
လာရောက်လုပ်ကိုင်သူများကို ပိုက်စိပ်တိုက်ဖမ်းဆီးမှုကြောင့် ထိုင်းပြည်တွင်းရှိ
အလုပ်သမား အဖွဲ့အစည်းများ၊ လွှတ်တော်ကိုယ်စားလှယ်အချို့၏ ဝေဖန်မှုများ
ထွက်ပေါ်လာခြင်းကြောင့် ထိုင်းအစိုးရက ဥပဒေသစ်အား ရက်ပေါင်း ၁၂၀
ဆိုင်းငံ့ထားမည်ဆိုသော သတင်းများ ထွက်ပေါ်လာခဲ့သည်။
တင်းကျပ်သည့် အလုပ်သမား ဥပဒေသစ်၏ အကျိုးသက်ရောက်မှု
အနေဖြင့် အချို့သော ထိုင်းစီးပွားရေး လုပ်ငန်းများအတွက် အလုပ်သမားအင်အား
လျော့နည်းလာမည်ကို စိုးရိမ်မှုမြင့်တက်နေသည့် အချိန်တွင် အလုပ်သမား ဥပဒေအသစ်၏ ပြင်းထန်မှုကို
သက်သာရာရရှိစေရန် ပြည်ပအလုပ်သမားများအပေါ် ဆောင်ရွက်နေသည့် အရေးပေါ်စီမံချက်ကို
ငြင်သာသည့် နည်းလမ်းများ ရှာဖွေလုပ်ကိုင်ရန် ထိုင်းဝန်ကြီးချုပ်မှ
အလုပ်သမားဝန်ကြီး ဌာနသို့ ညွှန်ကြားသည်ဟု ဘန်ကောက်ပို့စ်သတင်းတွင် ဖော်ပြထားသည်။
ထို့ပြင် အာဏာပိုင်များအနေဖြင့် အဆိုပါဥပဒေကို
အသုံးချပြီး လုပ်ငန်းရှင်များနှင့် နိုင်ငံခြားသား အလုပ်သမားများထံမှ အကျိုးအမြတ်
ရယူမှုကိုရှောင်ရှားကြရန် ထိုင်းဝန်ကြီးချုပ်က ပြောကြားခဲ့ကာ မည်သည့်အရာရှိမဆို
စစ်ဆေးတွေ့ရှိပါက ပြင်းထန်စွာ အပြစ်ပေးအရေးယူမည်ဖြစ်ကြောင်း
သတိပေးပြောကြားခဲ့သည်ဟု အဆိုပါသတင်းတွင် ဖော်ပြထားသည်။
ထို့ပြင် ထိုင်းနိုင်ငံရှိ နိုင်ငံရေးသမားများနှင့်
ထိုင်းနိုင်ငံအခြေစိုက် ထိုင်းအလုပ်သမားသမဂ္ဂများကလည်း ယင်းဥပဒေအပေါ်
ကန့်ကွက်မှုများရှိကြောင်း သိရသည်။
“ထူးထူးခြားခြား ထိုင်းတောင်ပိုင်းမှာရှိတဲ့
အမတ်ဟောင်းတစ်ယောက်က ဒါမျိုး ရုတ်တရက် လုပ်ခြင်းက တိုင်းပြည်စီးပွားရေးကို
ကျပ်တည်းစေတယ်။ နိုင်ငံခြားသား လုပ်သားတွေနဲ့ လည်ပတ်နေတဲ့ ထိုင်းနိုင်ငံအနေနဲ့
ဒါမျိုးမလုပ်သင့်ဘူးဆိုပြီး ကန့်ကွက်တယ်။ ပြီးတော့ ထိုင်းတောင်ပိုင်း
စူရတ်ဌာနီအခြေစိုက် ထိုင်းနိုင်ငံအလုပ်သမား သမဂ္ဂတွေ၊ စိုက်ပျိုးရေးနဲ့ သစ်ထုတ်လုပ်ရေး
အဖွဲ့တွေကနေ အလုပ်သမားတွေကို ဒါမျိုးဖမ်းတာတွေကို ကန့်ကွက်တယ်။ အခုလိုလုပ်တာ
စီးပွားရေးကျသွားမယ်ဆိုပြီး ကန့်ကွက်ကြတယ်” ဟု ဦးကျော်သောင်းက ပြောကြားသည်။
သို့သော် ရက်ပေါင်း ၁၂၀ ဆိုင်းငံ့ထားသည်ဟုဆိုသော
သတင်းနှင့်ပတ်သက်ပြီး မြန်မာလုပ်သားများအကြား တိကျသော သတင်းအချက်အလက်ရရှိခြင်း
မရှိသေးပေ။ ထို့ပြင် မည်သည့်သူဌေးကမျှ အလုပ်သမားများအား ပြောကြားခြင်း
မရှိသကဲ့သို့ ထိုင်းနိုင်ငံရှိ မြန်မာသံရုံးအနေဖြင့်လည်း ဇူလိုင် ၁ ရက်အထိ တိကျသော
အသိပေးမှုအား ထုတ်ပြန်ကြေညာခြင်း မရှိသေးပေ။
“အခုတော့ ဖမ်းတာတွေ ရပ်တယ်လို့ ပြောပေမယ့် ထိုင်းရဲတွေကတော့
ဘာမှမပြောသလို အလုပ်ရှင်ကလည်း ဘာမှ မပြောဘူး။ တချို့အလုပ်ရှင်တွေကတော့
ပြောတာတွေရှိတယ်။ အလုပ်သမား အများစုကတော့ ကိုယ့်အချင်းချင်း အွန်လိုင်းမှာ
ပြောရတာပေါ့။ သံရုံးလား။ လာပြောဖို့ နေနေသာသာ အလုပ်သမား သံအရာရှိဘယ်သူဆိုတာတောင်
မမြင်ဖူးဘူး” ဟု ထိုင်းနိုင်ငံတောင်ပိုင်းရှိ စက်ရုံတစ်ရုံတွင်
လာရောက်အလုပ်လုပ်ကိုင်သည့် ဧရာဝတီတိုင်းဒေသကြီးမှ အလုပ်သမားတစ်ဦးက ပြောကြားသည်။
၂၀၀၈ ခုနှစ် နောက်ပိုင်းမှစ၍ မြန်မာနိုင်ငံမှ
ထိုင်းနိုင်ငံသို့ လာရောက်လုပ်ကိုင်သည့် မြန်မာရွှေ့ပြောင်းလုပ်သား
ပိုမိုများပြားလာပြီး ၂၀၀၈ ခုနှစ် နောက်ပိုင်းတွင် အစိုးရက အေဂျင်စီများကို
ထိုင်းနိုင်ငံသို့ တရားဝင်အလုပ်သမား ပို့ဆောင်ခွင့်ပြုခဲ့သည်။
စတင်လုပ်ကိုင်ခွင့်ရရှိခဲ့စဉ်က အေဂျင်စီအနည်းငယ်
ဆောင်ရွက်ခွင့်ရရှိခဲ့သော်လည်း နောက်ပိုင်းတွင် အေဂျင်စီများအားလုံး
ပို့ဆောင်ခွင့် ရရှိခဲ့သည်။ သွားရောက်လုပ်ကိုင်သူအများစုမှာ ယခင်က မွန်ပြည်နယ်၊
ကရင်ပြည်နယ် စသည့် ဒေသတို့တွင် နေထိုင်သူများ အောက်လမ်းဖြင့်
သွားရောက်လုပ်ကိုင်ခဲ့ကြသော်လည်း နောက်ပိုင်းတွင် မြန်မာတစ်နိုင်ငံလုံးနီးပါး
သွားရောက်လုပ်ကိုင်လျက်ရှိသည်။
၂၀၀၈ ခုနှစ် မတိုင်မီက မလေးရှားသို့
သွားရောက်လုပ်ကိုင်မှု များပြားခဲ့သော်လည်း စရိတ်စကသက်သာခြင်း၊ အကြွေးစနစ်ဖြင့်
သွားရောက်နိုင်ခြင်း စသည့်အချက်များကြောင့် ထိုင်းနိုင်ငံသို့
သွားရောက်လုပ်ကိုင်မှု များလာခဲ့ခြင်း ဖြစ်သည်။ ထိုသို့ သွားရောက်လုပ်ကိုင်မှု
များလာခဲ့သော်လည်း ယခင်အစိုးရ၏ တာဝန်ယူမှု တာဝန်ခံမှုအပိုင်းတွင် အားရမှုမရှိကြောင်း
ထိုင်းနိုင်ငံရောက် မြန်မာလုပ်သားများနှင့် အလုပ်သမားများအား
ကူညီစောင့်ရှောက်ပေးနေသည့် အဖွဲ့အစည်းများက ပြောကြားသည်။
ထိုင်းနိုင်ငံသို့ သွားရောက်လုပ်ကိုင်သည့်
မြန်မာလုပ်သားများမှာ ယခင်က ပတ်စ်ပို့စာအုပ် (ထိုင်းနိုင်ငံတွင်
အလုပ်လုပ်ကိုင်နိုင်သည့် စာအုပ်) နှင့် အလုပ်လုပ်ခွင့် ပါမစ်တစ်ခုသာ
ကိုင်ဆောင်ထားရန်လို အပ်သော်လည်း နောက်ပိုင်းတွင် ပန်းရောင်ဘတ်ကတ်၊ CI
ကတ်များကိုပါ ကိုင်ဆောင်ရကြောင်း၊ သို့သော် အလုပ်သမားအများစုတွင်
နှစ်မျိုးခန့်သာရှိကြောင်း သိရသည်။
“ပန်းရောင်ကတ်တို့ ဘာတို့က
သူတို့လုပ်ပေးမယ်ဆိုတဲ့အချိန်ကို လုပ်ရတာ။ အခုလိုချင်လို့ အခုလုပ်လို့မရဘူး။
ဒါပေမဲ့ အလုပ်သမားက လုပ်ငန်းခွင်မှာပဲ အချိန်ကုန်ရတာဆိုတော့ တချို့က မသိလိုက်ဘူး။
အဲဒါနဲ့ အပြင်ထွက်မိလိုက်ရင် ထိုင်းရဲက ရစ်ပြီပဲ” ဟု ကိုအောင်ခန့်က ပြောကြားသည်။
ထိုင်းနိုင်ငံရှိ စက်ရုံ အလုပ်ရုံများတွင်
အခြားသောပြည်ပ နိူင်ငံသားများလည်း လာရောက်လုပ်ကိုင်လျက်ရှိသော်လည်း
မြန်မာနိုင်ငံသားများစွာရှိပြီး အဆိုပါ စက်ရုံ၊ အလုပ်ရုံများမှာ
မြန်မာလုပ်သားများကို မှီခိုနေရခြင်း ဖြစ်သည်။
ထိုင်းနိုင်ငံတွင် လာရောက်လုပ်ကိုင်နေသည့်
ပြည်ပနိုင်ငံသား ၁၀၀ ရာခိုင်နှုန်းတွင် မြန်မာနိုင်ငံသားလုပ်သား ၈၅
ရာခိုင်နှုန်းရှိသည်။
အရေအတွက်အားဖြင့် မြန်မာလုပ်သား တရားဝင်နှင့်
တရားမ၀င်အရေအတွက်မှာ လေးသန်းနီးပါးခန့်ရှိသည်။ အများစုမှာ ငါးဖမ်းလုပ်ငန်း၊
အထည်ချုပ်စက်ရုံနှင့် အအေးခန်းလုပ်ငန်းများ၊ စားသောက်ဆိုင် လုပ်ငန်းများ၊
ကုန်ထမ်းလုပ်ငန်း၊ အိမ်ဖော်လုပ်ငန်းများတွင် ၀င်ရောက်လုပ်ကိုင်လျက်ရှိသည်။ မြန်မာရွှေ့ပြောင်း
လုပ်သားများမှာ ထိုင်းနိုင်ငံ၏ နေရာအများစုတွင် လုပ်ကိုင်လျက်ရှိပြီး ဘန်ကောက်၊
စူရပ်ဌာနီ၊ ချင်းမိုင်၊ မဲဆောက်၊ မဟာချိုင် စသည့်နေရာများမှာ အများဆုံးဖြစ်ကြောင်း
သိရသည်။
“၀င်တိုက်ရင် မင်္ဂလာပါလို့ပဲ နှုတ်ဆက်လိုက်။
ကျိန်းသေတယ်။ သူကလည်း မင်္ဂလာပါလို့ ပြန်ပြောလိမ့်မယ်” ဟု ကိုအောင်ခန့်ကပြော
ကြားသည်။
မြန်မာလုပ်သားများ ၀င်ရောက်လုပ်ကိုင်လျက်ရှိသည့်
လုပ်ငန်းခွင်များအနက် ငါးဖမ်းလုပ်ငန်းမှာ လူ့အခွင့်အရေး ချိုးဖောက်ခံရမှု
အများဆုံးဖြစ်သော်လည်း အခြားသော ဆောက်လုပ်ရေးလုပ်ငန်း၊ စက်ရုံလုပ်ငန်းများတွင်လည်း
လူ့အခွင့်အရေး ချိုးဖောက်ခံရမှုများရှိကြောင်း ထိုင်းနိုင်ငံရောက်
မြန်မာလုပ်သားများက ပြောကြားသည်။
အလုပ်ရှင်မှ အလုပ်သမား၏ ပတ်ပို့စာအုပ်များကို
သိမ်းဆည်းထားခြင်း၊ အကြွေးစနစ်ဖြင့် လာရောက်သူများမှာ အကြွေးမကျေသေးဟုဆိုကာ
စက်ရုံအလုပ်ရုံများမှ အပြင်သို့ ထွက်ခွင့်မရခြင်း၊ ကျန်းမာရေး စောင့်ရှောက်မှု
အပြည့်အ၀မရခြင်း စသည့်အခြေအနေများမှာ ထိုင်းနိုင်ငံရောက် မြန်မာလုပ်သားများအတွက်
အမြဲတစေ ကြုံတွေ့ နေရသည့် အဖြစ်များဖြစ်သည်။
“ထိုင်းမှာနေမယ်ဆို ရွှေခေါင်းပြောင်ကို ကြောက်ရတယ်။
ရွှေခေါင်းပြောင်ဆိုတာက ထိုင်းရဲကိုပြောတာ။ ဦးထုပ်က ရွှေရောင်ဆိုတော့ ကျွန်တော်တို့က
ရွှေခေါင်းပြောင်လို့ နာမည်ပေးထားတာ။ သူတို့ကို ရှောင်ရတယ်။ လေးငါးနှစ်လောက်နေလို့
လည်သွားပြီဆိုရင်တော့ ပြန်ပြောလိုက်ရင် မရစ်တော့ဘူး။ အင်္ဂလိပ်စာနည်းနည်း
တတ်တယ်ဆိုရင်တော့ ပိုကောင်းတယ်။ နှစ်လုံး သုံးလုံးလောက် ပြောလိုက်ရင် မရစ်တော့ဘူး။
နို့မို့ဆိုရင်တော့ တစ်ခါအဖမ်းခံရပြီဆိုရင် အနည်းဆုံး ဘတ်ငါးရာပဲ” ဟု
မကွေးတိုင်းမှ လာရောက်လုပ်ကိုင်လျက်ရှိသည့် ကိုထွန်းထွန်းက ပြောကြားသည်။
ထိုင်းနိုင်ငံတွင် အခြေခံအလုပ်သမားလစာအား တစ်ရက်လျှင်
ဘတ် ၃၀၀ သတ်မှတ်ထားသော်လည်း သတ်မှတ်သည့် လစာရရှိခြင်းမရှိကြောင့်
ထိုင်းရောက်မြန်မာလုပ်သားများက ပြောကြားသည်။
“ဘတ် ၃၀၀ ဆိုပြီး သတ်မှတ်ထားပေမယ့် ဘယ်သူမှ အပြည့်အ၀
မရပါဘူး။ ဆောက်လုပ်ရေး လုပ်ငန်းခွင်ဆိုပိုဆိုးတယ်။ တစ်ရက်မှ ဘတ်တစ်ရာကျော်ပဲရတယ်”
ဟု ကိုအောင်ခန့်က ပြောကြားသည်။
ထို့ပြင် လာရောက်လုပ်ကိုင်သည့် လုပ်သားများအနက်
မြန်မာလုပ်သားများမှာ အခြားသော ပြည်ပနိုင်ငံသား လုပ်သားများထက် အနှိမ်ခံရကြောင်း၊
လွန်ခဲ့သည့် ၂၀၁၄ ခု နှစ်ခန့်က ထိုင်းနိုင်ငံရှိ အထောက်အထားမဲ့
ကမ္ဘောဒီးယားနိုင်ငံသား လုပ်သားများအား ထိုင်းအစိုးရက ပြန်လည်ပို့ဆောင်ခဲ့သော်လည်း
ယင်းအခြေအနေတွင် ကမ္ဘောဒီးယား အစိုးရ၏ တုံ့ပြန်ချက်နှင့် အလုပ်သမားများကို
ကူညီဆောင်ရွက်ခဲ့သည့် အခြေအနေများမှာ အားရစရာကောင်းကြောင်း ထိုင်းနိုင်ငံရောက်
မြန်မာရွှေ့ပြောင်းလုပ်သားများကို ကူညီမှုပေးနေသည့် အဖွဲ့အစည်းများက ပြောကြားသည်။
“အဲဒီတုန်းက အထောက်အထားမဲ့တွေကို ပြန်ပို့တာ။
သိန်းချီရှိတယ်။ အဲဒီတော့ ဟိုဘက်အစိုးရ (ကမ္ဘောဒီးယားအစိုးရ) က
ကျန်တဲ့လုပ်သားတွေကိုပါ ပြန်ခေါ်တယ်။ အဲဒီတော့ ထိုင်းအစိုးရ ဘာမှလုပ်လို့
မရတော့ဘူး။ သူတို့တောင်းဆိုတာ မှန်သမျှလိုက်လျောရတယ် ” ဟု ထိုင်းနိုင်ငံရောက်
မြန်မာနိုင်ငံသားများအဖွဲ့မှ ဒါရိုက်တာ ဦးကျော်သောင်းက ပြောကြားသည်။
ထို့ပြင် မြန်မာနိုင်ငံသား ရွှေ့ပြောင်းလုပ်သားများအနေဖြင့်
ကျန်းမာရေးစောင့်ရှောက်မှု အနေအထားများတွင်လည်း ပစ်ပယ်ခံရခြင်းများရှိကြောင်း၊
ဆေးရုံတွင် ဆေးစစ်ခြင်းများ လုပ်ဆောင်ရာတွင်လည်း
ခွဲခြားဆက်ဆံခံရခြင်းများရှိကြောင်း ထိုင်းနိုင်ငံရောက် မြန်မာလုပ်သားများက
ပြောကြားသည်။
“ဆေးစစ်ပြီဆိုရင်တောင်မှ မြန်မာလုပ်သားတွေကို
ဆေးရုံရဲ့ နောက်ဆုံးလိုနေရာမျိုးမှာပဲ ပေးစစ်တယ်။ အဲဒီနေရာတွေက ကြည့်လိုက်ရင်
အိမ်သာဘေးလိုနေရာမျိုးတွေ၊ ရေခဲတိုက်ဘေးက အခန်းတွေ နေရာမျိုးတွေပဲ။ အဲဒါကျန်တာကို
မပြောတော့ဘူး” ဟု ကိုအောင်ခန့်က ပြောကြားသည်။
လက်ရှိတွင် မြန်မာအစိုးရ အနေဖြင့် ယခုကဲ့သို့ အလုပ်သမား
ပြဿနာအား ဇွန် ၂၉ ရက်တွင် နှစ်နိုင်ငံအစိုးရ ညှိနှိုင်းမှုများ
ဆောင်ရွက်လျက်ရှိကြောင်း ထုတ်ပြန်ချက်များအရ သိရသည်။
ထိုသို့ဆွေးနွေးနိုင်ရန်အတွက် ထိုင်းနိုင်ငံရှိ
မြန်မာလုပ်သားများအား ကူညီမှုပေးနေသည့် အဖွဲ့အချို့ထံမှ
အစိုးရကအကြံဥာဏ်တောင်းခံမှုများ ပြုလုပ်ခဲ့ကြောင်း သိရသည်။
“အဲဒီမှာ ရေရှည်ဖြေရှင်းရမယ့် ပြဿနာတွေကို
တင်ပြထားတယ်။ ဘယ်လောက်အထိ အကောင်အထည် ဖော်ပေးနိုင်မလဲဆိုတာက စောင့်ကြည့်ရမယ်” ဟု
လူဝင်မှုကြီးကြပ်ရေးနှင့် ပြည်သူ့အင်အား အလုပ်သမား ပြည်ထောင်စုဝန်ကြီး
ဦးသိန်းဆွေထံ အကြံပြုချက်များ ပေးပို့ခဲ့သည့် ထိုင်းနိုင်ငံရောက်
မြန်မာနိုင်ငံသားများအဖွဲ့မှ ဦးကျော်သောင်းက ပြောကြားသည်။
အဆိုပါ အကြံပြုချက်ပါဝင်သည့် အချက်များမှာ ယခုကဲ့သို့
ထုတ်ပြန်လိုက်သည့် ဥပဒေအရ မြန်မာလုပ်သားများကို ဖမ်းဆီးသည့်အခါတွင်
မြန်မာသံရုံးသို့ အကြောင်းကြားပေးရန်၊ အဖမ်းခံရသည့် မြန်မာလုပ်သားများ၏ လုပ်ခလစာများကို
ချက်ချင်းရှင်းပေးရန်၊ ဖမ်းဆီးခံရသည့် မြန်မာလုပ်သား ပိုင်ဆိုင်မှုများကို စနစ်တကျ
သိမ်းဆည်းခွင့်ပြုရန်၊ အလုပ်သမား၏ သက်ကြီးရွယ် အိုမိဘနှင့်ကလေးငယ်များကို
ကူညီခွင့်ပြုရန်၊ ပတ်စ်ပို့ရှိသူများကို လေယာဉ်ဖြင့် ပြန်လာခွင့်ပြုရန်၊
အထောက်အထား မပြည့်စုံသူများကို မော်တော်ယာဉ်ဖြင့် ပြန်လာခွင့်ပြုရန်၊ ပြန်လာစဉ်
ထိုင်းရဲများက ငွေညှစ်ခြင်းမပြုရန် စသည့်အချက်များ ပါဝင်သည်။
“ထိုင်းအစိုးရကို တောင်းဆိုဖို့အတွက် နံပါတ်တစ်
မြန်မာလုပ်သားကို ဖမ်းမယ်ဆို အကြောင်းကြားပါ။ နှစ်အလုပ်သမားတွေရဲ့
ပိုင်ဆိုင်မှုတွေကို သိမ်းဆည်းပြီး နယ်စပ်ကို ပို့ပေးပါ။ တချို့အလုပ်သမားတွေက
မိအိုဖအိုနဲ့ သားသမီးတွေကို ခေါ်လာပြီး အလုပ်လုပ်နေတဲ့ အတွက်ကြောင့်
ပြန်ခေါ်ခွင့်ပြုပါ။ ပြန်သွားတဲ့ အခါမှာလမ်းမှာ တစ်စုံတစ်ရာ ပိုက်ဆံတောင်းတာကို
မလုပ်ဘဲနဲ့ လွတ်လွတ်လပ်လပ် ပြန်ခွင့်ပြုပါ။ အဲဒါတွေ တင်ပြထားတယ်” ဟု ဦးကျော်သောင်းက
ပြောကြားသည်။
နိုင်ငံတော်၏ အတိုင်ပင်ခံပုဂ္ဂိုလ်၊
နိုင်ငံခြားရေးဝန်ကြီးအဖြစ် တာဝန်ယူထားသည့် ဒေါ်အောင်ဆန်းစုကြည်က ၂၀၁၆ ခုနှစ် ဇွန်
၂၃ ရက်တွင် ထိုင်းနိုင်ငံ မဟာချိုင်ဒေသတွင် ထိုင်းနိုင်ငံရောက်
မြန်မာရွှေ့ပြောင်းလုပ်သား ငါးရာနှင့် တွေ့ဆုံခဲ့သည်။ ယင်းတွေ့ဆုံပွဲတွင်
အစည်းအဝေးခန်းမသို့ ၀င်ရောက်ခွင့် မရရှိခဲ့သည့် မြန်မာလုပ်သားများမှာ
သောင်းချီရှိခဲ့ပြီး မိုးရေထဲတွင် စောင့်မျှော်ခဲ့ကြသည်။
အဆိုပါ တွေ့ဆုံပွဲတွင် ဒေါ်အောင်ဆန်းစုကြည်က
မြန်မာလုပ်သားများ၏ အသံများကိုနားထောင်မည်၊ နားထောင်ပြီးမှသာမိမိတို့
ရသင့်ရထိုက်သည့် အခွင့်အရေးများကို ဥပဒေဘောင်အတွင်းက တောင်းဆိုပေးမည်ဖြစ်ကြောင်း
ပြောကြားခဲ့သည်။
“ဒီလို စကားပြောတယ်ဆိုတာက စကားပြောတာထက်
အလုပ်သမားတွေရဲ့ အသံကို ကြားချင်လို့ပါပဲ။ အဆင်ပြေအောင်လို့ ဘယ်လိုလုပ်ပေးရမလဲ။
အဆင်ပြေအောင်လို့ ဆိုတာဟာ အလုပ်သမားတွေ တင်အတွက် မဟုတ်ဘူး။ ဒီမှာအလုပ်လုပ်နေတဲ့
ကျွန်မတို့ နိုင်ငံသူ နိုင်ငံသားတွေအတွက်တင် မဟုတ်ဘူး။ နှစ်နိုင်ငံလုံးအတွက်
အဆင်ပြေရမယ်။ ဘယ်လိုပဲပြောပြော ကျွန်မတို့ ပြည်သူတွေက ဒီမှာတော့ ဧည့်သည်တွေပဲ။
ဧည့်သည်ဆိုတာ အိမ်ရှင်နဲ့ အဆင်ပြေရမယ်။ ဒါမှ အားလုံးအတွက် အကျိုးလည်း ရှိမယ်။
အားလုံးဟာ ရေရှည်မှာ အေးအေးဆေးဆေး ချမ်းချမ်းသာသာနဲ့ နေသွားနိုင်မှာ ဖြစ်တယ်။
ကျွန်မတို့နဲ့ ထိုင်းနိုင်ငံဆိုတာ အိမ်နီးနားချင်းဖြစ်တယ်။
အိမ်နီးနားချင်းတွေဆိုတာ အထူးအဆင်ပြေဖို့ အရေးကြီးပါတယ်။ ထိုင်းနိုင်ငံဆိုတာ
ကျွန်မတို့အပေါ်မှာ မိတ်ဖြစ်ဆွေဖြစ် ဆက်ဆံခဲ့တာ ကြာပါပြီ။ ဒါပေမဲ့ ဒီလိုတစ်နိုင်ငံကနေ
တစ်နိုင်ငံကိုလာပြီးတော့ အလုပ်လုပ်တယ်။ နှစ်နိုင်ငံဟာ အင်မတန်မှ နီးစပ်မှုရှိနေလို့
ဆက်ဆံရေးတွေ ရှိနေတယ်ဆိုတော့ တစ်ခါတလေ အဆင်မပြေတာတွေ ရှိတာပဲ။ ဒါက သဘာဝကျပါတယ်။
အိမ်နီးနားချင်းတွေဆိုတာ ဒီလိုပါပဲ။ ကျွန်မတို့ရဲ့ နိုင်ငံသူ နိုင်ငံသားတွေ ဆိုလို့ရှိရင်
တစ်နေရာတည်းမှာ အလုပ်လုပ်တယ်ဆိုရင်တောင်မှ တစ်ခါတလေ တစ်ယောက်နဲ့တစ်ယောက်
အဆင်မပြေတာတွေ ရှိတာပဲ။ ဒါမျိုးဆိုတာဟာ ကျွန်မတို့က ဖြေရှင်းဖို့ပဲ။ ပြဿနာဟာ
အရေးမကြီးပါဘူး။ ဖြေရှင်းပုံဖြေရှင်းနည်း ကသာအရေးကြီးတာပါ။ ကျွန်မတို့က
ကျွန်မတို့ရဲ့ နိုင်ငံသူနိုင်ငံသားတွေ အတွက်လည်း အဆင်ပြေစေချင်တယ်။
အိမ်ရှင်နိုင်ငံအတွက်လည်း အဆင်ပြေစေချင်တယ်။ ဒါမှကျွန်မတို့ရဲ့ ဒေသဟာ ရေရှည်မှာ
အေးချမ်းသာယာမှာ တိုးတက်နိုင်မှာ ဖြစ်ပါတယ်။ တစ်ဦးကို တစ်ဦးပြိုင်ဘက်လို
မြင်စရာလည်း မလိုဘူး။ ကျွန်မတို့ဟာ အားလုံးအတူ ဖွံ့ဖြိုးတိုးတက်ဖို့လက်တွဲပြီးတော့
လုပ်ခဲ့တဲ့ နိုင်ငံတွေလိုမြင်မှ တိုးတက်နိုင်မှာပါ။ အရှေ့တောင်အာရှဆိုတာ
နိုင်ငံကြီးတွေ မဟုတ်ပါဘူး။ နိုင်ငံလတ်တွေနဲ့ နိုင်ငံငယ်တွေနဲ့ စုပေါင်းထားတဲ့
ဒေသဖြစ်ပါတယ်။ ဒါကြောင့်မို့လို့ တစ်ဦးနဲ့တစ်ဦး ညီညွတ်ဖို့ဟာ အင်မတန်မှ
အရေးကြီးပါတယ်။ တစ်ဦးနဲ့တစ်ဦး နားလည်မှုရှိဖို့က အရေးကြီးပါတယ်။ အခု ကျွန်မတို့
ထိုင်းနိုင်ငံကို လာတယ်ဆိုတာ အဓိကအားဖြင့်တော့ နိုင်ငံနှစ်နိုင်ငံကြားထဲမှာ
နားလည်မှုပိုပြီးတော့ ရှိဖို့၊ ချစ်ကြည်မှုပိုပြီးတော့ တိုးတက်ဖို့ ဖြစ်ပါတယ်။ ဒီလို
ဖြစ်ဖို့ဆိုတာ အဓိကက နိုင်ငံသူ နိုင်ငံသားတွေကြားထဲမှာ နားလည်မှု ရှိရမယ်။
ချစ်ကြည်မှု ရှိရမယ်။ အစိုးရတွေကြားထဲမှာလည်း နားလည်မှု ရှိရမယ်။ ချစ်ကြည်မှု
ရှိရမယ်။ အဲဒီဟာအတွက်ကို ကျွန်မတို့ကလည်း ကျွန်မတို့ရဲ့ ဒီမှာ အလုပ်လာလုပ်နေတဲ့
နိုင်ငံသူ နိုင်ငံသားတွေလို ကျွန်မတို့ကိုလည်း ပြန်ပြီးတော့ ကူညီနိုင်လိမ့်မယ်လို့
မျှော်လင့်ပါတယ်။ ဘယ်လို ကျွန်မတို့ အဆင်ပြေအောင် လုပ်ပေးရမလဲ ဆိုတာဟာ
ကာယကံရှင်တွေကပြောမှ ကျွန်မတို့ သိမှာ။ ကာယကံရှင်တွေရဲ့ အသံကိုနားထောင်မှ
ကျွန်မတို့ဟာ ဘာလုပ်ပေးသင့်လဲ ဘာလုပ်ပေးသင့်တယ် ဘာလုပ်နိုင်တယ် ဆိုတာကို
ကျွန်မတို့ ဆုံးဖြတ်ရမှာပါ။ အားလုံးက ကျွန်မတို့လုပ် ချင်တာတွေကို ချက်ချင်းတော့လုပ်ဖို့
မဖြစ်နိုင်ပါဘူး။ တစ်ဆင့်ပြီးတစ်ဆင့် လုပ်သွားရမယ့်ကိစ္စတွေလည်း ရှိပါတယ်။
မြန်မြန်လုပ်လို့ရတဲ့ ကိစ္စတွေလည်း ရှိပါတယ်။ အရေးကြီးတာကတော့ ကျွန်မတို့
နိုင်ငံသူနိုင်ငံသားများ အားလုံးဟာ လုံလုံခြုံခြုံနဲ့ ကိုယ့်ရဲ့လုပ်ငန်းထဲမှာ
ဆက်ပြီးတော့ ကိုယ်နေချင်တဲ့ အချိန်ထိနေနိုင်ဖို့ပါပဲ။ ဒါတင်မဟုတ်ဘဲ ကိုယ်နေချင်တဲ့
အချိန်ထိဆိုတာဟာ လုပ်ငန်းရှင်တွေလည်း အဆင်ပြေရမယ်။ အလုပ်လုပ်တဲ့
ပုဂ္ဂိုလ်တွေအတွက်လည်း အဆင်ပြေရမယ်။ ကျွန်မတို့ရဲ့ နိုင်ငံသူ
နိုင်ငံသားများရဲ့အသံကို နားထောင်ချင်ပါတယ်” ဟု ဒေါ်အောင်ဆန်းစုကြည်က ပြောကြားခဲ့သည်။
ထို့နောက် မိုးများသည်းထန်စွာ ရွာသွန်းခဲ့သည့်
အခြေအနေကြောင့် ပြင်ပတွင် ရောက်ရှိနေသည့် လုပ်သားများနှင့်
တွေ့ဆုံနိုင်ခြင်းမရှိခဲ့ဘဲ မှန်ပြတင်းတံခါးမှသာ ကြည့်ရှုနိုင်ခဲ့သည်။
ထို့ပြင် မြန်မာလုပ်သားများအတွက် တာဝန်ယူပါတယ်ဟူသော
စကားအားပြောကြားခဲ့ပြီး နောက်တစ်ရက်တွင် ထိုင်းနိုင်ငံရောက် မြန်မာလုပ်သားများကို
ကူညီဆောင်ရွက်နေသည့် အဖွဲ့အစည်း ၁၃ ဖွဲ့ နှင့် တွေ့ဆုံခဲ့ပြီး လိုအပ်ချက်များကို
နားထောင်ခဲ့သည်။
သို့သော် တစ်နှစ်ကျော်ကြာလာသည့် အချိန်တွင်
ထူးခြားသော ပြောင်းလဲမှု မတွေ့ရှိရသေးကြောင်း ထိုင်းနိုင်ငံရောက် မြန်မာလုပ်သားများနှင့်
လူမှုအဖွဲ့အစည်းအချို့က သုံးသပ်ပြောကြားသည်။
“သိပ်တော့ မမြင်မိဘူး။ ဖိနှိပ်ဆဲပဲ။ အရင်လို
အရစ်ခံနေဆဲပဲ။ ကျန်းမာရေးကဏ္ဍလည်း မပြောင်းလဲသေးပါဘူး” ဟု ကိုအောင်ခန့်က
ပြောကြားသည်။
“ထိုင်းနိုင်ငံက ဥပဒေပြဋ္ဌာန်းတယ်ဆိုရင်
နိုင်ငံတစ်နိုင်ငံက ၀င်စွက်ဖက်လို့မရဘူးဆိုတာ နားလည်တယ်။ သို့သော်
ထိုင်းနိုင်ငံမှာရှိတဲ့ အလုပ်သမား သုံးလေးသန်း အရေအတွက်ကို
ဒေါ်အောင်ဆန်းစုကြည် ၂၅ ရက်ခြောက်လပိုင်း ၂၀၁၆ တုန်းက ပြောသွားတာက
နိုင်ငံခြားမှာရှိတဲ့ သံရုံးတိုင်းသည် ပြည်ပကိုရောက်နေတဲ့ လုပ်သားတွေကို မိဘသဖွယ်
ပြုစုစောင့်ရှောက်ရမယ်ဆိုပြီး ပြောသွားတယ်။ ဆိုတော့ ကျွန်တော်ပြောချင်တာက
အလုပ်သမားတွေကို ဒါမျိုးဖြစ်ခဲ့လို့ လုပ်လို့မရဘူးဆိုတာကို လက်ခံတယ်။ . . . . .
ဒေါ်အောင်ဆန်းစုကြည်ကို Proposal သုံးခုပေးခဲ့တယ်။ နံပါတ်တစ်က နိုင်ငံတကာအဆင့်မီ ID
ကတ်ကိုလုပ်ပေးပါ။ ဒုတိယ Proposal ထိုင်းနိုင်ငံမှာ အလုပ်သမားတွေကို
အကူအညီပေးဖို့အတွက် ရှေ့နေရယ်၊ လူကုန်တားရယ်။ အလုပ်သမားကိစ္စကို ဆောင်ရွက်နိုင်တဲ့
လူရယ်လွှတ်ပေးပါ။ ဒီမှာ အလုပ်သမားအရေးတွေ ဆောင်ရွက်နေတဲ့အဖွဲ့တွေနဲ့ပူးပေါင်းပြီး
ရုံးဖွင့်ပြီးတော့ ကူညီပေးဖို့ ပြောထားတယ်။ နောက်တစ်ချက်က MoU ၊ အဲဒါက
တရားဝင်လူမှောင်ခိုကူးတဲ့ လက်မှတ်၊ ဒီစကားကြမ်းတမ်းတယ်ဆိုရင်
နားလည်ခွင့်လွှတ်ပေးပါ။ ဘာကြောင့်လဲဆိုရင် အလုပ်သမားခေါ်စာကို အကြောင်းပြပြီး
လူတွေကုန်ကူးနေတယ်။ ကျွန်တော်တစ်ခု ပြောပါမယ်။ အခု အလုပ်သမားဝန်ကြီးတွေလည်း ပါတယ်။
ဦးလေးတို့အနေနဲ့ သိပ်မှန်ကန်တယ်။ သိပ်ကောင်းတယ်ထင်ရင် ကြိုက်တဲ့အလုပ်ရုံကို
ကြိုက်တဲ့မီဒီယာရှေ့မှာ ခေါ်ပြပါ။ အလုပ်သမားရဲ့ အလုပ်ခေါ်စာမှာပါတဲ့ အလုပ်ရှင်နဲ့
တကယ်အပြင်မှာရှိတဲ့ အလုပ်ရှင် လွဲနေမယ်။ အဲဒါကို ဘယ်လိုပြုပြင်နိုင်မလဲဆိုတာနဲ့
ပတ်သက်ပြီးလည်း ပြောခဲ့တယ်။ MoU ကို အကျင့်ပျက် ၀န်ထမ်းတွေနဲ့ ပွဲစားတွေရဲ့ လက်ထဲက
လွတ်ဖို့နဲ့ အစိုးရလည်း သိက္ခာတက်မယ်၊ အလုပ်သမားလည်း အကျိုးရှိမယ်ဆိုရင်
ရပ်ကျေးရယ်၊ အလည ( အလုပ်သမားညွှန်ကြားမှု ဦးစီးဌာန)၊ ဘဏ်ကို ချိတ်ဆက်လုပ်ကိုင်ဖို့
ပြောခဲ့တယ်။ မြန်မာနိုင်ငံမှာနေတဲ့ အလုပ်သမားတစ်ယောက်က ထိုင်းမှာအလုပ်လုပ်ဖို့
စီစဉ်တယ်ဆိုရင် ရပ်ကွက်ထောက်ခံစာယူ၊ ပြီးရင် အလညကိုသွား၊ အလညက ဘဏ်နဲ့ချိတ်ထားရင်
အလုပ်သမားအတွက် ချေးငွေရအောင်လုပ်ပေး၊ အလုပ်သမားက ဟိုကိုရောက်သွားပြီဆိုရင်
အကြွေးတွေနဲ့ မိသားစုကို ငွေလွှဲဖို့ သူချိတ်ထားတဲ့ ဘဏ်ကနေ ငွေလွှဲ။ အဲဒီပုံစံဆိုရင်
နိုင်ငံတော်လည်း အခွန်ရမှာ ဖြစ်သလို အလုပ်သမားအတွက်လည်း အကာအကွယ်ရနိုင်တယ်။ အလုပ်သမားတစ်ခုခုဖြစ်လို့ဘယ်
လိပ်စာဆိုတာကို တန်းခနဲ စုံစမ်းလို့ရတယ်” ဟု ထိုင်းနိုင်ငံရောက်
မြန်မာနိုင်ငံသားများအဖွဲ့မှ ဦးကျော်သောင်းက ပြောကြားသည်။
“အဲဒီတုန်းကတွေ့တာ ၁၃ ဖွဲ့ ပေါ့။ ကိုထူးချစ်တို့၊
ကိုမိုးကြိုးတို့၊ အများကြီးပဲ။ သူတို့ဆိုရင် ကျောင်းကိစ္စတွေပြောထားတယ်။ ဘာတွေ
အကောင်အထည်ပေါ်သလဲ မေးရင်မနေ့က ( ဇွန် ၂၇ ရက်) သူတို့ ကျောင်းက ကျောင်းဆရာတွေတောင်
အဖမ်းခံရလို့ ကျောင်းသားတွေကို သင်ပေးမယ့် ဆရာမရှိဘူးလေ” ဟု ၎င်းက ဆက်လက်ပြောကြားသည်။
မဟာချိုင်တွင် မြန်မာလုပ်သားများနှင့် တွေ့ဆုံခဲ့သည့်
အချိန်တွင် မိုးများသည်းထန်စွာရွာသွန်း ခဲ့သော်လည်း ပြည်သူလူထုကို ပြတင်းပေါက်မှ
ကြည့်ရှုခဲ့သည့် ဒေါ်အောင်ဆန်းစုကြည်အား မြန်မာလုပ်သားများက မျှော်လင့်ခဲ့ကြသည်။
“အစိုးရတွေ တက်တိုင်းပြောင်းလဲတိုင်း
ဒီလိုလာကြည့်တဲ့ ခေါင်းဆောင်ကတော့ မရှိခဲ့ဘူး။ ထိုင်းမှာနေလာတာ ၁၀
နှစ်ကျော်ပါပြီ။ အဲဒီလိုလူမျိုးတော့ မရှိခဲ့ဘူး။ အပြောင်းအလဲအတွက်လည်း
မဲပေးခဲ့တာပဲလေ။ အခုထိတော့ တစ်နှစ်ကျော်သွားပြီ။ ပြောခဲ့တာတွေ မဟာချိုင်က
မိုးနဲ့မပါသွားပါစေနဲ့လို့ မျှော်လင့်တယ်” ဟု ဒေါ်အောင်ဆန်းစုကြည်၏
လူထုတွေ့ဆုံပွဲတွင် ပြင်ပမှ စောင့်မျှော်ခဲ့သူ ဧရာဝတီတိုင်းဒေသကြီးမှ မအေးအေးမာက
ပြောကြားသည်။
Writer:
■ ဇော်မင်းနိုင်