ရက်စွဲ။ ။ ၂၀၁၆ ခု အောက်တိုဘာလ ၂၆ ရက်
"နိုင်ငံတော်အတိုင်ပင်ခံ ပုဂ္ဂိုလ် အမေ ဒေါ်အောင်ဆန်းစုကြည်
ထံသို့ အိပ်ဖွင့်ပေးစာ (၁)"
သို့
အမေ ဒေါ်အောင်ဆန်းစုကြည်
အကြောင်းအရာ။ ။ ရွှေ့ပြောင်းအလုပ်သမားများအပေါ်မလျှော်သြဇာသုံး၍ခေါင်းပုံဖြတ်အမြတ်ကြီးစားခဲ့သည့် လုပ်ရပ်/ ဖြစ်ရပ်မှန်ပေါ်ပေါက်စေနိုင်ရေးအတွက် တင်ပြခြင်း။
မြန်မာနိုင်ငံတော်တွင် ပြည်ပနိုင်ငံများမှထုတ်လုပ်သည့်
အူရီဒူးနှင့် တယ်လီနော့ဆင်းမ်ကဒ်၂ခုကိုသာ ပြည်ထောင် စုသမ္မတမြန်မာနိုငံတော်အစိုးရက လက်ရှိအချိန်အထိတရားဝင်ခွင့်ပြုထားသကဲ့သို့၊
မြန်မာအစိုးရ အာမခံ လုပ်ငန်းနှင့် ဂျပန်နိုင်ငံ၏အသက် အာမခံလုပ်ငန်း Taiyo Life
Insurance ကုမ္ပဏီတို့ ပူးပေါင်းဆောင် ရွက်ရန်နား လည်မှု စာချွန်လွှာ MOU ကို၂၀၁၆ ခု အောက်တိုဘာ
၆ ရက်နေ့ကလက်မှတ်ရေးထိုးခဲ့ခြင်းမှာ ပထမဦးဆုံးဖြစ်ကြောင်း ပြည်တွင်းထုတ်သတင်းစာတွင်ဖေါ်ပြခဲ့ပါသည်။
ယခုတင်ပြမည့်ဖြစ်စဉ်တွင်ဆက်သွယ်ရေးလိုင်စင်နှင့်
အာမခံလုပ်ငန်းလိုင်စဉ်တစ်စုံတစ်ရာမရှိပဲ မြန်မာအလုပ်
သမားဝန်ကြီးဌာနအမြဲတမ်းအတွင်းဝန်က ညွန်ကြားခွင့်ပြု၍ ပြည်ပအလုပ်အကိုင်ရှာဖွေရေးလုပ်ငန်းရှင်များအဖွဲ့ချုပ်
MOEAF မှ တာဝန်ရှိသူတို့သည် ထိုင်းနှင့်မလေးရှားနိုင်ငံတို့သို့ထွက်ခွာ၍အလုပ်လုပ်ကြမည့် မြန်မာရွှေ့ပြောင်း အလုပ်သမားများကို ထိုင်းနိုင်ငံမှထုတ်လုပ်သည့် မင်္ဂလာဆင်းမ်ကဒ် Sim Card ကိုကျပ်ငွေ ၃၀၀၀ (သို့) ဘတ်ငွေ ၁၀၀ နှင့် မလေးရှားနိုင်ငံမှ ထုတ်လုပ်သည့် Tone Plus ဆင်းကဒ်တစ်ခုကို
ကျပ်ငွေ ၃၀၀၀နုန်းအပြင် ထိုင်းနိုင်သို့ ထွက်ခွာအလုပ်လုပ်ကြမည့်အလုပ်သမားများကိုအသက်အာမခံဟုဆိုကာ
ဘတ်ငွေ ၅၀၀(သို့)ကျပ်ငွေ ၁၅၀၀၀နုန်း စီ ကောက်ခံ ခြင်းတို့ကို ရန်ကုန်မြို့မြောက်ဒဂုံပင်လုံခန်းမနှင့်မြ၀တီမြို့ကျောက်လုံးကြီးစခန်းတို့တွင်
၂၀၁၄ ခုနှစ် ကတည်းကစတင် ရောင်းချခဲ့ကြပါသည်။
အမြဲတမ်းအတွင်းဝန်ကညွန်ကြားထားသဖြင့်
၎င်းမလေးရှားSim Card နှင့်ဖုန်းငွေဖြည့်ကဒ်များကို မ၀ယ်ယူ ပါက ထိုင်းနှင့်မလေးရှားထွက်ခွါမည့်အလုပ်သမားများအားအလုပ်သမားသက်သေခံကဒ်ပြား(Smart
Card)ထုတ် မပေးပါ။ မလွဲသာ၍၀ယ်ယူခဲ့ကြရသော်လည်း ၄င်းတို့ရောင်းချခဲ့သောမလေးရှားဆင်းမ်ကဒ်များမှာ
မလေးရှားနိုင်ငံ သို့ ရောက်ရှိသွားသောလုပ်သားများအတွက် သုံးစွဲရန်များစွာအခက်အခဲရှိခြင်း၊
ဖုန်းခေါ်ဆို၍မရကြောင်း အလုပ် သမားများပြော ကြားချက်အရသိရှိရပါသည်။
ကျွန်တော်သည် ယခုဖြစ်စဉ်တို့ကို ရန်ကုန်မြို့တွင်၂ကြိမ်တိုင်တိုင်သတင်းစာရှင်းလင်းပွဲတွင်
တင်ပြဖူးပါသည်။ သို့ရာတွင် အလုပ်သမားညွှန်ကြားရေးဦးစီးဌာနညွှန်ကြားရေးမှုးချုပ် နှင့်
MOEAF မှတာဝန်ရှိသူများသည် လုပ်သား များအတွက်အမှန်တကယ်အကျိုးရှိ/မရှိကိုမဆန်းစစ်ပဲ
လုပ်ပိုင်ခွင့်ကိုတလွဲအသုံးချ၍ MOU ထိုးကာ လုပ်ဆောင် ခဲ့ခြင်းညွှန်ကြားချက်ထုတ်၍ မ၀ယ်မနေရသတ်မှတ်ခဲ့ခြင်းမှာ
အဂတိလိုက်စားခြင်းနှင့် အလုပ်သမားများအပေါ်တွင် လူပို့ပွဲစားများနှင့်ပူးပေါင်၍ ကိုယ်ကျိုးရှာခြင်သာဖြစ်ပါသည်။
ထို့ကြောင့် အလုပ်သမားအရေးကူညီဆောင်ရွက်ပေးနေသူတစ်ဦးအနေဖြင့်
အလုပ်သမားများအပေါ် မတရား ခေါင်းပုံဖြတ်ခံနေရမှုကို ဥပဒေအတိုင်းအရေုးုယူဆောင်ရွက်နိုင်ရန်အတွက်
အောက်တိုဘာလ
(၇)ရက် နေ့က ဒဂုံမြို့ သစ်(မြောက်ပိုင်း)ရဲစခန်းတွင် ပ/၁၆၄၆ ဆက်သွယ်ရေးပုဒ်မ ( ၆၅
) ဖြင့်လည်းကောင်း ပ/ ၁၆၄၅ မြန်မာ့အာမခံ လုပ် ငန်းဥပဒေပုဒ်မ (၂၅ ) ဖြင့်လည်းကောင်း
အမှုဖွင့်တိုင်ကြားထားခဲ့ပါသည်။
ယခုအခါ တရားလိုထွက်ဆိုချက်များပြီးမြောက်ပြီးဖြစ်ပါသဖြင့် အမှန်တရားပေါ်ပေါက်ရေးအတွက် မြောက်ဒဂုံ ရဲစခန်းမှ
ရဲလုပ်ထုံးလုပ်နည်းများနှင့်အညီ ဆောင်ရွက်နေကြောင်းလည်းသိရှိရပါသည်။ သို့ရာတွင် ယခုအမှုကိစ္စနှင့် ပါတ်သက်၍မလျှော်သြဇာများသုံး၍ အမှုကိုလာရောက်မေးမြန်းခြင်းများရှိနေကြောင်းကြားသိရပါသည်။
အထောက် အထားများရရှိနိုင်ရန် ကျွန်တော်တို့ကြိုးစားနေကြဆဲဖြစ်ပါသည်။ ခိုင်မာသည့်အထောက်အထားရရှိပါက
ဆက်လက် ဖေါ်ထုတ်အစီရင်ခံပါမည်။
ပြည်သူကိုဗဟိုပြုသော NLDအစိုးရလက်ထက်တွင် ပြည်သူနစ်နာအောင်ဆောင်ရွက်နေမှု၊မတရားမှု
များအား လူထုခေါင်းဆောင်၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်
ထံသို့တိုက်ရိုက်တိုင်ကြား နိုင်ရန်လမ်းဖွင့် ပေးထားသည့်အတွက်အလွန်ဝမ်းမြောက်ဂုဏ်ယူပါသည်။ ထို့အပြင် ဒေါ်အောင်ဆန်းစုကြည် ထိုင်းနိုင်ငံသို့ကြွရောက်လာခဲ့စဉ်က
မြန်မာသံရုံးထဲတွင်ကျင်းပသည့်အစည်းဝေး၌ အလုပ်သမားများအပေါ်တွင် မတရားခေါင်းပုံဖြတ်အမြတ်ကြီးစားနေကြသောဘယ်သို့သောပုဂ္ဂိုလ်၊မည်သို့သောအဖွဲ့အစည်းဖြစ်ပါစေ
ပြည်တွင်းပြည်ပ ဥပဒေအရထိထိရောက် ရောက်ပြင်းပြင်းထန်ထန်အရေးယူဆောင်ရွက်သွားမည်ဖြစ်ကြောင်းထုတ်ဖေါ်
ပြောဆိုခဲ့ခြင်းမှာ အဖိနှိပ်ခံရွှေ့ပြောင်း အလုပ်သမားများအတွက် အလွန်ကြီးမားသော ခွန်အားတစ်ရပ်ဖြစ်စေခဲ့ပါသည်။
သို့ဖြစ်ပါ၍ အလုပ်သမားလူတန်းစားများအပေါ်တွင် တိုင်းတပါးမှထုတ်လုပ်သည့် တရားမ၀င် ဆင်းကဒ်များနှင့်
အာမခံရောင်းချခဲ့ခြင်းကိစ္စရပ်အား တရားဥပဒေအရအရေးယူဆောင်ရွက်နေခြင်းအား
အလေးစောင့်ကြည့်ေ ပး ပါရန် လေးစားစွာအသိပေးတင်ပြ အစီရင်ခံအပ်ပါသည်။ ။
လေးစားစွာဖြင့်
ကျော်သောင်း
အမှုဆောင်ဒါရိုက်တာ
ထိုင်းနိုင်ငံရောက်မြန်မာနိုင်ငံသားများအဖွဲ့