...........................................................................................................................
2016 သြဂုတ်လ ၂၉ ရက်နေ့ထုတ် မြန်မာပို့စ်အပတ်စဉ်ဂျာနယ်တွင်ဖေါ်ပြခဲ့တဲ့ ဆောင်းပါးကို အွန်လိုင်း ပရိတ်သတ်များအတွက် ကူးယူဖေါ်ပြအပ်ပါတယ်။
ထိုင်းနိုင်ငံမှာ ဆယ်စုနှစ်ကျော်ကြာနေထိုင်အလုပ်လုပ်ကိုင်နေရာကနှစ်ပေါင်းများစွာခွဲခွာခဲ့ရတဲ့
အမိ မြန်မာနိုင်ငံကို ခေတ္တအလည်သွားခဲ့တယ်။ ဘန်ကောက်မြို့ မော်ချစ်ကားဂိတ်မှ ညနေ ၈နာရီမှာထွက်လာ ခဲ့တဲ့ကား
ဟာ နံနက် ၆နာရီထိုးတာနဲ့ မြ၀တီချစ်ကြည်ရေးဂိတ်ပေါက်ကိုရောက်ရှိခဲ့တယ်။
ထိုင်းနိုင်ငံမြို့တော်ဘန်ကောက်
ရဲ့ ရှုမငြိမ်းစရာမီးအလှတွေနဲ့ ကားလမ်းတလျှောက်လုံး လမ်းလယ်ခေါင် မှာ ဥယျာဉ်ပန်းမန် မီးအလှတွေနဲ့ဆင်မြန်းထားတာများ ပန်းခြံတစ်ခုကို အပျော်ခရီးထွက်သလိုခံစားရတယ်။ ကားပေါ်မှာ ၀န်ဆောင်မှုဆိုရင်လည်း မုန့်၊ နို့ဗူး၊
အချိုရည်ဗူးတိုက်ကျွေးတယ်။ လေအေးပေးစက်အေးရင်ခြုံဖို့ သန့်ရှင်းတဲ့ခြုံထည်ကိုပေးထားတယ်။
မအိပ်ခင်စပ်ကြားမှာ ဗွီဒီယိုပြသထားသေးတယ်။ထိုင်းခုံကိုနောက်လှန် လို့ရသလို အညောင်းပြေစေဖို့
နှိပ်ပေးတဲ့ ခလုပ်ကလေးတောင်ပါသေးတယ်ဗျာ။ ဘန်ကောက် မဲဆောက် ကီလီမီတာ လေးရာကျော်မှာ
ဂျိုင်းခွက်ကလေး တစ်ခုမရှိ ကားတစ်ချက်မခုန်ပဲ ညိမ့်ညောင်းစွာနဲ့ ညလာခဲ့ ရတဲ့ခရီးသွားပြည်သူစိတ်ချမ်းသာကြရတာပေါ့။
“နှစ်ပေါင်း၃၀
လုပ်ရပ် ပြောင်းလဲသင့်ပါပြီ”
လောကနိယာမ အဆိုးအကောင်း အဖြူမဲ ဒွန်တွဲစမြဲမို့
စိတ်အနှောက်ဖြစ်စရာတော့ရှိတာပ။ အဲဒါက လူ လုပ်တဲ့ပြဿ နာတွေပဲ။ မိုးလင်းခါနီ မဲဆောက်တောင်ပေါ်ရောက်တာနဲ့
ခရီးသွားလာခွင့်စာရွက် စာတမ်းတွေ ကို ဂိတ်တွေမှာ ပြကြရတယ်။ မပြည့်စုံသူတွေကို ချန်ထားခဲ့ရပြီး
ခရီးဆက်ခဲ့ကြရတယ်။ ဂိတ်ချတောင်းစားနေကြ တာတွေကတော့
မဲဆောက် မြ၀တီချစ်ကြည်ရေးတံတားအနီးထိပါပဲ။ လ၀ကနဲ့ လုံခြုံရေးဥပဒေကြောင်းအရ ခရီးသွားလာခွင့်စာရွက်စာတမ်းမပြည့်စုံသူတွေကို
အရေးယူဆောင်ရွက်တာကို အပြစ်မပြော လိုပေမယ့် မြန်မာမြင်ရင် ငွေတောင်းလို့ရတယ်ဆိုတဲ့
အောက်ခြေ ပုလိပ်တွေရဲ့လုပ်ရပ်တွေ က အတင့်ရဲ လွန်းတာကိုတော့ စိတ် မသက်မသာဖြစ်ရတယ်။ ဒါက
ထိုင်းနိုင်ငံအတွင်းက အဖြစ်သနစ်။
မဲဆောက် မရောက်ခင် ခွေးလျားဦးဂိတ်မှာ စာရွက်စာတမ်းမပြည့်စုံတဲ့
အိမ်ပြန်မြန်မာတွေကို ထိုင်း လ၀ က ကိုးသုံးလုံးဂိတ်ဟောင်း
(နယ်ခြားစောင့်တပ်) ကိုပို့ပါတယ်။ အဲဒီမှာ အလုပ်သမားတစ်ယောက်ကို ဘတ်ငွေ ၁,၇၀၀ ထက်မနည်းပေးရပြီး
မြန်မာတွေနားမလည်တဲ့ ကရင်သီချင်းခွေတစ်ခုကို ဘတ်ငွေ ၁၀၀ လက်ဝှေ့ခွေ တစ်ခွေကို ဘတ်၁၀၀
နဲ့ ၀ယ်ပြီးမှ အဲဒီဂိတ်ဟောင်းထဲက မြန်မာတွေထွက်ခွာခွင့်ပြုပါတယ်။
ထိုင်းနိုင်ငံမှာအလုပ်ကလည်းအဆင်မပြေ၊ပုလိပ်ဖမ်းလို့လက်ချီးဗမာလာခဲ့ရတဲ့ မြန်မာအလုပ်သမားတွေ မှာ ကိုးသုံးလုံးဂိတ်ထဲမှာ ပေးမယ့် ကျပ်ငွေ
တစ်သိန်းနီးပါးကို မိဘဆွေမျိုးသူငယ်ချင်းတွေဆီကိုမှာ ရတယ်။ ငွေမပို့ ပေးနိုင်သူတွေကိုတော့
ဂိတ်တာဝန်ရှိသူတွေက စိုက်ခင်းတွေမှာ ခိုင်းစေတာရှိသလို ထိုင်းငါးဖမ်းေ လှတွေကို ပြန်
လည်ရောင်းချတာလည်းရှိပါတယ်။ ဒီဂိတ်ထဲမှာရောအပြင်မှာပါ ထိုင်းငါးဖမ်းလှေကိုပို့တဲ့ ပွဲစားတွေက
အရံသင့်ရှိနေတာပါ။
ဒုက္ခရောက်လို့ ပြည်နှင်ဒဏ်ခံရတဲ့ ရွှေ့ပြောင်းအလုပ်သမားတွေရဲ့
သောကမျက်ရည်တွေနဲ့ တိုက်တွေဆောက် ကားတွေစီးပြီးရွှေတွေဝတ်ခဲ့တာ မဲဆောက်နဲ့မြ၀တီနယ်စပ်မှာ
နှစ်ပေါင်း၃၀ကြာခဲ့ပါပြီ။
“သွားလာလှုပ်ရှား
သတိပြုစရာများ”
ထိုင်းနိုင်ငံအနှံ့အပြားက နေ့စဉ်နေ့တိုင်း
မြန်မာပြည်ကို အသွားအပြန် ထောင်ချီရှိပါတယ်။
ထိုင်းနဲ့ နိုင်ငံခြားသားကမ္ဘာလှည့်ခရီးသည်တွေတွေထက်ပဏာမပိုများပါတယ်။ စစ်ဆေးရေးဂိတ်တွေမှာ
သိပ်မသိ သာလှပေမယ့် မြ၀တီမဲဆောက်ချစ်ကြည်ရေးတံတားမှာဆုံရပ်မို့ တစ်စုတစ်ဝေးတည်းမြင်တွေ့ရပါတယ်။ ထိုင်းဘက် ကမြန်မာဘက်သို့လာကြတဲ့
မြန်မာအလုပ်သမားအတော်များများတို့မှာ အနည်းနဲ့အများဆိုသလို ထိုင်းနိုင်ငံသုံး ဘတ်ငွေပါလာတတ်စမြဲဖြစ်ပါတယ်။
ဒါ့အပြင် ပြန်လည်ဝင်ရောက်ခွင့်ဗီဇာ RR-ENTERY တံဆိပ်တုံးထုတဲ့ကိစ္စ ရပ်တွေပါလာတတ်စမြဲဖြစ်ပါတယ်။
အထူးသဖြင့် မိမိသွားလိုတဲ့ အရပ်ဒေသကိုေ ရာက် ဖို့ ဘယ်ကားကိုစီးရမယ်ဆိုတာ မသိခြင်းပြဿ နာပဲဖြစ်ပါတယ်။
ကားကြိုပွဲစားတွေက အထုတ်အပိုးတွေကို အလုယက်ဆွဲယူကြပါတယ်။
မအူမလည်သူတွေနဲ့အမျိုး သမီးတွေကို ငွေလဲပေးမယ်။ ဗီဇာထုပေးမယ်၊ ကားလက်မှတ်ပါ အဆင်သင့်ဝယ်ပေးဆိုပြီး
မဲဆောက်ဘက် အခြမ်းမှာ ရော မြ၀တီဘက်အခြမ်းမှာပါ ပစ္စည်းကိုလုယူရုံသာမက လူကိုပါ အဓမ္မပြုကျင့်တာတွေမကြာ ကြာပေါ်ပေါက် တတ်ပါတယ်။ အူတူတူ အတတတွေဆိုရင် ပတ်စပို့ကို ပုလိပ်ယူသွားလို့ ပြန်ရွေးရမယ်။
ဘတ်တစ်ထောင်ပေးမှ ပြန်ရမယ်ဆိုတာမျိုးတွေပါ အနိုင်ကျင့်တတ်တယ်။ အထုတ်တွေရော ပတ်စပို့ကိုပါ ယူပြီးထွက်ပြေးတာကိုလည်း
မကြာမကြာခံနေကြရဆဲဖြစ်တယ်။
ရုပ်အပျက်ဆုံးတစ်ခုကတော့ ဗိုက်ဖေါက်လို့ ခေါ်တဲ့
ငွေလဲတဲ့အခါ မျက်လှည့်ပြတဲ့ လိမ်လည်မှုပါပဲ။ ကြည့်နေရင်းက ငွေထုတ်လဲလိုက်တာကို မသိလိုက်အောင်
လျှင်မြန်ကြပါတယ်။ မြ၀တီအာဏာပိုင်တွေ မကြာကြာ
ဖမ်းဆီးနှိမ်နင်းပေမယ့် ဗိုက်ဖေါက်ကကတော့ ယခုတိုင် အလုပ်ဖြစ်တုန်းပဲဖြစ် တယ်။
နိုင်ငံတော်အစိုးရ ဒါမှ မဟုတ် ပုဂ္ဂလိကဘဏ်တစ်ခုခုတို့က
မြ၀တီချစ်ကြည်ရေး ဂိတ်နားမှာ ကျယ် ကျယ်ပြန့်ပြန့် မြန်မြန်ဆန်ဆန်ငွေလဲ လှယ်ပေးဖို့ကောင်းပါတယ်။
“မြ၀တီရပ်တည်မှု”
ငယ်ငယ်တုန်းကပထ၀ီဝင်ဘာသာမှာသင်ကြားခဲ့ရတယ်။ဘုရားသုံးဆူတောင်ကြားလမ်း၊ ဒေါန
တောင်ကြားလမ်း၊ ဟူကောင်းတောင်ကြားလမ်း။
အရှေ့ ရိုးမ၊ အလယ်ရိုးမ၊ အနောက်ရိုးမ။ မြေပြန့်လွင်ပြင် ဧရာဝတီ၊ ချင်းတွင်း၊ ဒုထ္တာဝတီ၊သံလွင်၊
စစ်တောင်း၊ မြ၀တီ၊မောင်တော၊ မူဆယ်၊ကျယ်ဂေါင်၊ ကော့သောင်း၊ ဘုရားသုံးဆုံး နေရာအနှံ့
ရောက်ခဲ့ဖူးပြီ။ ခုရောက်နေတာက ဒေါနတောင်ခြေရင်းက
မြ၀တီ။ ကရင်တိုင်း ရင်းသားတို့မြ၀တီ။ အသက်မွေးမှုဘာလဲ။ လူတွေဘာလုပ်ကြသလဲ။ ဘယ်သူတွေအုပ်ချုပ်တဲ့မြ၀တီလဲ။ မြို့မြ၀တီရဲ့အနာဂတ်လားရာဟာဘာလဲ။တိတိကျကျ ပြောဖို့အတော်ခက်တဲ့ မြ၀တီ။ ပြည်မထဲမှာမြင်ကွင်းနဲ့လုံးဝမတူညီတဲ့မြ၀တီ။
မြ၀တီမှာ မြန်မာစစ်တပ်၊ ကရင်လက်နက်ကိုင်တပ်အစုံအလင်ရှိတယ်။
နယ်ခြားစောင့်တပ်၊ မြန်မာနိုင်ငံ ရဲတပ်ဖွဲ့၊ DKBA စတဲ့လက်နက်ကိုင်မျိုးစုံရှိတယ်။ နယ်စပ်မြို့ဖြစ် တာကြောင့်
တရားမ၀င်လုပ်ငန်းပေါင်းစုံ၊ အရောင်းအ၀ယ်မျိုးစုံရှိတယ်။ မြ၀တီမှာမရတာမရှိ။ ဘယ်သူ့ကို ကြောက် ရမယ်မှန်းမသိ၊
လက်နက်တွေ တကား ကားနဲ့။ အလောင်းကစား၊ မူယစ်ဆေးဝါးနဲ့ ပြည့်တန် ဆာခန်းတွေနေ ရာ အနှံ့အပြားမှာရှိပါတယ်။
မြ၀တီမှာတိုး တက်ပြောင်းလဲသွားတာဆိုလို့တစ်သက်လုံး
ဒေါနတောင်ကြော လမ်းကျဉ်းကို အတက်တစ်ရက် အဆင်းတစ်ရက်သာသွားလာခဲ့ရာကနေ ၂၀၁၄ က
တည်းက ထိုင်းနိုင်ငံ ဘက်ကဖေါက်လုပ်ပေးတဲ့
ကော့ကရိတ် အရောက် ၄လမ်းသွားကားလမ်းပါပဲ။ ဒီလမ်း မှာပဲ မကြာမကြာ ကားမှောက်တာကို လမ်းကျွမ်းကျင်သူ
တွေသုတေသနပြု သင့်ပါပြီလို့အကြံပြုချင်ပါတယ်။
မြ၀တီမှာ စိုက်ပျိုးထုတ်လုပ်တဲ့သီးနှံမရှိပါ။ စက်ရုံအလုပ်ရုံမရှိပါ။ ကိုယ်ပိုင်အတတ်ပညာနဲ့ လူနည်းစု ရပ်တည်နေထိုင်ကြပေမယ့်
အရွယ်ရောက်ပြီးသူတိုင်းကတော့ ထိုင်းနိုင်ငံဘက်ကို လာရောက်အလုပ်လုပ် ကိုင်တာကို အဓိကထားကြပါတယ်။
အရောင်းအ၀ယ်၊ သစ်၊ ကျောက်၊ လူအသုံးအဆောင်အတော်များများ တို့ကိုတော့ လက်နက်ကိုင်တွေနဲ့
နီးစပ်သူတွေကသာလုပ်ကိုင်ကြတယ်။ စားစရာအားလုံးနီးပါးနဲ့ လျှပ်စစ်မီး က အစ ထိုင်းနိုင်ငံမဲဆောက်ဘက်က
ဝယ်ယူသုံးစွဲနေကြတာပါ။
“မြ၀တီမှာကျတဲ့မျက်ရည်”
မြ၀တီဘက်ခြမ်းကိုရောက်ပြီမို့ စိတ်လက်ပေါ့ပါးသွားတယ်။
နံနက် ၈နာရီခွဲပြီ။ လာကြိုတဲ့ မိတ်ဆွေရဲ့ ကားကိုတက်ခါနီးမှာ မိတ်ဆွေက ရုပ်ကနဲ မတ်တပ်ရပ်လိုက်တယ်။
ပတ်ဝန်ကျင်ကိုလှစ်ကနဲ့ကြည့် လိုက်တဲ့ အခါမှာ မြင်မြင်သမျှ မတ်တပ်ရပ်နေတာကိုလည်းသတိပြုမိလိုက်တယ်။
အလိုက်သင့် ကျနော်ကလည်း မတ် တပ်ရပ် သတိဆွဲလိုက်တယ်။ “တရားမျှတလွတ်လပ်ခြင်းနဲ့မသွေ..
ဒို့ပြေ..တို့မြေ.. များလူခပ်သိမ်း ငြိမ်းချမ်းစေဖို့..ခွင်တူညီမျှ..၀ါဒဖြူစင်တဲ့ပြည်..ဒို့မြေ..ဒို့မြေ.. ပြည်ထောင်စုအမွေ..အမြဲတည်တံ့စေ..အဓိဌာန်ပြုပေ..ထိန်းသိမ်းစို့လေ။(ကမ္ဘာမကြေ.. မြန်မာပြည် . .တို့ဘိုးဘွားအမွေစစ်မို့ချစ်မြတ်နိုးပေ)၂ ပြည်ထောင်စုကို အသက်ပေး လို့တို့ကာကွယ်မလေ.. ဒါတို့မြေ
..ဒါတို့ပြည် ..တို့ပိုင်တဲ့မြေ.. တို့ပြေ.. တို့မြေ..အကျိုးကို..ညီညာစွာ..တို့တတွေ..
ထမ်းဆောင်ပါလို့လေ.. တို့တာဝန်ပေ.. အဖိုးတန်မြေ။” .......
ငယ်ငယ်တုန်းက ကျောင်းတက်တိုင်း စာမသင်ခင်
နိုင်ငံတော်အလံကို အလေးပြုပြီး သံပြိုင်သီဆို ခဲ့ရတဲ့
သီချင်း အလွတ်ရနေတယ်။ အဓိပ္ပါယ်ပြည့်စုံလွန်းလို့ ကြက်သီးမွေးညင်းပါထိမိတယ်။ ဒါပေမယ့် အပြည်အစုံ မဆိုခဲ့ရဘူး။ နိုင်ငံတော်သီချင်းရဲ့
ခြေဆင်းအပိုဒ်ဖြစ်တဲ့“ တရားမျှတလွတ်လပ်ခြင်းနဲ့ မသွေ. .ဒို့ပြေ..တို့မြေ..များလူ ခပ်သိမ်း
ငြိမ်းချမ်းစေဖို့..ခွင်တူညီမျှ.. ၀ါဒဖြူစင်တဲ့ပြည်.. ဒို့မြေ.. ဒို့မြေ. . ပြည်ထောင်စုအမွေ..
အမြဲတည်တံ့စေ.. အဓိဌာန်ပြုပေ.. ထိန်းသိမ်းစို့လေ” ကို မသီဆိုခဲ့ရဘူး။
ထားတော့။ အသက်သွေးတွေနဲ စတေးပြီးရယူခဲ့တဲ့
လွတ်လပ်ရေးအသီးအပွင့်ကိုခံစားစေခဲ့တဲ့ ကျက် သရေမင်္ဂလာအဖြာဖြာနဲ့ပြည့်စုံနဲ့နိုင်ငံတော်သီချင်းကိုလူအများနဲ့ အခုလို ဂုဏ်ပြုသီဆိုခွင့်ရတာဟာပထမဦး ဆုံးအတွေ့မကြုံမို့ ၀မ်းသာပိတိဖြစ်လွန်းလို့
မျက်ရည်လည်မိ တယ်။ ထိုင်းနိုင်ငံဘက်မှာမနက်၈နာရီနဲ့ညနေ
၆နာရီထိုးတိုင်း ထိုင်းနိုင်ငံတော်သီချင်းကိုထုတ်လွှင့်တယ်။ ကြားကြားသမျှ ထိုင်းနိုင်ငံသားတိုင်း
အလေးမြတ် ထားပြီး အားလုံးမတ်တပ်ရပ်ပြီး ဂုဏ်ပြုသီဆိုကြတယ်။ ဒီလိုအလေးမြတ်ပြုရကောင်းမှန်းကို
မိမိတို့ အမိနိုင်ငံ မြ၀တီမှာ စတင်ကျင့်သုံးတာ လပိုင်းသာရှိသေးပေမယ့် ဂုဏ်ယူမိတာတော့အမှန်ပဲ။
ငါတို့နိုင်ငံဟာ တိုး တက်တဲ့အိမ်နီးချင်းတိုင်းပြည်က အလေ့အကျင့်ကောင်းတစ်ခုကို နမူနာယူတာ သိပ်ကောင်းတာပဲလို့ ၀မ်းသာမျက်ရည်ကျမိခြင်းပါ။
လာကြိုတဲ့မိတ်ဆွေကာပေါ်တက်ပြီး သန့်ရှင်းသပ်ယပ်တဲ့
လဘက်ရည်ဆိုင်တစ်ခုကိုဝင်ပြီး နံနက်စာ ကော်ဖီနဲ့မုန့်စားသုံးကြဖို့ဝင်လိုက်ကြတယ်။ စာရေးသူဟာ
လက်ကိုင်ဖုန်းကိုဖွင့်ပြီး ၁၆.၈.၂၀၁၆ နံနက် ပိုင်းBBC ရေဒီယိုကိုဖွင့်လိုက်တယ်။ အဲဒီအချိန်မှာ
ဘီဘီစီသတင်းထောက် ဦးအောင်ကျော်ဦးရဲ့ သတင်း တစ်ပုဒ်က “မဲဆောက်မြ၀တီ ထိုင်းမြန်မာကုန်သွယ်ရေးလမ်းကြောင်းကနေ၊
အခုရက်ပိုင်းမှာ ထိုင်းနိုင်ငံက နေ စိုက်ပျိုးရေး ထွက်ကုန်တွေ၊ မြန်မာဘက်ကိုသွားနေတာ
အတော်များနေတယ်ဆိုလို့၊ ချစ်ကြည်ရေး တံတားဖက်ကိုသွားကြည့်ပါအုံးမယ်။ အဂု ကျနော် မဲဆောက်မြို့
က နေ အာရှလမ်းမပေါ် တက်လာတော့၊ အလှစိုက် သစ်ပင်တွေ၊ပန်းပင် တွေတင်ထားတဲ့ကားတွေ၊ မြ၀တီဘက်ကိုသွားဖို့
တန်းစီစောင့် ဆိုင်းနေကြ တာကိုတွေ့ရပါတယ်။ လမ်းရဲ့နောက် တဘက်မှာတော့ အသီးအနှံတွေ ဟင်းသီးဟင်းရွက်တွေတင်ထားတဲ့ ကားတွေလည်း
စီတန်းလျှက်ရှိနေပါတယ်။ ဘာကြောင့် စိုက်ပျိုးရေးထွက်ကုန်တွေ မြန်မာဘက်ကို အသွား များနေ တာလဲ။
ကားဘေးနားမှာရပ်နေတဲ့ ကုန်သည် တစ်ယောက်ကို မေးကြည့်အုံးမှ။
“ညီလေးရေ၊ မြန်မာနိုင်ငံလည်း စိုက်ပျိုးရေးနိုင်ငံပါပဲ။
ဘာဖြစ်လို့ ထိုင်းနိုင်ငံက အသီအနှံတွေ ဟင်းသီးဟင်းရွက်တွေ၊ ဒီလို အလှစိုက်အပင်ပေါက်တွေ၊
မြန်မာနိုင်ငံကိုသွားနေတာလဲ” “စားသောက်ကုန် တို့ ဒူးရင်းသီး တို့၊ ကျွဲကောသီးတို့၊ သရက်သီးတို့၊
နောက်နှင်းဆီပန်းတို့၊ စပါယ်ပန်းတို့၊ ဂန္ဓာပန်းတို့၊သစ်ခွ ပန်းတွေ၊ အလှစိုက် တဲ့အပင်တွေ
ရန်ကုန်ကို တအားတက်တယ်။ သူများနိုင်ငံကနေ ပြန်မှာသုံးရတဲ့ အကြောင်းရင်းကတော့၊ ဘာဖြစ်
လဲဆိုတော့၊ ထိုင်းနိုင်ငံမှာလုပ်ရင် တစ်နေ့ ၃၀၀-ရတယ်၊ ရှိသမျှ။ နိုင်ငံခြား ကိုလာတာများတာပေါ့၊
မြန်မာနိုင်ငံ မှာ ကျဘမ်းအလုပ်သမားတွေနည်းလာတယ်။ ရေကြီးတယ်၊ စိုက်ပင်ေ တွ ဆုံးရှုံးမှုတွေလည်းများလာတယ်ဆို
တော့၊လူတွေကအလုပ်တွေကိုပစ်ပြီးတော့ အခြားနိုင်ငံကို သွားကြ တယ်”ဒါကတော့ ကုန်သည်ပြောသွားတာပါ။
မြန်မာနိုင်ငံ ဘက်ကိုသွားတဲ့ထိုင်းစားသောက်ကုန်တွေကတော့၊
ကြက်ဥ၊ ဘဲဥ၊ မွေးမြူရေးကြက်အရှင်၊ ငါးပုစွန်၊ အေးခဲထားတဲ့ ကြက်သား၊ ကြက်ကလီစာတွေ၊ အချိုမှုန့်
အချိုရည်တွေနဲ့ မုန့်မျိုးစုံတွေကို တွေ့ရပါ တယ်။ ထိုင်းနိုင်ငံက လူသုံးကုန်တွေနဲ့
အ၀တ်အထည်တွေကတော့ မြန်မာဘက်ကို မသွားသလောက်ဖြစ်ေ နပါ တယ်။ ဒါပေမယ့် နိုင်ငံခြားကလာတဲ့
လူသုံးကုန်နဲ့ အ၀တ်အထည်တွေ၊ ဘီယာ၊ ၀ီစကီ အစရှိတဲ့အဖျော် ယမကာ မျိုးစုံနဲ့ နိုင်ငံခြား
စီးကရက်တွေတင်ထားတဲ့ ကုန်တင်နာကုန်သေတ္တာတွေကတော့၊ ထရန်စစ် ဖြတ်ကျော်ခွင့်နဲ့ မြန်မာဘက်ကို
သွားနေပါတယ်။ အာရှလမ်းကနေ ဆက်သွယ်ထားတဲ့ လမ်းသစ်ဘက် မှာတော့၊ လမ်းဘေးဝဲ ယာ ၂ဘက်မှာတော့၊
ဓါတ်ဆီ၊ ဒီဇယ်ဆီတွေတင်ထားတဲ့ကားတွေရပ်ထား ပါတယ်။
ရှေ့နားမှာတော့ကုန်တင်နာ ကုန်သေတ္တာတင်ထားတဲ့ကားတွေရပ်ထားပြီးတော့
လမ်းရဲ့နောက်တဘက် မှာတော့ ဟွန်ဒါမော်တော်ဆိုင်ကယ် အသစ်တွေ တင်ထားတဲ့ နှစ်ထပ်ကားတွေကိုတွေ့ရပါတယ်။
မြန်မာနိုင်ငံကနေ ထိုင်းဘက်ကိုတင်ပို့လာတာတွေ က၊ ထိုင်းနိုင်ငံက ကုန်ချောလုပ်ငန်းအတွက်၊
မြန်မာနိုင်ငံက ၀ါးမျှစ်မျိုးစုံနဲ့၊ဒညင်းသီးတွေ အများဆုံးဖြစ်ပါတယ်။ ထိုင်းနိုင်ငံက
မြန်မာရွှေ့ပြောင်း အလုပ် သမားတွေအတွက် တင်ပို့လာတာတွေက၊ စူပါလဘက်ရည်ထုပ်တွေ၊ ကော်ဖီထုပ်တွေအများဆုံးဖြစ်ပါတယ်။
ပြီးတော့ ခေါက်ဆွဲခြောက်၊ ချိုချဉ်ထုတ်မျိုးစုံ၊ ကိတ်မုန့်ခြောက်တွေ၊မြေပဲ လိပ်တွေနဲ့၊
ငပိ၊ ငါးခြောက်၊ ပုစွန် ခြောက်တွေ၊ ကျားမ၊ ခလေး၊ လူကြီးအ၀တ်အထည်တွေနဲ့၊ တိုင်းရင်းဆေးဝါး
တွေဖြစ်ပါတယ်ခင်ဗျာ။
ဒါဆို မြန်မာတွေစားသောက်နေတာတွေနဲ့အသုံးအဆောင်တွေအကုန်လုံးကို
နိုင်ငံခြားကတင်သွင်း
နေရပြီပေါ့။ ၇၅ရာခိုင်နုန်းစိုက်ပျိုးမြေပိုင်ဆိုင်ထားတဲ့ မြန်မာနိုင်ငံတော်ကြီးက
ထွက်ကုန်က ထိုင်းကိုထွက် အလုပ်လုပ်ဖို့ တန်းစီစောင့်နေတဲ့လူတန်းကြီးပါလားလို့ရင်ထဲမှာ
ဆို့နင်းကြေကွဲရုံမှတပါး။ ။
ထွန်းနေရောင် (စနဲ)