မြန်မာနိုင်ငံသားနှစ်ဦးအမှု အယူခံ ဝင်နိုင်ရေး သက်သေ ၅ ဦး ထွက် ဆိုမည်

 

2016-01-05

ထိုင်းနိုင်ငံမှာ သေဒဏ်ချမှတ်ခံထားရတဲ့ မြန်မာနိုင်ငံသားနှစ်ဦး အယူခံဝင်နိုင်ဖို့အတွက် သက်သေထွက်ဆိုပေးမယ့်သူ ၅ ဦးက မြန်မာသံရုံး အထူးကိုယ်စားလှယ် အဖွဲ့ထံ ဆက်သွယ်ထားတယ်လို့ သိရပါတယ်။

သက်သေထွက်ဆိုပေးမယ့်သူ ၅ဦးထဲမှာ ဗြိတိန်နိုင်ငံသားနှစ်ဦး အသတ်ခံရမှုနဲ့ ပတ်သက်ပြီး ဇာတ်လမ်းအစအဆုံး ကို ပြောပေးနိုင်တဲ့သူတွေပါတယ် လို့ မြန်မာသံရုံး အထူးကိုယ်စားလှယ်အဖွဲ့ဝင် ဦးကျော်သောင်းက ပြောပါတယ်။

လိပ်ကျွန်းလူသတ်မှုဖြစ်စဉ်နှင့်ပတ်သက်ပြီး သိရှိထားသောမြန်မာလုပ်သားများရှိပါက မြန်မာသံရုံး စုံစမ်းစစ်ဆေး ရေးအဖွဲ့နှင့် ပူးပေါင်းပြီး သက်သေထွက်ဆိုပေးစေလိုဟု အဖွဲ့ခေါင်းဆောင် ဦးကျော်သောင်းမေတ္တာရပ်ခံ(ရုပ်သံ)

ထိုင်းနိုင်ငံတောင်ပိုင်း၊ လိပ်ကျွန်းလူသတ်မှုမှာ သေဒဏ်ချမှတ်ခံထားရတဲ့ မြန်မာလုပ်သား နှစ်ဦးနဲ့ပတ်သက်ပြီး အထက်တရားရုံးတွေမှာ အယူခံဝင်ဖို့ အခွင့်အရေးရှိတာကြောင့် အမှုဖြစ်စဉ်ကိုတွေ့ရှိခဲ့တဲ့ အနီးအနားက မြန်မာအလုပ်သမားတွေရှိပါက အမှု မှန်ပေါ်ပေါက်ဖို့အတွက် ပူးပေါင်းဆေင်ရွက်ပေးကြဖို့ မေတ္တာရပ်ခံကြောင်း မြန်မာသံရုံးစုံစမ်းစစ်ဆေးရေးအဖွဲ့ တာဝန်ခံ ဦးကျော်သောင်းကပြောပါတယ်။
အဲ့ဒီအမှုမှာ မြန်မာအလုပ်သမားတွေဖက်ကနေလိုက်ပါဆောင်ရွက်ပေးနေတဲ့ ထိုင်းနိုင်ငံရှေ့နေများကောင်စီက ၂၁ ဦးပါ ကော်မတီဖွဲ့ပြီးဆောင်ရွက်လျက်ရှိသလို တရားရုံးကတစ်လအတွင်း အယူခံဝင်ဖို့အချိန်ကန့်သတ်ချက်မှာနည်းတာကြောင့် အချိန်တိုးပေးဖို့ ထိုင်းရှေ့နေများကောင်စီက မေတ္တာရပ်ခံထားပါတယ်။ ဒီမေတ္တာရပ်ခံချက်ကို တရားရုံးဖက်က အကြမ်းဖျင်းခွင့်ပြုထားတယ်လို့ ဦးကျော်သောင်းကပြောပါတယ်။
Eleven Web TV

လိပ်ကျွန်းအမှု အယူခံဝင်ဖို့ ပြင်ဆင်

ဗြိတိန်နိုင်ငံသား ကမ္ဘာလှည့်ခရီးသည်နှစ်ဦးကို ထိုင်းနိုင်ငံ ကော့တောင် အပန်းဖြေကျွန်းမှာ သတ်ခဲ့တယ်ဆိုတဲ့စွဲချက်နဲ့ သေဒဏ် ချခံထားရတဲ့ မြန်မာနိုင်ငံသားနှစ်ဦးရဲ့ အမှုကို ထိုင်းနိုင်ငံရဲ့ တရားဥပဒေအတိုင်း ဆက်ပြီး အယူခံဝင်သွားနိုင်ဖို့အတွက် ထိုင်းနိုင်ငံ ရှေ့ နေများကောင်စီနဲ့ ဘန်ကောက်မြို့ က မြန်မာသံအမတ်ပါဝင်တဲ့ လိပ်ကျွန်းအမှုအတွက် လိုက်ပါဆောင်ရွက်နေ တဲ့ မြန်မာသံရုံးအထူးကော်မတီတို့ တွေဆုံခဲ့ပြီး သက်သေအထောက်အထား အချက်အလက် စုဆောင်းဖို့ အတွက်ပြင်ဆင်နေကြပါတယ်။ မအေးအေးမာကသတင်းပေးပို့ထားပါတယ် ။

ဗြိတိန်နိုင်ငံသား ကမ္ဘာလှည့်ခရီးသည်နှစ်ဦးကို ထိုင်းနိုင်ငံ ကော့တောင် အပန်းဖြေကျွန်းမှာ သတ်ခဲ့ တယ်ဆိုတဲ့ စွဲချက်နဲ့ သေဒဏ် ချခံထားရတဲ့ မြန်မာနိုင်ငံသား နှစ်ဦးရဲ့  အမှုနဲ့ ပတ်သက်လို့လိပ်ကျွန်း အမှုအတွက် ဖွဲ့စည်းထားတဲ့ မြန်မာသံရုံးအထူးကော်မတီဝင်တွေ နဲ့ ထိုင်းရှေ့နေများကောင်စီနဲ့ တိုင်ပင်ဆွေးနွေးမှုတွေလုပ်ခဲ့အပြီးမှာတော့ မြန်မာသံအမတ်ဦးဝင်းမောင်က ထိုင်းနိုင်ငံရဲ့ တရားဥပဒေ အတိုင်းဆက်ပြီး အယူခံဝင်သွားမယ်လို့ ပြောဆိုသွားပါတယ်။

Thai PBS မှာ ထုတ်လွှင့်သွားတဲ့ အထူးသတင်း

လိပ်ကျွန်းအမှု ပြန်လည်သုံးသပ်ရန် တောင်းဆိုမှု ထိုင်းရဲတပ်ဖွဲ့ ပယ်ချ

ဧရာဝတီ| December 28, 2015 |

လိပ်ကျွန်းအမှု ပြန်လည်သုံးသပ်ပေးရန် တောင်းဆိုမှု ထိုင်းရဲတပ်ဖွဲ့က ပယ်ချလိုက်ကြောင်း Bangkok Post သတင်းတွင် ဖော်ပြထားသည်။ အဆိုပါအမှုတွင် DNA အပါအ၀င် မှုခင်းဆိုင်ရာများ သိပ္ပံနည်းကျ ပွင့်လင်းမြင် သာစွာ နိုင်ငံတကာ အဆင့်မီဆောင်ရွက်ထားခြင်းဖြစ်ကြောင်း ထိုင်းရဲတပ်ဖွဲကပြောသည်။

မြန်မာ ၂ဦး သေဒဏ် ချမှတ်ခြင်းနှင့် ပတ်သက်၍ မြန်မာကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က General Prawit Wongsuwon၊ ထိုင်းဘုရင့်တပ်မတော် ဦးစီးချုပ် General Sommai Kaotira တို့ထံ မြန်မာနိုင်ငံ သား နှစ်ဦးကိစ္စနှင့်ပတ်သက်ပြီး ထိုင်းနိုင်ငံအစိုးရ၏ တရားဥပဒေအရ စီစဉ်ဆောင်ရွက်မှုကို လေးစားပါကြောင်း၊ သို့သော်လည်း သက်သေ အထောက် အထားများ ခိုင်လုံမှု ရှိ/မရှိ ပြန်လည်သုံးသပ် ဆန်းစစ်ပေးစေ လိုကြောင်းတောင်း ဆိုထားသလို မြန်မာသံအမတ် ဦးဝင်းမောင်ကလည်း ပြန်လည်စဉ်းစား သုံးသပ်ရန်တောင်းဆိုထားသည်။

"ကော့စမွေတရားရုံးဆုံးဖြတ်ချက် rfa မှာ ဘယ်သူတွေ ဘာပြောသလဲ"

"လိပ်ကျွန်းလူသတ်မှုတွင် စွဲချက်အတင် ခံထားရသည့် မြန်မာနှစ်ဦးကို လူသတ်မှု၊ မုဒိမ်းမှု အပါဝင် ပုဒ်မ ၇ ခုတို့ အတွက် သေဒဏ်ချမှတ်"

http://news-eleven.com/local/

 Published on Thu, 12/24/2015 - 11:17

(Photo : AFP)

ထိုင်းနိုင်ငံတောင်ပိုင်း၊ ကော့စမွီခရိုင်အတွင်းရှိ လိပ်ကျွန်းတွင် ၂၀၁၄ ခုနှစ် စက်တင်ဘာ ၁၅ ရက်က ဖြစ်ပွားခဲ့သည့် ဗြိတိန်နှစ်ဦး အသတ်ခံရမှုတွင် စွဲချက်အတင်ခံထားရသည့် မြန်မာလုပ်သား နှစ်ဦးဖြစ်သည့် ဇော်လင်းနှင့် ၀င်းဇော်ထွန်းတို့ကို ဒီဇင်ဘာ ၂၄ ရက် (ယနေ့) နံနက်က ကော့စမွီခရိုင် တရားရုံးမှ လူသတ်မှု၊ မုဒိမ်းမှုတို့ အပါဝင်ပုဒ်မ ၇ ခုတို့အတွက် သေဒဏ်ချမှတ်ခဲ့ကြောင်း မြန်မာသံရုံး အထူးအဖွဲ့ထံမှ သတင်းရရှိသည်။

ရွှေ့ပြောင်းမြန်မာလုပ်သား နှစ်ဦးဖြစ်သူ ဇော်လင်းနှင့် ၀င်းဇော်ထွန်းတို့အား လူသတ်မှု၊ မုဒိမ်းမှု၊ တရားမ၀င် နယ်စပ်ဖြတ်ကျော်မှု၊ တရားမ၀င် နေထိုင်မှု၊ ခိုးမှု၊ သက်သေခံပစ္စ့ည်း ထိမ်ချန်မှု အပါအ၀င် အမှု ၇ မှုတို့ဖြင့် စွဲချက်တင်ထားခြင်းဖြစ်ပြီး ဒီဇင်ဘာ ၂၄ ရက် (ယနေ့)နံနက်က ကော့စမွီခရိုင် တရားသူကြီးမှ တစ်နာရီကျော်ကြာ စစ်ချက်အား ဖတ်ကြားပြီးနောက် အမှု ၇ ခုလုံးအတွက် သေဒဏ်ချမှတ်ခဲ့ခြင်းဖြစ်ကာ ၇ ရက်အတွင်း အယူခံခွင့်ရှိသည်ဟု အမိန့်ချမှတ်ခဲ့ကြောင်း မြန်မာသံရုံး အထူးအဖွဲ့မှ ဦးကျော်သောင်းက ပြောကြားသည်။

၎င်းက “ဒီနေ့မနက်မှာပဲ ကော့စမွီခရိုင် တရားရုံးမှာ တရားသူကြီးက မနက် ၉ နာရီခွဲကနေ ၁၀ နာရီခွဲအထိ တစ်နာရီကျော်ကြာ စစ်ချက်တွေကို ဖတ်ပြီးတော့ အမှု ၇ မျိုးအတွက် သေဒဏ် ချမှတ်လိုက်ပါတယ်။ မြန်မာနိုင်ငံ တရားစီရင်ရေး ပုံစံအရဆိုရင် မသေမချင်းသတ်စေ ဆိုတဲ့အမိန့်ပုံစံပါပဲ” ဟု ဒီဇင်ဘာ ၂၄ ရက် နံနက် ၁၀ နာရီခွဲက ပြောကြားသည်။

မျက်မြင်သက်သေ မရှိသည့် ထိုအမှုတွင် မြန်မာလုပ်သား နှစ်ဦးအပေါ် ချမှတ်ခဲ့သည့် ပြစ်ဒဏ်မှာ ပြင်းထန်သည့် အတွက် အယူခံတက်ရောက်ရန် ပြင်ဆင်နေပြီဖြစ်ကြောင်း ဦးကျော်သောင်းက ဆက်လက်ပြောကြားသည်။

“သေဒဏ်ချမှတ်တယ် ဆိုတာက မျက်မြင်သက်သေနဲ့ အထောက်အထား ခိုင်လုံမှ ချလို့ရတာ ဖြစ်တယ်။ အခုအမှုက မျက်မြင်သက်သေလည်း မရှိဘူး။ သက်သေလည်း မခိုင်လုံဘဲနဲ့ သေဒဏ်ချမှတ်တယ် ဆိုတာကတော့ ဘယ်လိုမှ တရားမျှတမှု မရှိဘူး။ ကျွန်တော်တို့ ဒီနေ့ပဲ အယူခံတက်ရောက်ဖို့ ပြင်ဆင်နေပါပြီ။ အခုဆိုရင် ကလေးတွေရဲ့ အမေတွေကလည်း ငိုယိုနေတာပေါ့” ဟု ပြောကြားသည်။

ပြီးခဲ့သည့်တရားခွင် စစ်ဆေးချက်များတွင် စွဲချက်အတင် ခံထားရသူများသည်ကျူးလွန်သည်ဟု မျက်မြင်သက်သေနှင့်တကွ ခိုင်မာသည့် သက်သေပြချက်များ မပေးနိုင်ခဲ့သော်လည်း ကော့စမွီခရိုင် တရားရုံးမှ စွဲချက်တင်ထားသည့် ၇ မှု လုံးအတွက် သေဒဏ်ချမှတ် ခဲ့ခြင်းဖြစ်ပြီး ၇ ရက်အတွင်း အယူခံ တက်ရောက်မည် ဖြစ်ကြောင်း မြန်မာသံရုံး အထူးအဖွဲ့မှ ရှေ့နေဦးအောင်မျိုးသန့်က ပြောကြားသည်။

၎င်းက “အမှုတစ်မျိုးစီအတွက် သီးခြားပြစ်ဒဏ်တွေ ချတာပေါ့။ ဒါပေမယ့် နောက်ဆုံးမှာ ပူးပေါင်းလူသတ်၊ မုဒိမ်းကျင့်တဲ့ ပြစ်ဒဏ်က သေဒဏ် ထိုက်တဲ့အတွက် အားလုံးအတွက် သေဒဏ်ချမှတ်တယ် ဆိုတဲ့သဘောပါပဲ။ ကျွန်တော်တို့ ဘက်က ၇ ရက်အတွင်း အယူခံတက်ရောက်ခွင့်ရှိတော့ အယူခံတက်ရောက်ဖို့ ပြင်မှာပါ” ဟု ပြောကြားသည်။

ထိုလူသတ်မှုနှင့် ပတ်သက်ပြီး တရားခွင်၌ စစ်ဆေးစဉ်ကလည်း သေဆုံးသူဟန်နာ၏ ကိုယ်ပေါ်ရှိ ဒီအန်အေနှင့် စွပ်စွဲခံထားရသူများ၏ ဒီအန်အေတို့ ပြန်လည်တိုက်ဆိုင် စစ်ဆေးမှု ပြုလုပ်ခဲ့ရာတွင် တူညီမှုမရှိကြောင်း ထိုင်းနိုင်ငံ၏ ကျော်ကြားသည့် မှုခင်းဆရာဝန် တစ်ဦးဖြစ်သူ ဒေါက်တာဖွန်တစ်က စက်တင်ဘာလ အတွင်းက တရားခွင်ရုံးချိန်း တစ်ခုတွင် လာရောက်သက်သေပြ ထွက်ဆိုခဲ့ဖူးသည်။

ယနေ့အမိန့်ချမှတ်ခဲ့သည့် ရုံးချိန်းသို့ မြန်မာသံရုံး၊ အင်္ဂလန်သံရုံး ကိုယ်စားလှယ်များ၊ အလုပ်သမားရေး လှုပ်ရှားသူများ၊ ထိုင်းအခြေစိုက် နိုင်ငံတကာ မီဒီယာများမှလည်း လာရောက်သတင်း ရယူခဲ့ကြောင်း သိရသည်။

"မြန်မာနိုင်ငံသားတွေကို ကွင်းလုံးကျွတ် လွှတ်ဖို့ ထိုင်းရှေနေများ အဖွဲ့ တောင်းဆို"

   တရားလို ရှေ့နေ တွေ ဘက်က ကိုင်စွဲ ထားတဲ့ အဓိက အချက် ၃ ချက် စလုံး ကို ပြန်လည် ဖြေရှင်း နိုင်တဲ့ အတွက် စီရင်ချက် ချမှတ် တဲ့ အခါ အဖြေကောင်း ထွက် လာနိုင်တယ်။


ဗြိတိန် နိုင်ငံသား နှစ်ဦး အသတ်ခံရမှုနဲ့ ထိုင်းနိုင်ငံမှာ ဖမ်းဆီး တရားစွဲဆို ခံထားရတဲ့ မြန်မာနိုင်ငံသား နှစ်ဦး ကို အမှုကနေ ကွင်းလုံးလွတ်ကျွတ် လွှတ်ပေးဖို့ ထိုင်းရှေနေများ အဖွဲ့က ကြေညာချက် ထုတ် တောင်းဆို လိုက်ပါတယ်။

အဲဒီ့အမှု ကို ထိုင်းတရားရုံးက အမိန့် ချမှတ်တော့မယ့် ဒီဇင်ဘာ ၂၄ ရက် ကြာသာပတေးနေ့ မတိုင်ခင် အခုလို ကြေညာချက် ထွက်လာတာပါ။

မြန်မာနိုင်ငံသား နှစ်ဦး ဖြစ်တဲ့ ဇော်လင်း နဲ့ ဝင်းဇော်ထွန်း ခေါ် ဝေဖြိုး တို့ဟာ ပြီးခဲ့တဲ့ နှစ် စက်တင်ဘာလ တုန်းက ထိုင်း နိုင်ငံ တောင်ပိုင်း ကော်တောင်ကျွန်းမှာ ဖြစ်ပေါ်ခဲ့တဲ့ ဗြိတိသျှ အမျိုးသမီး Hannah Witheridge ကို အဓမ္မ ပြုကျင့်ပြီး သတ်ဖြတ်မှု၊ ဗြိတိသျှ အမျိုးသား David Miller ကို သတ်ဖြတ်မှု တွေ နဲ့ ဖမ်းဆီး စွဲဆို ခံ နေရတာ ဖြစ်ပါတယ်။

လိပ်ကျွန်းအမှုတွင် မြန်မာနှစ်ဦး လူသတ်မှု၊ မုဒိန်းမှုတို့မှ လွတ်နိုင်ဟုဆို

ထိုင်းနိုင်ငံတောင်ပိုင်း လိပ်ကျွန်း (Koh Tao) အမှုကို ယခုလ ၂၄ ရက်နေ့တွင် အမိန့်ချမှတ်မည်ဖြစ်ပြီး မူလ နှစ်ဘက် စစ်ဆေးချက်များအရ သက်သေခိုင်လုံခြင်းမရှိသဖြင့် ထိုအမှုတွင် မြန်မာ လူငယ်နှစ်ဦး အနေဖြင့် လူသတ်မှု၊ မုဒိမ်းမှုတို့မှ လွတ်မြောက်နိုင်ကြောင်း အဆိုပါအမှုကို လိုက်ပါဆောင်ရွက်ပေးနေ ကြသူများကပြောသည်။

ယင်းအမှုကို လိုက်ပါဆောင်ရွက်ခဲ့ကြသည့် မြန်မာသံရုံးအထူးစုံစမ်းရေး အဖွဲ့မှ ဦးထူးချစ်နှင့် ဦးကျော်သော င်းတို့က ယနေ့ ရန်ကုန်မြို့တွင် သတင်းစာရှင်းလင်းပွဲပြုလုပ်ရာတွင် ပြောဆိုခဲ့ကြခြင်းဖြစ် သည်။ မြန်မာ လူငယ်နှစ်ဦး အနေဖြင့် လူသတ်မှု၊ မုဒိမ်းမှုတို့မှ လွတ်မြောက်နိုင်သော်လည်း ထိုအမှုများနှင့် မသက်ဆိုင် သည့် အသေးအဖွဲ အမှုတချို့ဖြင့် ရင်ဆိုင်ရနိုင်ဖွယ် ရှိကြောင်းလည်း ဦးထူးချစ် က ပြောသည်။ 

ထိုအမှုကို ထိုင်းရဲတပ်ဖွဲ့ စတင်ကိုင်တွယ်ခဲ့စဉ် အလွဲလွဲအချော်ချော် ဖြစ်မှုများအပေါ် ဥပဒေပညာရှင်များက ဝိုင်းဝန်းဝေဖန်မှုများ ပြုလုပ်ကြစဉ်တွင် ထိုင်းနိုင်ငံ ဝန်ကြီးချုပ် ပရာယွတ်ချန်အိုချာက ထိုင်းရဲတပ်ဖွဲ့များ၏ လုပ်ဆောင်မှုအပေါ် ယုံကြည်မှုရှိကြောင်း ရှေ့ထွက်ပြောဆိုခဲ့မှုသည်လည်း မြန်မာလူငယ်နှစ်ဦး၏ ကွင်းလုံးကျွတ်လွတ်မြောက်ရေးအတွက် အဟန့်အတား အချို့ဖြစ်နိုင်ဖွယ် ရှိသည်ဟုလည်းဆိုသည်။
သတင်း၊ ဓာတ်ပုံ - ကျော်ခ၊ ဧရာဝတီ

“လျှို့ဝှက်နက်နဲမှုများနဲ့ကော့တောင်(လိပ်ကျွန်း) လူသတ်မှုကိုဖေါ်ထုတ်တဲ့အခါ”

 "၂၀၁၅ အောက်တိုဘာ ၁၂ တနင်္လာနေ့ထုတ် တို့ခေတ် သတင်းဂျာနယ်တွင် ဖေါ်ပြခဲ့သော ဆောင်းပါးအား အွန်လိုင်းပရိတ်သတ် များအတွက် ကူးယူဖေါ်ပြအပ်ပါသည်"

                   

ဂလိုဘယ်လိုက်ဇေးရှင်း အင်တာနက်ခေတ် ဖေးဘွတ်ပေါ်မှာလွတ်လွတ်လပ်လပ်ရေးချင်တာရေးကြ ၊ ပြချင် ရာပြကြနဲ့ မြိုင်မြိုင်ဆိုင်ဆိုင်ပါပဲ။ လိပ်ကျွန်းလူသတ်မှုကိစ္စနဲ့ ပြည်တွင်း ပြည်ပသတင်း မီဒီယာတွေမှာလည်း ထင်မြင်ယူဆချက်အမျိုးမျိုးကိုရေးနေကြတာတွေကိုသတိပြုမိပါတယ်။ မြန်မာသံရုံးအထူးစုံစမ်းရေးအဖွဲ့ကတွေ့ရှိ ချက်တွေမဟုတ်ပဲ ပြောနေကြဆိုနေကြသူတွေထဲမှာ ထိုင်းလူမျိုးပညာတတ်တစ်ဦးဖြစ်တဲ့ CSLA ဆိုတဲ့ ဆိုရှယ် မီဒီယာတစ်ခုဟာ အချက်အလက်တွေကို လက်ဦးမှုရယူလိုက်နိုင်သူဖြစ်ပါတယ်။ သူကလွဲရင်ကျန် တာ တွေအားလုံးက သံယောင်လိုက်နေကြတာတွေနဲ့ ထင်မြင်ယူဆတာတွေကိုပြောနေ ကြတာသာဖြစ် ပါတယ်။  

  မြန်မာသံရုံးအထူးစုံစမ်းရေးကော်မတီကတော့ CSLA အချက်အလက်တွေအပြင် အခြားသောအချက် အ လက်တွေကိုလည်းရယူရပါတယ်။ ပြဿ     နာဖြစ်ပွားတဲ့နေရာမှာအမာခံကောင်းကောင်းရရှိအောင် စီစဉ်ပြီး အချက်အလက်တွေရနိုင်သမျှ ကြိုးပမ်းခဲ့ပါတယ်။ အဲဒါကြောင့် အွန်လိုင်းပေါ်ကိုမရောက်တဲ့ အချက်အ လက်
ပေါင်းများစွာတို့ကိုလည်းရရှိခဲ့ပါတယ်။ ဒါ့အပြင်လူသတ်မှုဖြစ်ပြီးနောက်ပိုင်း ကော့တောင်(လိပ်ကျွန်း) က ပြန် သွားကြသူတွေအနက် လူသတ်မှုကိုသိရှိသွားတဲ့သူတွေကို မြန်မာပြည်အနှံ့ ခက်ခက်ခဲခဲရှာဖွေ စုံ စမ်းပြီး ပင်ပင်ပန်းပန်းလိုက်လံစုဆောင်းခဲ့ကြပါတယ်။ လူနာမည်တစ်လုံးသိတာနဲ့ ဘယ်အရပ်ဘယ်ဒေသ ကလဲ၊ဘယ်လောက် အထိအချက်အလက်ရနိုင်မလဲဆိုတာတွေကိုပါ လိုက်လံစုဆောင်းထားခဲ့ကြတာပါ။

လိပ်ကျွန်း အမှုကို လာမည့် ဒီဇင်ဘာ ၂၄ ရက်နေ့ စီရင်မည်

 

    By အေးနိုင်
    12 October 2015
    

ထိုင်းနိုင်ငံတောင်ပိုင်း စူရတ်ဌာနီခရိုင် ခိုတောင်ကျွန်း (လိပ်ကျွန်း) လူသတ်မှု တရားခံ ၂ ဦးကို အောက်တိုဘာ ၁၁ ရက်နေ့က နောက်ဆုံးနေ့အဖြစ် စစ်ဆေးခဲ့ပြီး အမှုကို လာမယ့် ဒီဇင်ဘာ ၂၄ ရက်နေ့မှာ အပြီးသတ် စီရင်ချက်ချဖို့ ရက်သတ်မှတ်လိုက်ပါတယ်။

အောက်တိုဘာ ၁၀ ရက်နေ့ ၁၁ ရက်နေ့တွေမှာ မောင်ဇော်လင်း နဲ့ မောင်ဝင်းဇော်ထွန်း (ခ) ဝေဖြိုးတို့ ၂ ဦးကို စစ်ဆေးခဲ့ပြီး အမှုစစ်ဆေးခြင်းကို အပြီးသတ်ခဲ့ပါတယ်။

ကော့စမွီခရိုင်တရားရုးကနေ ထိုင်းစံတော်ချိန် ည ၉ နာရီမှာ ဆင်းလာတဲ့ မြန်မာသံရုံး အထူးအဖွဲ့ရဲ့ ဥပဒေအကြံပေး ရှေ့နေ ဦးအောင်မျိုးသန့်က “၂၄ ရက်၊ ဒီဇင်ဘာ၊ ဒီနှစ် ၂၀၁၅ ပေါ့လေ။ အဲဒါ Final Order နောက်ဆုံးအမိန့်ပေါ့။ အခုမှပဲ ပြီးလို့ တရားခွင်က ဆင်းလာတာ” လို့ ပြောပါတယ်။

အောက်တိုဘာ ၁၁ ရက်နေ့ တရားခွင်ကို တရားခံ ၂ ဦးရဲ့ မိခင် ၂ ဦးစလုံး တက်ရောက်ပါတယ်။

လိပ်ကျွန်း လူသတ်မုဒိမ်းမှု အမိန့်ချမယ့်ရက် သတ်မှတ်မယ် – ရှေ့နေ ဦးအောင်မျိုးသန့်

By အေးနိုင်10 October 2015 

ဓာတ်ပုံ - အေအက်ဖ်ပီ

မနှစ်နှစ်ကုန်ပိုင်းက ထိုင်းတောင်ပိုင်းမှာ ဗြိတိသျှလူငယ်နှစ်ဦး သတ်ခံရမှုနဲ့ တရားခံအဖြစ် စွဲဆိုခံရတဲ့ တရားခံ ဇော်လင်းနဲ့ ဝေဖြိုး (ခေါ်) ၀င်းဇော်ထွန်းတို့ကို ထိုင်းနိုင်ငံတောင်ပိုင်း ကော့စမွီခရိုင်တရားရုံး မှာ အောက်တိုဘာ ၁၀ ရက်၊ ၁၁ ရက် နှစ်ရက်ဆက်တိုက်စစ်ဆေးမှာဖြစ်ပြီး သူတို့နှစ်ဦးအပေါ် အမိန့်ချ မှတ်မယ့် ရက်သတ်မှတ်တော့မှာဖြစ်ပါတယ်။ နောက်ဆုံးအခြေအနေနဲ့ ပတ်သက်လို့ မြန်မာသံရုံးအထူး အဖွဲ့ရဲ့ ဥပဒေအကြံပေး ရှေ့နေဦးအောင်မျိုးသန့်ကို ဆက်သွယ်မေးမြန်းထားပါတယ်။

အောက်တိုဘာ ၁၀ ရက်နေ့မှာ တရားခံနှစ်ဦးကို ရုံးထုတ်မယ်၊ တရားစီရင်တော့မယ့်အပိုင်း နီးကပ်လာနေပြီ မဟုတ်ပါလားခင်ဗျ။ အစီအစဉ်ကို ပြောပြပါ။။

“အန်ကယ်တော့ လောလောဆယ် ကော့စမွီကိုရာက်နေပြီ။ ရက်ချိန်းပေးထားတာက စနေ၊ တနင်္ဂနွေ ၂ ရက်ပေးထားတယ်။ မနက်ဖြန်ကျရင် (အောက်တိုဘာ ၁၀) တရားခံ ဇော်လင်းကို ဆက်စစ်မယ်။ ပြီးတော့ ၂ တရားခံ ဝေဖြိုးကို ဆက်စစ်မယ်။ အဲဒီ ၂ ရက်နဲ့ အဲဒီ ၂ ယောက်ပြီးသွားပြီဆိုရင်တော့ တနင်္ဂနွေနေ့ ညနေမှာတော့ တရားရုံးအနေနဲ့ နောက်ဆုံးအမိန့် ဘယ်တော့ချမယ်ဆိုတာမျိုးတော့ သတ်မှတ်ရက်ပေးလို့ ရလိမ့်မယ်။

လိပ်ကျွန်းလူသတ်မှု ဖြောင့်ချက်ကိစ္စ အပြန်အလှန် စစ်မေး

11.10.2015 07:16
မအေးအေးမာ

ထိုင်းနိုင်ငံမှာ အလုပ်လုပ်နေရင်း လူသတ်မှုနဲ့ စွပ်စွဲဖမ်းဆီးခံထားရသူ မြန်မာအလုပ်သမားလူငယ်နှစ်ဦးနဲ့ အခင်းဖြစ်ပွားရာမှာ သက်သေပြထွက်ဆိုခိုင်းစဉ်။ထိုင်းနိုင်ငံမှာ အလုပ်လုပ်နေရင်း လူသတ်မှုနဲ့ စွပ်စွဲ ဖမ်းဆီးခံထားရသူ မြန်မာအလုပ်သမား လူငယ်နှစ် ဦးနဲ့ အခင်းဖြစ်ပွားရာမှာ သက်သေပြထွက်ဆိုခိုင်းစဉ်။

ထိုင်းနိုင်ငံ ကော့တောင်ကျွန်းလို့ခေါ်တဲ့ လိပ်ကျွန်းမှာ မနှစ်၊ နှစ်ကုန်ပိုင်းလောက်က ဗြိတိန်နိုင်ငံသားနှစ်ဦး အသတ်ခံရမှုနဲ့ ပတ်သက်လို့ တရားခံလို့ စွပ်စွဲခံထားရသူ မြန်မာအလုပ်သမားနှစ်ဦးကို မနေ့ အောက်တို ဘာလ ၁၀ ရက်နေ့က ရုံးထုတ် စစ်ဆေးခဲ့ပါတယ်။ ရုံးတော်အတွင်း အမှုကိုစစ်မေးတဲ့ အစိုးရရှေ့နေတွေ ဘက် ကတော့ တရားခံလို့ စွပ်စွဲခံထားရသူ တွေ ဟာ ပြစ်မှုကို တကယ်ကျူးလွန်ခဲ့လို့ ဝန်ခံ ဖြောင့်ချက်ပေးခဲ့ တာဖြစ်တယ်ဆိုတဲ့ ရှုဒေါင့်ကနေ စစ်မေးခဲ့ပါတယ်။ ဒါကို တရားခံတွေအဖြစ် စွပ်စွဲခံထားရသူတွေ ရဲ့ရှေ့နေ

တွေ က ဘယ်လို ပြန်လည်ချေပခဲ့ကြပါသလဲ၊ အပြည့်အစုံကို ဆက်သွယ်စုံစမ်းထားတဲ့ ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။

လိပ်ကျွန်းလူသတ်မှုနဲ့ပတ်သက်လို့ တရားခံအဖြစ် စွပ်စွဲခံထားရတဲ့ မြန်မာ လူငယ်နှစ်ဦးကို ကော့စမွေ တရားရုံးမှာ စစ်ဆေးနေတာဖြစ်ပါတယ်။ 

ရွေးကောက်ပွဲနှင့်အတူ ရင်ခုန်ရမည့် လိပ်ကျွန်းအမှု

Byငြိမ်းချမ်း
On  Thu, 2015-10-01 12:53
လာမည့် နိုဝင်ဘာလပိုင်းတွင် အပြီးသတ်အမိန့်ချမှတ်မည့် လိပ်ကျွန်းလူသတ်မှု ဖမ်းဆီးခံမြန်မာလုပ်သားနှစ်ဦး သည် တရားသေဖြင့် လွတ်မြောက်လာမည်ဟု မြန်မာသံရုံးအထူးအဖွဲ့က ယုံကြည်နေကြသည်။

လိပ်ကျွန်းလူသတ်မှု တရား လိုပြသက်သေနှင့် တရားခံပြသက်သေများအားလုံး ရုံးထုတ်စစ်ဆေး ပြီးချိန်တွင် မြန်မာလုပ်သားနှစ်ဦး က လူသတ်မှုကျူးလွန်ကြောင်း သက်သေပြနိုင်သော အချက်အလက်များ မတွေ့ရှိခြင်းကြောင့် ဖြစ်သည်ဟု မြန်မာသံရုံးအထူးအ ဖွဲ့က ပြောသည်။

တရားစွဲဆိုသည့် ထိုင်းရဲတပ် ဖွဲ့က ဇူလိုင် ၈ ရက်မှ စက်တင်ဘာ ၁ ရက်အထိ တရားလိုပြသက်သေ များအား ရုံးချိန်း ၁၃ ကြိမ် ရုံးထုတ် ပြီး မြန်မာလုပ်သားနှစ်ဦးကို အ ပြစ်ရှိကြောင်း ရုံးတော်သို့ တင် သွင်းခဲ့သည်။ ထိုသို့တင်သွင်း သောအချက်များကို မြန်မာဘက်မှ ရှေ့နေများက ချေဖျက်နိုင်ခဲ့ပြီး ထိုင်းရဲတပ်ဖွဲ့က တင်သွင်းသော အချက်များက မှုခင်းသဘော သ ဘာဝအတိုင်း လုပ်ဆောင်ခဲ့ခြင်းမ ရှိသည်ကိုသာ ထပ်မံပေါ်လွင်စေခဲ့ သည်။

လိပ်ကျွန်းလူသတ်မှုဖမ်းဆီးခံ မြန်မာနှစ်ဦး ပြန်လွှတ်ပေးရေး မေတ္တာရပ်ခံပေးရန် ကာကွယ်ရေးဦးစီးချုပ်ကို မြန်မာသံရုံးအထူးအဖွဲ့ တောင်းဆိုမည်ဟုဆို

 လိပ်ကျွန်းလူသတ်မှုဖြင့် ဖမ်းဆီးခံထားရသော မြန်မာလုပ် သားနှစ်ဦးအား ပြန်လွှတ်ပေးရန် နိုင်ငံ ချင်းချိတ်ဆက်ပြီး မေတ္တာရပ် ခံပြောကြားပေးရန် မြန်မာသံရုံး အထူးအဖွဲ့က တပ်မတော်ကာ ကွယ်ရေး ဦးစီးချုပ် ဗိုလ်ချုပ်မှူး ကြီးမင်းအောင်လှိုင်ထံ စာပေးပို့ တောင်းဆိုမည်ဖြစ်ကြောင်း သ တင်းရရှိသည်။

မြန်မာလုပ်သားနှစ်ဦးတွင် အပြစ်မရှိကြောင်း ပေါ်လွင်ထင်ရှားနေပြီး တပ်မတော်ကာကွယ်ရေး ဦးစီးချုပ်က လိပ်ကျွန်းလူသတ်မှု ကို စိတ်ဝင်စားမှုရှိ၍ မေတ္တာရပ်ခံ ခိုင်းရခြင်းဖြစ်ကြောင်း မြန်မာ သံရုံးအထူးအဖွဲ့မှ ဦးထူးချစ်က ပြောသည်။

‘‘ကာကွယ်ရေးဦးစီးချုပ်က လိပ်ကျွန်းအမှုကို စိတ်ဝင်စားပြီး ကူညီဆောင်ရွက်ပေးနေတာ ရယ်၊ ထိုင်းလက်ရှိ စစ်အစိုးရက ကာကွယ်ရေးဦးစီးချုပ်ကို လေး စားချစ်ခင်တာရယ်ကြောင့် ကာကွယ်ရေးဦးစီးချုပ်ကို မေတ္တာရပ် ခံခိုင်းချင်တာပါ။ တကယ်လည်း ဒီကလေးတွေမှာ အပြစ်မရှိဘူး လေ’’ဟု ဦးထူးချစ်က ပြောသည်။

ကမ္ဘာကျော်လိပ်ကျွန်းအမှု့ ရန်ကုန်တွင် သတင်းစာရှင်းလင်းပွဲပြုလုပ်မည်၊

ထိုင်းနိုင်ငံတောင်ပိုင်းလိပ်ကျွန်းလူသတ်မှုနှင့်ပတ်သက်ပြီး မြန်မာနိုင်ငံတွင်းရှိ နိုင်ငံသားများ၊ အစိုးရဌာန ဆိုင်ရာများ နှင့် အဖွဲ့အစည်းများ၊ သတင်းမီဒီယာများ၊ အနေနှင့် စိတ်ဝင်တစားစောင့် ကြည့် နားထောင်နေ သည်ဟုသိရပါသည်။

- လူမှု့ကွန်ယက်အသုံးပြုနိုင်သည့် မြန်မာနိုင်ငံသားများအနေနှင့် အမှု့နှင့်ပတ်သက်ပြီး နောက်ဆုံး အခြေ အနေ ၊နှင့် မည်သို့ ဆောင်ရွက်နေကြသည်၊ မည်သူတို့က မည်သည့်အပိုင်းတွင် တာဝန်ယူဆောင်ရွက်နေ ကြသည်၊ ကို အချိန်နှင့်တပြည်းညီ သိရှိနေကြသော်လည်း အွန်လိုင်းသတင်းနှင့်၊လူမှု့ကွန်ယက်များကို အသုံးမပြုနိုင်သည့် မြန်မာနိုင်ငံသားများအနေဖြင့် သတင်းစာနှင့် စာနယ်ဇင်းများကိုသာ မှီခို နေကြရပါသည်။

လိပ်ကျွန်းက မြန်မာနှစ်ဦးရဲ့ မှုခင်းပဟေဠိ ဘယ်လို အဖြေထွက်မလဲ

Published on Sun, 09/27/2015 - 17:50

လိပ်ကျွန်း လူသတ်မှုတွင် စွပ်စွဲခံထားရသူ မြန်မာနှစ်ဦးကို တွေ့ရစဉ် (ဓာတ်ပုံ- AFP)

ထိုင်းနိုင်ငံ တောင်ပိုင်းမှာရှိတဲ့ လိပ်ကျွန်းခေါ် ခိုထောင်ကျွန်းပေါ်မှာ ၂၀၁၄ စက်တင်ဘာ ၁၅ ရက်ကအသတ် ခံ ထားရတဲ့ အင်္ဂလန်နိုင်ငံသား ဒေးဗစ်မီလာနဲ့ ဟန်နာဝှစ်သာရစ်ခ်ျတို့၏ အလောင်းကို တွေ့ ရှိခဲ့ပါတယ်။ ဒီအမှုနဲ့ ပတ်သက်ပြီး အသတ်ခံရတဲ့ အကြောင်းရင်းနဲ့ လူသတ်သမားကို စုံစမ်းနေဆဲဖြစ်ကြောင်း ထိုင်းရဲ တပ်ဖွဲ့က ထုတ်ပြန်ခဲ့ပါတယ်။

အဆိုပါ လူသတ်မှုနဲ့ ပတ်သက်ပြီး မြန်မာရွှေ့ပြောင်းလုပ်သား သုံးဦးကို စက်တင်ဘာ ၁၆ ရက်က ထိုင်းရဲ တပ်ဖွဲ့က စစ်ဆေးမေးမြန်းခဲ့ပြီး လူသတ်မှုနဲ့ ဆက်နွှယ်မှု မရှိတဲ့အတွက် ထိုနေ့ကပဲ ပြန်လွှတ်ပေးခဲ့ပါတယ်။ စက်တင်ဘာ ၂၁ ရက် နှောင်းပိုင်းအထိ အလုပ်သမား ၂၀၀ ကျော်ကို ဒီအင်န်အေ စစ်ဆေးခဲ့ပါတယ်။ ဒါပေမဲ့ ကိုက်ညီမှု မရှိတဲ့အတွက် ပြန်လွှတ်ပေးခဲ့ပါတယ်။ ဒီအင်န်အေ စစ်ဆေးခံခဲ့ရတဲ့ လုပ်သား အများစု ကတော့

 မြန်မာလုပ်သားတွေ ဖြစ်ကြပါတယ်။

ကော့တောင်ကျွန်းအမှု့ကို စိတ်ဝင်စားကြသူများ သိရှိနိုင်စေရန်-

ကော့စမွေ တရားရုံးတွင် (22-23-24-25/9/2015) ရက်နေ့များတွင် စစ်ဆေးခဲ့သော သက်သေထွက်ချက် များ

ဖြစ်ပါတယ်။

22-9-2015 ရက်နေ့တွင်

(၁) ထိုင်းအမျိုးသား မှု့ခင်း ဌာန ဆရာဝန်ကြီး မော်လ၀ီ ကို စစ်ဆေးပါတယ်။

 တရား ရုံးတော်တွင်ရှိသော အမှု့တွဲ မှု့ခင်း ဆေးစစ်ချက်များကို၎င်း- တရားခံများ၏ အသနားခံတောင်းဆို မှု့ကြောင့် အမျိုးသား မှု့ခင်းစစ်ဆေးရေးဌာန ဆေးစစ်ချက်ကို၎င်း နှိုင်းယှဉ်စစ်ဆေး ထွက်ဆိုသွားခဲ့ပါတယ်။

"လိပ်ကျွန်းအရေးနဲ့စုံစမ်းစစ်ဆေးရေးကော်မတီဘာလဲ ဘယ်လဲ ဘယ်လိုဖြစ်ခဲ့လဲ"????

Min Oo (FED) 2015.09. 27 - 1: 05 AM

မနေ့ကလိပ်ကျွန်းအမှုနဲ့ပါတ်သက်လို့ အကြောင်းကြောင်းတွေကြောင့်ပြန်လည်ပြောမိ ကြရင်း မိမိတို့ FED ၊MAT ၊ မြန်မာသံရုံး၊ လူ့အခွင့်အရေးကော်မရှင်၊ ရှေ့နေများကောင်စီစသည် စသည်ဖြင့် စခဲ့ပုံလေးတွေ က တဆင့် သံရုံးမှစုံစမ်းရေးကော်မရှင်ဖွဲ့ပေးပြီးနောက်ပိုင်းတွင် ထိုထိုသော အသင်းအဖွဲ့များ တဦးချင်း လူပုဂ္ဂိုလ် များ၊ မြန်မာဆိုရှယ်မီဒီယာ အသိုင်းအ၀ိုင်းမှ အမှုအတွက်အင်တိုက်အားတိုက်ပါဝင်ကြသူများနဲ့ ကူညီပါဝင်ကြ သူမြန်မာနိုင်ငံသားများအားလုံးရဲ့ ခုချိန်ထိအောင် စုစည်းဆင်နွဲလာခဲ့တဲ့ ဒီသမိုင်းကြောင်းလေးကို သတိတရဖြစ်မိ လို့အခုလိုတင်ပြမိပါတယ်။ ဗြိတိန်နိုင်ငံသားနှစ်ဦး အသတ်ခံရမှု ဖြစ်ပွားပြီးနောက်မှာ လိပ်ကျွန်းမှ နယ်မြေခံ အလုပ်သမားများနဲ့ဆက်သွယ်ရရှိခဲ့ပြီး ထိုကျွန်းမှ မိမိတို့ မိတ်ဆွေ (ယခုဘန်ကောက် တွင်ပြောင်း
ရွှေ့အခြေချနေထိုင်လျက်ရှိသူ) စတဲ့ မြန်မာညီအကိုများနဲ့ တောက်လျောက်ဆက်သွယ်နေခဲ့ရာမှ ကျွန်းရှိမြန်မာ များအပေါ် ပုံချတော့မည့်အနေအထားကို သံသယဖြစ်မိကတည်းက သံအမတ်ကြီးအား ဆက်သွယ်ပြီးမြန်မာနိုင်ငံသားများလုံခြုံရေးကိုကူညီပေးဖို့တောင်းဆိုတင်ပြခဲ့တယ်၊

ဒေါက်တာ ပွန်းထစ်ရိုကျနာစူလန်နှင့် အင်တာဗျူး

ခိုတောင်ကျွန်း လူသတ်မှုမှာ DNA စစ်ဆေးသူ ဒေါက်တာ ပွန်းထစ်ရိုကျနာစူလန်နှင့် ဧရာဝတီအင်္ဂလိပ်ပိုင်းမှ အကြီးတန်းသတင်းထောက် စောရန်နိုင်က DNA စစ်ဆေးတွေ့ရှိမှုနှင့် ပတ်သက်၍ မေးမြန်းထားပါသည်။

နာမည်ကျော် ထိုင်းမှုခင်းဆေးပညာဆိုင်ရာ ကျွမ်းကျင်သူ အမျိုးသမီး ဒေါက်တာ ပွန်းထစ်ရိုကျနာစူလန်သည် ထိုင်းနိုင်ငံ၏ တရားစီရင်ရေးစနစ်တွင် DNA စစ်ဆေးခြင်းကို ကနဦး စတင်မိတ်ဆက်ပေးခဲ့သည့် ဗဟိုမှုခင်း
ဆေးပညာသိပ္ပံ (Central Institute of Forensic Science – CIFS) ၏ အကြီးအကဲဖြစ်သည်။ ယခုအခါတွင် ခိုတောင်ကျွန်းတွင် ဗြိတိန်နိုင်ငံသူ ကမ္ဘာလှည့် ခရီးသည် ၂ ဦး အသတ်ခံခဲ့ရသည့် အမှုတွင် DNA စစ်ဆေးခြင်းဖြင့် သူက ပါဝင်ဆောင်ရွက်ပေးနေသည်။

ဗြိတိန်နိုင်ငံသား ကမ္ဘာလှည့် ခရီးသည် ၂ဦး ဖြစ်သည့် ဟန်နာဝစ်သရစ်ဂ်ျ (Hannah Witheridge) နှင့် ၎င်း၏ အဖော် ဒေးဗစ်မေလာ (David Miller) တို့သည် ၂၀၁၄ ခုနှစ် စက် တင်ဘာလ ၁၅ ရက်နေ့ညက အသတ်ခံခဲ့ ကြရခြင်း ဖြစ်ပြီး ဟန်နာဝစ်သရစ်ဂ်ျမှာ မတရားပြုကျင့်ခြင်းလည်း ခံခဲ့ရသည်။