ဇန်န၀ါရီ ၃၁ ဆန်းဆန်း....
မဲဆောက်မြို့နယ်၊မေတောင်ရွာ၊အိမ်တွင်း အထည်ချုပ်အလုပ်ရုံတွင် အမျိုးသမီး အလုပ် ကြပ်(၀ဏ္ဏအမျိုးသမီး) မလမင်း ဆိုသူအား လုပ်ငန်းရှင်က အလုပ်ထုတ်ပစ်ခဲ့ သဖြင့် ကျန်အလုပ်သမား ၁၁ဦးတို့လည်း အလုပ်မှနုတ် ထွက်သွားကြောင်း သိရှိရ သည်။
ဇန်န၀ါရီလ ၃၀ ရက်နေ့ ညနေတွင် စက်ချုပ်အလုပ်သမား မောင် သက်မိုးလွင် သည် ချုပ်ထည် မရှိတောသဖြင့်အချိန်ပို မဆင်းတော့ပဲ မလမင်း ထံမှ ခွင့်ပြုချက်ဖြင့် နားခဲ့သည်။ ထိုသို့ အလုပ်သမားအား နားခွင့်ပြုခဲ့သဖြင့် အလုပ်ကြပ် မလမင်း ကိုအလုပ် နားစေပြီး မောင်းထုတ်ခဲ့သည်။
မလမင်း သည် အဆိုပါ စက်ရုံကို စတင်ထူထောင်ကတည်းက ၀ဏ္ဏလုပ် လျှက် တာဝန်ကျေပွန် စွာထမ်းဆောင်ခဲ့သည့်မှာ ၁နှစ် ၁လနှင့် ၁၁ ရက်ရှိခဲ့ပြီးဖြစ်
ကြောင်း သူမက ဆိုသည်။
“အလုပ်ရှင်က လုပ်အားခကို အပြည့်မပေးပဲစါရင်းရှင်းတာတွေ၊ အလုပ်သမားတွေကို ဖိနှိပ်တာတွေကို ကျမအလုပ်သမားတွေဘက်က အမြဲရပ်တည်ခဲ့တယ်။ အကျိုးသင့် အကြောင်းသင့် မစဉ်းစားပဲ အနိုင်ကျင့်တာဖြစ်တယ်” ဟုပြောသည်။
အလုပ်သမားများ ပြောင်းရွှေ့ရေးကိစ္စအတွက် အခက်အခဲကြုံနေသဖြင့် ရခိုင်အလုပ်သမား လှုပ်ရှားမှုအဖွဲ့ ALCကိုအကူညီတောင်းခံခဲ့သည်။ ထို့ကြောင့် လုပ်ဖေါ်ကိုင်ဘက် မဟာမိတ်အဖွဲ့ အစည်း တစ်ခုဖြစ်သော ရောင်ခြည်ဦးအလုပ်သမား များအဖွဲ့နှင့် ပူးပေါင်းကူညီခဲ့သည်။
ထိုသို့ကူညီနေကြစဉ် အလုပ်ရုံ မန်နေဂျာမှ ဖုန်းဆက်တိုင်ကြားသဖြင့် ပုလိပ်ကား တစ်စီးရောက်လာ၍ စစ်ဆေးမေးမြန်းခဲ့သည်။ကူညီသူများရိုက်ကူးထားကြသည့် ဓါတ် ပုံနှင့် VDO ကလစ်များကို ထိုင်းပုလိပ်များက ဖျက်ဆီးပြီး သတင်းမထုတ်ရန် တားမြစ် ခဲ့ပြီး ပုလိပ်များပြန်လည်ထွက်ခွာသွားခဲ့ကြသည်။
အလုပ်ကြပ် မလမင်း မှာ သူမအား အကြောင်းမဲ့အလုပ်ထုတ်ခဲ့သဖြင့် အလုပ်သမားအခွင့်အရေး ကာကွယ်စောင့်ရှောက်ရေးရုံး(ဆ၀ါဒီန်)သို့ သွားရောက် တိုင်ကြားထားသည်။အလုပ်သမားများ အမည်စာရင်း - မလမင်း (၀ဏ္ဏမ) နှင့်အတူ အလုပ်နုတ်ထွက်ခဲ့သည့် အလုပ်သမားများ မှာ မနီနီ၊ ဇော်ဇော်၊ ကိုမျိုး၊ သက်မိုးလွင် ၊ ဌေးဌေးနိုင်၊ ယွန်းယွန်း၊ သဇင်ချေ၊ သင်းသင်းစိုး၊ သန်းနုဇာ၊ အေးမြသန်း၊ အောင်နေ ဆိုသူတို့ဖြစ်ကြောင်း သိရှိရသည်။