၂၀၁၆ ခု နိုဝင်ဘာ
၂၀
ရွှေလုပ်သား
ထိုင်းနိုင်ငံအတွင်း သက်တမ်းကုန်သာမန်နိုင်ငံကူးလက်မှတ်ကိုင်ဆောင်ထားကြသူများ၊
ပန်းရောင် ဘတ်ကဒ် လုပ်ထားကြသူများနှင့် ရေလုပ်သားကဒ် ကိုင်ဆောင်ထားကြသည့် သန်းချီသည့်
မြန်မာအလုပ် သမားများ က ( CI ) CERTIFICATE OF IDENTITY အစိမ်းရောင် စာအုပ်အမြန်ထုတ်ပေးရန်
လိုလားနေ ကြောင်းသိရှိရသည်။
လက်ရှိအချိန်တွင် ထိုင်းနိုင်ငံအတွင်း ပန်းရောင်ဘတ်ကဒ်ကိုင်ဆောင်ထားသူခုနစ်သိန်းကျော်၊ ရေလုပ်
သားကဒ် ကိုင်ဆောင်ထားသူ တစ်သောင်းကျော် နှင့်မှီခိုသူတစ်သောင်းကျော်တို့မှာ နေထိုင်ခွင့်သက်တမ်း
ကုန်ဆုံးသွားပါက ထိုင်းနိုင်ငံအတွင်းတရားဝင်နေထိုင်ခွင့်
ပျက်ပြယ်သွားမည်ဖြစ်သဖြင့် စိုးရိမ်နေကြသည် ဟု ဆိုပါသည်။
ထို့အပြင်
၂၀၁၂ ခုနှစ်က ထိုင်းနိုငံအတွင်း ပြုလုပ်ပေးခဲ့သည့် သာမန်နိုင်ငံကူးလက်မှတ်စာအုပ် (ခရမ်းရောင်
ပတ်စပို့) ငါးသိန်းကျော် နှင့် ၂၀၁၃ ခုနှစ်က ပြုလုပ်ပေးခဲ့သည့် ခရမ်းရောင်စာအုပ် ခြောက် သိန်းကျော်တို့မှာ
လည်း ဗီဇာသက်တမ်းကုန်ဆုံးခြင်း၊ စာအုပ်သက်တမ်းကုန်ဆုံးခါနီးခြင်းတို့ဖြင့် အခက် အခဲကြုံနေကြသည်။
ပတ်စပို့စာအုပ်ပြန်လည်အသစ်လျှောက်ထားကြရာတွင် အချိန်ကြာမြင့်မှုရှိခြင်း တို့ကြောင့်
စာအုပ်ဟောင်းကိုပစ်ကာ ပန်းရောင်ဘတ်ကဒ် လုပ်ထားလိုက်ကြသူများလည်းရှိကြောင်းသိရှိရ ပါ သည်။
အလုပ်သမား
ကိုဝင်းနိုင် က“ ကျနော်တို့ အလုပ်သမားတွေဆိုတာ အနီရောင်ပတ်စပို့ပဲလုပ်လုပ်၊ အစိမ်း
ရောင် ပတ်စပို့ပဲလုပ်လုပ်၊ ပန်းရောင်ဘတ်ကဒ်ပဲလုပ်လုပ် အဓိက က လုံလုံခြုံခြုံ နေထိုင်
လုပ်ကိုင် သွားလာခွင့် ရဖို့အရေးကြီးပါတယ်။ CI လုပ်မယ်လုပ်မယ်ပြောပြီး အယင်နှစ်ကလည်းပျက်သွားတယ်။
ပုလိပ်တွေကလည်း ဖမ်းစစ်ပြီးငွေတောင်းတာတွေခံနေရတယ်။ CI အလုပ် မဖြစ်ပဲနေမှာစိုးရိမ်တယ်။
မြန်မြန်လုပ်ပေးစေချင်ပါတယ်” ဟုပြောသည်။
အစိမ်းရောင်
CI စာအုပ်အတွက် မြန်မာအစိုးရထံသို့ တစ်အုပ်ကို ဘတ်ငွေ ၃၀၀စီအားအလုပ်သမား
များ ကိုယ်တိုင်ဖြစ်စေ၊
ကြားခံကိုယ်စားလှယ် ပွဲစားများဖြစ်စေ နီးစပ်ရာ ဆဲဗင်းအလဲဗင်းဆိုင်များတွင်
ပေးသွင်းရမည်ဖြစ်ပါသည်။ ဆဲဗင်းအလဲဗင်းဈေးဆိုင်တွင်ငွေသွင်းပြီးကြောင်း ပြေစာဖြတ်ပိုင်းစာရွက်ဖြင့်
ပန်းရောင်ဘတ်ကဒ် နှင့်လုပ်ငန်းရှင်သူဌေး၏ စာရွက်စာတမ်းများယူဆောင်ကသတ်မှတ်ထားသည့်နယ်မြေ
များတွင်
CI စာအုပ်ထုတ် ယူရမည်ဖြစ်ပါသည်။
CI စာအုပ်အတွက် မြန်မာအစိုးရကောက်ခံသည့် ဘတ်ငွေ
၃၀၀ ထဲမှ စခန်း၆ခု ငှါးရမ်းခနှင့်ဝန်ဆောင် ခတို့အတွက်ထုတ်နုတ်သုံးစွဲမည်ဟုယူဆရပါသည်။
ယခုCI လုပ်ငန်းစဉ်အတွက် မြန်မာ အစိုးရအလုပ် သမား ၀န်ကြီးဌာနက ယခင်လက တင်ဒါခေါ်ယူခဲ့ပါသည်။ တင်ဒါအောင်ထားကြသူများသည် (ဘန်ကောက် -စမူပါရကန်)၇ဘတ်၊
မဲဆောက် ဘတ်၂၀၊ မဲဆိုင်ဘတ် ၂၀၊ ရနောင်းစခန်းက အခမဲ့၊ မဟာချိုင် စခန်း(၁) တစ်က အခမဲ့နှင့်
မဟာချိုင်စခန်း(၂)က ၇ဘတ်) နုန်းတို့ဖြင့် လုပ်ကိုင်ကြမည်ဟုသိရပါ သည်။
တင်ဒါအောင်မြင်ကြသူများသည် လုပ်ပိုင်ခွင့်ကိုအကြောင်းပြု၍
အလုပ်သမားများထံမှ အပိုငွေကောက်
ခံခြင်းများမပြုပါကြောင်း ကတိက၀တ်ပြုကာ မြန်မာအစိုးရအလုပ်သမားဝန်ကြီးဌာနသို့
ကျပ်ငွေ ၇၀၀ (သို့မ ဟုတ်) ၎င်းနှင့်ညီမျှသည့် ဘတ်ငွေ၂သန်းကို စပေါ်တင်ထားရမည်ဖြစ်ကြောင်း
ကြားသိရပါသည်။
အစိမ်းရောင် CI ရရှိပြီးနောက် အလုပ်သမားတစ်ဦးချင်းဖြစ်စေ၊
ကိုယ်စားလှယ်ပွဲစားများက တစ်ဆင့် ဖြစ်စေ သက်ဆိုင်ရာ ထိုင်းလ၀က ထံတွင် ၂နှစ်စာနေထိုင်ခွင့်
ဗီဇာတုံးထုခ ဘတ်ငွေ ၅၀၀ ကုန်ကျမည် ဖြစ်ပါသည်။
မြန်မာအစိုးရ+ထိုင်းလ၀က တို့အတွက် တရားဝင်ကုန်ကျငွေမှာ ဘတ်ငွေ ၈၀၀ သာဖြစ်ပါသည်။ သို့ရာ
တွင် ခရီးအကွာအဝေး၊ ကားခနှင့် အခြားစရိတ်စကများနှင့် ကြားခံအကျိုးဆောင်များ စရိတ်စကများနှင့်ဆိုပါ
က အစိုးရသတ်မှတ်ဈေးနုန်းထက် ၃ဆထက်မနည်းကုန်ကျနိုင်ကြောင်း ခန့်မှန်းနေကြပါသည်။
ဘန်ကောက်အခြေစိုက်
ထိုင်းနိုင်ငံရောက်မြန်မာနိုင်ငံသားများအဖွဲ့ MAT ဒါရိုက်တာ ဦးကျော်သောင်း က တော့
သက်သာမြန်ဆန်တဲ့လုပ်ငန်းစဉ်ဖြစ်နိုင်တာကြောင့် ကြိုဆိုထောက်ခံတယ်လို့ပြောပါတယ်။
“အနီရောင်ပဲလုပ်လုပ်၊
အစိမ်းရောင်ပဲလုပ်လုပ်၊ ၂နိုင်ငံအစိုးရ ကတရားဝင်သတ်မှတ်ချက်တွေနဲ့ ကိုက် ညီလို့ လုပ်ပေးထားတာဖြစ်တယ်။
ပတ်စပို့ကိုင်ထားပြီးမှ ခရီသွားရင် သူဌေးထောက်ခံစာပါလား၊ ၀တ်ပါမစ် ပါလား လို့ လမ်းမှာ
ပုလိပ်တွေ ကောက်စားတာကိုတော့ အစိုးရက နိုင်နိုင်နင်းနင်းပြောစေချင်ပါတယ်။ မလိုလားအပ်တဲ့
အနိုင်ကျင့်မှုမျိုးတွေမလုပ်ပဲ၊ အလုပ်သမားလူတန်းစားကိုညှာတာကြစေချင်ပါတယ်။ ဖြစ်နိုင် လို့ရှိရင်
အလုပ်ရလွယ်ကူ သက်လည်းသက်သာတာကြောင့် CI ကို ၄နှစ်နေထိုင်ခွင့်ပြုပေးရင်တော့ ပိုကောင်းပါမယ်။
သန်းချီ ရှိတဲ့အလုပ်သမားတွေအတွက် ဘယ်အစီအမံမဆို ကြိုပြင်ထားသင့်ပါတယ်” ဟု
ပြောသည်။
ထိုင်းနိုင်ငံအတွင်း အလုပ်သမားများကိုင်ဆောင်သည့်
ပတ်စပို့များဖြင့် ခရီးသွားလာကြရာတွင် အခြားနေရာ များသို့သွားလာရအခက်အခဲမရှိကြသော်လည်း
ဘန်ကောက်မှ မဲဆောက်သို့ပြန်သည့် လမ်းကြောင်းတွင် ဂိတ် များက ငွေကြေးကောက်ခံခြင်းကိုခံကြရသည်။
သတင်းသမားများနှင့် အလုပ်သမား အရေးဆောင် ရွက်သူများက ဓါတ်ပုံ၊ဗီဒီယိုများရိုက်ကူး၍ အစိုးရကိုတင်ပြခြင်းနှင့်
အွန်လိုင်းများတွင်ထုတ်ဖေါ်ပြောဆိုကြေ သ်ာလည်း ထိုင်းနှင့် မြန်မာအာဏာ ပိုင်များက အဆိုပါလုပ်ရပ်များကို
လုံးဝရပ်တန့်အောင်ဆောင်ရွက်ခြင်း မရှိပဲ နေ့စဉ် ကောက်ခံဆဲဖြစ်ပါသည်။
ထိုင်းနိုင်ငံတွင်
တရားဝင်ရော တရားမ၀င်ပါ မြန်မာနိုင်ငံသားပေါင်းလေးသန်း ထက်မနည်းရှိနိုင်ကြောင်း
နိုင်ငံတကာအင်ဂျီအိုများနှင့်အလုပ်သမားအရေးဆောင်ရွက်သူများက ခန့်မှန်းထားကြပါသည်။ သန်းချီရှိ သည့်
အလုပ်သမားများအတွက်ကူညီစောင့်ရှောက်မှုများပေးနိုင်ရန် အလုပ်သမားအရေးဆောင်ရွက်သူများ ကနိုင်ငံတော်အတိုင်ပင်ခံဒေါ်အောင်ဆန်းစုကြည်
ထိုင်းနိုင်ငံသို့ကြွရောက်ခဲ့စဉ်က တင်ပြထားခဲ့ကြပါသည်။