၂၀၁၅
ခု သြဂုတ်လ ၄
မြတ်ညို(အလွတ်သတင်းထောက်)
ဆွေမျိုးရှိသည့် ထိုင်းနိုင်ငံ ရနောင်းမြို့သို့
ခေတ္တအလည်လာခဲ့ကြသည့် မြန်မာဇနီးမောင်နှံ ၂ဦးတို့ထံမှ ရနောင်းရဲများက လုယူထားလိုက်သည့်ငွေအား ယနေ့ပြန်လည်ရရှိလိုက်ပြီးဖြစ်သည်။
ဇူလိုင်လ ၂၇ ရက်နေ့က ထိုင်းနိုင်ငံရနောင်းမြို့သို့
ခေတ္တအလည်လာခဲ့သော မြန်မာနိုင်ငံ မော်လမြိုင်မြို့ မှ ကိုရန်အောင်စိုးနှင့် မ၀င်းသန္တာ
နှင့် သမီးငယ်တစ်ဦးတို့ထံမှ ရနောင်းရဲများက ပါလာသည့် ဘတ်ငွေ ၇,၇၀၀ အားယူဆောင်ထားလိုက်ပြီး
မြန်မာနိုင်ငံကော့သောင်းသို့ပြန်ပို့ဆောင်ပေးခဲ့သည်။
ထိုင်းပုလိပ်လုယက်ခံခဲ့ရသည့် ဇနီးမောင်နှံတို့သည် ကော့သောင်း လှေဆိပ်တွင် စိတ်ဓါတ်ကျစွာဖြင့် ထိုင်ငိုနေကြသည်ဟုဆိုသည်။ ထိုစဉ် မြန်မာသတင်းတပ်ဖွဲ့ SP တို့ရောက်ရှိလာခဲ့ပြီး ရနောင်းဘက်တွင်ရှိ
သော ကူညီဆောင်ရွက်ပေးနိုင်သူတစ်ဦးထံသို့ ဖုန်းဆက်၍ အကူညီတောင်းခံခဲ့သည်။ ထိုသူ၏ ကူညီဆောင်ရွက်မှုဖြင့်အဆိုပါ ငွေများကို ပြန်လည်ရရှိသွားခဲ့ခြင်းဖြစ်သည်။
ဘန်ကောက်အခြေစိုက် ထိုင်းနိုင်ငံရောက် မြန်မာနိုင်ငံသားများအဖွဲ့
ဒါရိုက်တာ ဦးကျော်သောင်း က“ မြန်မာ နိုင်ငံက ထိုင်းနိုင်ငံထဲကို ၀င်ရောက်နေကြတဲ့ ကော့သောင်း၊ ရနောင်း၊
မြ၀တီ၊ မဲဆောက်နဲ့ တာချီလိတ်၊ မယ်ဆိုင် တို့မှာတာဝန်ကျနေတဲ့ ထိုင်းရဲတပ်ဖွဲ့တွေလည်း ဒီအတိုင်းပဲ။
လူအခြေအနေကြည့်ပြီး နောက်က တောက်လျှောက်လိုက် ပြီး အကြောင်းအမျိုးမျိုးပြအနိုင်ကျင့်တယ်။
ရန်ကုန်က လေယာဉ်နဲ့လာတဲ့ မြန်မာတွေကို ဒွန်မောင်းလေယာဉ်ကွင်းမှာ ထိုင်းလ၀က အုပ်စုတစ်ခုဟာ
အခြေအနေကိုကြည့်ပြီး မြန်မာတွေကိုခွဲထုတ်ြ
ပီးခေါ်ထုတ်သွားတယ်။ ငွေညှစ်တယ်။ မပေးနိုင်ရင်မြန်မာပြည်ပြန်ပို့တယ်။ နောက်လထဲမှာ ဗီဇာကင်းလွတ်ခွင့်နဲ့ လာကြမယ့်မြန်မာတွေ ပြဿ နာတွေပေါ်လာမယ်။
ဗမာကိုအနိုင်ကျင့်လို့ရတယ်ဆိုတာထိုင်းရဲတွေသိနေလို့ဖြစ်တယ်” ဟုပြောသည်။
ထိုင်းနိုင်ငံတွင်သန်းချီရှိသည့် မြန်မာအလုပ်သမားများသည်
ပတ်စပို့စာအုပ်နှင့် ၀တ်ပါမစ်များဖြင့် တရားဝင်နေထိုင်အလုပ်လုပ်ကိုင်နေကြသော်လည်း ဘန်ကောက်မြို့အနီးမဟာချိုင်တွင်
နေ့စဉ်ဖမ်းဆီး ငွေတောင်းခြင်းကိုခံနေကြရသည်။ မဲဆောက်မြို့လည်းထို့အတူဖြစ်ဟုသိရသည်။
ဘန်ကောက်မြို့ဘန်ဘော် ရပ်ကွက်တွင်လည်း ထိုကဲ့သို့ ပုလိပ်များမတရားဖမ်းဆီးငွေကြေးတောင်းခံနေမှုများရှိနေသဖြင့်
MAT အဖွဲ့ မကြာခဏဖြေရှင်းနေရကြောင်းသိရှိရသည်။