၂၀၁၅ ဇွန်လ
၁၇
မင်းဘခက် + ဆန်းဦး
ထိုင်းနိုင်ငံဘန်ကောက်မြို့အနီးမဟာချိုင်တွင်
ညအချိန်အလုပ်လုပ်ရာမှ ပြန်လာသည့် မြန်မာ အလုပ်သမတစ်ဦးအား ထိုင်းအမျိုးသား ၆ဦးတို့က
အဓမ္မပြုကျင့်မှုအား တရား ဥပဒေ အတိုင်း အရေးယူ ဆောင်ရွက်ပေးပါရန် အမျိုးဘာသာကာကွယ်စောင့်ရှောက်ရေးအဖွဲ့ကဦးဆောင်၍ ရန်ကုန်တွင် ယနေ့ဆန္ဒပြပွဲတစ်ရပ်ပြုလုပ်ခဲ့ကြသည်။
၂၀၁၅ ခု ဇွန်လ ၃ ရက်နေ့ နံနက် ၄နာရီ ကျော်အချိန်က
မဟာချိုင် ၀တ်ယိုင်ဘန်းပေါ်တွင်ရှိသော ထိုင်းယူနီယံ အလုပ်ရုံခွဲမှ အလုပ်လုပ်ပြီးပြန်လာသော
……. မှ အသက် ၁၉ နှစ်အရွယ် ကရင်အမျိုး သမီးအပျို ..နန်းအဲမူ(အမည်လွှဲ) အား ထိုင်းအမျိုးသား
၆ဦးက ၂ခန်းတွဲ အမဲရောင် ကားပေါ်သို့ခေါ်ဆောင်သွားခဲ့သည်။ အတူတူလာသည့် အလုပ်သမား ၂ဦးက
အခန်းသို့ဝင်သွားခဲ့ ချိန်တွင် ဆွဲတင်သွားခဲ့ပြီး တစ်ကီလိုအကွာခန့် တောထဲသို့ ကားမောင်းနှင်သွားခဲ့ပြီး
အမျိုးသား၆ဦးစလုံးက အလှည့်ကျ အဓမ္မပြုကျင့်ခဲ့ခြင်းဖြစ်သည်။
မိန်းကလေးအား နံနက် ၆နာရီခန့်အချိန်တွင်
စွယ်စုန်ဟူသည့် လမ်းထိပ်တွင် ပစ်ထားခဲ့သည်။ ထိုင်း လူမျိုးတစ်ဦးကတွေ့ရှိသဖြင့် မဟာချိုင်ရဲစခန်းသို့ပို့ဆောင်ခဲ့ရာ
အရေးယူဆောင်ရွက်မည့် တာဝန်မှူးများမရှိ သဖြင့် နန်းအဲမူ နေအိပ်ခန်းသို့ပြန်ပို့ခဲ့သည်။
အစ်ကိုတော်စပ်သူတစ်ဦးက MAT အဖွဲ့ အတွင်းရေးမှူး ကိုခိုင်ကြီး ထံသို့ နေ့လည် ၁၁ နာရီခန့်တွင်
ဖုန်းဆက်အကူညီတောင်းခံခဲ့သည်။
ကိုခိုင်ကြီးက အလုပ်ရုံမှ ၀ဏ(အလုပ်ကြပ်)
လုပ်သူအား စမုတ်စာခွန် ဆေးရုံကြီးသို့ ပို့ဆောင်စေခဲ့ပြီး။ မြန်မာသံရုံးအလုပ်သမား ကူညီစောင့်ရှောက်ရေးကော်မတီနာယက
သံအမတ်ကြီး ဦးဝင်းမောင်ထံသို့ အကြော င်း ကြားခဲ့သည်။ ဦးဝင်းမောင်က အလုပ်သမားသံအရာရှိ
ဦးလှထွန်းနှင့် ဦးစိုးနိုင်တို့အား စေလွှတ်လိုက်သဖြင့် ဆေးရုံသို့ ကူညီသူများ နှင့်
အတူတကွ ရဲစခန်းတွင် အမှုဖွင့်တိုင်ကြားခဲ့ပြီး ဆေးရုံတို့သို့ သွားရောက်၍ အားပေး စကားများပြောကြား
ခဲ့ကြပါသည်။
ကိုခိုင်ကြီးက“ဒီလိုမျိုးဖြစ်စဉ်တွေက
ထိုင်းနိုင်ငံအနှံ့မှာဖြစ်ပွားနေတယ်။ ဒီမိန်းကလေးဟာ မိမိရဲ့အရှက် အကြောက်ကို မငဲ့ပဲ
ဖြစ်စဉ်တွေကို တင်ပြတဲ့အတွက် ထိုင်းနဲ့မြန်မာအစိုးရတို့က နစ်နာမှုတွေအတွက် ထိထိ ရောက်ရောက်
ကူညီစောင့်ရှောက်ပေးဖို့လိုပါတယ်။ တရားခံကို ဖေါ်ထုတ်ပြီး ပြင်းပြင်းထန်ထန် အရေးယူ ပေးဖို့လိုပါတယ်”
ဟုပြောသည်။
မြန်မာသံရုံးအလုပ်သမားကူညီစောင့်ရှောက်ရေးကော်မတီနှင့်
ဒေသခံ လူငယ်များ ပူးပေါင်းဆောင်ရွက် မှုများတို့ကြောင့် အဓမ္မပြုကျင့်ခဲ့သူဟု ယူဆရသူ၂ဦးတို့အား
ဇွန်လ ၁၂ ရက်နေ့က မဟာချိုင်ရဲတပ်ဖွဲ့က ဖမ်းဆီးမိခဲ့သည်။
ထိုင်းနိုင်ငံအနှံ့အပြားတို့တွင်
မြန်မာရွှေ့ပြောင်းအလုပ်သမားများ မကြာခဏ အသတ်ခံရလေ့ရှိသည်။ လွန်ခဲ့သည့်လက ထိုင်းနိုင်ငံတောင်ပိုင်း စူရတ်ဌာနီမြို့
လေယာဉ်ကွင်းနောက်ဖက်တွင် အလုပ်လုပ်ကြသော မြန်မာအလုပ်သမား၎ဦးတို့ လုပ်အားခတောင်းခံသည်ကို
ရာဘာသစ်သားလုပ်ငန်းရှင်က သေနတ်ဖြင့် ၈ချက် ပစ်ခတ်ခဲ့ရာ ကိုဖြိုး ဆိုသူ၏ ပခုံးတွင် သေနတ်ကျည်ဆန်ဖေါက်ထွက်သွားခဲ့သည်။
ဤပစ်ခတ်မှုအား မြန်မာ သံရုံးမှ ပထမအတွင်းဝန်နှင့် ဘန်ကောက်အခြေစိုက် ထိုင်းနိုင်ငံရောက်မြန်မာနိုင်ငံသားများအဖွဲ့MAT
က ထိုင်းဗဟိုရဲဌာနချုပ်သို့ သွားရောက်၍ အမှုဖွင့်ထားခဲ့သည်။ သို့ရာတွင် ယနေ့အထိ ခေါ်ယူစစ်ဆေးခြင်း
ဖေါ်ထုတ်ခြင်းမတွေ့ရသေးကြောင်း MAT အဖွဲ့ကဆိုသည်။
MAT အဖွဲ့
ဒါရိုက်တာ ဦးကျော်သောင်း က “ဒီနေ့ရန်ကုန်မှာ လုပ်ကြတဲ့ ဆန္ဒပြပွဲကိုထောက်ခံပါတယ်။ ထိုင်းမှာ
မြန်မာအလုပ်သမားတစ်ဦးဦး ဒီလိုဖြစ်တိုင်း ထိုင်းသံရုံးတို့ကို ဆန္ဒထုတ်ဖေါ်သင့်ပါတယ်။
ထိုင်းမှာ မြန်မာတစ်ဦး ရဲ့အသက်တစ်ချောင်းဟာ ကြက်ကလေးတစ်ကောင်လို သတ်ချင်သလိုသတ်လိုက်ပေမယ့်
ဘာမှ အရေးယူ ဆောင်ရွက်ခြင်းမရှိလို့ဖြစ်ပါတယ်။ သုံးလေးသန်းရှိနေတဲ့ မြန်မာအလုပ်သမားတွေရဲ့ပြန်ပို့ငွေတွေဟာ
နေရပ် ရင်းက မြန်မာမိသားစုတွေအတွက်ရော တိုင်းပြည်အတွက်ပါ အကျိုးရှိပါတယ်။ သံရုံးဆိုတာလည်း
သံရေး တမန်ရေး ဆိုတာရှိတာကြောင့် ဖြစ်သမျှပြဿ နာကိုလုပ်ချင်မှလုပ်နိုင်မယ်ထင်ပါတယ်။
ဒါကြောင့် မြန်မာမိသား စုတွေက ထိုင်းမှာ မြန်မာအလုပ်သမားတွေ တစ်ခုခုဖြစ်တာနဲ့ ဒီလိုဆန္ဒ ထုတ်ဖေါ်မှုမျိုးတွေ လုပ်ပေးကြစေ
ချင်ပါတယ်” ဟုပြောသည်။
ထိုင်းနိုင်ငံတွင်မြန်မာအပါအ၀င် နိုင်တကာမှလာရောက်အလုပ်လုပ်ကိုင်ကြသည့် အလုပ်သမားပေါင်း လေးသန်း ကျော်ခန့်ရှိသော်လည်း မြန်မာအလုပ်သမားအများစုတို့ မကြာခဏသတ်ဖြတ်ခံရလေ့ရှိသည်။
စစ်အစိုးရအုပ် ချုပ်သည့်ကာလက ထိုင်းရောက် မြန်မာအလုပ်သမားများမှာ မိဘမဲ့သားသမီးကဲ့သို့
အကာအကွယ်မရှိပဲ နေထိုင် အလုပ်လုပ်ကိုင်ခဲ့ကြရသော်လည်း သမ္မတဦးသိန်းစိန် အစိုးရတက်လာပြီးနောက်ပိုင်းတွင်မူ
ထူးခြားမှု အနည်းငယ်ရှိလာခဲ့သည်ဟုဆိုနိုင်သည်။
မြန်မာသံရုံးမှ
သံအမတ်ကြီးတို့သည် စိတ်ချရသည့် အလုပ်သမားအရေးတက်ကြွသူများနှင့်ပူးပေါင်း၍ မြန်မာသံရုံး အလုပ်သမားကူညီစောင့်ရှောက်ရေးကော်မတီဖွဲ့စည်းကာ တတတ်တအား ကူညီစောင့်ရှောက်မှုများရှိလာသည်။ ၂၀၁၄ခုနှစ်က ထိုင်းနိုင်ငံတောင်ပိုင်းကမ္ဘာကျော်လိပ်ကျွန်းလူသတ်မှုအားအထူးစုံစမ်းရေးကော်မတီဖွဲ့စည်းလျှက်
ငွေကျေးအကုန်ကျခံကာ အမှုမှန်ပေါ်ပေါက်ရေးအတွက် ကြိုးပမ်းဆောင်ရွက်နေဆဲလည်းဖြစ်သည်။