၂၀၁၅ ခု ဒီဇင်ဘာလ
၂ ရက်
အောင်ဆန်းဦး
တိုးတက်ချမ်းသာ
အေဂျင်စီဖြင့်ထိုင်းသို့လာခဲ့သည့် မြန်မာအလုပ်သမား၆ဦးတို့အား ထိုင်းဘက်ခြမ်းမြန်မာ
ပွဲစားကိုယ်စားလှယ်က အလုပ်ပြောင်းပေမည်ဟုလိမ်လည်ပြောဆိုပြီး ကားပေါ်တင်၍ မြ၀တီဘက်သို့
ပြန်လည် ပို့ဆောင်ပေးလိုက်ကြောင်းသိရသည်။
တိုးတက်ချမ်းသာအေဂျင်စီ၏ ထိုင်းဘက်တာဝန်ခံ
ကျော်နိုင် ဆိုသူက မဲဆောက်တံတားထိပ်အထိ လိုက်ပို့ပေးပြီး အလုပ်သမားများစာအုပ်တွင် ဖျက်သိမ်းတံဆိပ်တုံးထု၍
မြ၀တီဘက်သို့ ချစ်ကြည်ရေးတံတားပေါ်မှ မြန်မာပြည်သို့ နှင်ထုတ်ခဲ့ခြင်းဖြစ်သည်။
လိမ်လည်ပို့ဆောင်ခံရသည့် အလုပ်သမားများမှာရခိုင်ပြည်နယ်
ကျောက်တော်မြို့နယ်၊ ဇလိပ်တောင်ရွာ မှ ချင်းနှင့်ရခိုင်တိုင်းရင်းသား မ၂ဦး+ကျား၃ဦးတို့ဖြစ်ကြပါသည်။
၎င်းတို့သည် ကျပ်ငွေ ၉သိန်းအထိပေးခဲ့ကြရပြီး ရန်ကုန်မြို့တွင် စာချုပ်ချုပ်ဆိုရန်မလိုအပ်ပဲ
လိုက်ပါလာခဲ့ရသည်ဟုဆိုပါသည်။
မမြင့်မြင့်သူဇာ
က “သမီးတို့ မောင်နှမ ၂ယောက် အတိုးကြီးကြီးပေးပြီးငွေ ၁၈ သိန်းချေးပြီးလာခဲ့ရတာပါ။
ဒီအကြွေးမကျေပဲရွာကိုပြန်သွားရင်အသတ်ခံရပါမယ်။ သမီးတို့မပြန်ရဲတော့ပါ။ ထိုင်းမှာ
အလုပ်ပြန်လုပ် ရအောင် ကူညီပေးပါ။ သမီးတို့ဘ၀ကို ကယ်ကြပါ” ဟု ငိုကြွေး၍ပြောချာပါသည်။
အခြားအမျိုးသမီးတစ်ဦးမှာ
ရန်ကုန်တိုင်း ရွှေပေါက္ကံမှဖြစ်ပြီး ပွဲစားကုမ္ပဏီအားကျပ်ငွေ သုံးသိန်းခွဲပေးချေခဲ့ရသည်ဟုဆိုပါသည်။
အလုပ်သမားသံအရာရှိများမှာဖုန်းဆက်၍မကိုင်သော်လည်း ဘန်ကောက်မြန်မာသံရုံးသံအမတ်ကြီး
ဦးဝင်းမောင်ထံသို့ MAT အဖွဲ့က သတင်းပေးပို့၍ အကူညီတောင်းခံခဲ့ရာ ကူညီပေးမည်ဟု ပြန်လည်ပြောဆိုပါသည်။
ယခုတိုးတက်ချမ်းသာအေဂျင်စီဖြင့် ၂၀၁၅ ခု ဒီဇင်ဘာလ
၂ ရက် ၂၇၊ ၁၀၊၂၀၁၅ နေ့ကဆောက်လုပ်ရေးဖြင့်လာခဲ့သည်။ ၁၆၀ ကျော်လာခဲ့ပါသည်။ အလုပ်သမားများအား
ဖိနပ်စက်ရုံ၊ ပရိဘောဂ၊ ဆောက်လုပ်ရေး၊ မီးကြိုးစသည်ဖြင့်ခွဲပို့ခဲ့သည်။ ကိုထွန်းနှင့်
သန်းမင်းထိုက် ဆိုသည့် ပွဲစားများက ရန်ကုန်က မြ၀တီသို့လာခေါ်သည် ဟုအလုပ်သမားများကဆိုပါသည်။
မြင့်မြင့်သူဇာ၊
ဇော်ဝင်းထွန်း၊ မောင်လုံးတင်တို့က စာချုပ်မချုပ်ခဲ့ရပါ။ စာချုပ်ချုပ်ခဲ့ရသူများမှာ
မူမူစန်း၊ ဦးကျော်ဌေး၊ နွဲ့ရီဝင် တို့ဖြစ်ကြပါသည်။ထိုင်းကိုရောက်သည့်အခါ
ပကျွတ်မြို့နယ်တွင် နာနတ်သီးစိုက်ပျိုးရေးခြံတွင်အလုပ်လုပ်ရသည်။ စိုက်ပျိုးရေးတွင်၂.၁၁.၂၀၁၅
နေ့မှ ၁.၁၂.၂၀၁ ၅ အထိအလုပ်လုပ်ခဲ့ရပါသည်။ လုပ်အားခ
ဘတ်ငွေ ၆,၀၂၀ ရရှိလာခဲ့ပါသည်။ တစ်ဦးစီထံမှ ဘတ်ငွေ ၁,၅၀၀ ဖြတ်တောက်ထားလိုက်ပါသည်။
ဘန်ကောက်အခြေစိုက်ထိုင်းနိုင်ငံရောက်မြန်မာနိုင်ငံသားများအဖွဲ့
MATအဖွဲ့ဒါရိုက်တာ ဦးကျော်သောင်း က“ ဒီကိစ္စက ကျနော်တို့သိလိုက်တဲ့ကိစ္စပဲရှိသေးတာ။
ကျနော်တို့မသိတာတွေထိုင်းမှာ ဘယ်လောက်ရှိ မလဲမ သိဘူး။ MOU နဲ့လာတဲ့အလုပ်သမားတွေရဲ့
ပကတိအရှိတရား တွေကို မြန်မာနိုင်ငံတော် အစိုးရအဖွဲ့က ဒီနေ့အထိ၊ ထိထိရောက်ရောက် အရေးမယူသေးတာ
မြန်မာနိုင်ငံသားတွေအတွက် အလွန်နစ်နာပါတယ်။ အလုပ်လုပ်ချင်လွန်းတဲ့ ဆင်းရဲသားမြန်မာတွေက ရွှေပေါင်းလယ်ပေါင်၊
အတိုးကြီးကြီးပေးပြီးလာကြတယ်။ ငွေတွေက ပွဲစားအေဂျင်စီတွေကို အကျေပေးခဲ့ပြီးပြီး။ တစ်ယောက်ကို
လေးသိန်းဆိုရင် လူတစ်ရာသိန်းလေးရာ အိပ်ထဲကိုထည့် ထားလိုက်ပြီ။ အလုပ်သမားတွေကိုတော့
ထိုင်းနိုင်ငံအတွင်းမှာ အနိုင်ကျင့်ချင်သလိုကျင့်နေကြတယ်။ ထိုင်းမှာ MOU အလုပ်သမားတွေကို
တာဝန်ယူဖြေရှင်းမယ့်သူမရှိဘူး။ ကျနော်တို့ကလည်း အစိုးရချင်းပို့တယ်ဆိုတဲ့ နာမည်ခံထားတော့
ကြားခံဝင်ရှင်းလို့မရဘူး။ သိန်းရာထောင်ချီပြီးအကျိုးအမြတ်နဲ့တင်သွင်းထားတဲ့ အလုပ်သမားတွေကိုတောင်မှ
တာဝန်ယူသူမရှိဖြစ်နေတာကို ထိုင်းမှာသန်းချီရှိတဲ့ အလုပ်သမားတွေကိုMOU တံဆိပ် တုံးထုပြီး
ပွဲစား ကျွန်ဇာတ်သွင်းဖို့ပြင်ဆင်နေကြတယ်လို့ကြားရတယ်။ ဒါကို မြန်မာနိုင်ငံသားတိုင်းအမြန်ဆုံး
ဆန့်ကျင်ရမယ်” ဟုပြောသည်။
ယခုအတင်းပြန်ပို့ခံရသည့်အလုပ်သမားများ၏ ကိစ္စရပ်အား
ဘန်ကောက်မြန်မာသံအမတ်ကြီးနှင့် MAT အဖွဲ့တို့က အတတ်နိုင်ဆုံးကူညီပေးမည်ဖြစ်ကြောင်းသိရှိရသည်။
အလုပ်သမားများအား မြ၀တီအခြေစိုက် လူကုန်တားတပ်ဖွဲ့သို့ အကူညီတောင်းခံသဖြင့် ထိုစခန်းတွင်
ကျွေးမွေးစောင့်ရှောက်ထားပါသည်။
နိုင်ငံရပ်ခြားတွင် တရားဝင်တင်ပို့သည်ဆိုသည့် MOU လုပ်ကိုင်ခွင့်အား ထိုင်းနှင့်မြန်မာ
ပွဲစားကုမ္ပဏီတို့အား လုပ်ကိုင်ခွင့်ပြုထားခဲ့ကြသဖြင့် ထိုင်းရောက် အလုပ်သမားများမှာ ထိုင်း
လည်းကြောက်၊ မြန်မာလည်းကြောက်နေကြရသည့်ဘ၀သို့ရောက်ရှိနေပါသည်။ အစိုးရတင်ပို့
သည်ဆိုသည့်ခေါင်းစဉ်ဖြင့်လာသော်လည်းယခုကဲ့သို့ အနိုင်ကျင့်ခံရသည့်အခါ မြန်မာအစိုးအား
ဆင်းရဲသား အလုပ်သမားလူတန်းစားက လုံးဝ အယုံအကြည်ကင်းမဲ့စေကြောင်း ကျွမ်းကျင်သူ
များကဆိုပါသည်။