၂၀၁၅ ဒီဇင်ဘာ ၂၁
ကိုခွန်+လွမ်းသူ
မြန်မာအလုပ်သမား၇ဦးထံမှ အလုပ်သွင်းပေးခငွေယူပြီး အလုပ်မသွင်းပေးသည့်အပြင်
အ၀တ်အထည်များကိုသိမ်းယူထားလိုက်ပြီး ကြိုက်သည့်နေရာသို့သွားတိုင်ဟူ၍
ပြောဆိုသည့် မြန်မာပွဲစားမ တစ်ဦးအားနယ်မြေရဲတပ်ဖွဲ့နှင့်
မြန်မာသံရုံးအလုပ်သမားကူညီစောင့်ရှောက်ရေးကော်မတီက ယနေ့ ညှိနှိုင်းဖြေရှင်းပေး
ခဲ့သည်။
ဘန်ကောက်မြို့ ဖလန်ဆောင်နယ်မြေ စင်ထလေ၂၆/၇ တွင်နေထိုင်သော ပွဲစားမစန္ဒာအေး ဆိုသူက အလုပ်သမားတစ်ဦးထံမှ အလုပ်စမတ်ခ(အလုပ်သွင်းပေးခ)
တစ်ဦးလျှင် ဘတ်ငွေ၅၅၀ နုန်းဖြင့်ဘတ်ငွေ ၃၈၅၀ အား ယူခဲ့သည်။
ရခိုင်ပြည်နယ်၊ ရသေ့တောင်မြို့နယ်မှ ကိုခင်မောင်သန်း က “အလုပ်မသွင်းပေးနိုင်တဲ့အပြင်
ကျတော်တို့ ပတ်စပို့တွေ၊ အ၀တ်အစားအထုတ်အပိုးတွေကို သိမ်းထားတယ်။တိုင်ချင်တဲ့အဖွဲ့မှသွားတိုင်
စောက်ဂရု မစိုက်ဘူးလို့ပြောတယ်။ ကျနော်တို့လည်း ကြံရာမရဖြစ်နေတယ်။ အသိတစ်ယောက်က
MAT အဖွဲ့ ကို အကူညီတောင်းလို့ပြောလို့ အခုလိုအဆင်ပြေသွားတာပါ။ကျေးဇူးတင်ပါတယ်ဗျာ”
ဟုပြောသည်။
အလုပ်သမားများကယနေ့နံနက်ကတည်းက MAT
ရုံးသို့ဆက်သွယ်အကူညီတောင်းခံလာခဲ့ပါသည်။
ဘန်ကောက်အခြေစိုက်
ထိုင်းနိုင်ငံရောက်မြန်မာနိုင်ငံသားများအဖွဲ့ MAT အဖွဲ့ ရုံးတာဝန်ခံကိုစိုင်းအေး က “မြန်မာသံရုံးအလုပ်သမားကူညီစောင့်ရှောက်ရေးကော်မတီအတွင်းရေးမှူး
ကိုသတင်းပို့ ပါတယ်။ ပြီးတော့ စင်ထလေ ရဲစခန်းကိုသတင်းပို့တယ်။ အထုတ်အပိုးတွေရော
ငွေတွေပါ ပြန်ရသွားပါပြီ”ဟုပြောသည်။