၂၀၁၅ ဒီဇင်ဘာ
၎ ရက်
စိုင်းခွန်လွမ်းခက်
ဘန်ကောက်မြို့မြောက်ဘက် ကီလိုမီတာ၉၅အကွာ အန်ဖေစောင်ဖီနောင်တွင်ရှိသော
F&F ကြက်သား ထုတ်လုပ်သည့်စက်ရုံသို့ပို့ထားသည့်MOUအလုပ်သမားပြဿ နာများနှင့်အလုပ်သမားအခွင့်အရေးချိုးဖေါက်မှုများကို
မြန်မာအလုပ်သမားသံအရာရှိ ဖြေရှင်းနိုင်ဖွယ်မမြင်ကြောင်း MAT အဖွဲ့က ပြောသည်။
ကောင်းလတ်စံအေဂျင်စီနှင့် Moral
Quality Co,Ltd တို့သည်
၁၀.၁၀.၂၀၁၅နေ့က ၈၅ဦးပို့ဆောင် ထားပါသည်။ (ကျား၂+မ၃ဦး) အလုပ်မရသေးပါ။
နောက်ထပ် ၂၇. ၁၀.၂၀၁၅ နေက ၇၆ဦး ထပ်မံပို့ဆောင်ပါသည်။
အလုပ်မလုပ်ရခြင်းကြောင့်
ထွက်ပြေးသွားကြဖြင့်ယခုအခါ
အလုပ်သမား၄၄ဦး(ကျား၂၂ +မ၂၂) သာ ကျန်ရှိပါတော့သည်။
ရွှေ့ပြောင်းအလုပ်သမားများ၏ အရေးအရာများကို နေ့စဉ်
ကူညီဆောင်ရွက်နေသော ဘန်ကောက်မြို့အခြေစိုက်၊ မြန်မာသံရုံးအလုပ်သမားကူညီစောင့်ရှောက်ရေးကော်မတီဝင်
MAT အဖွဲ့က ယခုအလုပ်သမားများ အခက်အခဲကြုံနေကြောင်းသိရှိခဲ့ရသဖြင့် ဒီဇင်ဘာလ၂ ရက်နေ့
က သွားရောက်၍ တွေ့ဆုံခဲ့ကြသည်။ အလုပ်သမားများမှာစားစရာမရှိဖြစ်နေ၍ ဘတ်ငွေ သုံးထောင်တန်ဘိုးရှိသည့် ဆန်၊ငါးသေတ္တာနှင့်ကြက်ဥများအား MAT အဖွဲ့က ကူညီထောက်ပံ့ပေးခဲ့သည်။ ပကတိအဖြစ်အပျက်အခြေအနေများအား အထောက်အထားများဖြင့် မြန်မာသံရုံးအလုပ်သမားကူညီစောင့်ရှောက်ရေးကော်မတီ နာယက မြန်မာသံအမတ်ကြီးဦးဝင်းမောင် နှင့် အတွင်းရေးမှူး(၁) တို့ကို MAT အဖွဲ့ကတင်ပြခဲ့သည်။
က သွားရောက်၍ တွေ့ဆုံခဲ့ကြသည်။ အလုပ်သမားများမှာစားစရာမရှိဖြစ်နေ၍ ဘတ်ငွေ သုံးထောင်တန်ဘိုးရှိသည့် ဆန်၊ငါးသေတ္တာနှင့်ကြက်ဥများအား MAT အဖွဲ့က ကူညီထောက်ပံ့ပေးခဲ့သည်။ ပကတိအဖြစ်အပျက်အခြေအနေများအား အထောက်အထားများဖြင့် မြန်မာသံရုံးအလုပ်သမားကူညီစောင့်ရှောက်ရေးကော်မတီ နာယက မြန်မာသံအမတ်ကြီးဦးဝင်းမောင် နှင့် အတွင်းရေးမှူး(၁) တို့ကို MAT အဖွဲ့ကတင်ပြခဲ့သည်။
မြန်မာအလုပ်သမားသံအရာရှိဦးလှထွန်း က ရန်ကုန်မြို့တွင်လာရောက်စာချုပ်ချုပ်ဆိုခဲ့သည့်
Moral Quality Co,Ltdမှ ထိုင်းအမျိုးသားကို တွေ့လိုကြောင်း ပွဲစားမောင်မောင် ကို တောင်းဆိုသော်လည်း
တွေ့ခွင့် မရခဲ့ပါ။ စူဖန်မြို့အလုပ်သမားအရာရှိကရောက်ရှိလာခဲ့ပြီး ညှိနှိုင်းကြသော်လည်း
အလုပ်သမားများအလုပ်မရ နိုင်ပါ။ ထိုင်းအစိုးရ ကဆုံလိုင်ငန်မှ အရာရှိက လောလောဆယ်တွင်
F&F စက်ရုံတွင် အလုပ်သမားများပြည့် နေသဖြင့် အလုပ်သမားများထွက်သည့်အခါ တစ်ပတ်လျှင်
၅ဦးကျစီအလုပ်ခန့်ထားပေးမည်ဟုဆိုသည်။
ဦးလှထွန်းက အလုပ်သမားပြည့်နေတာ ဘယ်အတွက်ကြောင့်
အလုပ်သမားတွေကထွက်ရမလဲဟု မေးရာ။ ထိုင်းအလုပ်သမားအရာရှိက တစ်လလျှင် အနည်းဆုံး အယောက်
၅၀ခန့် အလုပ်ထွက်ကြောင်း ပြောပါသည်။ အလုပ်သမားများနှင့်
ဦးလှထွန်း တို့ အပြန်အလှန်ဆွေးနွေးမှုများအရ အလုပ်သမားများ၏ နစ်နာမှုများနှင့် အလုပ်ခန့်ထားရေးကိစ္စရပ်တို့ကို
မတ်လ ၈ ရက်နေ့တွင် အဖွဲ့စုံလာရောက်ဖြေရှင်းပေးမည်ဖြစ်ကြောင်း ပြောဆိုခဲ့သည်။ ထိုင်းနှင့်မြန်မာအလုပ်သမားအရာရှိတို့ကအလုပ်သမားအိမ်ပြန်လိုသလားဟုမေးကြရာအလုပ်သမားများကမပြန်လိုကြောင်း တပြိုင်တည်းပြောကြပါသည်။
ဦးလှထွန်း က“ထိုင်းအလုပ်သမားဥပဒေကို ကျနော် သေသေချာချာဖတ်ပါတယ်။
အလုပ်သမား တွေ တစ်လ ထက်ကျော်ပြီး အလုပ်မရပဲစောင့်နေရရင် အဲဒီရက်တွေအတွက် ပုံမှန်လုပ်အားခရဲ့
၇၅ရာခိုင်နုန်း(၁၂၅ဘတ်)ကို အလုပ်သမားတွေရရှိရပါမယ်။ ကျနော် ထိုင်းအလုပ်သမားဝန်ကြီးဌာနကို
ဒီကနေ့တောင်းဆိုခဲ့ပါတယ်။ ဒီမှာအဆင် မပြေရင်လည်းအခြားနေရာကို ပြောင်းရဖို့အတွက် အဲဒီ
၈ရက်နေ့မှာပဲစီစဉ်ပေးပါမယ်” ဟု နှစ်သိမ့်ခဲ့ပါသည်။
MOU ဖြင့် ရောက်ရှိနေပြီး ရက်ပေါင်း ၅၅ရက်ကြာမှ
အလုပ်လုပ်ရသည့် အလုပ်သမတစ်ဦးက သူမတို့ အလုပ် လုပ်ရသည့်အခြေအနေများကို အားလုံးရှေ့တွင်တင်ပြပါသည်။
“သမီးတို့ နေမကောင်းလည်းမနားရဲဘူး။ အခန်းခ၊
ရေခ၊မီးခ၊ ၀တ်စုံခ၊ အသားလှီးဖြတ်တဲ့ဓါးဖိုး၊ ၀တ်ပါမစ်ခ၊ ရံပုံငွေ၊ အခွန်၊ အာမခံဆိုပြီး
ဖြတ်လိုက်တာသုံးစရာမကျန်အောင်ပါပဲ။ မနက်၈နာရီကနေညဥ့်၈နာရီထိလုပ်ရပါတယ်။ ည၁၁ နာရီအထိလုပ်ရတာကို အချိန်ပိုကြေးမပေးပဲ ပုတ်ပြတ်ခိုင်းပါတယ်။ သမီးတို့ကို
အလုပ်ပြောင်းပေးစေချင် ပါတယ်” ဟုပြောသည်။
မေ၀င့် အေဂျင်စီမှ ပို့ထားသည့် အလုပ်သမားတစ်ဦးမှာ နံနက် ၈နာရီမှ ည ၁၁ နာရီအထိ
အလုပ်လုပ်ရသော်လည်း ဘတ်ငွေ ၃၀၀ သာရရှိသည်ဟု ဦးလှထွန်း ကို မျက်နှာချင်းဆိုင်တင်ပြ
ပါသည်။
ဤ
F&F ကြက်သားအေးခဲစက်ရုံတွင်
အလုပ်မရှိသော်လည်း လူနေအဆောင်များသို့ (၁) စတားပိုင်အိုး နီးယား အေဂျင်စီ၊ (၂)နှင်းပန်းဝါအေဂျင်စီ၊(၃)မေ၀င့်အေဂျင်စီ၊(၄) ဒိုင်းမွန်းပဲလေ့အေဂျင်စီ (၅)လေဘာအာရှ
အေဂျင်စီ နှင့် (၆) မိုးမိုးဖင်မလီ အေဂျင်စီတို့မှပို့ထားကြသည့်
ရာပေါင်းများစွာသောအလုပ်သမားများမှာ အလုပ်မရှိဖြစ်နေပါသည်။ ကာယကံရှင်အလုပ်သမားများကိုယ်တိုင်
စမတ်ကဒ်များဖြင့် လာရောက်၍ ဦးလှထွန်း ကိုပြောပြကြပါသည်။ ဦးလှထွန်း လည်း ဓါတ်ပုံများရိုက်ယူပါသည်။
MAT အဖွဲ့ဒါရိုက်တာဦးကျော်သောင်း
က “အလုပ်ရုံအခြေအနေမကောင်းပါဘူး။
ဒီအလုပ်ရုံကိုလက်ညှိုးထိုးပြီး အလုပ်သမားအသွင်းအထုတ်လုပ်စားနေကြတာပါ။ မြို့ရွာနဲ့ အလွန်အလှမ်း ဝေးတဲ့တောထဲမှာဖြစ်ပါတယ်။
ရဲတစ်ထပ်၊ပွဲစားတစ်ထပ်၊ လူမိုက်တစ်ထပ်နဲ့ အကြွေးတွေနဲ့ချည်
နှောင်ထားပါတယ်။ ဒီအလုပ်ရုံမှာဖြစ်ပျက်နေတဲ့ MOU အလုပ်သမားပြဿ နာကို ဦးလှထွန်း ဖြေရှင်းနိုင်ဖို့ ကျနော်မမြင်ဘူး။ နောက်တစ်ချက်က
ကျနော်က အခြားအလုပ်သမားတွေကိုစမတ်ကဒ်နဲ့ အလုပ်သမားခေါ်စာကို စစ်ဆေးခိုင်းတာလည်းအလကားပဲ။
ခုဖြစ်နေတဲ့ ပြဿ နာက အလုပ်သမားခေါ်စာမှန်တယ်၊ အလုပ်ရုံကလက်မခံ၊ အလုပ်သမားတွေ လေးသိန်းခွဲကနေ
ခုနစ် သိန်း အထိပေးရတယ်။ အဲဒါ ကျနော်နဲ့မဆိုင်ဘူးတဲ့။ အလုပ်သမားတွေ အလုပ်မရသေးတာ မတ်လ
၁၀ ရက် ဆို ၂လတင်းတင်းပြည့်ပြီ” ဟုပြောသည်။
ယနေ့ထူခြားမှုမှာ အလုပ်သမားများထံမှ သိမ်းယူထားသည့် ပတ်စပို့နှင့် စမတ်ကဒ်တို့ အား ယူကြရန် ပွဲစားကလာပြောဆိုသည်ဟုဆိုသည်။ ထို့အပြင် ပွဲစားမောင်မောင် လာခေါ်ပါက
လိုက်သွားရန် အလုပ်သမားသံအရာရှိကပြောဆိုကြောင်းလည်းသိရသည်။ သို့ရာတွင် အလုပ်
သမားများက ၎င်းတို့အား လုပ်အားခ ၇၀ ရခိုင်နုန်းတောင်းပေမည်ဟုပြောဆိုခဲ့သည့် အလုပ်သမားသံအရာရှိ ဦးလှထွန်း တို့ ချိန်းဆိုခဲ့သည့် မတ်လ၈ ရက်နေ့ကိုရောက်သည့်အခါမှ စဉ်း
စားဆုံးဖြတ်ကြမည်ဖြစ်ကြောင်း အလုပ်သမားများကပြောသည်။
လိုက်သွားရန် အလုပ်သမားသံအရာရှိကပြောဆိုကြောင်းလည်းသိရသည်။ သို့ရာတွင် အလုပ်
သမားများက ၎င်းတို့အား လုပ်အားခ ၇၀ ရခိုင်နုန်းတောင်းပေမည်ဟုပြောဆိုခဲ့သည့် အလုပ်သမားသံအရာရှိ ဦးလှထွန်း တို့ ချိန်းဆိုခဲ့သည့် မတ်လ၈ ရက်နေ့ကိုရောက်သည့်အခါမှ စဉ်း
စားဆုံးဖြတ်ကြမည်ဖြစ်ကြောင်း အလုပ်သမားများကပြောသည်။