၂၀၁၆ ဖေဖေါ်ဝါရီ ၂၂ရက် မြတ်ညို (အလွတ်သတင်းထောက်)
မြန်မာပြည်သို့နေစဉ်ပြန်သွားနေကြသည့်မြန်မာအလုပ်သမားများ
မဲဆောက်တောင်ေ ပ်ါဂိတ်များနှင့် မြ၀တီ ၉၉၉ ဂိတ်ဟောင်းတို့တွင်
ငွေအမြောက်အမြားပေးနေရကြောင်း အလုပ် သမားများက အချက်လက် များပေးပို့၍ အကူညီတောင်းခံလာခဲ့ကြပါသည်။
အလုပ်သမား ကိုရွှေဝင်း က“ကျနော်တို့မှာ သံရုံးကထောက်ခံစာ၊
ထိုင်းအလုပ်သမား ၀န်ကြီးဌာန ထောက်ခံစာနဲ့ လုပ်ငန်းရှင်သူဌေး ထောက်ခံစာပါ ပါတယ်။ ဒါပေမယ့်
ခွေးလျားဦး ဂိတ်မှာ ထောရောမပါဘူး ဆိုပြီး အကုန်ဆွဲချတယ်။ အလုပ်သမား ၁၀၀ လောက်ရှိပါတယ်။ သူတို့က မြ၀တီဘက်က ၉၉၉ ဂိတ်ကို
ပို့ပါတယ်။ ၉၉၉ ဂိတ်မှာ တစ်ယောက်ကို ဘတ် ၁၇၀၀ စီပေးရပါတယ်။ ဒါ့အပြင် လက်ဝှေ့ခွေတစ်ခွေကို
ဘတ် ၁၂၀ နဲ့ မ၀ယ်မနေရ ၀ယ်ရပါတယ်။ မရွေးနိုင်ရင် ထိုင်းငါးဖမ်းလှေကို ရောင်းစားမယ်လို့
၉၉၉ ဂိတ်က ပြောတယ်။ ပွဲစားတွေ လည်းအများကြီးပဲ” ဟုပြောသည်။
ဘန်ကောက်အခြေစိုက်ထိုင်းနိုင်ငံရောက်မြန်မာနိုင်ငံသားများအဖွဲ့MAT
သည် ၉၉၉ ဂိတ်အတွင်း လူအ ရောင်းဝယ်လုပ်မှု၊ မတရားငွေကြေးတောင်းခံမှုတို့အား လျှို့ဝှက်ကယ်မရာဖြင့်ရိုက်ကူး၍
အင်တာနက်တွင် တင်ဖူးသည်။ ထို့အပြင် သက်ဆိုင်သည့်မြန်မာအစိုးရဌာနဆိုင် ရာများသို့ လည်း
ပေးပို့ဖူးသည်။
MAT အဖွဲ့
ဒါရိုက်တာ ဦးကျော်သောင်း က“မြ၀တီမှာ လက်နက်ကိုင်အဖွဲ့အစည်းတွေ
ထိုင်းကပြန်လာတဲ့ သူတွေ၊ ဖမ်းဆီးပြန်ပို့ခံရတဲ့သူတွေဆီက ငွေကောက်စား၊ မပေးနိုင်သူတွေ ကို
ပွဲစားတွေဆီကို ပြန်ရောင်း လုပ်စားနေကြတာ ဆယ်စုနှစ်နဲ့ကြာခဲ့ပြီဖြစ်တယ်။ ဒါတွေကို မြန်အာဏာပိုင်တွေ
အပြတ်မလုပ်နိုင်ကြသေး ဘူး။ မြန်မာအလုပ်သမားတွေမှာ ကိုယ်ဖြစ် ကိုယ်ခံဖြစ်နေတယ်။ ကိုယ့်တိုင်းပြည်ကို
ပြန်လာတာ ကိုယ့်နိုင်ငံ သားအချင်းချင်း အသားလွတ် အကြောင်းမဲ့ငွေပေးရတာတော့ မင်းမဲ့တိုင်းပြည်လိုဖြစ်နေတယ်။
မြန်မာအစိုးရ အနေနဲ့ နေ့စဉ် ရာပေါင်းများစွာ ပြန်သွားနေကြတဲ့ အလုပ်သမားတွေဆီက ထိုင်းရဲ
တောင်းစားနေတာကိုရော၊ မြ၀တီမှာ ကောက်စားနေကြတာကိုပါ အမြစ်ပြတ်ချေမှုန်ပေးစေချင်ပါတယ်”
ဟုပြောသည်။
သတင်းအချက်အလက်
ရိုက်ကူးပေးခဲ့သည့် အလုပ်သမားအား မြ၀တီလူကုန်တားမှ လာရော က်ခေါ်ဆောင်ခဲ့သဖြင့် ဘတ်ငွေ
၁၇၀၀ မပေးခဲ့ရသော်လည်း လက်ဝှေ့ခွေကို ၀ယ်ယူခဲ့ရသည် ဟုဆိုသည်။
MAT အဖွဲ့သည် ယနေ့ဖြစ်စဉ်နှင့်ပတ်သက်၍
အရေးယူဆောင်ရွက်ပေးပါရန် နိုင်ငံတော် သမ္မတကြီး ထံသို့လိပ်မူ၍ သမ္မတရုံးသို့ စာပို့ပေးခဲ့သည်။
မိတ္တူကို မြန်မာနိုင်ငံလူကုန်ကူးမှုတား ဆီးနှိမ်နင်းရေးတပ်ဖွဲ့မှူး၊ အလုပ်အကိုင်အလုပ်သမားလူမှုဖူလုံရေးဝန်ကြီးဌာန
အမြဲတမ်းအတွင်း ၀န် ဦးမျိုးအောင်၊ ဘန်ကောက် မြန်မာသံရုံး သံအမတ်ကြီး ဦးဝင်းမောင်၊
အလုပ်သမားသံအရာရှိ ဦးလှထွန်း နှင့်မြ၀တီလူကုန်ကူးမှု
တပ်စိပ် မှူးတို့ထံသို့ ပေးပို့ခဲ့သည်။ ထို့အပြင် မြ၀တီသတင်း တပ်ဖွဲ့SB နှင့်မြ၀တီလူကုန်တားသို့လည်း
ဖုန်းဖြင့်ဆက် သွယ်၍ သတင်းပို့အကူညီတောင်းခံခဲ့ သည်။
