၂၀၁၇ သြဂုတ်လ ၁၆
ရွှေလုပ်သား
မတရားအလုပ်ထုတ်ခံခဲ့ရသည့် အလုပ်သမား ၆၅ ဦးအတွက်
နစ်နာကြေးမှုထုတ်ယူရန်အတွက် ထိုင်းရှေ့နေရုံးက မနက်ဖြန်တွင်လာရောက်ကြရန်အတွက် MAT အဖွဲ့သို့
အကြောင်းကြားလာခဲ့သည်။
MAT အဖွဲ့မှ အမှုလိုက်အရာရှိ ကိုဘခက် က “ဒီအမှုကို ကိုင်တွယ်ကူညီတဲ့ ရှေ့နေတွေက အမှုနိုင်
လို့ နစ်နာကြေးငွေတွေလာယူကြဖို့ ပြောလို့
ကျနော်တို့ အွန်လိုင်းကရော၊ မြန်မာသတင်းဌာနတွေကပါ
သြဂုတ်လ ၁ ရက်နေ့ကတည်းက ကြေညာခဲ့ပါတယ်။
အမှုဖွင့်ထားတဲ့ အလုပ်သမားပေါင်းက ၆၅ ယောက် ဖြစ်တယ်။ တချို့က မြန်မာပြည်ပြန်သွားကြပြီ။
၂ပတ်ကျော်အတွင်းမှာ ကျနော်တို့ကို ဆက်သွယ်လာတဲ့ အလုပ်သမား ၁၁ ယောက်ပဲရှိပါသေးတယ်။ ဒီလူတွေကိုမနက်ဖြန်ရှေ့နေရုံးကို
သွားပို့ပါမယ်” ဟုပြော သည်။
(YNP) Yar Na
Pund public co.ltd တွင် အလုပ်လုပ်ကိုင်ကြသည့်မြန်မာအလုပ်သမားပေါင်း
၁၀၆ ဦးတို့ အလုပ်ထုတ်ပယ်ခံခဲ့ရသည်။ ထိုအလုပ်သမားများထဲမှ အလုပ်သမား ၆၅ဦးတို့က အမှုဖွင့်တိုင်ကြားခဲ့ပါ
သည်။
ဤအမှုကိစ္စအား၂၀၁၃ ခု မေလက ဘန်ကောက်မြန်မာသံရုံးမှ
ပထမဦးဆုံး အလုပ်သမားသံအရာရှိ ဦးကျော်ကျော်လွင် ၏ ပံ့ပိုးကူညီမှုများဖြင့် ထိုင်းနိုင်ငံတောင်ပိုင်း
ဖန်ငအခြေစိုက် ပညာရေးဖေါင်ဒေးရှင်း FED ရှေ့နေအဖွဲ့နှင့်အတူ ဘန်ကောက်အခြေစိုက် ထိုင်းနိုင်ငံရောက်မြန်မာနိုင်ငံသား
များအဖွဲ့ MAT တို့ ပူးပေါင်းဆောင်ရွက်ခဲ့ကြသည့် အမှုကိစ္စဖြစ်ပါသည်။
ကားအပိုပစ္စည်းထုတ်လုပ်သည့် (YNP) Yar Na Pund public co.ltd သို့ အလုပ်သမားသွင်းသည့်
(DDS) Doung Dao Supply service group co.ltd သည်
အလုပ်သမားများထံမှ အလုပ်လုပ်ခွင့်ပါမစ် W.P လုပ်ပေးမည်ဟုဆိုကာ အလုပ်သမားတစ်ဦးစီဘတ်ငွေ
၅၁၀၀ အထိဖြတ်တောက်ထားခဲ့ပါသည်။ သို့ရာတွင်၅လကျော်ကြာသည့်တိုင်အောင် Work Permit လုပ်မပေးသဖြင့်
အလုပ်သမားများကို အလုပ်ရုံမှ အလုပ်ထုတ်ပယ်ခြင်းကို ခံခဲ့ရခြင်းဖြစ်ပါသည်။
MAT အဖွဲ့ဒါရိုက်တာ
ဦးကျော်သောင်း က“ အလုပ်သမားတစ်ယောက်ကို ဘတ်ငွေ ၁၆၅၀၀ စီ၊ စုစု ပေါင်း ဘတ်ငွေ တစ်သန်းကျော်
ရရှိနေပြီဖြစ်တာကြောင့် အလုပ်သမားတွေကို ဆက်သွယ်ပေးဖို့ ရှေ့နေ အဖွဲ့က အကြောင်းကြားလာပါတယ်။
သုံးလေးနှစ်တောင်ကြာသွားပြီဆိုတော့ အလုပ်သမားတွေကို စုမိဖို့ ခက်ခဲနိုင်ပါတယ်။ ရခိုင်အလုပ်သမားအများစုဖြစ်ပါတယ်။
အလုပ်သမားတွေကိုယ်တိုင်ထုတ်ယူမှ ဒီငွေတွေ ကိုရရှိမှာဖြစ်ပါတယ်။ ကျနော်တို့ ထုတ်ယူလို့မရပါဘူး။
ဘာပဲဖြစ်ဖြစ် မြန်မာအလုပ်သမားတွေကို ဥပဒေမဲ့ လုပ်ချင်တိုင်း လုပ်လို့မရ ဘူးဆိုတာကို
အလုပ်ရုံကော အလုပ်သမားသွင်းစားတဲ့ ပွဲစားကုမ္ပဏီကရောသိသွား တာကျနော် တို့လုပ်ရပ်ရဲ့
အောင်မြင်မှုဖြစ်ပါတယ်၊ ကူညီပေးကြသူအားလုံးကိုကျေးဇူးတင်ပါတယ်” ဟုပြော သည်။
ယခုအမှုကို စမူပါကန် တရားရုံးက ၂၀၁၅ ခုနှစ်က
အလုပ်ရုံမှ နစ်နာကြေးပေးဆောင်စေရန် စီရင် ချက် ချမှတ်ပြီးဖြစ်ပါသည်။ သို့ရာတွင် လုပ်ငန်းရှင်သူဌေးများက
မပေးလျှော်လိုကြောင်း ရှေ့နေငှါးရမ်း၍ ပြန်လည်ခုခံ ခဲ့သဖြင့် ယခုလောက်အထိ အမှုကြာမြင့်သွားခဲ့ရခြင်းဖြစ်ပါသည်။
သို့ရာတွင် အလုပ်သမား ဆိုင်ရာ အတွေ့အကြုံ များစွာရှိကြသည့် ရှေ့နေကြီးနာဆာနှင့် ဖိမေ့
တို့၏ ကြိုးပမ်းဆောင်ရွက်မှုတို့ဖြင့် ယခုအခါ အလုပ်သမားများ နစ်နာကြေးများကိုရရှိခဲ့ပြီဖြစ်ပါသည်။
ယခု တင်ပြထားသည့် အမည်စါရင်းပါအလုပ်သမားများအနေဖြင့်
MAT အဖွဲ့မှ အမှုလိုက်တာဝန်ခံ ဦးဘခက် 087 312 1179 နှင့် ဦးကျော်သောင်း ဖုန်း 084
670 5727 သို့ဆက်သွယ်ကြပါရန် မေတ္တာရပ်ခံ ထားပါသည်။ မြန်မာပြည်သို့ပြန်လည်ရောက်ရှိသွားကြသူများကလည်း
လာရောက်ထုတ်ယူနိုင်ပါသည်။ မဆိုသကောင်း ကွယ်လွန်သွားသည့် အလုပ်သမားများရှိပါကလည်း မိသားစုဝင်များက
ဆက်သွယ်ဆောင် ရွက်ကြပါရန် မေတ္တာရပ် ခံပါသည်။