နန်လွင်နှင်းပွင့် / ဧရာဝတီ
ရခိုင်ပြည် လွတ်မြောက်ရေးပါတီ၊ ရခိုင်ပြည်လွတ်မြောက်ရေးတပ်မတော် (ALP/ALA) ဗဟိုဌာနချုပ် ကို ရက္ခိုင့်တပ်မတော် (AA) တပ်ဖွဲ့ဝင်များက တိုက်ခိုက်သိမ်းပိုက် လိုက် ပြီဖြစ်ကြောင်း AA ၏ စစ်ဦးစီးချုပ် ဗိုလ်ချုပ် ထွန်းမြတ်နိုင်က ဧရာဝတီသို့ ပြောသည်။
မြန်မာ-အိန္ဒိယ နယ်စပ်တွင် အခြေစိုက်ထားသော ALA ဌာနချုပ်ကို သြဂုတ် လ ၂၂ ရက်နေ့က စတင်၍ AA တပ်များက ဝင်ရောက် တိုက်ခိုက်ခဲ့ခြင်းဖြစ် ပြီး လက်ရှိအချိန် တွင်တော့ ထိန်းသိမ်းလိုက်နိုင်ပြီဖြစ်ကြောင်း AA ဘက်ကဆို သည်။
ဗိုလ်ချုပ် ထွန်းမြတ်နိုင် က “အခု ALP ဌာနချုပ်ကို တည်တည်ငြိမ်ငြိမ်နဲ့ ကျနော်တို့ ထိန်းသိမ်းနိုင်လိုက်ပြီ။ သွေးထွက် သံယို အနည်းဆုံး ဖြစ်အောင် ကိုင်တွယ်ခဲ့ပါတယ်။ ဆုံးရှုံးမှုတွေ အတွက်လည်းစိတ်မကောင်းပါဘူး။ ဒါက အမျိုးသားရေးအတွက် လိုအပ်လို့ လုပ်ရတာ ဖြစ်ပါတယ်” ဟု ပြောသည်။
မူလက ဆွေးနွေးရန်ရည်ရွယ်ထားသော်လည်း ALA ဘက်က ပစ်ခတ်ခဲ့ သဖြင့် အပြန်အလှန် ပစ်ခတ်မှု အဆင့်သို့ ရောက်ရှိ သွားခဲ့ပြီး အဆိုပါပစ် ခတ်မှုတွင် ALA ဘက်တွင် ကျဆုံးမှု ရှိခဲ့သလို AA ဘက်တွင်လည်း ၂ ဦး ဒဏ်ရာ ရရှိခဲ့ကြောင်း စစ်ဦးစီးချုပ် က ထပ်လောင်းပြောဆိုသည်။
ယင်းသို့ လုပ်ဆောင်ရခြင်းမှာ ALA ကိုလက်နက်ဖြုတ်သိမ်းပြီး AA အောက် သို့ ဝင်ကာ ရခိုင်အလံတော် တခုတည်းအောက်တွင် ရခိုင့်တပ်မတော် တခုတည်း ရပ်တည်ကြရန်အတွက်ဆုံးဖြတ်၍ ထိုကဲ့သို့လုပ်ဆောင်ခဲ့ခြင်း ဖြစ်သည် ဟုဆိုသည်။
“တချိန်ချိန်မှာတော့ထိပ်တိုက် တိုးတော့မယ် ဆိုတာ ကျနော်တို့ သိပြီ။ ဒါပေမယ့် အင်အားအရ ဆိုရင်တော့ သူတို့နဲ့ ကျနော်တို့ နဲ့ တော်တော်လေး ကွာခြားတယ် ။ ဒါ့ကြောင့် တိုက်ပွဲတွေဟိုမှာဒီမှာ ဖြစ်နေမယ့် အစား တချိန်တည်းမှာ ထိထိ ရောက်ရောက်နဲ့ သွေးထွက်သံယိုမှုအနည်းဆုံးနဲ့ လက်နက် ဖြုတ်သိမ်းလိုက်မယ် ဆိုတာကို ကျနော်တို့ မလွှဲသာလို့ နောက်ဆုံးဆုံးဖြတ်ခဲ့ရတယ်” ဟု ဗိုလ်ချုပ် ထွန်းမြတ်နိုင်က ဆိုသည်။
ထို့အတူ ရခိုင်တိုင်းရင်းသား တပ်အချင်းချင်းအပေါ် ကြိုတင်ဆွေးနွေးမှု မပြုလုပ်ဘဲ လက်နက်ဖြင့် ယခုကဲ့သို့ တိုက်ခိုက် သိမ်းပိုက်ခြင်းမှာ မလုပ်သင့်ကြောင်း၊ ယင်းသို့ တိုက်ခိုက်ခြင်းကြောင့်လည်း နှစ်ပေါင်း ၅၀ ကျော် ရပ်တည်လာခဲ့သည့် ALP/ALA မှာ ပျောက်ဆုံးသွားမည်မဟုတ်ကြောင်း ဦးခိုင်စိုးနိုင်အောင်က ဆိုသည်။
ဦးခိုင်စိုးနိုင်အောင် က “သူတို့ လာတိုက်တယ်ဆိုကတည်းက ကျနော်တို့ကို ချေမှုန်း မယ်ဆိုတဲ့ပုံစံမျိုးအစီအစဉ်နဲ့တိုက်တယ်လို့ မှတ်ယူတယ်။ နှစ်ပေါင်း ၅၀ လောက်ဖြတ် သန်းလာခဲ့တဲ့ အဖွဲ့အစည်း တခုကို တခြားအဖွဲ့အစည်း တခုအောက် ဝင်ဖို့ဆိုတာ မဖြစ်နိုင်ဘူး။ ရခိုင်သား အချင်းချင်း အခုလိုလုပ်တာ အဖြေလည်း မထွက်နိုင်ဘူး။ စိတ်လည်းမကောင်းဘူးပေါ့ဗျာ” ဟု ဧရာဝတီသို့ ပြောသည်။
ရခိုင်ပြည်နယ်အတွင်း အကြမ်းဖက်မှုများ ဖြစ်ပွားနေသည့် တချိန်တည်းတွင် တပ်မတော်က ဘူးသီးတောင်နှင့် ကျောက်တော် မြို့နယ်များတွင် ယခင်က ထက် တပ်အင်အား ပို၍ ချထားပြီး လှုပ်ရှားနေလျှက် ရှိပြီး၊ လက်နက်ကြီးများ ပစ်ခတ်လေ့ ကျင့်မှုများ ပြုလုပ်နေလျှက်ရှိသည်ဟု AA ဘက်ကပြောသည်။
ထို့အတူ သြဂုတ်လ ၂၁ ရက်နေ့ကလည်း ကုလားတန်မြစ် အနောက်ဘက် အခြမ်းတွင် တပ်မတော်စစ်ကြောင်းများနှင့် AA တပ်ဖွဲ့ဝင်များအကြား တိုက်ပြွဲ ဖစ်ပွားခဲ့ပြီး အဆိုပါ တပ်မတော်စစ်ကြောင်းတွင် ALA တပ်ဖွဲ့ဝင်အချို့ လမ်းပြ အဖြစ်လိုက်ပါခဲ့ သည်ဟု AA ဘက်က စွပ်စွဲပြောဆိုထားသည်။
ALP/ALA အဖွဲ့သည် အစိုးရနှင့် ၂၀၁၅ ခုနှစ် အောက်တိုဘာလ ၁၅ ရက်နေ့တွင် တနိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) ကို အခြားသော တိုင်းရင်းသား လက်နက်ကိုင် အဖွဲ့ ၇ ဖွဲ့နှင့် အတူ လက်မှတ် ရေးထိုးခဲ့သည့် အဖွဲ့ဖြစ်သည်။