ပြဿနာ မဖြေရှင်းနိုင်သေးသမျှ ကာကွယ်ရေး ဝန်ကြီးဌာနက ကာကွယ်ရေးကိစ္စနဲ့ ပတ်သက်လို့ နောက်ထပ် ထိတွေ့ဆက်ဆံမှု ဒါမှမဟုတ် မြန်မာစစ်တပ်ကို လေ့ကျင့် သင်တန်းပေးမှုတွေ ဆက်မလုပ်တော့ဘူးလို့ ဗြိတိန်ဝန်ကြီးချုပ် Theresa May ကပြောကြားခဲ့တာ ဖြစ်ပါတယ်။ ဒေါ်အောင်ဆန်းစုကြည် ဦးဆောင်တဲ့ အစိုးရ တက် လာခဲ့ပြီးနောက် ဗြိတိန်အစိုးရက မြန်မာစစ်တပ် စွမ်းဆောင်ရည်မြင့်လာဖို့ တနှစ်ကို စတာလင်ပေါင် ၃ သိန်းကျော်ဖိုး လေ့ကျင့်သင်တန်းတွေ ပေးခဲ့ပါတယ်။
အဲဒီသင်တန်းတွေထဲမှာ တိုက်ခိုက်ရေးဆိုင်ရာ လေ့ကျင့်သင်ကြားမှုတွေ မပါ ဝင်ပေမယ့် စစ်သားတွေကို ဒီမိုကရေစီစနစ်နဲ့အညီ နားလည်ဆောင်ရွက်နိုင်ရေး သင်တန်းတွေ၊ဦးဆောင်မှုပိုင်း သင်တန်းတွေနဲ့ အင်္ဂလိပ်ဘာသာ သင်တန်းတွေကို ဗြိတိန်ကာကွယ်ရေးဝန်ကြီးဌာနက ပေးနေတာဖြစ်ပါတယ်။ မြန်မာ့တပ်မတော်အနေနဲ့ ရခိုင်ပြည်နယ်က အကြမ်းဖက်မှုတွေကို အမြန်ဆုံးရပ်ဖို့နဲ့ အရပ်သားတွေအားလုံးကို အကာအကွယ်ပေးဖို့ ဗြိတိန် ကာကွယ်ရေးဝန်ကြီးဌာန ပြောခွင့်ရသူက ကြေညာချက် ထဲမှာ တောင်းဆိုထားပါတယ်။
ရခိုင်ပြည်နယ်မြောက်ပိုင်းမှာ လုံခြုံရေးတပ်ဖွဲ့ဝင်တွေရဲ့လူ့အခွင့်အရေး ချိုးဖောက်တဲ့ ဆောင်ရွက်မှုတွေကြောင့် လို့ဆိုပြီး ဘင်္ဂလားဒေရှ့် နိုင်ငံဘက် ရိုဟင်ဂျာတွေ အလုံးအ ရင်းနဲ့ထွက်ပြေးခဲ့ပြီးနောက် အကြမ်းဖက်မှုတွေကို မြန်မာစစ်တပ်ကရပ်ဖို့ နိုင်ငံတကာ က ဖိအားပေးမှုတွေ တိုးလာနေပါတယ်။ အလားတူ အမေရိကန်မှာလည်း အစိုးရရဲ့ ကာကွယ်ရေး အသုံးစရိတ်ထဲမှာ မြန်မာအစိုးရနဲ့စစ်ရေးပူးပေါင်းဆောင်ရွက်တဲ့ ကုန်ကျစရိတ်ကို ဖယ်ရှားပေးဖို့ လွှတ်တော်မှာ သြဇာညောင်းတဲ့ အထက်အလွှတ်ေ တ်ာအမတ် John McCain အပါအဝင် လွှတ်တော်အမတ်တချို့က တောင်းဆိုခဲ့ကြ ပါတယ်။