၁၉.၁၀.၂၀၁၇ အလဲဗင်း
စပါးအိတ်များ တင်ဆောင်လာသည့် ယာဉ်ပေါ်တွင် ပုန်းအောင်းလိုက်ပါလာသည့် ဘင်္ဂါလီခုနစ်ဦးအား အောက်တိုဘာ ၁၈ ရက် ည ၇ နာရီတွင် ဖမ်းဆီးရမိခဲ့ကြောင်း ဧရာဝတီတိုင်းဒေသကြီး ရဲတပ်ဖွဲ့မှ သိရသည်။ ဟင်္သာတခရိုင် ကြံခင်းမြို့နယ် ဇီးပင် ကွင်းကျေးရွာအုပ်စု အုတ်ပုံစစ်ဆေးရေးဂိတ်၌ စပါးအိတ်များ တင်ဆောင်လာ သည့်ယာဉ်ကို စစ်ဆေးရာမှ ဖမ်းဆီးရမိခဲ့ခြင်းဖြစ်သည်။
“စပါးအိတ်တွေနဲ့ရောပြီး တင်လာတာ။ စပါးအိတ် ၂၆၀ ကို အသေးစိတ်စစ်တဲ့အခါ ဘင်္ဂါလီ ခုနစ်ဦးကို တွေ့တာပါ။ ဒီရက်ပိုင်းမှာတော့ ကားတွေကို အသေးစိတ် စစ်ေ နတာ။ အုတ်ပုံဂိတ်ကနေကျော်ပြီး နောက်တစ်ဂိတ်မှာ စစ်ဆေးလို့တွေ့ရင် အုတ်ပုံ ဂိတ်ကို အရေးယူမယ်ဆိုပြီး စာထုတ်ထားတာ။ အဲဒီအခါကျတော့ အသေးစိတ် စစ်တာပေါ့။ စစ်တဲ့အခါ ဒီဘင်္ဂါလီတွေကို တွေ့တာပေါ့”ဟု ဧရာဝတီတိုင်းဒေသကြီး ရဲတပ်ဖွဲ့မှ ဒုရဲမှူးကြီး ခင်မောင်လတ်က ပြောကြားသည်။
အဆိုပါယာဉ်သည် ဘင်္ဂါလီ ခုနစ်ဦးအား စစ်တွေ-မင်းပြား-အမ်း-ပဒါန်း-ဥသျှစ်ပင် ကားလမ်းမှတစ်ဆင့် ပုသိမ်-မုံရွာကားလမ်းအတိုင်း သယ်ဆောင် မောင်းနှင် လြာ ခင်းဖြစ်ကြောင်း ရဲတပ်ဖွဲ့၏ ကနဦးစစ်ဆေးချက်များအရသိရသည်။
“သူတို့နဲ့ပတ်သက်လို့ သူတို့ကိုတစ်ဆင့် သယ်ပေးတဲ့ပွဲစားလည်း ကျွန်တော်တို့ သိတယ်။ ဒါပေမဲ့ အခုလောလောဆယ် မင်းပြားကို လှမ်းပြီး စစ်ဆေးနေဆဲဖြစ်လို့ နာမည်တို့ ဘာတို့ ပြောလို့ မရသေးလို့ပါ”ဟု ၎င်းက ဆက်လက်ပြောကြားသည်။ အဆိုပါဖြစ်စဉ်နှင့်ပတ်သက်၍ ဘင်္ဂါလီခုနစ်ဦးနှင့် ဆက်စပ်တရားခံများအား ဥပဒေအရ အရေးယူနိုင်ရန်ဆောင် ရွက်လျက်ရှိသည်။