ကချင်ပြည်နယ်၊ ဗန်းမော်မြို့တွင် အမျိုးသမီးငါးဦးအား တရုတ်နိုင်ငံသားများ ထံ ရောင်းချပေးစားရန် ခေါ်ဆောင်လာသူ အမျိုးသမီးနှစ်ဦးအား အောက်တိုဘာ ၃၀ ရက်နေ့က လူကုန်ကူးမှုဖြင့် အမှုဖွင့်ခဲ့ကြောင်း သိရသည်။
ဖြစ်စဉ်မှာ မိုးမောက်မြို့နယ်၊ ဗန်းမော်-လွယ်ဂျယ်သွားကားလမ်းပေါ်ရှိ စိန်လုံပူးပေါင်းစစ်ဆေးရေးဂိတ်တွင် အောက်တိုဘာ ၂၉ ရက် မွန်းလွဲ ၁ နာရီခွဲခန့်က တနိုင်းမြို့နေသူများဖြစ်သည့် မ--------- (၃၂)နှစ် (ဟူးကောင်းရပ်ကွက်)၊ မ--------(၄၀)နှစ်(မုန်တိန်ရပ်ကွက်)၊ မ-------(၃၄)နှစ်(မုန်တိန်ရပ်ကွက်)၊ မ--------(၂၁)နှစ် (ကင်ဆာရာကျေးရွာ)၊ မ--------(၁၇)နှစ်(ဟူးကောင်းရပ်ကွက်)တို့အား တရုတ်အမျိုးသားများနှင့်အိမ်ထောင်ပြုလျှင် ငွေကျပ်(၂၀)သိန်းစီ ရမည်ဟု ပြောဆိုစည်းရုံးပြီး နယ်စပ် လွယ်ဂျယ်မြို့သို့ခေါ်ဆောင်လာသူ မတိန့်ဇယ် ၊မတိန့်မျှော် တို့နှင့်အတူ စစ်ဆေးတွေ့ရှိသည်။
ယင်းနောက် ဆက်လက်စစ်ဆေးရာ အမှုစတင်ဖြစ်ပွားနေရာသည် ဗန်းမော်မြို့၊ ဂျူနိုတည်းခိုခန်း၌ဖြစ်ကြောင်း သိရှိရသဖြင့် ဗန်းမော်မြို့မရဲစခန်းသို့ လွှဲပြောင်းအပ်နှံသဖြင့် ပြစ်မှုကျူးလွန်သူ မတိန့်ဇယ်(၃၅)နှစ်၊ မြို့သစ်၊ မိုးမောက်မြို့နယ်နေသူနှင့် မတိန့်မျှော်(၃၂)နှစ်၊ အထက်မော်ဖောင်းကျေးရွာ၊ မြစ်ကြီးနားမြို့နယ်နေသူတို့အား (ပ)၂၆၀/၂၀၁၇ လူကုန်ကူးမှုဆိုင်ရာဥပဒေပုဒ်မ ၂၄/၃၂ ဖြင့် ဖမ်းဆီးအရေးယူ ထား ကြောင်း သိရသည်။
ဗန်းမော်ပွင့်သစ်