ရေးသားသူ Dr. Thiha Phyo Myint
10/11/2017 - 17:26
ဒီအခြေအနေဟာ လူတယောက် ရုတ်တရက် မိုက်ခနဲဖြစ်ပြီး ခဏတာ သတိလစ် သွားတာကို ဆိုလိုပါတယ်။ လူအများအပြားဟာ သူတို့ဘဝမှာ တခါလောက်ပဲဖြစ်ဖြစ် ရုတ်တရက် သတိလစ်သွားတာ ဒါမှမဟုတ် မိုက်ခနဲဖြစ်သွားတာမျိုးကို ကြုံရလေ့ရှိပေ မယ့် ဒါဟာ အန္တရာယ်ရှိတဲ့ ကျန်းမာရေးအခြေအနေတွေ အများအပြားနဲ့ ဆက်စပ်နေ တာမို့ လျစ်လျူရှုထားသင့်တဲ့ အသေးအဖွဲ ပြဿနာတခုတော့ မဟုတ်ပါဘူး။
ဘယ်လိုပဲဖြစ်ဖြစ် လူအများစုဟာ သတိလစ်သွားတဲ့ လူတစ်ယောက်ကို ဘယ်လိုကူညီရမလဲဆိုတာကို မသိတာများပါတယ်။
လူတွေဘာလို့ သတိလစ် မေ့မြောရတာလဲ။
ရုတ်တရက် သတိလစ်ရခြင်း ရဲ့ အကြောင်းရင်း များစွာရှိပေမယ့် နှလုံးနဲ့ သွေးလည်ပတ်မှုဆိုင်ရာ ပြဿနာတွေ ဖြစ်တဲ့ လေဖြတ်တာ၊ ရုတ်တရက် နှလုံးရပ် တာ ဒါမှမဟုတ် နှလုံးခုန်စည်းချက် မမှန်တာတွေနဲ့ အများဆုံး ဆက်စပ်မှု ရှိနေပါ တယ်။ဒါ့အပြင် သွေးအားနည်းတာ၊သွေးတွင်း သကြားဓာတ်နည်းတာ ဒါမှမဟုတ် ရုတ်တရက် သွေးအမြောက်အများ ဆုံးရှုံးတာတွေကြောင့်လည်း ရုတ်တရက် သတိ လစ်သွားနိုင်ပါတယ်။
သတိလစ်မေ့မြောမှုကို ဖြစ်စေတဲ့ တခြား အကြောင်းရာတွေက ခန္ဓာကိုယ် အနေအထားကို ရုတ်တရက် ပြောင်းလိုက်တာ၊ အပြင်းအထန် နာကျင်တာ၊ စိုးရိမ် ပူပန်မှုများတာ၊ ရုတ်တရက် စိတ်လှုပ်ရှားတာ ဒါမှမဟုတ် အလွန်အမင်း ထိတ်လန့် တုန်လှုပ်တာတို့ ကြောင့်လည်း ဖြစ်နိုင်ပါတယ်။ကိုယ်ဝန်ဆောင် ကာလအစောပိုင်း မှာလည်း ဒီလို ရုတ်တရက် မေ့လဲတာမျိုး ဖြစ်ပေါ်နိုင်ပါတယ်။
ဘယ်လိုကူညီရမလဲ။
ဆောင်ရန်
ကြမ်းပြင်ပေါ် ဒါမှမဟုတ် မြေကြီးပေါ် လဲမကျခင် မှီအောင်ဖမ်းလိုက်နိုင်ဖို့ ကြိုး စားပါ။သတိလစ်နေတဲ့သူကို ပက်လက်အနေအထားမှာထားပြီး သူတို့ရဲ့ ခေါင်းနေ ရာက နှလုံးရေပြင်ညီ မျက်နှာထက် နိမ့်နေပါစေ။ပြီးရင် ဦးနှောက်ကိုသွေးကောင်းေ ကာင်းရောက်စေဖို့အတွက် ခြေထောက်ကို သုံးဆယ်စင်တီမီတာလောက် အပေါ်ကို မြှောက်ထားပါ။ လျှာခေါက်ပြီး လေဝင်တဲ့ လမ်းကြောင်းတလျှောက် ပိတ်ဆို့မနေစေ ဖို့အတွက် သတိလစ်နေသူရဲ့ ခေါင်းကို ဘေးတစောင်းထားပေးပါ။မျက်နှာနဲ့ လည်ပင်း ကို စနိုးတာဝါလိုမျိုး နဲ့ ပွတ်ပေး၊သုတ်ပေးပါ။ဒီအနေအထားမှာ ခန္ဓာကိုယ်အပူချိန်က အရမ်း အရေးပါတာမို့ သတိလစ်နေသူကို နွေးနွေးထွေးထွေးရှိပါစေ။
သတိပြန်လည်လာပြီးနောက်မှာလည်း တခါထပ်ပြီး သတိလစ်သွားမှာ စိုးတဲ့အတွက် မိနစ်အနည်းငယ်လောက် သေချာစောင့်ကြည့်ပေးပါ။လူနာ အနားမှာ လူတွေဝိုင်းအုံ မနေပါစေနဲ့။လေကောင်းလေသန့်ကို တဝရှူရှိုက်ပါစေ။လိုအပ်ရင် အရေးပေါ် လူနာ တင်ကားကို ဖုန်းဆက်ခေါ်ပါ။
ရှောင်ရန်
သတိပြန်ရလာအောင် ရိုက်တာမျိုး၊အတင်းလှုပ်နိုးတာမျိုး ဘယ်တော့မှ မလုပ်ရပါဘူး။ သတိလစ်နေတဲ့သူကို အစာကျွေးတာ၊ရေတိုက်တာမျိုး မလုပ်ရပါဖူး။ တကယ်လို့ အဆာလွန်ပြီး (သွေးတွင်းသကြားဓာတ် အလွန်အကျွံ ကျဆင်းပြီး) သတိလစ်တာဆို ရင်တောင် လုံးဝပြန်ပြီး သတိလည်လာတော့မှ အစားအသောက်ကျွေးဖို့ ကြိုးစားရပါ မယ်။
သတိကောင်းကောင်း ပြန်လည်မလာသေးခင် ဒါမှမဟုတ် အားပြန်မပြည့်သေးခင် လှဲနေရာက ထခိုင်းတာမျိုးကို ရှောင်ကြဉ်ရပါမယ်။
မူးမလဲအောင် ဘယ်လိုကာကွယ်ရမလဲ။
လှဲနေရာက ဒါမှမဟုတ် ထိုင်နေရာက ထရင် ဖြည်းဖြည်းချင်းထပါ။ရုတ်တရက် ဆတ်ခနဲ မထပါနဲ့။ လည်ပင်းနားတဝိုက်မှာ အရမ်းကျပ်နေတဲ့ အဝတ်အစားမျိုးတွေကို မဝတ်ပါနဲ့။
ဆရာဝန် ညွှန်ကြားထားတဲ့ ဆေးတမျိုးမျိုးကို သုံးစွဲနေရပြီး သတိလစ်ချင်သလို ခံစားရတယ်ဆိုရင် ဆရာဝန်ကို အမြန်ဆုံးအသိပေးပါ။ အစားအသောက် မှန်ပါစေ။
ရုတ်တရက် သတိလစ်ခြင်းဟာ သင့်ခန္ဓာကိုယ်မှာ ပြဿနာတခုခု ရှိနေကြောင်း အချက်ပေးခေါင်းလောင်းသံ ဖြစ်သလို အန္တရာယ်များတဲ့ အခြေအနေတခုလည်း ဖြစ်တာမို့ ဒါကို ဘယ်လိုကိုင်တွယ်ဖြေရှင်းကုသမလဲဆိုတာ သိထားဖို့ အင်မတန်ကို အရေးကြီးပါတယ်။