-----------------------------------------------------------------------------------------------------------------
၁၄ ဇန္နဝါရီ ၂၀၁၈
ထိုင်းနိုင်ငံ တောင်ပိုင်း Phi Phi ကျွန်းအနီး Andaman ပင်လယ်ပြင်တွင် ကမ္ဘာလှည့်ခရီးသွား တရုတ်နိုင်ငံသား ၂၇ ဦး အပါအ၀င် လူ ၃၀ ကျော် စီးနင်းလိုက်ပါလာတဲ့ အပျော်စီး Speedboat တစ်စီး ပေါက်ကွဲမူဖြစ်ပွားခဲ့ပြီး လူတစ်ဦး သေဆုံးခဲ့ပါတယ်။
ဒီနေ့ ဇန်န၀ါရီလ ၁၄ ရက်နေ့ နေ့ လယ် ၁ နာရီ ခန့် မှာ ဖြစ်ပွားခဲ့တဲ့ Speedboat ပေါက်ကွဲမီးလောင်မှုကြောင့် ထိုင်းနိုင်ငံသားတစ်ဦးသေဆုံးခဲ့ပြီး အများစု ဒဏ်ရာရရှိခဲ့ကာ တရုတ်နိုင်ငံသား ၅ ဦးကတော့ အခြေအနေ စိုးရိမ်ရတယ်လို့့Songkhla ခရိုင်ရှိ တရုတ် ကောင်စစ်ဝန်ရုံးမှ အရာရှိတစ်ဦးရဲ့ ပြောကြားချက်ကို ဆင်ဟွာသတင်းမှာ ဖော်ပြထားပါတယ်။
Speedboard ဟာ ဆီယိုစိမ့်မှုဖြစ်ပေါ်ခဲ့ပြီး သဘောင်္ Captain က အင်ဂျင်ကို စစ်ဆေးနေစဉ်မှာပဲ ရုတ်တရက် ပေါက်ကွဲသွားခဲ့တာ ဖြစ်တယ်လို့ ထိုင်းပြည်တွင်းသတင်းမှာ ဖော်ပြထားပါတယ်။
သဘောင်္ပေါ်မှာ တရုတ်နိုင်ငံသား ၂၇ ဦး၊ထိုင်းခရီးသွား ၅ ဦးနဲ့  သဘောင်္ဝန်ထမ်းတွေ စီးနင်းလိုက်ပါပြီး ကလေးငယ် ၃ ဦးလည်း ပေါက်ကွဲမှုဖြစ်ချိန် သဘောင်္ပေါ်မှာ ရှိနေတယ်လို့ ဆိုပါတယ်။
ထိုင်းအာဏာပိုင်တွေဘက်ကတော့ စုံစမ်းစစ်ဆေးမှုတွေ ပြုလုပ်နေဆဲဖြစ်တယ်လို့ မီဒီယာတွေကို ပြောဆိုခဲ့ပါတယ်။
By - MTN
Photo - Xinhua
