ဆဲဗင်းဒေး ဒေးလီး January 8, 2018
ဘန်ကောက်− ရခိုင်ပြည်နယ်သို့ လူသားချင်းစာနာထောက်ထားမှု ဆိုင်ရာအကူအညီပေးရေး လုပ် သားများနှင့် ဂျာနယ်လစ်များကို လွတ်လွတ်လပ်လပ် ဝင်ထွက် သွားလာခွင့်ပေးသင့်ကြောင်း ရခိုင်ပြည်နယ်ဆိုင်ရာ အကြံပြုချက် များအပေါ် အကောင်အထည် ဖော်ရေးကော်မတီ၏ အကြံပေးအဖွဲ့ခေါင်းဆောင် ထိုင်းနိုင်ငံခြား ရေးဝန်ကြီးဟောင်း ဆာသီရာထိုင်းက ပြောသည်။
ထို့အပြင် ဆာသီရာထိုင်းက ပြီးခဲ့သည့်လက မြန်မာနိုင်ငံတွင် ရိုက်တာသတင်းထောက်နှစ်ဦး ဖမ်းဆီးခံရမှုနှင့်ပတ်သက်၍ စိုးရိမ်မိကြောင်း ထုတ်ဖော်ပြောဆိုခဲ့ပြီး ယင်းကိစ္စက နိုင်ငံတကာမီဒီယာ အပေါ် ကျယ်ကျယ်ပြန့်ပြန့် ကန့် သတ်မှုများဆီသို့ ဦးတည်ခဲ့ခြင်း မရှိဟု ၎င်းအနေဖြင့် မျှော်လင့် ကြောင်း ပြောသည်။
‘‘ရခိုင်ပြည်နယ်ကို သတင်း မီဒီယာသမားတွေနဲ့ လူသားချင်း စာနာထောက်ထားမှုဆိုင်ရာ လမ်းကြောင်းတွေအပြင် တခြားသက် ဆိုင်ရာ ပုဂ္ဂိုလ်တွေကို လွတ်လွတ် လပ်လပ် ဝင်ထွက်သွားခွင့်ပေးဖို့ ဆိုတာ အရေးကြီးတဲ့ ကိစ္စတွေလို့ ကျွန်တော်ထင်ပါတယ်’’ဟု ဘန် ကောက်၌ ပြုလုပ်သော တွေ့ဆုံ မေးမြန်းခန်းတစ်ခုတွင် ဆာသီရာ ထိုင်းက ပြောသည်။
ကုလသမဂ္ဂအတွင်းရေးမှူး ချုပ်ဟောင်း ကိုဖီအာနန်ဦးဆောင် သော ရခိုင်ပြည်နယ်ဆိုင်ရာ အ ကြံပေးကော်မရှင်၏ အကြံပြု ချက်များကို မည်ကဲ့သို့ အကောင် အထည်ဖော်မည်လဲဆိုသည်နှင့် စပ်လျဉ်း၍ အဖွဲ့ဝင် ၁၀ ဦးပါ အ ကြံပေးဘုတ်အဖွဲ့ကို ဦးဆောင် ရန် မြန်မာနိုင်ငံ၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ဆာသီရာထိုင်း (၅၉)နှစ်ကို ပြီးခဲ့ သည့်နှစ်က ရွေးချယ်ခဲ့သည်။
သတင်းမီဒီယာများအား လွတ်လပ်စွာ သတင်းယူခွင့်ပြု ခြင်းသည် စာမျက်နှာ ၆၃ မျက်နှာ ပါ ကိုဖီအာနန် အစီရင်ခံစာ၏ အကြံပြုချက်များအနက် တစ်ခုဖြစ်သည်။
ရိုက်တာသတင်းထောက် နှစ်ဦးဖြစ်သူ ကိုဝလုံးနှင့် ကိုကျော်စိုးဦးတို့သည် နိုင်ငံတော်လျှို့ဝှက်ချက်များအက်ဥပဒေကို ချိုးဖောက်သည်ဆိုသော သံသယဖြင့်ဒီဇင် ဘာ ၁၂ ရက်က ဖမ်းဆီးခံရသည်။
ယင်းကိစ္စနှင့်ပတ်သက်၍ စိုးရိမ်ပူပန်မှုများကို ဒေါ်အောင် ဆန်းစုကြည်၏ အမျိုးသားလုံခြုံ ရေးအကြံပေးပုဂ္ဂိုလ် ဦးသောင်းထွန်းထံတင်ပြခဲ့ကြောင်း၊ ယင်းအမှုကို ပွင့်လင်းမြင်သာမှုရှိရှိနှင့် သင့်လျော်သော တရားဥပဒေလုပ်ထုံးလုပ်နည်းများဖြင့် ကိုင်တွယ်ဖြေရှင်းရန် တောင်းဆိုခဲ့ကြောင်း ဆာသီရာထိုင်းက ပြောသည်။
‘‘ဒီကိစ္စက နိုင်ငံတကာပုံနှိပ် မီဒီယာနဲ့ မြန်မာအစိုးရ နှစ်ဖက် စလုံးအတွက် ဖီလာဆန့်ကျင်ဖြစ် လာမှာ မဟုတ်ဘူးလို့ ကျွန်တော် မျှော်လင့်ပါတယ်။ ဒီကိစ္စက မြန်မာအစိုးရအနေနဲ့ နိုင်ငံတကာ ပုံနှိပ်မီဒီယာကို မကြိုဆိုဘူးလို့ ပြောလိုရာရောက်သွားမှာ မဟုတ်ဘူးလို့ ကျွန်တော်မျှော်လင့်ပါ တယ်။ ဒါကို သီးခြားအမှုဖြစ်စေ လိုပြီး မြန်မြန်ဆုံးဖြတ်ချက်ချနိုင် မယ်လို့ ကျွန်တော်မျှော်လင့်ပါ တယ်’’ဟု ဆာသီရာထိုင်းက ထပ် လောင်းပြောသည်။
ထို့အပြင် ဘင်္ဂါလီများ ပြန် လည်လွှဲပြောင်းပေးရေးနှင့်စပ် လျဉ်း၍ စိုးရိမ်ပူပန်မှုများရှိ ကြောင်း၊ တည်ဆဲဥပဒေအရ မြန်မာနိုင်ငံသားအဖြစ် အသိအ မှတ်ပြုမခံရလျှင်တောင် ဘင်္ဂါလီ များ အကြောက်တရားကင်းကင်း ဖြင့် ပြန်လာနိုင်ရေး ချဉ်းကပ်မှု တစ်ခုကို အကြံပေးဘုတ်အဖွဲ့အ နေဖြင့် ရှာဖွေရန်လိုအပ်ကြောင်း ဆာသီရာထိုင်းက ပြောသည်။
‘‘ရခိုင်ပြည်နယ်အခြေအနေ နဲ့ပတ်သက်ပြီး အဓိပ္ပာယ်ကောက် ယူမှုတွေဟာ ပြည်တွင်းနဲ့ နိုင်ငံ တကာကြားမှာ ကြီးမားတဲ့ကွာဟ ချက်တွေ ရှိနေပါတယ်။ ဒီကွာဟ ချက်ကို တံတားထိုးမပေးနိုင်ဘူး ဆိုရင် အခြေအနေတိုးတက်တာ ကို လိုချင်တဲ့ ကျွန်တော်တို့အား လုံးအတွက် အတားအဆီးတစ်ခု ဖြစ်လာပါလိမ့်မယ်’’ဟု ၎င်းက ပြောကြားခဲ့သည်။
—Ref: Reuters